تعبت وربي تعبت ....

[غلاها ابوها]

مرحبا خواتي ...
شخباركم ...؟
حبيباتي خواتي بغيت منكم رايكم فمشكلتي اللي اعاني منها مع زوجي وابي نصايحكم والحل لهالمشكله ...
انا متزوجه صارلي سنتين وعندي ولد واحد الله يخليه لي ...زوجي ولد عمي ...ومن كنا صغار احنا مخطوبين لبعض...
كنت احبه .. لكني الحين اكرهه.. او اني ماعاد ارتاح معاه .. لدرجه يسالني تحبيني ماارد عليه اخاف اقول له كلام اجرحه ...
مشكلتي معاه ... هاملني كثير ... لا يسالني وين رايحه ومتا تردين...اروح الكليه اقعد من 8 الصبح لي 5 العصر ولا يدق يسال عني... لا يوديني الكليه ولا يجيبني منها ...كل ماقلته قال السايق ادفع اللي يبيه بس يوديج ويجيبج انا مالي خلق اوديج واجيبج..
اروح السوق دايم مع امي او خواتي هو مايوديني يقول اعطيج اللي تبين بس مااوديج والمشكلة اني اذا جيت وخلصت الفلوس وشريتلي اغراض ياليته يسكت يقول الفلوس صرفتيهم على نفسج والا عطيتي اللي معاج من فلوسج ...سينما مايوديني دايم ماله خلق ويوميا يطلع مع ربعه كل الافلام وانا حتا فلم واحد مايوديني ...يقول اذا نزل على سي دي اجيبه لج وشوفيه بالبيت ...
مطاعم على حسب مزاجه هووو اذا فاضي او جوعان يجاملني ويقول تروحين مطعم ...
بالشقه مااصادفه اذا انا نايمه هو قاعد واذا انا قعت هو ينام ...نادرا مانتصادف نومتنا مع بعض بسرير واحد ...
قعدتنا غير مو مع بعض ونومتنا كل واحد بروح .. قعدتنا في الصاله اذا تصادفها هو باول الصاله وانا باخر الصاله ..احس مافي تقارب عاطفي بينا ...
اهم ماله ربعه .. طلعاته ... النادي ... والبلستيشن حيااااته لو يلعب بالسوني 24 ساعه عاادي...اقعد عنده ولا كاني موجوده انا والقنفه وااحد ...
مليت من هالاهمال...
اكبر من جذي حقي الشرعي مايسويه لي ( الجماع مايجامعني الا مره بالشهر) واحس انه مجامله عالسريع والله ولا احس بشي...
اانا اللي سمعت فيه ان الواحد يقعد يتغزل بزوجه يجاملها يلاعبها قبل لجماع ... انا والله يابنات البس لبس مفاصيخ عاااااااري ... وامشي من عنده ولا جنه يطالع ...
في احد يجي لزوجته وهي كاشخه وجايبه اقصاها في اللبس والكشخه ومزينه الغرفه ومبخرتها يجني يطالعني يقول يالله عالسريع انا تعبان وكل يوم تعبان ...مره مصدع مره بطنه يعوره وغيره وغيره...
تهاوشت مره معاه على هالسالفه قال انا مدمن عالعاده السريه والتحلم ... ومره فتشت لابتوبه لقيت مواقع للافلام الخلاعيه شي موو طبيعي ...قذاره قذاره موطبيعيه ...

يعني انا واثقه من نفسي جمال ودلال ونعومه وذرابه ... والحمد لله كل مو ل مقومات الجمال فيني بس الحمدلله حلوووه ... لدرجه لابد كل عرس ناس تخطبني يعني مو ناقصني شي والحمدلله

تدرون متا اتعب واحس اني متضايقه .. لمن اشوف رفيجاتي وخواتي وبنات خالتي يسولفون عن ازواجهم ومواقفهم وياهم وطلعاتهم مع بعض وسفراتهم وانا ساكته يحز بخاطري بعض المرات اضطر اني اجذب واقول اشيا مو صحيحه بالواقع بس عشان مايحسون بشي ..
وامي اذا رحت السوق وياها تختارلي قمصان نوووم وانا اقول عندي يمه واجد مايحتاج تقول لا تغيير واخذ اجاملها مابيها تحس بشي...
قمصان عرسي لي سنتين للحين في بعضهم مالبستهم ...
انا ماقلت لاحد لمشكلتي ولاحتى لامي اقرب الناس لي مابيها تتضايق عشاني...

قلت مالي الا خواتي كويتيات يقرومن مشكلتي ويلقولي الحل ....
لاني تعبت والله تعبت نفسيتي تعبت وماعاد اقعد مع البنات واااجد مابي اسمع شي واحسدهم عليه..
الله يوفق الجميع ويسعدهم يااارب ... ويرزقني ويصبرني...
ارجووووكم ابي الحل مالي بعد الله غيركم لاني بجد ماعدت اطيقه احس اني اكرهه لانه تعب فسيتي وتعبني ..

 

[مناير ...!]

