تعبت من هالحالة .. خلاص كرهتها ..

[Unusual]

مساء الخييير صبايا ..*

كل عام وانتوا بخييير وينعاد عليكم بالخير والصحة ..*

بنات ابيكم تساعدوني تشورون علي ،، والله ضايقة فيني الوسيعة ،، انا الحين ادرس *بجامعة متفووووقة الحمدالله بدراستي لكن لي فترة كارهة كارهة كارهة الدراسة واالله ماادري عن كتبي ولا درووووووسي والنفسية دمار تحت الصفر ،، المشكلة اني ماني قادرة اذاكر ،، ولا سويت واجباتي اللي المفروض تتسلم بعد العيد مباشرة ،، ولاني قادرة اركز بشي .. والله اول مرة تصيرلي ..*

يوميااااا ابكي ابكي ابكي لما الصبح .. كرهت الجامعة بكل مافيها .. طلبت من امي اعتذر هالسميستر رفضت .. ماهي راضية تفهم علي تقولي انجحي لو ع الحفة مو لازم تفوق .. انا حاولت افهمها خلاص انا مابي درجات ابغى انجح وووبس بس ماني قادرة امسك كتاب ورب البيت اخر اختبار قبل الاجازة شوي واقطع الكتاب حتى الورق امتلى من دموووعي .. وفوق هذا كله فقدت القدرة على الحفظ اذاكر ومااذكر شي في الاختبار .. حتى لما اراجع مع نفسي مااذكر اي شي من اللي حفظته تعبت ..*

مدري اش اللي قلب حالي وامي ماهي راضية تفهم او تستوعب ع بالها اني ادلع*
او مجرد ضيقة عابرة .. قالتلي اش بتسوين*
لو اعتذرتي قلتلها مو مشكلة اقعد بالبيت او اروح احفظ قرآن بس ماابغى الجامعة هالمكان اسمه بس يبكيني مع العلم انه عندي صديقات بالجامعة وعلاقتي حلوة معاهم ومع دكتاترتي .. بس ماني عارفة وين المشكلة ..*

ورب البيت تعبااااانة .. حتى العيد ماهو عيد من كثر ماني مهمووووومة شوروا علي اش اعمل اكمل هالسميستر واقضيها بكي كل يوم في البيت ومع اني متأكدة راح يكون في رسوب مع هالوضع ولا اصر عليهم عشان اعتذر عن هالفصل .. ؟؟*

اعتذر عن الاطآلة ،، شاكرة لكم اخواتي .*

 

[القصيدة]

السلام عليكم و رحمة الله و بركاته

يا قلبي اللي فهمته من كلامك انو الضيقة جت لك فجأة ​

طيب أنتي سمعتي كلمة من أحد .. أقصد كلمة ممكن تكون تسببت لك بالعين ؟!​

إذا نعم ،، لازم تأخذين من أثر الشخص هذا زي ما أمر الرسول صلى الله عليه و سلم ( خذوا من آثارهم ) ​

و أرقي نفسك بالرقية الشرعية ​

و ممكن برضو يكون السبب انو ضغطتي على نفسك بالمذاكرة الأيام اللي فاتت لدرجة سببت لك ستريس ​

و ما عاد لك خلق لمذاكرة أكثر ،، ارتاحي فترة و حاولي تغيرين جو و إن شاء الله يرجع لك نشاطك ​

راجعي هالأسباب و شوفي أيها أقرب لحالتك و عوافي إن شاء الله و كل عام و أنتي بصحة و سلامة :eh_s(7):​

 

[فاارسه]

وقفي الكورس > بدون لا تدري امج

عسى ربي يعينج وتعدين الايام التعيسه,,​

 

[قسوة الزمن]

معطيج عين ما صلت على النبي جيبي تبحي بماي وملح ورشي ملح وشربي بعد صديقاتج هاذي عين لانج متفوقة

 

[سكوتي بذوقي]

الله يفك ضيقتك يارب

يمكن تكون عين

الله يهدي بالك يارب وترجعين تحبين الدراسه

موفقه يارب

 

[سعودييييه هع]

انا صار لي نفس الي صار لك مع اني ماكنت شاطره ابداا بالجامعه بس كنت دايم مبسوطه واضحك وفالتها وحتى وقت الاختبارات اطلع من القاعه اول وحده ولااشيل هم زفتت = مبسوطه
حليت زين = هم مبسوطه
وكانو بعض البنات يرمون علي كلام من باب المزح وكنت بعد اضحك خخخخخخخخ
المهم الحين لي 3 سنين تقريبا تاركه الجامعه
سحبت ملفي
ورجعته وبعد ماداومت
مرتاحه انا كذا
مع اني مجرد مااسمع طاري الجامعه اشتاااق لها واحس اني عطشانه دراسه
بس عارفه اني لو رجعت مارح اكمل ولا رح ارتاح الا لما اتركها
امي تقول عين
واانا مالقيت احد الان سبب يمكن صدق عين ويمكن انا مو راعيه دراسه =/
عموما




اتوقع انتي الي فيك عين
عموما اقري اذكارك
وروحي شيخ
ولا تطاوعين نفسك ابدااا

واعذريني لكثره هذرتي
اتمنى اكون افدتك

 

[ياغفور اغفر لي]

نفس حالتي اللي اعاني منها الحين بالضبط ماني عارفه شسوي بس انا بقوم اقرا سورة البقرة ابي ارتاح شوي

 

[:$ N o u r a]

حبيبتي ارقي نفسك و اقري سورة البقرة
يمكن معطينك عين ..

