- إنضم
- 30 أبريل 2007
- المشاركات
- 817
- مستوى التفاعل
- 0
- النقاط
- 0
قوه بنات شلونكم؟ عسى الله يرزقنا جميعا الذريه الصالحه يا رب .. بقولكم مشكلتي و ان شالله القى منكم الرد الي يريحني لني صج تعبت من الدكاتره و الي يتعب اكثر كلام الناس و اسألتهم .. انا حملت قبل سنتين ونص بأول زواجي بس الله ما كتب وقف النبض واجهضت ومن عقب الاجهاض بشهرين صارت دورتي تتأخر كل شهر ليما صرت مادري متى موعدها.. حللت وكانت تحاليلي طبيعيه بس بالسونار بين عندي ضعف تبويض و تكيس.. عالجت مده بالمنشطات والجلوكوفاج وسويت تلقيح صناعي مرتين وما صار حمل فالدكتور قالي خلاص نسوي عمليه منظار حق التكيس الي اهيه التثقيب.. سويت العمليه شهر 7 وتوقعت خلاص كل شي صار تمام وراح احمل بسرعه بس عقب العمليه بشهر نزلت الدوره اسبوع كله بيج او بني فاتح وعقبها نزيييف استمر تقريبا 12 يوم والشهر الي وراه نفس الشي جم يوم بيج بعدين نزيف 10 ايام وطبعا كل هذا بتواريخ مختلفه يعني للحين بس يتلي دورتين والحين صارلي جم يوم هم نفس الشي ينزل علي بيج فاتح على بني.. بنات منو سوت عمليه وصارلها جذي؟ خايفه اروح الطبيب وتطلع فيني عله يديده والله تعبت نفسيا طول الوقت افكر بالحمال و الناس ما تخلي احد بحاله لازم كل ما شافوني يسألوني ها ماكو شي بالطريج؟ ما رحتي عالجتي؟ خاصة ان كل الي تزوجو عقبي حملو وولدو الا انا.. الي مرت بهالحاله ياليت تفيدني او تدلوني على دكتور او دكتوره يعرفون حق هالحاله ويارب هالشهر كلكم حوامل واشوفكم بقسم الحمل والولاده.. ربي لا تذرني فردا وانت خير الوارثين
التعديل الأخير:
