أنا أقولج (=
روحي الصيدليه وقوليله أبي (مرهم بيبانثين) المرهم مو الكريم عليه خط وردي
كل يوم بالليل قبل لا تنامين غسلي ويهج عدل بصابون ونشفين وحطي طبقه كثيفه من المرهم وسوي مساج مساج مساج
والصبح بس غسلي ويهج بماي (راح تلاحظين شلون بشرتج ملمسها رطب)
خلج على هالحال اسبوع كامل <<< وراح تشوفين اللي يرضيج
بعدين قبل لا تحطين كريم الأساس حطي مرطب على ويهج
(أنا شخصيا استخدم مرطب من الجمعيه من منتجات ايفا المصريه ايي بعلبه مدوره لونها بنفسجي كريم مرطب بالجلسرين)
احط شوي واحط فوقه كريم الأساس
لازم الترطيب يوميااااااااااا حبوبه والطريقه اللي قتلج عنها والله وااااايد فادتني خصوصا ان بالشتا يتني فتره بشرتي صارت نفسج الكريم الأساس يلوع الجبد عليها ومقشره
وكريمات الأساس اللي حبيتهم كريم (كوفير ديرم) من الصيدليه <<< بس الكفر ماله قوي وشوي ثقيل انا أخففه بالحمايه مالتي
يعني احط شوي من الأساس مع شوي من الحمايه واخلطهم بايدي واحطهم
وعندج كريم الأساس مال (جيفنشي) وايد حبيته وخفيف
(( اخذي كريمات الاساس الخاص بالبشره الجافه حبيبتي ))
واسبوعيا سوي سنفره حق ويهج
(انا اسنفر ويهي بقهوه تركيه) ومرات احط معاها شوي زيت جلسرين
ولا تنسين الماسكات اللي ترطب الويه وأحلاهم
ملعقه شوفان (كويكار) + م عسل + م حليب بودره >>> خلطيهم بحليب سائل أو ماي ورد .. خلي الخليط شوي ثقيل مو سائل وحطيه على ويهج لما تحسين صار جاااااف
غسلي ويهج بماي دااافي
بعدين نشفيه وحطي مسحه خفيفه من مرهم بيبانثين بس مسحه خفيييييييفه
سوي اللي قتلج عليه وادعيلي ترا كله انا مسويته وبتجربتي (=