و حافظي على صلاتك

 

[الزيزفونا]

مع كلام اختى وحبيبتى القصيده
والله يعينك ي رب

 

[مُخملْ]

لاتفكرين تهدين الجآمعهْ،
هذي حآلات تعترضنا كلنآْ
وحلها سهلْ بآذن اللهْ ،

اللي بآينْ ان فيجْ اعراض عينْ،
يمكنْ حدْ حآسدجْ على تفوقجْ اواي شي فيجْ،
لاتطلعين من البيت بدونْ الاذكآرْ،
آقري على نفسجْ دآيماً
ودآومي على برنآمجْ الرُقيةْ الشرعيةْ،


،
الله يشرحْ صدرجْ ويعينجْ ويوفقجْ يَ رربْ

 

[Ray.Bana =$]

يمكن صاكينج عين لأنج شاطره حصني نفسج وقبل لا تدرسين اقري اذكار الصباح والمساء

 

[نور خانوم]

ويه شكلها عين ماصلت عالنبي ! لاحول ولا قوة الى بالله

عليج بالرقيه الشرعيه حبيبتي سحر موطبيعي لج واتهديج موزين البجي كل يوم جذي !

 

[r0007]

عين حبيبتي انا انصحج توقفين دراسه وتتعالجين بالرقيه والمحافظه على الاذكار

 

[اشلون يعني &]

لا عين ولا شيء
هذا يسمونه ضعف شخصيه
تعبتي بالثانويه والحين تبين تريحين
هذا كل مافي المسالة
وانتي اكيد مو حاسة برغبه الي بداخلك
علشان جذيه تحسين بضغط

نصيحه. قوي عزمك وواصلي مسيرتك وتخرجي بوقتك
وخلي شعارك لا تأجيل عمل اليوم للغد

 

[Tulips]

اقري على نفسج هذي عين

 

[Unusual]

مشكورين يابنات القصيدة .. قسوة زمن .. سكوتي بذوقي .. سعودية .. ياغفور اغفرلي .. نورا .. الزيزفونا .. مخمل .. رآي بانا .. نور خانوم
روح .. توليب ..

بس معقولة تكون عيين ،، انا الحمدالله محافظة على صلاتي واذكاري ،، وكل اللي حولي من صديقات نفس مستواي الدراسي ..؟!!!
يعني اللي عندي عندهم .. !!!


اختي ،، فارسه مااقدر اوقف الكورس من غييير علم امي .. راح تلاحظ اني مااروح الجامعة الصباح .. *

اختي ،، رنو انا مو مستجدة ع الجامعة وتوني خريجة ثانوي .. الحمدالله قطعت مشوار ومابقي شي كثيييير .. وانا مو انهزامية او ضعيفة
بس والله غصبا عني في شي يردني عن الكتاب .. والبكا كله سببه اني ابغى ارجع زي اول بس ماني قادرة ..

عموما شكرا من القلب .. وربي يسعدكم ويبعد عنكم كل شر ..

 

[dalo0oa121]

انا بعد صاكيني عين يارب لاتوفق كل من يصكني عين آآآآآآآآمين
كني ناقصه هم بعد

 

[همآليل]

آووول شي .. تاخذين غسال صديقاتك ..
يعني تسوين يوم من الايام .. قهوه وتاخذين فناجيل معك ..
وتقهوينهم كلللللللللللللللهم ( قوليلهم قبلها بيوم ترى بكره فطوركم علي )
واخذي الفناجيل لارجعتي للبيت و غسليهم ورشي عليك من الغسال ..
هآذي اعراض العييييييييييييين ..

انا قد صارت لي اعراض العين .. بس موب في الدراسه ..
كنت مهتمه في نفسسي حيييييل و دبدوبه و بيضاءءء ..
و فيه من صديقاتي بنات نحححححححححححيفات حيل ودايم يمدحون فيني قدامي ومن وراي
وحتى الاشياء الغبيه و التافه اللي فيني .. يحبونها : يعني ( نفسهم طارت فيني )

وتعبت نفسيتي ، نححححححححححححفت صارت بشرتي صصفراء ..
دايم معصصصصصبه وهموم الدنيا على راسي ..

ورحت وسويت هالطريقه .. قهوه و فناجيل ..
والحممممممممممد لله الحممممممممممدلله .. رجعت مثل اول و احسن
وصديقاتي اللي اخذت اغسالهم سحبت عليهم من ذاك اليوم ، لان مو زينه ترجع لك العين مره ثانيه ..

والله يشفيك و يعافيك ..​

 

[Angel-Lady]

حبيبتي ما دام انج الحمدلله محافظه على الصلاة و اذكار و قراءة القران فباذن الله ماكو شي

ان لجسدك عليك حقا

لا تحاولين تضغطين على نفسج اكثر من اللازم

ارتاحي و سوي لج جو ريلاكس و استجمام شربي جاي اعشاب تريحين اعصابج

غيري روتينج و سوي لج نيو لووك حتى لو تغيرين اثاث غرفتج و لا مكتبج الدراسي المهم اتسوين شي يديد و تلهين و انتي اتسوينه

و ارتاحي ثم ارتاحي ثم ارتاحي و روحي سبا و عيشي جو راحه

و ان شالله اتردين فرش و احسن من اول

و استعيني بالله سبحانه قبل الدراسه و حل الواجبات و الامتحانات

و حطي بالج هذا الشي

ان اتديرين بالج على نفسج لان ماكو شي اغلى من نفسج :]

و الله يوفقج ان شالله *

 

[Unusual]

فرفووووشة وهماليل .. يسعدكم ربي والله يبعد عنكم الهم ..

انجل .. شكرا لك ان شاءالله بأخذ بنصايحك ويارب ،، تجيب نتيجة حلوة معاي وابشركم ..

شكرا يابنات ..