تعبت من خالتي .. و أسلوبها خلاص كرهت أنزل تحت كرهت نفسي وكرهت أهل زوجي كلهم ..

[النوري]

السلام ..


بنات شلونكم . .شخباركم ..


انا وحده متزوجه من تقريبا سنيتين ..


للحين ما الله رزقني في بيبي ..


حماتي عندها ولد وبنت .. و البيت كله فاضي ما في عيال غيرهم .. حمواني الباقين صغار .. مو متزوجين ..

وحمواتي كلهم صغار مو متزوجين هم ...

المهم ما في عيال ير هالولد و البنت ...
الولج سنتين و نص والبنت سنه ...

انا أموت عالعيال .. وأحبهم حيل .. تلقيني .. لما أروح السوق أشتريلهم بجامه . بدله ..

جوتي . .. لعبه ... لما أسافر .. أزخلهم زخ .. ملابس والله ما جبت حتى لأخواني .. مثلهم و أنا أخواني هم مو متزوجين .. كلهم صار ..

أحبهم حيل ...

المشكله .. إنه كل ما أنزل ألمس العيال .. و ألعب معاهام.. تقولي لا لا خليهم ترى فيهم حراره .. وطايحين أمس مرضه ...


وشوفيهم ضعاف .. ونزل وزنهم .. وترى فيهم و فيهم .....


وهم ماشالله عليهم .. العافيه باينه من عيونهم ماشاله تبارك الرحمن ..


وما ينقصوون بالعكس .. وزنهم و حجمهم تبارك الرحمن .. زياده عن الطبيعي بعد منفخين ..


وكله تعبانين .. وكل مرض وعله .. وتراهم تشنجو أمس .. و وصلت حراتهم 41 .. ههه


شلون عايشين ..؟؟ 41 ؟؟
وفيهم جفاف و إسهال ....
وترى تشنجوا .. من الحراره ..

وتخيلو أسؤل الخدامه .. تقوللي لا ما فيهم شيء .. ما فيها ولا سهال ولا شيء ..




وحماتي حامل ألحين الله يرزقها .. ويرزقكم جميع ..


وتخيلي أقولها وينها .. تثولي مسكينه تنزف و هي بالشهر الثاني .. يعني خطر حيل ..


وماي ينزل منها ..


والدكتوره تقول خطر .. مسكينه تنزف نزيف حاد ...

أنا تخرعت أدق عليها على نقالها .. أقولها وينج ؟؟ تقولي أنا بدوامي ليش ..؟ أقولها أمج تقول ..


تقول لا .. ما فيني إلا العافيه .. بس عورني بطني شوي . لا نزيف ولا شيء ...

تخيلو أشوف عيالها تحت
أسؤل خالتي تقولي مسكينه رايحه الطبيب تنزف .. و ماي يصب منها ...

وقطت عيالها عندنا ..

أسؤل الخدامه تقولي ماما رايحه بر .... روح مخيم ..؟؟


وإلا ماما يروح سوق ...؟؟؟



تيخلو .. وفعلا ترد عالساعه 11 بالليل . .. ؟
وفعلا لما أدق على حماتي تقولي ... بالبر أنا أمري بغيتي شيء .. حماتي طيبه وعلى نياتها وحبوبه . بس خالتي ..


والله تعبت .. كل ما قعدت أشوف البنت تناقس و تمشي ماشالله .. وهي تقولي شوفيها خدودخا حمره مسكينه ... من الحراره .. ألمس البنت ما فيها شيء .. وحركتها مو حركة وحده مريضه ..

شنو انا بقره لهالدرجه ؟؟؟



ولما أخذ البنت أو الولد شقتي ألعب معاهم تدز وراي الخدامه على طول .. تقولها روحي جيبيها ..

أقول للخدامه ليش تقولي بنعطيهم دواء ..

أقولها جيبي الدواء .. أنا أعطيهم .. تروح شوي وتجي ... وتقوليب لا جيبي البيبي ..


مسكت الخدامه وقلتها بسألج قولي الصج .. أوكي .. قالت أوكي ..

