تعبت وأنا أطل في الزبالة تكرمون : (

[أنشودة المطر]

حبوبات زرعوا فيني الأمل :eh_s(2):

أنا وايد كان عندي أمل اني حامل هالشهر ....
بصراحة اشتغلت بذمة في فترة التبويض


عاد تعبت وأنا صابرة قريب اسبوعين وماقدرت أقاوم أكثر
فـ حللت بول وانتوا بكرامة اليوم (باقي على موعد دورتي يومين)
وطلعت لي النتيجة سلبية للأسف
وايد عورني قلبي ... وفركت عيوني قلت يمكن أشوف خط باهت بس مفيش

حتى كل شوي رايحة رادة أطل في الزبالة وانتوا بكرامة على أمل ان الخط طلع !
وكل مرة أقول هذي آخر مرة أطل (وأنا عارفة أصلاً ان النتيجة
عقب مرور خمس دقايق من الاختبار تعتبر باطلة)


المهم قلت قصة حياتي وانتوا مالكم ذنب تسمعونها


سؤالي بنات
هل بقى بصيص أمل ان أكون حامل وتتغير النتيجة لو فحصت عقب موعد الدورة ؟؟
طبعا الأمل بالله دايما موجود
بس بغيت أعرف هل فيكم وحدة مرت بنفس التجربة و حللت منزلي قبل دورتها بأيام قليلة مثلا وطلع سلبي .. وعقب ماتأخرت الدورة حللت وطلعت حامل ؟؟


تعبت من النطرة والتفكير .. مادري شيصبرني للخميس اللي هو موعد دورتي


عطوني بصيص أمل عسى الله يخليكم ويسعدكم :eh_s(2):

 

[kefi cute]

ياقلبي نطري لي بعد الدوره واصلا التحليل المنزلي عامتاا مو الكل يطلعله صح في ناس مو حمل يطلعلهم حمل والعكس صحيح وان شاءالله تحمليينن يارب

 

[TeKaNa_Girl]

انشالله حامل يارب
بس نطري عقب دورتج بيوم حللي لان صار معاي جذي
او اذا مستعيله سوي تحليل هرمون حمل ويبين معاج

 

[ام مهاوش]

يارب تكونين حامل اي حبيبتي انا كنت نفسج حللت قبل الدوره بيوم او يومين وطلع ماكو حمل ورحت يوم موعد الدوره بالليل سويت تحليل دم وطلع ماكو حمل
بعدها باسبوع سويت تحليل بالبيت مره ثانيه طلعت حامل
جربي تحليل الكلوركس ههههههههههههههه
راح يبين معاج الحين
اخذي طشت وسوري على هالكلمه بس للتوضيح بولي فيه بعدين صبي عليه اشويه كلوركس اذا تغير اللون صار على بني قريب من لون الشاي وطلع فقاعات يعني حامل انشالله

 

[أنشودة المطر]

ياقلبي نطري لي بعد الدوره واصلا التحليل المنزلي عامتاا مو الكل يطلعله صح في ناس مو حمل يطلعلهم حمل والعكس صحيح وان شاءالله تحمليينن يارب

فعلاً مالي الا الصبر
عاد كلها يومين بس سبحان الله صارت كنها دهررررر

الله يسمع منج اختي ومشكورة ويزاج الله كل خير

 

[kuwatiya]

اي انا صار معاي جذي ومابين الا يوم عدى اسبوع كامل على دورتي يعنى طاف اسبوع والدوره تأخرت وكان ألام فيني

وايست قلت اكيد تاخرت الدوره والعوار يعني بتنزل بس مانزلت وكنت كل يومين من اسبوع الدوره احلل ومابين الا يوم عدى

7 ايام بين خط خفيف سويت هرموني دم وطلع حااامل هههههههههههههههههههه

والعايده لج يارب وكل من تبي تحمل انشالله

ادعيلي يسهل علي وعلى الحوامل يارب​

 

[أنشودة المطر]

