تعبـــت نفسيـــا وانا ابــجي ... :(

[MiSs-HTNI]

السلام عليكم ورحمة الله وبركاته
شلونكم خواتي كويتيات
بصراحه انتو اهلي وناسسسي وانا بدش بالموضوع على طول مالقيت احد اشكيله واصارحه غييركم


بصراحه انا وحده حيييييييييل انطواائيه وكله قاعده بروحي ليش مااادري مع ان لي شفت احد اسولف واضحك بس بداخلي محروووقه ليش مادري
نفس الاغنيه : اضحك مع هالناس وبداخلي محرووووووووووووق


والله ايام الثنويه يمكن كنت اختلط فبنات واقعد معاهم
اما الحين ماعندي رفيجات
طحت بغلط وانا صغيره بسسبب الفراغ العاطفي وحبيت شخص اكبر مني ب 5 سنين وانا الحين عمري 18
صارلي وياااه مده طويله ماتدرون شكثر احب هالشخص ومتعلقه فيه واهوا نفس الشششي يبادلني الشعور ....




بس مرات افكر .... لي متى انا بهالعلاقه ؟؟؟؟ لازم نفكر بالشي الصـــــح ونترك الغلط .... بس ارد اكلمه .... قلبي مايطاوعني واهوا مو مقصر وياي بولا شـــــــــــــــي .....


بس مشكلتي انا لما كنت صغيره ككنت اسولف مع ولد خاله كان رفيج اخووووي وكلمته فرييــــند واخوي كان يدري ان يسال عني وبينااا سوالف وغشمره ..


كل ما اقووله خلاص دام تحبني ماله داعي العلاقه اللي بينااا خل تصير بالحلال واخطبنيي يقول وووكلام الناس ..؟؟ وولد خالي اللي كنتو تسولفون مع بعض
اقوله والله فريند واهلي كانوو يدروون ان سوالف وضحك وغشمره .ومرات نطلع مزرعه او شاليه ايي ويه اهلي .. اهوا مايرضاااا بهالشي موعاجبه
يقول ماتدرين شنو تفكير النااس لي باجر شافج وياي شنو بقووول ؟ ماتدرين شنو تفكيره ....
اقوله والله اهلي يدرون بهالشي ان كان صديق العايله وجذييي بس والله حدي مقهوره مادري شقووول ...
كل ماقول ببتعد مابي اكلمه ارد ادق تعودت صار مني وفيني ..... شسوي شتنصحووني ... انتو افهم مني وفي خواتنا اكبر مني ينصحوني بالشي الزين

قاعده اتبــــع قلبي موووقاعده اتبع عقـــلي
وانا عارفه غلطي
اللي بتلــووم وتغلط خل تحتفظ بردهاا
انا ابي ناس ساعدني مو تزيد النار حطب

 

[( المـلاك )]

حبيبتي مادري شقولج
بس اذا صارلج معاه مده طويله وانتي الحين عمرج 18 سنه معناته كنتي مراهقه وقتها و هذا اندفاع ..
و اذا نبي ينحل الموضوع ونريح ببالج بنقولج خليه يتقدم و اهو قاعد يتعذر بولد خاله .. و الريال اللي يبيج وشاريج
ما يقول هالكلام .. فمعناته انه بايعج ..
ادري الحقيقه مرة .. ادري هالكلام قاعد يجرحج زياده بدال ما يخفف عنج ..
بس صدقيني .. تتقبلين الحقيقه احسن من انج تعيشين بوهم و عذاب ..
تتعذبين سنه ولا انج تتعذبين العمر كله ..


حطي ببالج و جدام عيونج العيووب .. و باذن الله بتكونين قادره على التخلص من هالشي ..
يعني اول شي قولي دام هذا كلام عن علاقتي القديمة معناته ريال شكاك و باجر لي تزوجني بيأذيني و يعايرني
و احتمال يطلقني لانه يتحسس من العلاقات و راح يغار و يشك ويخلي حياتي كلها جحيم بجحيم ف خيره انه يوخر عني

وثاني شي قولي حبيته من كل قلبي وتعلقت فيه واهو ما يبيني و شلون ارضى على نفسي الحق واحد ما يبيني وانا عندي كرامه وانا استاهل احسن من جذي

و ثالث شي قولي انا كنت مراهقه عشان جذي مندفعه و هذا كله حب مراهقه وكلام ماله معنى انا الحين كبرت وباجر بحصل اللي احسن منه واللي اهو يتمناني ويعيشني احلى عيشه بعد ..

