تعبت نفسيتي

[مس جكليته]

السلام عليكم
مبارك عليكم الشهر?
بختصر موضوعي انا حملت بأول واحد لي آخر الشهر الخامس
نزل البيبي وولدت اجهاض لان صار عنده نقص اكسجين
وحملت بعدها ع طول وقالولي لازم ربط
سويت ربط وكل شي تمام قبل لا ادخل بشهر السادس بيوم هم
جتني ولاده اجهاض مع العلم كل شي تمام والربط موجود بس الياهل اهو اللي نزل
وانا توني طالعه من نفاسي ابي حل حق مشكلتي وجزاكم الله خير??​

 

[حلاوة سكر]

الموضوع طالع بلغه غريبه

 

[Banota22]

Up

Up

Up

ان شاء الله يفيدونج البنات ،،،

 

[@سيدة نفسي@]

مالج الا دعاء المصيبة :


اللهم أأجرني في مصيبتي واخلفني خيراً منها


والله يآجرج ويعوضج بالذرية الصالحة

 

[M!SS.LOBY]

الله يعينج

 

[شووقة]

الله يعوضج خير حبيبتي ويرزقج بالحمل السليم

 

[شووقة]

استمري على قراءه سوره البقره والرقيه الشرعيه للحامل

 

[New_bride]

الله يعوضج
حاسه فيج لاني مريت باجهاض من قبل

انتي الحين اخذي كم شهر راحه

وفي هالفتره اخذي فوليك اسيد وفيتامينات تقويج
وباذن الله اذا صار حمل روحي للدكتوره تكتب لج على مثبت و اسبرين

 

[أم حسوون]

الله يرزقج بالذرية الصالحة ، هذا اختبار من الله، أنصحج بالاستخارة وروحي لإستشارية شاطرة علشان تعرف السبب، وكثري من قراءة القرآن لأنه شفاء.

 

[Flower20]

ب شنو كنتي تحسين بطلق وزاد عليج؟؟؟
انا نفسج اول حمل طاح بآخر الخامس والجنين بهالعمر يستحيل يعيش إلا بحصانة متقدمة حيييل مو موجودة بالكويت
والحمل الثاني سويت ربط مع الراحة التامة والصدقة وكنت أخذ حبوب يوتوبار من مستشفى الأمومة تمنع الطلق
والله يرزقج يا رب

 

[انتيكا]

الله يرزقج يارب بالذريه الصالحه اللي تفرحين فيها

حبيبتي شوفي دكتوره معصومه مخصيد وايد شاطره

 

[زينانه]

ماعندي حل ولا اعرف
لكن الله يكتب لج الحمل السليم الكامل باذنه تعالي

 

["*آآآنؤؤؤقهـ*"]

الله ياجرج ويعوضج خيييير

 

[فطمطم]

سبحان الله وبحمده سبحان الله العظيم

 

[الأميرة جوري]

نصيحتي اذا حملتي تكتمي علي خبر حملج يمكن نفس او عين فيج يعني اختفي عن المناسبات الا لضروره

 

[حبي وحياتي]

حبيبتي احتسبي اجرج عند الرزاق الوهاب وهذا امتحان لبني آدم لقوة الصبر والايمان وانا احتسبك ممن يبتلا فيصبر ويحتسب
وقال تعالى( وبشر الصابرين ) يعني انتظري البشرى من ربك
والنصيحه اللي اقدر اقدمها لج انج تتوقفين عن الحمل مؤقتا الى ان تعرفين سبب اجهاضك وﻻزم تختارين دكتوره او دكتور شاطر والافضل انج طالبه تحليل للجنين بعد اسقاطه لمعرفة اذا كان الاجهاض بسبب عيوب خلقيه في الجنين او السبب من اشياء اخري مثل الاجسام المضاده بالدم وهذي تعرفينها بعمل تحليل للاجسام المضاده وعلاجها بسيط باذن الله
ﻻ تخلين همج الحمل بهالوقت اﻻ لما تتعرفين على اسباب الاجهاض عشان ماتعيشين المأساة مره ثالثه الله ﻻ يقول
وهم اهتمي بصحتج والتزمي باخذ حمض الفوليك قبل الحمل ب 3 شهور ع الاقل وخلال الحمل لمنع تشوهات الجنين
ﻻبي يقر عينج بالحمل الثابت والمولود السليم باذن الله

​

 

[om attami]

الله يعوضچ حبيبتي ويكتبلچ الحمل السليم ياااا رب

حبيبتي يعطونچ بيبي اسبرين ولا لأ

في وحده تقريباً نفس الطريقه وكانو يعطونها

بيبي اسبرين وابر سيوله

سألي فيها .. وياااا رب الله يرزقچ يا عمري

 

[om attami]

وانا مع الاخت حبي وحياتي كلامها سليم

لازم تعرفين سبب الاجهاض

والرقيه الشرعيه مهمه

 

[دلال الكويت q8]

حبيبتي اقري البقره وريحي جم شهر

وانصحج تروحين للدكتوره خالده المجيبيل برويال حياة لانها شاطره للي تجهض

والله يرزقج الحمل السليم عاجلا غير اجل

 

[((shoOoshoOo))]

وحده من جماعتي جذي يمكن 4حملات والحين ماشا الله عنده بيبي وحامل بعد

كل اللي اعرفه امسكت حالتها دكتوره من دار الشفا ومن بعد الله سبحانه احملت وسوت ربط وكانت اتطق ابر عندها



الله يرزقج حبيبتي