انشالله حامل يارب
بس نطري عقب دورتج بيوم حللي لان صار معاي جذي
او اذا مستعيله سوي تحليل هرمون حمل ويبين معاج

آمين يالغالية الله يسمع منج
هذاني بنطر الدورة مابقى شي
وهي مضبوطة ماشاءالله يعني لو تأخرت يوم بعتبر نفسي حامل بدون تحليل حتى

الله يخلي لج أزيان ويبلغج فيها عروس يارب :eh_s(7):

 

[يآحبي الدآيم]

خلي املج بربج كبييييييير والله يرزقج الخير كله بس ادعي وقت السجوود وقومي الليل وربي يرزقج الذريه الصالحه

 

[أنشودة المطر]

يارب تكونين حامل اي حبيبتي انا كنت نفسج حللت قبل الدوره بيوم او يومين وطلع ماكو حمل ورحت يوم موعد الدوره بالليل سويت تحليل دم وطلع ماكو حمل
بعدها باسبوع سويت تحليل بالبيت مره ثانيه طلعت حامل
جربي تحليل الكلوركس ههههههههههههههه
راح يبين معاج الحين
اخذي طشت وسوري على هالكلمه بس للتوضيح بولي فيه بعدين صبي عليه اشويه كلوركس اذا تغير اللون صار على بني قريب من لون الشاي وطلع فقاعات يعني حامل انشالله

الله يبشرج بالخير حبيبتي ام مهاوش ... عطيتيني بصيص :eh_s(7):
ان شاءالله يارب يصير لي نفسج وربي كريم

أما سالفة الكلوركس صج يعني ؟؟؟؟
خوفج هالمرة أقزرها كل شوي رايحة رادة أطل في الطشت هههههههه

 

[Diva-Q8]

حياتي نطري وردي حللي بعد موعد الدوره في ناس ما يبين معاهم تحليل المنزلي بنت خالي لي الثالث مابين معاها إلا بتحليل الدم

علبالها متاخره الدوره لانها وايد تصير فيها

عكسي انا حللت قبل موعد الدوره بيوم وبين معاي اني حامل بسرعه بينت

يعني كل وحده غير وانشالله ربي يرزقج بالضى عاجلا غير اجل

 

[يآحبي الدآيم]

انتي جم صارلج متزوجه ؟

 

[أنشودة المطر]

اي انا صار معاي جذي ومابين الا يوم عدى اسبوع كامل على دورتي يعنى طاف اسبوع والدوره تأخرت وكان ألام فيني​

وايست قلت اكيد تاخرت الدوره والعوار يعني بتنزل بس مانزلت وكنت كل يومين من اسبوع الدوره احلل ومابين الا يوم عدى ​

7 ايام بين خط خفيف سويت هرموني دم وطلع حااامل هههههههههههههههههههه​

والعايده لج يارب وكل من تبي تحمل انشالله ​

ادعيلي يسهل علي وعلى الحوامل يارب​

حبيبة قلبي انتي الله يسمع منج :eh_s(7):
وايد ونستيني بصراحة ... يارب يارب مايخيب ظني !!
ان شاءالله بحط في قلبي الأمل ومابقطع الدعاء والاستغفار
واللي فيه الخير بيصير ان شاءالله

عسى الله يهون عليج ويتمم لج على خير حبيبتي
ويسهل عليج ولادتج وعلى كل المسلمات
ويفرّح قلبج بالضنا المتعافي الصالح يااااارب

 

[أنشودة المطر]

خلي املج بربج كبييييييير والله يرزقج الخير كله بس ادعي وقت السجوود وقومي الليل وربي يرزقج الذريه الصالحه

والنعم بالله
ربي كريم ومايخيب من يرتجيه

مشكورة يالغالية ... الله يجزيج كل خير

 

[ملكه الحطب]

اختي اذا مستعجله حللي هرموني بس مابقى شي بس يوم واحد يوم الخميس ارجعي حللي راح يبين وان شاء الله حامل ياااااااااااااااااااااااااااارب وانتي ادعي وتفائلي والله يكتب لج اللي فيه الخير يارب