قلتقالولج لا أخذهم .. قالت إي ماما صغير ( حماتي ) ما قالت شيء .. بس ماما كبير يقول لا ..


البنت و الولد لا يصعدون فوق .. ولا تخلينها معاها ( عني أنا ) بروحي ...

حرام عليها ...

والله حرام ..؟؟

شبسوي للجاهل ..؟؟


شتها بسوي للبنت ..؟؟ أو للولد .. والله أنا أحرص عليهم منها ..

والل لو أشوفهم مهتمين بالعيال أقول يخافون عليهم .. بس وربي العضيم ..

إن الجاهل يلعب فيها عيال خالتها الصغار عمر الواحد 6 سنين .. و 7 سنين .. يشيل ولجد عمره سنيتن ..

على الرخام .. ويناقز فيه .. وهم يضحكون عادي .. حدهم لا قالوله دير بالك ...


و الميميه .. 100 ملي .. لازم قفشة حليب يحطون مرات قفشتين .. ويجيها إمساك

ومرات يحطون قفشة حليبب على 170 ملي ..؟؟



يعني ناس ما تدري عن عيالها ...

البنت ياخذون اللهايه مالتها من القاع وصخه ويحطونها بحلجها ...


الماي ما ينغلي .. من إنولدت وهو ما ينغلي حرام معدتها ما تتحمل ...




كل ما أنزل ما عندها إلا سالفة عيال جماتي مساكين ... وحمالها تعبان .. و هي تنزف و البيبي حجمه صغير في بطنها ..

وهاذي سالفتنا ..


أموت ألف مره بكلامها .. والله أنزل تحت لما تكون حماتي هني ..

وخالتي أقعد بس وربي جني غريبه .. بينهم ..


حماتي أبوها للجنه . والله إنها ذهبه .. عسا الله يخليلها عيالها ... ويرزقها

لما تقول خالتي وصلت الحراراه 41 تقولها لا بس 38 ...

لما تقول خالتي تشنجت تقولها لا ما تشجنت


لما تقول فيهم جفاف تفول لا ما فيهم .. والله تنبط .. جبدي


ولما تقولي مره ثانيه فيها تشنج أقولها بنتج تقول ما فيهم تقول إمبللا فيهم ... بس أنا ما قلت لبنتي عشان لا إتخرع .. خخخخخخخخخخخخ


شوفو شلون مستغبيتني .. و الله أعرف أمور بالبيت ... أهل البيت نفسهم ما يعرفونها ..


بعضها من ملاحضتي ووبعضها من الخدم ..


خداماتهم مفضحين . .كل شيء يقولونه .. عنهم ..عشان جذي أخذ منهم سوالف ولا أعطيهم معلومات عني أبدا ..

. وخالتي لما تقولهم لا تسوون جذي وسوو جذي ..

كل شيء يجيني .. أول بأول .. لأني حبوبه فيهم أعطيهم وأشضريلهم هدوم .. وأسولف وياهم .. .. خالتي تزقهم وتصارخ عليهم و تكرفهم كرف اليهد .. .. وهم تأمنهم على سرها ..


يعني شوفوا منو الذكي فينا ..؟؟


وأنا أعرف شيء وهي تقول شيء ثاني بس أمسك نفسي ما تطلع من قلبي إني أراددها ..


أو أقولها كلامج غلط .. أكل تبن و أسكت ..


أنا قام يمر علي إسبوع ما أنزل ....

من الضيقه و الهم ...


والجذب ... و الخوف ن العين ..


دايم خايفه أصكهم بعين لأني ..ما جبت للحين بيبي...؟؟؟

ليش شذي والله إني أحبهم .. وربي أبيلهم الخير .. و أبي لحماتي الخير ...

عسالله يهنيها أمين ياربي ..

بس ليش خالتي شذي ...





شسوي عشان أريح نفسي ... أو أخليها ما تسوي جذي .. فيني ..؟؟
حرام عليها

دايم أبجي عند أمي وتقولي حقري طنشي .. مالج شغل فيهم ... لا تقوليلهم يجيبون العيال فوق ..