و على هالمنوال مسكي ورقه وقلم و كتبي كل العيوب
العيوب اهي اللي بتخليج قوية
واللي بتكتبينه خليج واثقه فيه ومتمسكه بالكلام اللي كتبتيه

و بالنسبة للريال ( قوليله لي متى بضيع عمري وياك و فوق كل هذا اللي قاعده اسويه حرام بحرام .. اذا تبيني تقدم ماعندي غير هالكلام وتدل مكاني ) و بس صكي الجهاز او غيري رقمج .. واذا يبيج .. بييييييييلج زحف والله .. و لو ما يبيج ماراح تلقينه جدامج كللش ..


ولا تفكرين وتحطين ببالج انج بتنطرينه او بتنسينه
لا تفكرين بباجر

عيشي يومج كل يوم ويومه
ودعي الايام تفعل ما تشاء

ولا تفكرين اكيد راح اموت من القهر
اكيد راح اموت من العذاب
انا ماراح اتحمل

هذا كله كلام فاضي
انتي بهالوقت استغفري ربج و كثري صلاتج ودعائج .. والله ما ينسى عباده ..
و شغلي نفسج بهوايه او دراسه او سفره او نادي او او او ..


و لج مني دعوه صادقه من القلب الله يريح بالج و يطمن قلبج و يهديج و يوفقج =)

 

[Miss Cherry]

الله يهديج بس هذا اللي اقدر اقوله

 

[وحيدة خالد]

توبي لربج واخلصي في التوبه وبنشوفين الخير والحياه السعيدة

الله يهديج

 

[شذى2007]

يالغلا آمبييه صدمتيي كان عمرج ‏14‏ يوم تكمينه


ياقلبي والله نصيحه اخت قطعي علاقتج لاتقولين


يحبي ‏
والله ‏
اللي ‏
يحب ‏
مايسوي ‏
جذيه ‏
بس ‏
ترى

صريح ‏
قالها ‏
بوجهج ‏
عشان ‏
ولد ‏
خاله

انتي ‏
في ‏
حاجه ‏
ماتعرفينها ‏
الرجال مستحيل

يفكر في بنت مجرد انه يشك فيه او تكلمه

طلبتك انتي توج صغيره عيشي حياتج شنو لج

بالطريق فكري بنهايه الطريق بما انه مراح ‏

يتزوجج كرامتج اهم تقبلي مروري

 

[omy nour 3any]

حبيبتي لا تركضين ورا سراب اهو ما راح يتزوجج وقاعد يتحجج بولد خاله....
نصيحه اقطع علاقتج فيه ....
وحفظي هالجمله......



من ترك شئيا لله عوضه بغيره.....

 

[يوآش يوآش]

حبيبتي قاعد يقولج زواج مافي بطريقه ثانيه..

لا تضيعين وقتج وياه هذا قاعد يتعذر ..

 

[أإلع ـشق دلع ـهـأإ]

.







من صجج أنتي ..@@

تقولين يحبني ومأدري أيش ..!!

الولد مأإيفكر يتزوجج أبدأإ ابدأإ .. وقأإلج بس بطريقه غير مبأإشره .. وتحجج بولد خاله ..

اهو يبيج بس عشيقته .. وبسسسسسسسسسسس

يبيج حق الفرأإق .. يعني بالعأإميه يبي يقزرها ويأإج بسسسسسسسسس ..

أإمأ سألفة زواإج صدقيني راح يجي يوم يصدمج ويوقول انأإ خطبت .بعد مأإضأع عمرج ع وسخ دنيأإ ..

وأإنتي راح تأكلينهأإ ..

اتركيه ..

اللي تسوينه حرأإم .. وربج مأإرأإح يسعدج وانتي تعصينه ..


راح تحسين بضيقه وبجي .. لاني ربي قأإل " ومن اعرض عن ذكري فان له معيشة ضنكا "

والشيخ قال ضنكا ض = ضيق .. ن = نكد .. كـ = كدر

يعني اتركيه لوجه الله واستغفري لذنبج ..

وصدقيني سهل جدا تنسينه ..

والله يهديج ..

