تعبت من صراخ زوجي

[tfo7aa]

انا حيل متضايقه ونفسيتي تعبانه انا حامل وعندي ولد من اول مايبت اول ولد وزوجي متغير علي صاير عصبي وعلا اي شي يصارخ تعبت منه افكر اطلق والله مومتحملته كلش وانا ماعندي خدامه يقط ملابسه بلارض اشيلهم يزفني ويصارخ ليش شلتيهم هذيل نظاف انسان وصخ عادي يقعد بمكان وصخ ولايتعب نفسه ويساعدني بالتنظيف والي يقهرني اكثر لمن يصارخ علا ولدي صغير عمره سنه يقعد من نومه يبجي يقوم يصارخ عليه بسس اسكت مرات يطقه كل شي اتحمله الا انه يصارخ عليه ويطقه واهو باهل توه مايفهم بس يسمعه يبجي يصارخ وتوه الموقف صاير ولدي يبجي خذاه من فراشه وقطاه علارض يقولي خليه يبجي ويطقه صارخت عليه عصب ليش صارخت وخذيت ولدي منه والله لاتقولون لي وخريه عنه انا تعبانه يله نفسي ابيه يساعدني موجذي والله تعبت مًومتحمله شورو علي افكر بلطلاق باجر لي كبرنه شلون انا عمري23 واهو29 تونه صغار ومومتحمل وايد افكر بلمستقبل راح اتعب وياه

 

[tfo7aa]

نفسيتي اكس قاعده ابجي بصاله واهو بلغرفه ولاهمه احس اني كارهته صج اكرهه

 

[الله يجازيك]

لا تطلقين ةﻻ شي اقعدي معاه وتفاهمي قولي دام انك ما تبي عيال
ليش متزوج وليش تبيني احمل وقولي له من باب انج معصبه اباكل حبوب مانع الحمل
دام هذا تصرفك مع عيالك حرام عليك
شنوو يطق جاهل عمره سنه والله مايخاف من ربه مايدري ان ضرب الاطفال يحبط الاعمال
الله يهديه بس وسالفه الطﻻق انسيها
تفاهمي معاه بهدووو وع سالفه وساخته حطي له سلتين
وحده للملابس الوسخه والثانيه للملابس النظيفه وقولي له اذا مﻻبسك نظيفه ﻻ تطقها بالارض حطها بالسله
يمكن ينفع معه كذا والله يعينج

 

[tfo7aa]

حبيبتي مشكوره علا الرد اهو يقولي انا مابي عيال معني تاخرت سنتين بلحمل وكان يحن يبي ياهل والحين جذي يقول تفكيره مادري شلون بس يبي وناسته مايبي يتعب روحه بشي قتله احط لك سله للملابس النظيفه يقول لا انا بحطهم بلارض يمي اذا قعدت من النوم البسهم انا خذيت ولدي وبنام بالصاله كرهته موقادره اشوف ويهه

 

[اميره بكلمتي]

حبيبتي حلج مو بالطلاق الحل الوحيد انج اذا شفتيه هادي ورايق أخذيه انتي على صوب وانتي تكونين نفسيتج زينه كلميه بكل هدوء وبساطه وشفافيه قوليله اللي قاعد تسويه فينا انا وعيالك موزين عبالك جذي انت قاعد تتفاهم ويانا وتتصرف بشكل صحيح لا انت جذي قاعد تكرهني فيك وتعقد ولدك وتخليه يكرهك ويبعد عنك ترا مو كل شي بالدنيا صراخ بصراخ

 

[بنوته86]

الله يصبرج ويعييينج ...