حبيبتي الله يعينج
ريلج الله يهديه وقح مع احترامي الشديد لج
ولاشلون ايبطها جذي ويقول انا مدمن عاده سريه
انزين شحقه تزوجت

البلاي ستيشن لعبي معاه
وصارحيه يوم والوضع هادي
طلعي كل الي بقلبج
بدون هواش يدون صراخ
تحجي بنفس طريقتج اهني بالموضوع
دوري الحل عنده طلعي كل الي بقلبج
ابجي وتحجي ولاتخلين بقلبج شي

 

[قفشـه]

ريلج يبيله نفض عدل

انتي مدلعته حيييييييييييييييييييييييييييييييل

والله مال تلعنين بو خامسه يمشي سيداا

الزبده ريلج عباله عزابي مهمل بلامسؤوليه والفضل لج

خربتيه والله

خليني اروووووق واقولج شلون تأدبينه

وحتى ذلك الوقت ان شالله البنات مايقصرووون

 

[(*ام عهــــد *)]

صراحه مادري بس مابغيت أطلع من غير رد
يعني الله معطيه زوجه العاده السريه ليش ؟؟؟ لاحول ولاقوة إلا بالله تعالي له من ناحية الدين رسايل وتحطين له بطاقه بالسياره دعويه
حطيله شريط بالسياره عن أضرار العاده السريه شريط ديني وعن حقوق الزوجه
زوجج مو ناقصه دلع ولبس دام انتي مو مقصره
بس يبيله شى قوي عشان يوقف المصخره اللي عايش فيها
وشغله ثانيه مشاويرج عوديه هو يتكفل فيها قوليله انت ملزوم فيني ولا ليش متزوجني؟؟؟

 

[ღღ LoVe ღღ]

وقفي عن التشكي وصيري قويه وحبي نفسج ودلليلها واهمليه

بينصدم

وينشغل باله فيج

 

[[ мαĻαķ 69 ]]

ماحب هالنوعيه عيل ليش متزوج دام مب قد الزواج مهمل وجاف مافي لا اسلوب عدل ولا يعطيج حقج :eh_s(14):

استغفر الله العظيم

اسمحيلي اطلع من موضوعج قبل لا اخورهاا تنرفزت حدددي :eh_s(4):

ما اقول غير الله يكون بيعونج ويهديه ويصلحه

:eh_s(17):

 

[| حور آلمطيري |]

،

مالك الا انك تصارحينه على يوم وتفضفضيله كل اللي بقلبك ..
ولا تقربي منه باسلوب دلع ..
خليه ينسدح علي فخذك ولعبي بشعره وصااارحيه
وفتحي عيونه على مآثر وذنوب العاده السريه
وربي يوفقك معاه ويسخرلك قلبه ياقلبي

 

[عيني عليه]

انا استغرب من البنات اللي يقولوون ازواجنا مدمنيين عادة سريييية .... ياخي متى مابغيييت تعااال انا اسوي لك نفس اللي تسويييه لنفسك ... وانتي تقدريين تستمتعييين معاه بطرق ثاانيه مو شرط الا هذاااك ... سووري يعني .. بس للتوضيح ...

وبعدييين ترى الوحده على اللي تربي زووجها عليييه ... وانتي توج متزوجه ... يعني الحيين تشكليين زوجج مثل ماتبيين ...بتتهاوشيين وبتتذابحيين ....بس في النهااايه بيتربى ...

ليييييش ترضيين تقضين اشيااج مع اهلج ؟؟ ماتقضي لي امووري انا بعد مااقضي لك اموورك ...

سالفة الطلعه واااجد بناات يعانوون منها وانا وحده منهم ... بس بعد الجهد والجهيد خلا لي يوووم واحد اللي هو الجمعه يطلعني فيييه ... وبعدددددددد شنووووو وانا زوجي بيتووتي بعد ...اهون شوي من انه يطلع اهو مع ربعه وانا معاي لااا...

بس انتي خلييج وراه لاتتركيينه ...جربي انتي تعزمييينه .. خلييه يجرب الطلعه ويااااج وانتبهي لاطلعتوا تكدرينه ... عشاان يحس انه الطلعه معااج حلوه ويعيدها

لاتخلييينه يناام برووحه .... دخلي انتي معااااه .. ونامي جنبه وضمييه حركي له شعره حكي له ظهره سوي له اشياااء تدوخ وتجييب النعسه ... شوي شوي بيتعود علييج ومارااح يعرف يناام الا وانتي معاه واهو اللي بينادييج ...

على قولة البناااات لعبي معاه بلي ستيشن اذا يحبه ... اممممم قعدي وقت الوجبه طبخي غداااا رجلج وتغدو جميييع ... شنو كل واحد ياكل بروحه .. اكلكم كله من بره ماتطبخييين ؟؟

حتى لو تطبخيين واهو يجي متاخر لاتاكلييين ... كلي شي خفيف وخلي اكلج معاااه ... ودقي عليه قولي له تاخرت وانا جوعاااانه ومااعرف اكل الا معاااااك ... انتتتتتتتتي عودييييه ...