 

[فرااااولة]

حبيبتي انتي
انتي بعدج صغيرة لا اتدمرين حياتج معاه
اشكره قالج ما يبي يتزوجج والسبة الفريند اللي على قولتج
يعني لو خذاج بيننج
حبيبتي تركي هالسوالف اللي ما وراها الا البجي مثل ما انتي شايفه
يعني بنوتة بعمر الورد جذي يصير فيج؟
انا اعلمج طريقة
موانتي اتقولين انا ادري اني غلطانة
خلاص غيري خطج على طول بدون ما تلتفتين حق قلبج
وعسى ما ابليس دش براسج قووومي قعدي عند اهلج وسولفي وانسي
لا تعطين حق مخج ثانية انه يفكر بهالخرابيط اللي ما وراها الا الهم والغم
وصدقيني راح اييج الشخص اللي يحطج على راسه
وراح تنسينه مع الايام
دوري لج صديقة تكون معاج حيل حيل
عشان بس يضيق خلقج على طول تكلمينها وتصبرج وتهديج
بس هااا مو اتخربج وتعرفج على غيره!!
والله يهديج
اخخخ على العمر اللي انتي فيه، بدال ما تفكرين باخرتج.. وجنتج ونارج قاعدة اتفكرين بهالامور
غيرج بعمرج بنوا قصور ومدن حق نفسهم بالاخرة وانتي حاطة ايدج على خدج وتبجين
اخ جان زين يرجع الزمن عشان نهتم بالحلال ونوخر عن الحرام عشان لانندم حتى لو باشياء بسيطة

 

[إبشر بعزك]

توج صغيره والف من يتمناج الي راح راح ابدي من اليوم لا تضيعين عمرج ووقتج مع واحد ما يستاهلج

الحين بيدج انتي الحل لازم تكونين من داخلج مقتنعه وماخذه قرار نهائي وحاسم انج تقطعين هالعلاقه ما منها فود ما يبيج مو غصب تغصبين نفسج عليه ماعنده ثقه فيج

والله ان شاء الله بيعوضج بزوج صالح يعرف قدرج وقيمتج احسني الظن بالله واكثري الدعاء والاستغفار

موفقه ان شاء الله

 

[خفوق المشاعر]

توج صغيره نصيحه من كل قلبي
اول شي توبي
وحبي ربناااا
وخلج مخلصه بالدعاء
وقولي اللهم اني استودعك قلبي فلا تجعل فيه احدا غيرك
وبتشوفين
بس انتي قوي ارادتج وابتدي من اليوم غيري رقمج وابتعدي كليا عن هالطريق التعبان
فكري ان انتي اكبر من هالشي ومو حلوه في حقج واحد حاطج تقزيره كم يوم ولا كم شهر بس وقت الزواج اقص ايدي اذا خذاج
انتي اكبر من هالاشياء

 

[Qumaar]

تركيه حبيبتي

هذا واحد قاعد يلعب عليج ويقزرها

من ترك شيئاً لله عوضه الله خيراً منه

ادعي أن ربج يمسح على قلبج ويرزقج الزوج الصالح

 

[دلع العتبان]

لو يحبج اخطبج


اتركي درب الشيطان

 

[missdreamer]

صج الحب اعمى !!! في شي كل الي ردو عليج شايفينه وانتـي لأ !!!

الولد يقولج (( وكلام الناس )) يعني أشكره مااااا أبي أتزوجج !!!

كل هذا وما استوعبتي !!
هو لي الحين معاج عشان يبي فريند انتـي صديقته وبس
ويحبج اوكي بس ك صديقه وحتى لو حبيبته

بس أشكره يقولج مايبيج !!!

خلاص عاد
خليه واذا جاه نصيبج استخيري وقبلي

لي متى بتظلين جذي

والله انقهر من البنات الي نفس حالتج يظلون متمسكين بالولد على امل ياخذهم مع انهم يدرون بداخلهم ان ما يبيهم

ترى انا اقولج جذي من الحره عليج

وانتـي نفس اختي واذا اختي بقولها نفس الحجي

وصاجه اختي omy nour 3any من ترك شيئا لله عوضه الله خيرا منه
اخذي بهالكلام وانتـي الي ربحانه
وتقبلي مروري

 

[MiSs-HTNI]