 

[سمراء كويتية]

بغض النظر عن كل شي انا اليديهمني نفسية الياهل مادري شنو راح يذكر من ابوه
هذا انسان متخلف والافضل انج تبتعدين عنه لمصلحة ولدج خليه يكبر في بيت و بيئه هاديه مع ناس طبيعين ولا انه يكبر عند ابوه و اهوا متروس عقد ونفسيته معقده ،،في وحده من اهلنا زوجها جلف و جاااااف مع عياله وكان يطقهم حتى عقب ما كبرو تخيلي الحين مايحبونه وعمرهم ما حبوه ويقولون حق امهم ليش ما تطلقتي منه اهو شنو عطانه لاحنان و لارعايه و لا حب و لا امان تطلفي منه ما نبيه من كثر ما اذيهم واهي طبعا كانت رافضه مبدأ الطلاق علشان ما تبي تكون مطلقه مع ان الطلاق ابغض الحلال لكن حلال انتي قيمي وضعج معاه اذا كان فيه ذرة امل حاولي وماراح نقولج شلون انتي تعرفينله واذا ما في خلاص وخري عيالج عن واحد مو صاحي

 

[Aloe Vera]

^
^
^

نفس كلامها

 

[جامعيه طموحه]

حبيبتي قلبي عورني عليج جد يعني الريال اذا ما يبي عيال ليش يخلي مرته تحمل واذا ماهو متحمل مرته او ما يبيها او ايا كان سببه ولا من الاساس ماهو قد المسئوليه ليش الريال يتعب بنت الناس معاه جد الله يعنيج

صح الي يسويه اكبر غلط اول شي ولدج جاهل وينه ووين الطق والشي الثاني انتي حامل وموزين عليج العصبيه والنفسيه هذي ..

بس مافي شي يصير بدون سبب شوفي شنو الي خلاه تغيير عليج جذي فجأه ؟ يعني مو معقوله مني والطريج وفجأه قال انا مابي عيال وكله يزف ويطق ولده اكيد فيه سبب
ولو ان مهما كانت الاسباب ف اسمحيلي واسفه على هالكلمه بس تصرفاته تصرفات مختل يعني اقل شي يسويه اذا ما يحبج او كان يحبج وتغيير انه يخاف ربه فيج ولو مو عشانج اقل شي يخاف على ولده والي ببطنج

انا اقول قعدي معاه ليه صار هادي وكلميه بالعقل اول شي قوليله اذا انا مقصره بشي قولي شنو اسوي اذا منت خايف علي على الاقل خاف على عيالك ماله ذنب ولدك تطقه وتطلع حرتك فيه اذا انت مضايق مني او من شخص ثاني انا مرتك وابي راحتك والي يضايقك يضايقني بس عصبيتك وصراخك والطق مو الحل لانه ما راح يغير شي غير انه يبعدني ويبعد عيالك عنك واذا بتم على هالحال انزين ليه متى انت جذي تهدم ما تبني بيت واذا منت حابني ولا محترمني واذا ما تبيني ليش تزوجتني من الاساس انا في بيت اهلي كنت معززه ومرتاحه وهديت بيت ابوي وصرت بأمانتك الي ربك بيحاسبك عيها جذي تصون الامانه؟

قعدي وفهميه يمكن يكون في مشكله انتي غافله عنها وان شاءالله تنحل مشكلتج والله يهديه ويسخره لج

كثري من قراءة سورة البقره تحل المشاكل وتطرد الشياطين ان شاءالله

 

[جامعيه طموحه]

حبيبتي قلبي عورني عليج جد يعني الريال اذا ما يبي عيال ليش يخلي مرته تحمل واذا ماهو متحمل مرته او ما يبيها او ايا كان سببه ولا من الاساس ماهو قد المسئوليه ليش الريال يتعب بنت الناس معاه جد الله يعنيج

صح الي يسويه اكبر غلط اول شي ولدج جاهل وينه ووين الطق والشي الثاني انتي حامل وموزين عليج العصبيه والنفسيه هذي ..

