تعبت ومليت ساعدوني...

[sona87]

السلام عليكم

حبيباتي

كتبت لكم عقب ما فقدت الامل ونفسيتي تعبت وقمت اجامل فيما فيه الكفايه

انا صارلي متزوجه 3 شهور ولا حسيت اني عروس كلش
بس اول ثلاث اياييم فندق ونطلع

عقبها انا والمخده واحد بالشقه ,!!!:eh_s(11)::eh_s(11)::eh_s(11)::eh_s(11):

اخر مره طلعت من شهر بيوم عيد ميلاده ...... وبعدها يوعدني ويكشت فيني كذا مره واذا طلبته انروح فلم
يقول ماله داعي بعدين اشتريه والله مليت روتيني ممل .... وكل ما اقوله خلنا نطلع يعصب يقولي بس همج الطلعه؟؟؟؟ يارب هذا شنو ارد عليه؟........ حتى مع خواتي ما يخليني اقوله شنو السب يقولي باجر الناس شنو بتقول.؟؟؟؟ اقوله انا شنو مسويه علشان الناس تتكلم والناس بتخلي كل البنات وبطالعني....


اقوله انا ابي اطلع وياك وانت موراضي تطلع والمشكله عنده يومين اوف من دوامه من كل اسبوع ولافكر يطلعني واليوم عنده اوف طلع وراح يسوي سيارته ماعنده غير سيارته السبورت و مجابل النت واتحمل


والله ما احس اني عروس ولا اني مستانسه لازم كل يوم ابجي ... واذا قعدت معاه بالصاله متزينه ومتعطره ينسدح احاول كل مره انا ابادر وادلغه وانا ما اشوف منه مبادره .... والحياة اخذ وعطا ما ني عارفه شلون اغيره طبعه متعب وممل ..... ساعدني ثاعده اكتب لكم وحدي متضايقه مو عارفه شلون اتصرف وياه كل شي يبيه اسويه غيرت وايد اشساء فيني علشانه واهو شوي قايلي انا جذي ما يعرف يغير روحه علشاني ويقولي انتي متزوجه وعندج مسوليات لاتفكرين بالطلعه شنو اللي تتزوج تصير خدامه؟؟؟؟؟ واهوا مافكر بواجباته ؟؟؟؟؟حتى جمعيه ما يجيل يعتمد على خالتي؟؟؟؟؟ وانا بعد صايره انا اشتري من حسابي....!!! والله ما احس اني متزوجه...:eh_s(11):

 

[iLLuMinaTion]

الله يعينج

 

[زبــــــــدة]

حبيبتي الله يعينج

كلمييية جد وتفاهمي معاه ... واهوا لازم اول شي جذي تصير مشاكل خفيفه لما تتعودون على بعض

 

[جوري الصالح]

حبـــــــــوبه الله يـــعـــينـــج
حطــي حـــد للتــصرفاتــه
قــــــعدي معـاه وتفـــاهمي

 

[غلا الغوالي]

​

​

​

ياقلبي الله يفرج همك ويسسعدك تفاهمي معه بهدوووء وجو رومانسي

واذا مانفع كلمي احدعاقل يكلمه يعلمه ان لك حق عليه مثل ماله حق عليك

وكثري دعاء ربك سميع مجيب
​

​

 

[سبحآن الله"]

احس للحين ماستوعب انه متزوج ومسؤوليات ومدري ايش ..
وحتى دليل انه للحين ماستوعب مايخليك تطلعين لأن اكيد لما كان عزوبي كان يطلع بروحه ويرد بروحه ف ما تأقلم مع كلامك عطيه فرصه توه ما تأقلم عادي تصير .. بس حاولي تنبهينه عشان يحاول يفكر بينه وبين نفسه اذا سكتي ماراح يتغير

 

[M!SS.LOBY]

الله يعينج

 

[رنيم الروح]

حبيبتي بالهداوه وبالتدريج راح يتغير لانه زوجك متعود على حياته قبل الزواج واهتماماته الخاصه متعود على طريقته فانتي دخلتي عليه في حياته صعب اتغيرينيه بيوم ولليله يبي صبر كلميه حاولي معاه بدون تشنجات ومشاكل
والحياة الزوجيه طويله وهذي ماتعتبر مشكله لانه في مشاكل اكبر من هالموضوع

 

[sona87]

مشكورين ماقصرتوا حبيباتي


ادري كل شي ينحل لكن ابي نصيحتكم شلون اغيره


على فكره هذي ثاني زواجه لي وله

يهعني كان عنده خبره

بس هذا طبعه مايتغير يحب البيت ماعنده غير دوام

ويروح يمشي
او شويخ حق سيارته ......
ساعات اشتهي مطعم ما يعبرني

 

[Patcholli]

حبيبتي يمكن ريلج منقرص من زواجه الاولي من جذي قاعد يسوي هالحركات
مو معقوله يعني جذي توكم 3 شهور واخر طلعه من شهر ؟؟
وشنو يعني المسؤليات الي عليج الي لازم ماتطلعين يوم واحد بالاسبوه تغيرين جو ؟؟؟
حبيبتي تكلمي معاه بكل صراحه وقوليله مايصير هالوضع كل الناس يطلعون وكل المتزوجين يطلعون انت من اول 3 شهور محسر علي وتبي تحسبني وماحسستني اني عروس ؟؟
عالاقل يخصصلج يوم واحد بالاسبوع مو كل يوم
قوليله كل المتزوجات قايمين بواجباتهم ومسؤلياتهم بس مو معناته انهم يندفنون ويقعدون بين 4 طوف
الواحد تطق جبده يبي يطلع يبي يشم هوا مايصير جذي

 

[sona87]

