تعبت وابي منكم رد

[انوثة من حرير]

السلام عليكم ورحمة الله
اخواتي والله احترت بنفسي الي عندها تجربة طمني وريحوني الله يسلمكم دكتوري معطيني حبوب فيرتاب منشطة وابر تفجيرية والحين الدورة متاخرة اول مرة جذية وحللت بول ما كو حمل
شسوي اروح الدكتور او اصبر وخايفة يكون حمل خارج الرحم او تكيسات من الابر -
الله يفرج همكم ردو علي احترت مدري شسوي

 

[يا كويتنا]

والله ودي اعطيج الجواب اللي يريحج

لكن ماعندي علم

واكيد راح يبين بتحليل الهرموني للحمل اذا انتي حامل


وبشرينا عنج

 

[فاقده حنان ابوه]

حبوبه ساعات البول عزج الله مايبين اذا تاخرت عليج 15 يوم سوي دم

وان شاالله حااامل بشرينااا عاد

 

[ام بوحنة]

سوي تحليل الهرموني

 

[سلاسل ذهبيه]

ماعندي علم الله يرزقج ويريح بالج

 

[انوثة من حرير]

الله يفرج همكم ويسعدكم كل الي رد وطمني
بس انا خايفة اخذ تحليل دم ويصير ماكو حمل التحليل الي سويتة 99 بالمية تطلع نتيجة صح تكون
الابرة والحبوب هاذا الي انا خايفة منة اخاف ضريت عمري والله مالي خلق على الدكاترة زهقت ومليت
ان شالله باجر ابشركم

 

[الله كرريم]

ان شاءالله يارب حاامل

 

[أم وليد الشمري]

يارب حااامل ما في بعيد عن رب العالمين ولا تخافين من مضره
ربج يبعد عنج كل ضررر....وأكثري من الدعاء
"بسم الله الذي لا يضر مع اسمه شئ "
ويرزقج الرازق ما تتمنين​

 

[ملكه الحطب]

الله يرزقج ان شاء الله يااااااااااااااااااااارب

سوي باجر تحليل دم انا بعد بسوي وقوليلنا شنو صار معاج

 

[عالم البزنس]

يبين اكثر بتحليل الدم
الله يمسح على قلبج

 

[انوثة من حرير]

اخواتي جزاكم الله خير كل الي رد ودعاء لي
سويت تحليل دم طلع ماكو حمل بس الدورة ما نزلت واحترت مدري شسوي