ولا تكرهيين زوجج حبووبه ... لانج كذاا مثل اللي تستسلميين لعيووبه وماراح يكون لج دوور في تغييره ... ماافي رجااال كاااامل كل الرجاال فيهم عيووووب ... والشاطره منا اللي تعدل ..

 

[jooosy]

الله يعينج والله
انا بعرف هالرياييل الي موقد الزواج ولا اهم مال مسؤليه وبيت ليش يتزوجون ويظلمون بنات الناس معاهم
ابصراحه انتي غلطانه
شافج ساكته وقام يلعب عليج
وقفي عند حددددده
ابيوم وانتي خلاص مو قادره تتحملين ومنقهره وواصله حدج طلعي الي ابقلبج كلللللله وقوليله اعطيك مده اسبوع ان ماتعدلت معاي وحسستني اني انا صج متزوجه وعندي ريل والله لقول حق اهلي واهلك عن العيشه الي انا عايشتها معاك واقولهم عن سوالفك كللها واقولهم انك حتى حقي الشرعي ماتعطيني اياه والسبه انك مدمن عالعاده السريه
وشوفي يتعدل والا لا
وان ما تعدل صج دخلي اهلج بالسالفه
لا اتقولين لا وفشله
هذي ما فيها فشله
هذي حياة اني مو قادره تتحملينها وتتقبلينها
ليش اتدوسين على نفسج عشانه
واهو ولا هامه شي
الوظع الي انتي فيه موطبيعي وما ينسكت عليه
هذي عيشة وحده امعلقه ومو عارفه شنو وضعها بالظبط

 

[جديده 1]

بصراحه وايد اشوف اشياء جذي ..

نصيحتي لج .. حاولي قدر المستطاع انج تتخلصين من سالفه العاده السريه لانها صج ادمان و اللي يسويها يصير مايشتهي مرته و الافلام الخلاعيه مسحيها من لابتوبه و اللي فيها فيها .. مشاويرج اجبريه يوديج قولي له مابي السايق انا مو متزوجه السايق عشان اروح و ارد معاه !!

البلايستيشن حاولي تلعبين معاه و او تسألينه شنو اللعبه و شلون التوصيل فيها !! نومج حاولي قدر المستطاع تنسقين معاه بالنومه يمكن كليه صعبه حاولي ماتاخذين صيفي لو تقدرين .. لو قاعد بآخر الصاله اروح اقعد يمه مو اعاند و ابعد عنه .. فاتحيه بالحق الشرعي قولي له ابي حقي بالحلال صرت اتعب .. باين ان زوجج عايش حياته العزوبيه السابقه .. بالركاده شوي شوي ترجعينه مثل أول و تغيرينه للأفضل .

 

[هديتني يازمن]

الله يعييييييييييينج

 

[ياحب قل حلاك]

لاحول ولاقوه الا بالله

 

[غنج اهلها]

المصيبه في صراحته لج والشغله اللي يسويها تدمررررر

ربي يهديه ويسخرة لج

 

[الأميرة جوري]

الله يهديه..

 

[غير كل الناس]

الله يحنن قلبه ويسعدكم

 

[رحيل المرافيء]

هو من اول ماتزوجتوا جذيه ولا بعد البيبي ؟؟؟؟؟؟؟؟؟
يمكن تكونين ما اعتينيتي بنفسج بعد الولادة هذي نقطة
واحس انتي تتحملين جزء من المسئولية بعد سوي جووو بالبيت احسج هادية وسلبية وايد
سوي جو بالبيت ضحك فرفشة حطي حب ومكسرات وطالعوا فلم لعبي معاه بلي ستيشن يحب الحداق
روحي معاه الحداق يحب القنص روحي معاه شاركيه
نظمي نومج ووقت اكلج معاه مو كل واحد بروح
انتي بادري قوليله كلام حب غزل مسكي ايده لبسيه هدومه سبحيه تسبحوا مع بعض
سوي لحياتج جووووو
بعدين اذا اللبس العاري مايغريه لاتلبسين لبسي لبس عادي بس دلعته وسيعة جمومه وساع يغري اكثر

 

[بطوووطة$بيضة]

الله يهديه انشالله يقولون في اول خمس سنين زواج مشاكل وبعدين خلاص يصير الوضع عادي

 

[dectora 7elwa]

البلا كله
من هاللي مدمن عليه
هو اللي مشبعه ومخليه عمي من ناحيتج

 

[zaina alotibi]

اللي يعينج بس زوجج هذا محتاج وقفة جادة منج ولاتتساهلين معاه وظحيله بصراحة ليش التلميحات وانتو ازواج

(آنا تصرفاتك تظايقني لازم تغير من نفسك واطباعك واذا محتاج مني مساعدة آنا حاضر لكن تستمر بالغلط لأ)

 

[love u 4 ever]

مالك الا الدعاء ثم الدعاء لحي بالدعاء وقومي الليل وربي راح يتغيرحالك وراح تعيشين بسعاده بينك وبين نفسك واستغفري بنيه ان ربي يصلح حالكم

يارب يسخرلي ويسخرلك ويسخر للبنات كلهم