واللــــــــــــه بحاول امشـــــــــــــي على كلاااامكم عشاااااااااان ارتااااح من هالتفكيييييييييييييييييير

 

[حجيه هيونه]

يعني اهو واضح معاج مايبي زواج بس يبي يلعب

حبيبتي انتي متعلقه فيه لانه ماكو غيره بحياتج

اشغلي نفسج عنه وبتلقين نفسج نسيتيه

حرام انتي توج حيل حيل صغيره حرام تضيعين احلى سنين عمرج جذي

 

[رووز q8]

قلبي الله يعينج والله هذا يلعب عليج يعني اهو قالها بصريح العباره انتي كنتي تكلمين ولد خالي شلون اخذج .!! او هذا معنى الي قاله
فديتج تركييه يمكن تتعبين شهر شهرين ثلاثه سنه بس صدقيني راح ترتاحييين عقب

الله يرزقج بولد الحلال الي يصونج وينسيج ..~

 

[broor]

تووووج على الحب
بتكبرين و تصكين الثلاثين و اتقولين وييييي شخباااري

ادري بعمرج الشي مؤلم و صعب و كبير بنظرج .. بس بتوصلين لعمر بتندمين و تحاسبين نفسج لأنج ما استمتعتي بحياتج
life is short enjoy it

 

[PinkY Dreams]

خيوللللللللليييييييييييي زييييين هذا مووووووو رياااال اقسم بالله لو ريال جاان خااااف عليج وفكر بعلاقه شرعيه ويه واخطبج على طوووووول


بالعكس لاتبجييييييين واستانسي وفرحيييييييي وطييييييري طيييييري من الوناااااااسه لانه ربي سبحانه فكج من شيطااان كان يستغل نقطة ضعفج ولأنه الله يحبج تستر عليج وليلحين ماأنفضحتي جدام خلق الله

توج صغييييييره نصييييبج بييلج ليييييه بيتج وانتي ماتحسين صدقيني ربي كاتبلج نصيبج من يوم وانتي كان عمرج 4 شهور في بطن امج تخيلي من يوم وانتي تحوسين في بطن امج وربي كاتبلج نصيبج

دام قالج جذي قوليله مااااااااااتشووووووووف شر وانا هدفي زواج وانت ماتبي خلاص عيل توكل على الله


لاتسمحين للشيطان يلعب بعقلج وبقلبج صيري انتي اقوى من الشيطان

وحبيبتي ترا هذا كله حب من الشيطاااااان
الحب الحقيقي حب الأم والاب والزوجين واكبر حب حب الله وحبي نفسسسسسسسسسسسسج

عيشي حياتج طلعي واستانسي وايد بنات بعمرج مايكلمون و حابين نفسهم ومرتاحين ومستانسين ويطلعون ويستعبطون ويضحكون تبين تصيرين مثلهم ؟ اول شي تركي الي تكلمينه لانه كله خرابيط ومو انتي الي تيبين نصيبج لج النصيب بيد ربي سبحانه مو بيدج وثاني شي صلي صـــــــــــــلــــــــي انتي تقولين انا كل يوم ابجي لانج يمكن ماتصلين
وشوفي الله سبحانه شلون بيوفقج بدنيتج وبيسعدج

جنننننننننه العيييييييييييييييييييييد تفلي بوييييييييهااا وغيري رقمج ولو في امه خير تعال ياحمار وهدد

لاتخافييييييين منه هذا قاعد يتخيل انه اهو ريال و مع انه الصج مو ريال
وانتي لاتبجين جدامه اذا بجيتي جدامه جذي تحسسينه انه اهو قوي ويتخيل نفسه انه ريال اخاف صج بس اهو ريال

 

[a7la_frawla]

انتي لانج شفتي اهتمام منه علشان جذي متعلقه فيه وايد
ماالومج والله
بس حاولي لاتضغطين على نفسج كل شي مره وحده تسوينه
فكري كل يوم بشي
حطيلج دفتر وكتبي فيه كل شي وعقب ردي واقريه بتعرفين كل شي وهني بتكونين قاعده تفكرين بعقلج
وراح تسوي اللي عقلج يبيه
حاولي تقوليلنه اني ببتعد عنك واذا تبيني بيت اهلي موجود
صح احبك ومااقدر اعيش بدونك بس لازم يصير هالشي ولازم تقدر هالشي

والله يوفقج ياارب