احس صعب وجبه وحده باليوم انا من النوع اللي وايد اكل واكلي كله مب صحي عرفتي انا الحمدلله من بعد ما كتبت لكم اللي في قلبي شجعتوني وكنت معزمه على رجيم التمر بس حسيت التخفيف افضل كبدايه
بدايتي هي اليوم ومن ها اللحظه وانشالله اني بضعف
اول ما صحيت ميته من اليوع بس تحملت وصبرت رحت وصلت ولديه المدرسه ورجعت البيت سويت لي كوب الخلطه بحاول التزم فيها قبل كل وجبه عباره عن شاي اخضروسكر دايت وكمون وزنجبيل وقرفه وبذور الكتان حسيت انها تسد الشهيه وطعمها مقبول شربت 500 مل ماي ومشيت لمده 55 دقيقه وريحت شوي وفطرت
نسكافيه مع حليب قليل الدسم وسكر دايت وصمونه مع شريحتين جبن قليل الدسم *
خوش بدايه حبيبتي
وصج كلامج وجبه وحده صعبه ومع هذا كلش مو صحي
شوفي اختي اول ما تقعدين لازم لازم تشربين ماي يعني انتي قلتي قعدتي او وديتي ولدج مفروض اب هالفتره تشربين ماي بطل كامل لو تقدرين
لمن تردين او نقول بعد الماي بنص ساعه سوي ريوقج وحلاته كل يوم تنوعين بالريوق عشان ما تملين
مثلا بياض بيضتين مع بيضه كامله ويه صفارها ، مع توسته وحده وكوب عصير صغير
هالوجبه متكامله وراح اتمدج بالطاقه الكافيه
بعدها اذا بتشربين الجاي اللي مسويته مال التنحيف كيفج
بس المهم بعد الريوق اب ساعتين ونص او ثلاث ساعات
تاخذين لج سناك بس طبعا مو ككاو لووول
لا لازم مثلا تفاحه خضره
آو نقول يسكوت ما يتعدى ال 100 كالوري ( اقري عليه من ورا الجيس )
شوفي حتى لو بخاطرج ككاو اوكي لا تحرمين نفسج بس دوري على ككاو تحت ال100 كالوري
انا افضل البسكوت ليش ! لانه ما يخلص بسرعه لووول
مع كوب صغير عصير آو ماي
بعدها اب 3 ساعات
وقت الغدا
( اذا تبين مساعده باختيارات الغد اللي صج تشبع قوليلي ) او اذ انتي ماشيه على جدول هم ينفع
بس االمهم الغذا ما يطلع ن ال250 كالوري ( حسبي سعرات اللي تاكلينه )
وهم بعدها بساعتين ونص اخذيلج سناك بس اخف من السناك اللي قبله
باقليج العشا ومايزيد عن 200 كالوري
طبعا هذا من الصبح لي الليل على اذا العشا انتي ماكله عشاج
جذي ابداااا ما راح اتعبين بالرجيم
لانه اذا قدرتي سعراتج الحراريه حتى اذا رحتي مطعم راح تعرفين شنو تختارين
ومهم انج تكثرين ماااي
ومثل ما انتي شايفه
تقسمت الوجبات الى 5 وجبات ( 3 اساسيه و2 سناك )
واذالا حظتي انه جسم الانسان لازم ياكل كل ساعتين ونص \ ثلاث ساعات
جذي جسمج راح يحرق بسرعه اكبر من كل مره وماراح يرد وزنج مثل قبل لانه النظام هذا حيل فعال حق الجسم
اهم شي انج ما اطوفين 900\ 1000 سعره حراريه
عشان اسهلج
ريوق 200 كالوري
سناك 100
غدا 250
سناك 100
عشا 200
هذيل 850 ولج انج تزيدين لي ال 1000 بس
ان شالله اكون فدتج
واي شي انا حاضره حبيبتي :*
زعلت وايد 