لا تعطينهم مجال يجرحونج ..

ومرات أبجي عند زوجي مره من الرمات فقدتا جاني إنهيار عصبي ..


و إلا .. ينزل تحت يشيل ابنت على إيده اليمن و الولد على اليسار ويجيبهم فوق ..

ويقولي يالله هذيله جهال .. إلعبي فيهم ولا خلصتي قوليلي أنزلهم لأمهم .. فديته ..


وطبعا لأن زوجي اللي خذاهم فشر واحد يجي يطق باب شقتي ..


ويقول جيبيهم نبي نعطيهم دواء ...



اللي مخليني أرتاح شوي إن أمي و زوجي حاسين فيني .. ما أدري مرات أحس ودي أنفجر .. و أتكلم لحماتي أقولها .. يصير كذا و كذى .. بس . بتقول لخالتي ..

وخالتي بتعلم خواتها .. و يقعدون يحطون فيني .. عقد و هي تتخيل وهي معقده .. و أنا ما قلت .. شيء ... و أنا طيبه معاها .. وأطلع أنا الشينه ..


فأسكت أحسن ..


بس .. أبيها تخف شوي ...


بختنق ..

 

[ام الكتكوته]

اول شي الله يرزقج الذريه الصالحه

ثاني شي اهي مو داشه بقلبج وتدري انتي شنو بقلبج

خايفه على بنتها من الحسد

انتي لا تقرربين من اليها لخليج من بعيد لي بعيد

اهي تشوفج شفقانه عليهخام واتحبينهم على بالها اهم بخاطرج

ولما اتقول لج امرضه قولي الله يشفيهم

ولما اتقول لج حمتج تنزف قولي الله يهون عليها

خلي كلامج معاها مختصر ولا تكثرين

وعلى الخدامات يقولون لج شنو صار بالبيت

والله انا اقول لا تسمعين حتى كلامهم ولما يقولون لج شي جعميهم ولا تعطينهم ويه

ترا والله يما ناس اختربت بيوتهم بسبت الخدم

وترضين خداتمة اهلج توصل اخبار اهلج اول باول لجنتكم

اكيد لأ هذي اسرار بيوت \

وحبي للناس مثل ما تحبين لنفسج

اسمحيلي يمكن كلامي قاسي شوي بس والله هذا لاصج

زاخذي نصيحة امج

طنشيهم والحمد لله ان زوجج متفهم معاج وامقدر كل شي

والله يصلح حالكم ويرزقكم بالذريه الصالحه

 

[Dloool_q8]

حبيبتي يمكن خالتج مو قصدها انج ما حملتي للحين يمكن تخاف على عيال حماتج من العين لانهم مربربين شوي اسم الله عليهم
لا تاخذين كل شي بحساسيه كل شي بايد الله
والله يرزقج و يرزقني وكل بنات التجمع عاجلا غير ااجلا يارب

 

[سبائك]

يالحبيبه انتي ليش معوره قلبج

حمدي ربج امهم (حماتج) مو نفس أمها

خالتج مره كبيره وهذي أطباع الحريم الكبار غالبا

وايد اعرف ناس جذي من كثر خوفهم من الحسد يبتدون يخربطون ويجذبون

هذا مو معناته خايفين منج لا هذا طبعهم أهمه حتى مع ناس ثانين يقولون نفس الكلام
صدقيني انا مريت بهالموقف وكان ضايق خلقي مثلج لما عرفت أن الوضع معاي ومع غيري
لان الانسانه الي اتعامل معاها أهي طبعها جذي وايد تخاف من العين والحسد لما تطور الوضع الى مرض أعوذ بالله

 

[TeAcHeR_BeZaRiN]

حبيبتي عسى لله يرزقج الذرية الصالحة عااااااااااجلا غير آجلا ياااااااااارب

وصج نفس ماقالت امج لا اتيبن العيال عندج فوق عشان لا اتعرضين نفسج للأحراج مع ناس ما تتفهم

شوفي حبيبتي خالتج خايفة على اعيال بنتها وانتي لازم تعذرينها لأن الحريم الكبار هذا تفكيرهم منحصر في هذا الشي فجدامها لا اتحسسينها انج مهتمة حيييييييييل بعيال حماتج خلج عادية ..

