تعبت من سهر زوجي والله تعبت ،،،

[manar-al-hala]

​

تعبت من سهر زوجي والله تعبت ،،

والله ماادري شسوي فيه

نفسيتي تعبت من هالسالفه

الساعه الحين 5:00 الفير ولحد الحين مارد

تصوروا تقعدون الليل كله بروحكم !!!


والاخ سهران مع ربعه ،،، اخ بس اخ

مرات يطري علي من يتصير الساعه 6:00 الصبح

اروح بين اهلي ،،،

بس الصج اني اصبر واحط راسي وارقد ومن ثاني يوم
اسوي كان مافي شي صار

بنات انا كلمته قبل سنه وخف سهره بس

رجع للسهر مره ثانيه ،،


شوروا علي ،،،

 

[خالف تعرف]

حاولي تحببينه في بيته

 

[فوفو22]

حبيبتي برمضان معظم الازواج يسهرون

وانا نفسج

بس وظفتّه بشي حلو

نت وقراءه قرآن

وتصير نفسيتي اوكي

واستقبله احلى استقبال ماشاء الله تبارك الرحمن

فوفو

 

[TIC TOK]

انا كنت نفسج بس لما بطل سهر وقعد بالبيت مليت منه ما ابيييييييييييييييييييييييييييييه استانس لما يسهر برا يفكني منه

يبا استانسي بحياتج لاتوقفين حياتج عليه


حسافه لو يرجع نفس قبل

 

[ربي سبحانك]

عادي حبيبتي اغلب الرياييل جذي الله يهدي يارب

 

[النجاح هدفي]

صح اللحين رمضان واغلب يتاخروون

 

[محتارة وبصيح]

لا تحاتين بعد رمضان بيتعدل علشان الدوام

 

[تواقه]

عندنا وعندج خير عادي حبيبتي .. الاغلب جذذذي وخليه يروووح بس تطمني انه مو بالحرام

واشغلي نفسج بالذكر بالنت بالتفلزيون صج ملل بس شتسوين احسن ما يقعد يقابل 24 ساعه تملين منه

 

[Me..]

انا نفسسس حالتج
بس احسسسن شتبين بالحنه والمطالب

بس حال كل الرياييل جذي برمضان او غير رمضان
مايبون ينقال لهم ان حريمهم حاكرينهم خخخخخخخخخخخخخ

 

[حلاتي غير]

يبا عيشي حياتج لاتكبرينها بالعكس بهالفتره اهتمي بنفسج ودخلي النت اقري قرءان ولي يه استقبليه احلي استقبال كلهم جذي

 

[غلا صلاح]

انا بعد جنني بالسهر برمضاان وقبله الرمضاان كله قهووه الله يعيناا وياارب يهديهم

 

[كويتيه مذهله 87]

خليه يسهر ويطلع يستانس لي ورا رمضان عاد كلميه بهدووء انج محتاجته

 

[الغاليه نونو]

" عند الله السعه يمه وسعي الصدر بس واذكري الله

السهر وين يسهره؟؟؟؟ من معاه؟؟؟؟ لي دقيتي عليه يرد والا يحقر؟؟؟؟ واثقه منه والا لاء؟؟؟؟؟

اذا مطمنه ان ريلج موراعي سوالف وخرابيط حطي في بطنج بطيخه صيفي ونامي يمه لاتحاتينه ماقول لج لا تحاتينه موليه لا ياقلبي

مثل ماقعدتي وياه وكلمتيه عن السهر ان هالشي مسبب لج تعب نفسي كلميه الحين وتناقشي وياه باللتي هي احسن حبوبه حطيلج جدول اسبوعي وكل اموركم بتتسنع لاتخلين لابليس طريج ياقلبي يدش بينكم ويعفسكم
ترا عندنا وعندج خير شوفي البنات اغلبهم يعانون نفس مشكلتج واناااااا اعاني مثلج هالعيال اللي سهرهم بالدواوين والا بالشاليه الله يحفظهم ادق عليهم كل شوي واقول لهم طرشوووولي المسج مال اللوكيشن علشان اعرف وينهم فيه ههههههههههههههههه شريت اي فووون بس علشان اتطمن عليهم

الله لايروع قلبج علي بوعيالج يمه وبدال التحلطم اقري القرآن وهالنصيحه دووووووووووووووم اوصي فيها بناتي والله ان يدشون بالخاص يدعولي انهم من واظبوا علي قراءة القرآن ربي سبحااااااانه فرج همومهم وتسنعت احوالهم

 

[مولاي الفرج]

حبيبتي اذا اهو طول ماخذاج يسهر

قوليله دامك جذي انا بسهر مع اهلي

لاني بروحي

اذا وافق تكسبين شوفه اهلج وتضيعين وقت

اذا ماوافق قوليله شسوي بروحي انت ماتجابلني

جربي​

 

[Rawonah]

عادي حبيبتي فتره وراح يقعد فلبيت وتملين منه

 

[غلآ نوآف]

طيب اذا هو يروح يسهر
خليه يوديك بيت اهلك تسهرين عندهم
وعادي اختي اغلب الشباب كذا
مايحبون حكرة البيت بذات ف رمضان

 

[manar-al-hala]

تسلمون حبيباتي عالردوود

بس حاشني اكتئاااااب وافكر اقعد بيت اهلي جم يوم

اريح اعصابي فيهم اشوي ،،،

لاني لما يسهر اعصابي تتلف مهما قلت بيني وبين نفسي
يظل قلبي شغاااال ماقدرت احكم اعصابي ،،،

احس اني مضغوووطه ولاني ما اتكلم احس يمكن انفجر ،،،

بس الله يهداه،،،
احس انه بيخسرني ،،،

عسى الله يثبت قلبي ويجعل فيه حبه وحب نبيه عليه افضل
الصلاة والتسليم ،،،

 

[عاشقة_الجمال]

عاااااااااادي حبيبتي برمضان الكل يسهر

ولدي عممره 4 سنوات تخيلي يسهر للساعه 7 الصبح الله يحفظه لي يا رب

 

[Tulips]

كلهم جذي

 

[om reem 86]

كلنا نفس الحال انشالله بيتعدل الحال