تعبت من رجعية زوجي حابسني بالبيييييت زهقت

[لوف لايف]

بنات انا زوجي متحكم غيني بشكل مو طبيعي انا كنت موظفه بالشؤون وغصبني عالاستقاله وقدمتعلي التربيه واناومابيها

قلت مايخالف والحين انا قاعده بالبيت ناطره دوري بالتوظيف
المشكله اللي بطرحهها اهي ان زوجي قزيز كل يوم يطلع سينما ومطاعم ومجمعات
وانا محكوره بالبيت مع عيالي زهقت بموت من الزهقه
لنا اقوله طلعني مشني يقول لج بالشهر مره ويخليني اشتري لعيالي نلابس بالشهر مره ونرجع البيت ويمن علي
يقولي مشيتج وطلعتج ودلعتج واخوانه كل يوم يطلعون مع حريمهم انا مابي كل يوم عالاقل بالشهر نتمشي مو نروح جمعيه ونشتري ملابس لعيالنا

اناني بشكل مو طبيعي ولما اقوله انت تطلع وتتمشي وانا محبوسه بدون دوام ملللللل يقولي انتي مرإه لاتقارنين نفسج فيني المره مالها الا بيتها

حاولت اغير فيه ماكو فايده والحين قام يخش عني انه يتمشي مايبيني احن عليه
علموني شسوي احس اني انسانه ميته زهقت من البيت
شلون اقنعه يمشيني بدون مايمن علي ولا اقنعه حتي اني اتمشي بروحي مع عيالي نغير جو
حرام عيالي كله قاعدين بالبيت ويبجون وينقهرون نن عيال عمهم
ابي اونسهم حاولت معاه قالي مستحيل تطلعين بروحج ولا راضي اطلع معاه

 

[MiSS B.K]

الله يعينج عليه خلي عيالج يحنون لين يطلعهم اويوافق تطلعينهم

 

[مناير ...!]

خلي عيالج يطلبونه
يمكن يكسرون خاطره

 

[ظل الياسميـن]

مالج الا الحنه والرنه وبمساعدة عيالج طبعاا

لوووووووول

 

[ابدا يالغالي مانساك]

الله يعينج حبيبتي
ان شالله مع الايام يتغير

 

[الغاليه ام احمد]

دزي عيالج عليه ويحن

 

[لوف لايف]

بنات عيالي يحنون عليه دايم ويقولون اه عن عيال عمه ودايم يعصب ةيقول الله يلعنكم ويلعن امكم فوقكم ماوراكم الا عوار الراس
انا حاولت معاه بالدلع مافاد وحنيت مافاد عطوني حل

 

[ام زهقانه]

طرشب اعياللك يحنون عليه
بدا الصيف والناس كلهم يطلعون واطلعي انتي مع اعيالك احسن لك ولا نقرنييين نفسك فيه

 

[شقرا كويتيه]

الله يعينج بس حني كثر الدق يفج اللحام وخلي عيالج يحنون والله يهديه لكم

 

[أم توتو]

طيب طلعي مع اهلج مو شرط وياه

 

[فطووومة]

خلي عيال عمهم يحنون ياخذونهم معاهم يمكن الله يهديه
او عمهم يكلمه

انا معاج اذا مو داش مزاجه يطلعكم لو شنو يقولون له العيال ما ينفع

 

[رواضي قطر]

الله يعينك حبيتي

 

[MissChoco]

الله يعييينج صج ,, لو قلنا ريلج بيتوتي بنعذره بس كل يوم يطلع ويروح ومايوديج والله عينه قويه ويبط الجبد
الله يسخره لكم يااااااارب,, وانتي حني عليه كل يوم زهقيييييه خليه يزهق ترا كثر الدق يفج اللحام

كلمي خالتج تكلمه بس طبعا لا تقوله انه انتي قلتيلها خلتقوله فلان ماشوفك تودي عيالك ومرتك نفس اخوانك وكله قاعدين حرام عليك ربك مايرضى



وشوفي شيصير

 

[دلع روز]

دزي عيالج عليه
مع الحنه منج
قولي حرام عليك العيال بيجيهم نفسيه من قعدة البيت
كله بيجون ويقولون عيال عمنا والناس تطلع وحنا جالسين بين اربع طوف
حتى النجاح مافرحنا فيه
قولي شنو اسبابك مانطلع
اذا قال مابيكم تطلعون لحالكم قولي مو لحالنا حنا عائله والموبايل ويانا
دق باي وقت اطمن لحد مانرد البيت

 

[زينب العقيلة]

انزين مايرضى تطلعين مع اهلج؟؟

مثلا تغيرين جو

قوليله اذا انت ماتحب تطلع ويانا ابي اطلع بين فترة وفترة معاهم

يمكن يغير رايه ويطلعج

 

[اختكم بالله]

الله يعينج بس خلي عيالج يحنون عليه حتى لو عصب مره ولا مرتين عقب بيوافق

 

[وردة الحياة]

تبين نصيحتي من تجربه

اول شي غيري نفسج.... يعني صبغي شعرج..اهتمي... اشتري لصقات التاتو من بو 100 فلس وكل يوم حطي فنتق

ثانيا عزمي رفيجاتج بالبيت اذا ضاق خلقج..تابعيلج مسلسل

ثالثا: لا تحنين لا تحنين لا تحنين

رابعا: علقيه فيه.... تعرفين يعني شلون تعلقينه؟ بالمسجات الحب... بالهدوء...بعطرج..أأسريه بسحرج

خامسا: لا تقارنينه باخوانه...ولا تقارنين نفسج بحريمهم

ريلج انسان غيور من الدرجه الاولى... وصدقيني كل ريال يبي مرته تطلع 24ساعه معاه..بس مو بالحنه مو انتي لما تطلبين حسيالج بينفذ طلبج.. زوجج زوج رجعي ..فلازم تشغلين كيد النساء وتتابعين دروس دينيه وزوجيه بالحياة الاسريه

مو مهم الطلعات... طلعي انتي مع خواتج خواته حريم اخوانه...موضروري معاه..

والله والله اذا غيرتي من نفسج وعلقتيه فيه مايطلع من غيرج...حتى لو يبي ييب عشا من مطعم تيك اوي ياخذج معاه
ساأليني مجربه ....

 

[توتو_الحلوة]

الصراحة قمة الأنانية
قوليلوا انت مو مستأجريني عشان تحبسني بالبيت شو هاد بيطلع لحالوا وبيتركك بالبيت لما يطلع يتمشى او بالمجمعات يطلع معك ومع ولادك وين المشكلة عنجد اناني


هاد لو زوجي كان فنقر وصلتوا بيت امو خخخخخخخخ قوية

 

[منوله العسوله]

سمحيلي حبيبتي انتي الغلطانه من البدايه سمعتي كلاامه ولا ناقشتيه يعني خلاااص يقولج استقيلي من شغلج تقومين تستقيلين بدون نقاش يعني هو ماخذج اتوقع وعارف شغلج شافج ضعيفه ترا الريال اللي يشوف المره تسمع كلاامه بدون ماتناقشه يشوفها ضعيفه ويبدا يتحكم يعني سمحيلي اش هالتفكير ليش انتي مو انسانه مالج مشاعر واحساسيس ماتبين تطلعين وتشوفين الدنيا ومنو قال المره مكانها البيت صحيح المره لازم تهتم بريلها وعيالها ماقلنا شي بس هم بعد انسانه تبي تطلع مو حبس في البيت يعني اهي ذنبها انها انولدت بنت اش هالتفكير المتخلف

 

[بشوريتا]

يختي شتسوين مع هالريل

الله يعينج والله