بس مافي شي يصير بدون سبب شوفي شنو الي خلاه تغيير عليج جذي فجأه ؟ يعني مو معقوله مني والطريج وفجأه قال انا مابي عيال وكله يزف ويطق ولده اكيد فيه سبب
ولو ان مهما كانت الاسباب ف اسمحيلي واسفه على هالكلمه بس تصرفاته تصرفات مختل يعني اقل شي يسويه اذا ما يحبج او كان يحبج وتغيير انه يخاف ربه فيج ولو مو عشانج اقل شي يخاف على ولده والي ببطنج

انا اقول قعدي معاه ليه صار هادي وكلميه بالعقل اول شي قوليله اذا انا مقصره بشي قولي شنو اسوي اذا منت خايف علي على الاقل خاف على عيالك ماله ذنب ولدك تطقه وتطلع حرتك فيه اذا انت مضايق مني او من شخص ثاني انا مرتك وابي راحتك والي يضايقك يضايقني بس عصبيتك وصراخك والطق مو الحل لانه ما راح يغير شي غير انه يبعدني ويبعد عيالك عنك واذا بتم على هالحال انزين ليه متى انت جذي تهدم ما تبني بيت واذا منت حابني ولا محترمني واذا ما تبيني ليش تزوجتني من الاساس انا في بيت اهلي كنت معززه ومرتاحه وهديت بيت ابوي وصرت بأمانتك الي ربك بيحاسبك عيها جذي تصون الامانه؟

قعدي وفهميه يمكن يكون في مشكله انتي غافله عنها وان شاءالله تنحل مشكلتج والله يهديه ويسخره لج

كثري من قراءة سورة البقره تحل المشاكل وتطرد الشياطين ان شاءالله

 

[$قطوه$]

ميخالف تحملي عشان عيالج

اصلا عياله راح يكونون عون له باجر ويعرف قدرهم
تفاهمي معاه وناقشيه وخلج صبوره


الله يفرح قلبج فيهم

 

[نـعـومـه]

شغلي سورة البقرة بالبيت

مبين ريلج مافيه صبر مع اليهال وماله مقاقه

الحل الاول ادعيله بالهدايه

الثاني يبيلج خدامه

الثالث فهميه أن الصراخ يتعب الطفل ويبنيه سلوك سئ لما يكبر

مبين ريلج متفاجئ من حياته اليديده

 

[كنوشة 2009]

الله يعينج كل شي الزوجة تصبر عليه الا اعيالها
وان يطة ولده هذا شي ما ينسكت عليه حاولي
تتفاهمين معاه واذا ما فاد قولي حق اهلج واهله

 

[ماما^عوده]

السلام عليكم و رحمه الله و بركاته

عزيزتي

انا اتوقع ان مشكله زوجج ان حس ان اهتمامج فيه صار اخف

و صار تركيزج ع البيبي

اتوقع زوجج حس بالاهمال فقام يعبر بالصريخ


نصيحتي لج بدال لا تتخذين الحل السهل عند الكل الهروب من المشكله و الطلاق

حاولي بشغلتين

اول شي دلعيه و دلليه

و سوي حركات بالاكل مثلا يعني ديكور و كيكه

او طبخه يديده تعلميها حقه و قوليله عشانك حبيبي تعلمت و قلت بسويلك هالشغله

اشتريله لبس قوليله عشانك

دايما بيني له ان اهو رقم ١ بحياتج


و اختاري الكلمات مثلا

لولاك حبيبي ما صار اسمي ام

انا وايد سعيده فيك الله لا يحرمني منك

الخطوه الاولى غازليه و بيني اهميه وجوده بحياتج

الثانيه حبيبه بالطفل

لا تشترين هدوم الياهل بروحج

لا تروحين مواعيد الطبيب بروحج

و دلليه

و انا انصحج انج تخلين سوره البقره بالبيت دوم

و انتي بالبيت او طالعه

بس مبين من كلامج ان حاس ان انتي اهملتيه

جهزي عصير ليمون عندج

من يعصب

حبيبي ليش معصب اشرب هدي اعصابك

و مره سوي مساج لجتوفه


قوليله اهدى الدنيا ما تسوى

حاولي تشدين و ترخين معاه

و الله يسهل لج امورج

 