ولاتطلين لا بزباله ولا بطش

 

[أنشودة المطر]

حياتي نطري وردي حللي بعد موعد الدوره في ناس ما يبين معاهم تحليل المنزلي بنت خالي لي الثالث مابين معاها إلا بتحليل الدم

علبالها متاخره الدوره لانها وايد تصير فيها

عكسي انا حللت قبل موعد الدوره بيوم وبين معاي اني حامل بسرعه بينت

يعني كل وحده غير وانشالله ربي يرزقج بالضى عاجلا غير اجل

صاجة حبيبتي ... التحليل المنزلي مو شرط يكون نتيجة نهائية
يختلف من وحدة لوحدة ..
الله يسمع منج ويفرّح قلبي عما قريب ان شاءالله
ويرزق كل من يتمنى يارب


مشكوووورة وربي يسلّم لج غالينج وعيالج ويبارك لج فيهم

 

[درب الحنة]

اولا استغفري ربنا كثير وادعي وصلي اخر الليل ركعتين من قلب
وربنا مايخيب املج انا كنت مثلج وبعد صبر طلعت حامل وحللت منزلي

بس بعد ما اتاخرت الدورة 5 الى 6 ايام

ويارب تبشرينا هالشهر انج حامل يارب ياكريم اكرمها كما اكرمتني انا وغيري
يارب يارب يارب

بس خلي عندج امل بربنا انه رح يستجيبلك

 

[غــلآ]

اي عادي لان هرمون الحمل مايكون مرتفع قبل اموعد الدوره اصلا

انا قبل لا اكتشف اني حامل باسبوع حللت دم لاحظي انتي حللتي بول عزج الله انا حللت دم وطلع لي سلبي

وبيوم الدوره حللت وطلعت حامل اللهم لك الحمد وبعد يومين رجعت عدته وتاكدت طبعا هرموني

 

[أنشودة المطر]

انتي جم صارلج متزوجه ؟

أربع سنين .. وعندي ولد لله الحمد والمنة

بس هالمرة طوّلت شوي وتعبت من المحاولات
الانسان عجول في رغباته ومايحس ان رب العالمين له حكمة في كل تأخيرة


عاد قلبي متشفق هالمرة وعسى ظني مايخيب

 

[أنشودة المطر]

اختي اذا مستعجله حللي هرموني بس مابقى شي بس يوم واحد يوم الخميس ارجعي حللي راح يبين وان شاء الله حامل ياااااااااااااااااااااااااااارب وانتي ادعي وتفائلي والله يكتب لج اللي فيه الخير يارب

ولاتطلين لا بزباله ولا بطش

هههههههه ان شاءالله يامسحورة هذاني بنتظر
والزبالة تكرمين خليت زوجي يقطها برة البيت عشان ماأضعف وأطل فيها أكثر

يقول لي أخاف الفجر تلبسين عباتج وتروحين تطلين في زبالة الفريج


مشكورة على ردج ودعوتج يالطيبة
الله يرزقج من خير الدنيا والآخرة :eh_s(7):

 

[أنشودة المطر]

اولا استغفري ربنا كثير وادعي وصلي اخر الليل ركعتين من قلب
وربنا مايخيب املج انا كنت مثلج وبعد صبر طلعت حامل وحللت منزلي

بس بعد ما اتاخرت الدورة 5 الى 6 ايام

ويارب تبشرينا هالشهر انج حامل يارب ياكريم اكرمها كما اكرمتني انا وغيري
يارب يارب يارب

بس خلي عندج امل بربنا انه رح يستجيبلك

يا حبيبتي .. ماقصرتي نصيحتج تنحط على الراس والله
وان شاءالله ماراح أفقد الأمل ولا أقطع الدعاء

والله يتمم لج حملج على خير
ويسهل عليج الولادة
ويقومج انتي وضناج بالسلامة يارب