وأووووووووعي اتناقشينها بالهموضوع لأنها اول شي راح اتسوي بتزعل واتروح تشتكي لزوجج وتعتبرج انج اتهمتيها بالجذب !!

اهتمي بخالتج يبيلها هداية طلبيها تدعيلج بالذرية الصالحة وبس وربي يسخرلج خالتج ان شاء لله

وادعي دااااايما بهالدعاء (( اللهم اجعلني مباركاً اينما كنت ))

 

[الزيـــــن]

انا اايد كلام اختي حور النوير

كلامها صح خلج احسن منهاا وافتح منهااا

 

[ربي يفرج لي]

ربي يرزقج انشالله ويرزق كل من يبي بالذرية الصالحه تصبري هذا المكتوبلج خليهم ولا تعطينهم اهتمام ولا تسالين عنه عشان تحس شوي وربي يصبر قليبج

 

[Hello_kitty]

كسرتي خاطري حبوبة لأن ما يحس بالمعاناة اللي محترق فيهاااااااااااااااا

الله يجبر بخاطرج وخاطري وكل محرووووووووووومة يارب ...

حبيبتي مدام زوجج معاج زين وحماتج طيوبة طوفي ولا تشيلين هم حق سوالف خالتج ترى اهي مرة كبيرة


والمرة الكبيرة الله يهداها لها حركااااات وكل تخاف من العين والحسد بس بدووووون ما تقصد تجرحج


صدقيني اهي لو تفكر تجرحج او تضايقج تقط عليج كلام ويسم البدن وتشيش ريلج عليج ومرتك مرتك ما فيها عيال

من هالحجي اللي يضيق الخلق ووايد خالات جذيه ..يا معودة خالتج تهوووووووون


انه وحدة من الناس حماتي واهي حماتي مادريت بحمالها الا بالشهر السادس معلمين الدنيا كلها الا انه!!!!


بجيت واحتريت وبعدين منو الخسران؟؟؟انه الخسرانة راحتي وحرقة اعصابي وصحتي وعلى شنو بس؟؟؟


والله لما ولدت محد قاااااام فيها غيري وضحكت ولا جنه فيه شي!!!!!!!!


وسالفة الخدم ترى موحلوة كلش منج تستغلين علاقتج الطيبة بالخدم وتخلينهم يقولولج اسرار اهل زوجج

انتي ما ترضينها على نفسج وماتدرين عن هالخدم بارج يقولولهم فلانه تسال عنكم وتسحب حجي وياما خدم خربوا بيوت

وهدموا عوااااااااايل....

الله يرزقج ويرزقني ويفرح قلبج ياااااااااااااااااااااااااااارب

اجتهدي باتخاذ الأسبااااب والدعااااااااااااااااء

 

[bnt_kwt]

خلاص يسلم راسهم ما يبونج تشيلين عيالهم خلاص مو لزووووم يعني وماراح يصير فيج شي انشالله
الله يرزقج ويفرح قلبج

ولا تنبشين من وراهم عند الخدم ترا مو حلوه هالحركه كلش اختي ترا الخدامه اللي تقولج حجي عاااااااادي ترا
تألف لها قصه من خيالها وتروح تقول حق معزبه سالفه انتي مالج شغل فيها وتعالي رقعي عاد

حبيبتي لا تنبشين من وراهم وتسئلين الخدم ولا شي وعيالهم خليهم لهم الله يخليهم لاهلهم

وترا وايد ناس نفس خالتج بس للا سف ما يدرون انه من كثر ما يفاولون على يهالهم بالمرض يمرضون صج

الحمدلله والشكر الناس عقليات

الله يخليلج اهلج وريلج ويرزقج الذريه الصالحه اللي تملى عليج حياتج

 

