تعبت وانا توني صغيره

[عذاري..~]

قووه بنات اخباركم ؟؟

بنات انا تعبت حيل من الوسوسه والمحاتاه حييل احاتي اهلي بشكل موطبيعي وخصوصا ابوي اللحين امي وابوي واخوي رايحين الخفجي وكل ما ادق جهازهم مغلق وقاعده احاتي وهذي دايم حالتي اذا طلع ابوي ادق عليه كل ششوي ادور اي عذر اني داقه بس علشان اتطمن عليه واذا جهازه مسكره ابدي اوسوس وما ارتاح الا اذا جا واللحين مو قادره احس حالي ببجي ليش جهازهم مسكره ابي ارتاح من المحاتاه والوسوسه اللي تعبتني بس مو قادره حتى الدراسه موقادره اروح الامتحان وانا مودارسه لانه تفكيري كله باهلي تعبت وربي تعبت

 

[zgrtya]

بعد عمري عمرج ما فيهم الا العافيه

لا تحاتين حبيبتي و حاولي تشغلين نفسج بأي شي

تلفزيون / العاب / يوتوب / دراسه / تويتر ... الخ الخ

و لا تشيلين همهم و بس

 

[ذوق بريستيجي]

الله يفرج همك يارب

 

[SuGar-kuw]

صدقيني هذا لانج فاضيه لهي نفسج باي شي

 

[asmhan]

..​

مساء الخير

حبيبتي انتي مثلي بالضبط انا احط يدي على قلبي من يوم يطلعون من الباب
انا بعض الاحيان اقعد ابكي اتخيلهم يموتون ويصير فيهم حادث الله يحفظهم
بس تعوذي من ابليس وتوكلي على الله وقولي استودعكم الله الذي لا تضيع وداعته
والله يحفظ لنا اياهم اجمعين ي رب

​

..​

 

[إبتسامهـ]

لازم تتوكلين ع ربج وتثقين فيه وتؤمنين ان كل شي مكتوب من قبل ماننخلق يعني التفكير مايفيد
استودعيهم اذا طلعو وربج يحفظهم واكيد مقفلين موبايلاتهم لانه مافي ابراج لاتحاتين

 

[قمر بيت أبوها]

كنت مثلك واسوء بس الآن الحمد الله لا طلعوا لبر سواء لسوق ولا لسفر اين كان بس خارج البيت استودعيهم الله وارتاحي
لا انتي ولا انا ولا الكون يرد قضاء الله
استودعيهم الذي عينه ماتنام وارتاحي ياغاليتي

 

[فطوم السعوديه]

قولي بيقين

استودعتك الله الذي لاتضيع ودائعه

ومستحييييييييييل يجيهم شي ولاتقلقين هذا من الشيطان واذا ماراحت منك هالحاله
راح تتطور ..

توكلي على الله

 

[لمى الهاجري]

استغفري وممكن ما المكان مافي سيرفس

 

[رجااوي]

استودعيهم الله
انا كذا اذا طلعوا هلي اخاف عليهم,, بس اقول استودعناهم الله الللذي لاتضيع عنده الودائع

 

[ya al3rosa]

انتى نفسى اذ دقيت وماردوو احاتى واايد

 

[قطوة@@]

نفس حالتي

 

[غراوي]

تدرين ان هالشي مو زين
تجيبين فال السوء لهلج

انا كنت كله احاتي اخوي اذا طلع لا يصير فيه حادث وفعلا صار له حادث جايد بس الحمدلله طلع سليم ورفيجه مات الله يرحمه ويغفر له
ومن بعدها قمت اقول لا افكر بهالشي وكل ما اوسوس اطرد هالفكره من راسي وبالتعوذ من الشيطان

انتي طبعج جذي وسواسه والطبع مصيبه صعبه تغيرينه..بس حاولي كل ما جا ابالج فكره مو زينه قولي اعوذ بالله من الشيطان الرجيم واذكري الله بتسبيح او استغفار عشان تلهين عمرج

 

[روانتي 12]

تو مانورت الخفجي بوجود اهلج . .

حبيبتي لا تحاتين (( استودعيهم الله )) . . !