حبيبتي يمكن ريلج منقرص من زواجه الاولي من جذي قاعد يسوي هالحركات
مو معقوله يعني جذي توكم 3 شهور واخر طلعه من شهر ؟؟
وشنو يعني المسؤليات الي عليج الي لازم ماتطلعين يوم واحد بالاسبوه تغيرين جو ؟؟؟
حبيبتي تكلمي معاه بكل صراحه وقوليله مايصير هالوضع كل الناس يطلعون وكل المتزوجين يطلعون انت من اول 3 شهور محسر علي وتبي تحسبني وماحسستني اني عروس ؟؟
عالاقل يخصصلج يوم واحد بالاسبوع مو كل يوم
قوليله كل المتزوجات قايمين بواجباتهم ومسؤلياتهم بس مو معناته انهم يندفنون ويقعدون بين 4 طوف
الواحد تطق جبده يبي يطلع يبي يشم هوا مايصير جذي

والله ياقلبي كلمته وقلت له ويعصب يقولي يهمج الطلعه خلاص لاتفكرين بالطلعه انتي عندج ريل وبيت ومسؤليه؟...

انا حدي مستغربه من طبعه وتفكيره...... اهاو يحبني بس الطبع اللي فيه متعب ....

ابي اكسبه صوبي اكثر ودي اخليه ما يرضى على زعلي

 

[بحور العنا]

ماعليه حبيبتي طولي بالك ومن صبر قدر
هالامور يبيلها وقت والاهم هو طولة البال
حاولي انك تكلمينه بهالامور باوقات مناسبه بس هاه ديري بالك لاتفتحي له اي موضوع وهو توه صاحي من النوم او راد من دوامه او قاعد على وجبه
بالاوقات هذي غير مستحبه عند الزوج
انتي بادريه قوليله انا عازمتك على العشا او سينما لعل وعسى انه يحس شوي
والله يوفقكم حبيبتي ويصلح مابينكم

 

[Patcholli]

بط جبدي ريلج الصراحه والله شنو هاذا
كل الحريم عندهم بيت ومسؤليه وشغل البيت هاذا روتين يومي وكل يوم الواحد عنده شغل والتزامات مو معناته انج ماتطلعين
خصوصا وانتي عروس
قوليله انا ماقتلك بطلع كل يوم ولا قتلك بهد مسؤلياتي واهايل بالشوارع انا بطلع معاك ساعه ولا ساعتين اريح من شغل البيت شوي واغير جو وبعدين بيت وزوج خو انتي بتطلعين معاه منتي مخليته بالبيت بروحه وكاشته فيه وطالعه عشان يقول بيتج وزوجج
قوليله بيت وزوجي على عيني وراسي وبعدين انا كل يوم عندي بيت وزوج مو معقوله كل عمري ماراح اطلع من البيت ..!!
حبيبتي نصيحه لاتسكتين عن حقج وخل يعصب مره مرتين ثلاث هاذا حقج حرام عليه
حتى لو يحبج مو من حقه يحبسج بالبيت بحجه سخيفه نفس هاذي
كل الناس تطلع انتي شقاصرج عنهم ؟؟؟
وساعتين بالاسبوع شراح تضره فيه ؟؟

 

[Patcholli]

ام حمني والله نصيحه خلج حبوبه مع ريلج وعلى طول الابتسامه على شفايفج بس لما يوصل الموضوع لي حقج جادليه وناقشيه راح يزعل وراح يقلب السالفه عليج بس لاتتراجعين ولا تعتذرين ولاتعودينه ان تسكتين وتطنشين على كلشي عشانه
باجر بيزعلج وبيخليج تراضينه بعد
مثل ما انتي مو مقصره معاه ومعطته حقوقه ليش يقصر معاج ؟؟

 

[همس آلخجل]

الله يصبرج ويعينج
والله مادري شأقولج
بس اكيد كل بنية في بداياتها بالزواج تصير مشاكل
بس صارحيه بهالشيء وقوليله اكيد اهوا بيتفهم

 

[Smchoocha]

طلعي معاه وقت يقضي مشاويره اذا المكان يسمح دام ما عندكم عيال و مسؤوليه
وين مايروح قوليله عادي اروح معاك باسلوب حلو و ابتسامه
حتى لو رفض مره مرتين بعدين بيستانس انج مهتمه فيه
و لمن يخلص مشاويره عاد انتي اهني استخدمي ذكائج و قولي يوعانه او عادي نروج المكان فلاني دام طالعين

 

[امـ خــزامـى]

كل بدااايه تكون صعبه انت عليك تصبرين وتحاولين
وكل شي بهدوووء وبروقان يصييييير



وتأكدي ان كل علاقه جديده تكون فيها تصااادم لان كل واحد متربي على ااسلوب
وطريقه معينه ومختلفه

 

[sona87]

ام حمني والله نصيحه خلج حبوبه مع ريلج وعلى طول الابتسامه على شفايفج بس لما يوصل الموضوع لي حقج جادليه وناقشيه راح يزعل وراح يقلب السالفه عليج بس لاتتراجعين ولا تعتذرين ولاتعودينه ان تسكتين وتطنشين على كلشي عشانه
باجر بيزعلج وبيخليج تراضينه بعد
مثل ما انتي مو مقصره معاه ومعطته حقوقه ليش يقصر معاج ؟؟

بعد قلبي انتي ماقصرتي والله
حبيبتي فديتج تسلمين

انا حبوبه معاه ودوم مبتسمه واتغشمر معاه وادلعه

بس لازم اداله بحقي وبوايد امور علشان يكون لي كلمه عنده حتى لو شوي ويحط لي

اعتبار

 

[sona87]

بعد قلبي بنات كلكم ماقصرتوا ربي يسعدكم دوووم

 

[زوجة عزيز]

الله يعينج ويسخره لج