[Perfume]

مع سمراء كويتية
والله اليهال يكسرون الخاطر

 

[أم حسوون]

السلام عليكم ، أتوقع مشكلتج عاديه وأنت اللحين مضغوطة فمكبره السالفه شوي ، أكيد الواحد لما يعصب يسوي أشياء غلط ، انطري عليه شوي لما يهدا كملي شغلج ببيتج عادي ، وبعدين أنت عندج جاهل وحامل فمضغوطه أتوقع تحتاجين خدامه تساعدج وتخليج تفرغين لنفسج ولزوجج ، معظم الرياجيل ما يهتمون يمشون ويقطون ملابسهم نطري عليه شوي ليما يعرف طبعج ،. والله يسهل أموركم.

 

[Patcholli]

اتوقع ان ريلي عنده ظغوط نفسيه مخليته تعبان اكثر منج ومو مرتاح ومو مستقر

سئليه وقعدي معاه وكلميه يمكن عنده مشاكل ماديه او بالدوام او في شغله معينه مو قادر يسويها

كلميه وتفاهمي معاه ماشوف وضعج يستدعي الطلاق .. غيرج قاعدين يخونونهم ويطقونهم وكليومين مطروده ولا مصرف ولا ماجله ولا ريل مجابلها وكليومين طاق تذكرته ومسافر

حمدي ربج وقضبي ارضج وحاولي تتفاهمين مع ريلج وخليه يفضفضلج ترى اهو بعد له حق عليج مو بس عيالج

اهو لازم تعاملينه نفس الياهل قبل عيالج ترى الريال اخس من اليهال الياهل مايفهم وينسى بس الريال يفهم وماينسى ويحتاج منج حنان ووقت واهتمام

 

[Miss Basma ..}]

إلا اليهال ، وين قاعدين أبو يطق ياهل
بهالحالة أشوف أن الطلاق أحسن
ياما حريم قعدوا مع هالأشكال بحجة يتغير و أن في حل و آخرتها ندمانين
أنا أعرف وحدة ندمانة سمعت كلام الحريم لا تطلقين و كلميه و يتغير .. إلخ

 

[shak!shoka]

نفسيتج تعبانه لانج بدون خدامه و حامل و ولدج صغير توه


مريت بنفس وضعج وكنت انهار من البجي والتعب

ونفس ريلي يقط ملابسه بالارض وهالشي يقهرني ويحسسني بوصاخه بس قمت ما اشيل ملابسه وحتى الوصخه الي تبي غسيل اخليها لمن يفقدها اقوله انت قاطهم مو حاطهم غسيل واذا غسلتهم هاوشتني


مع الايام يتعدل بس طولي بالج


بس مشكلته العويصه مع ولده حرام يعصب ويطقه شصاير

لا تعطينه مجال يعصب سكتي ولدج اذا بجي و حاولي تعلمينه يسولف مع ابوه واذا دش عليكم يروح يركض يحضنه


والله مع الايام يتغير مالج شغل بتهويل البنات والي تقولج تطلقي
خير عسا ماشر !!

والخدامه ترا ضروري تساعدج و يصير لج وقت حق زوجج



الله يسهل عليج و يسخر لج زوجج

 

[فدك الحلوه]

اه الله يعينج حبيبتي بس الطلاق مو هو الحل المناسب
اكيد مو دائما زوجك عصبي يمكن عنده ضغوط بالعمل ويبغي يرتاح
وصراخ الطفل ينرفز صراحه اذا الواحد تعبان وماله خلق بس تصرفه غلط انه يطقه ويصرخ عليه
انتي قعدي معاه وهو رايق وتفاهمي معاه والله يهديه ويهدي الي عندي يااااارب