[++The DuchesS++]

الله يهديها ويصلحها
هذي سوالف العيايز عادي حبوبه
دام حماتج زينه معاج وريلج بعد خلاص مالج شغل باحد
ولا تصيرين وايد حساسه
انا حاسه فيج والله لاني ماره بكل اللي تقولينه
بس مو من خالتي لا مرات من حمواتي
بس الله يهديهم ويصلحهم
ويرزقج ويرزقني الذريه الصالحه امين

 

[ام مهدي]

حبيبتي الله يرزقج بالذرية الصالحة عاجلا وليس آجلا يارب وحبيت اطمنج انتي صارلج سنين صج انتي حاستهم واايد بس ترى هالسنتين ولا شي ياما ناس قعدوا خمس وعشر سنين وبعدين ما شاء الله ترسوا البيت عيال هذا كله ابتلاء واختبار من الله لج ولصبرج والله يصبرج على خالتج ان شاء الله معني انا حسيتها من كلامج انها ماتقصد اهانتج وتجريحج بس مجرد اهيه اطباعها جذي اطباع عيايز انا رفيجتي عندها بنتين اسم الله عليهم وخالتها تعاملها نفس معاملة خالتج يعني السالفة ومافيهاأطباع بهالحريم حتى لو كان عندج عيال جان عاملتج نفس المعاملة ما تغير شي فتقبلي خالتج بعد شتسوين وهونيها وتهون

 

[النوري]

تسلمون يا بنات ...

على ردودكم .. وفعلا سالفة الخدم ببعد عنها بس ترى أنا واللله ما أقولهم قولولي ..

لا هم يتشكون من تحت ومعاملة تحت بعدين يعطوني جم سالفه ..

المهم

ببجعمهم ... لا جوني مرات لأن جد 3 أرباع قلبتي على خالتي .. إهي من لسانهم ..

والربع الباقي فعالها .

المهم ..

بحاول .. أرد عليها بنفس حلوه ..

و الله يصبر قلبي ..

ويرزقني وياكم فبيبي .. يفرحنا ..


أمين يارب

 

[رقي]

الله يرزقج ان شالله وتحملين
وتربين ياهل
وماتبين منهم شي
الله يهديهم

 

[sanfora]

الله يرزقج بالذرية ان شاءالله ولاتاخذين الموضوع بحساسية لانها امراة كبيره بس اقولج احسلج لاتنشغفين على عيال حماتج وايد عشان اذا الله لايقول صار فيهم شي لايقولون من عينج ومايكون اساسا هالشي منج...........

خلج من بعيد لي بعيد احسلج واريحلج ولاكلام رايح ولاراد........ واذا ان شاءاالله عالعيال مثل ما الله رزق حماتج وغيرها قادر يرزقج بس خلي ايمانج بالله قوي

 

[ام الكتكوته]

كيدي عظيم انتي دريتي ان حماتج حامل يوم اوصلت السادس

انا حمواتي ثنتين دريت لما اولدوا دقوا يقولون فلانه اولدت

قلت منو فلانه قالوا حمانج قلت ليش حماتي حامل

لا وحده منهم مرتين ورا بعض يابت ياهلين على راس بعض

خليها على الله بس

يعني ثلاث مرات

هههههههههههههههههههههههههههه


والله اول شي احتريت مثلج وبجيت

بس بعدين قلت بالطقاق لي احتر

حتى مرت حماي ما شفت الا بطنها جدامه بالعيد

الله كريم

 

[انا كويتية]

مرة ثانية ذا قالت لج الأم حماتج مريضة جدامها رفعي التليفون على حماتج وقولي وييييي بتطمن عليها ... جم مرة راح تفتشل من عمرها

 

[النوري]

أنا كويتييه خوش ... رد ..

مره ثانيه بدق .. عليها جدامها ..
وبسألها عن عيالها أو حمالها ...

أو أي شيء تجذب فيه خالتي ..

ولوني سويتها جم مره بس ما كو ما ينفع مع خالتي ..


واللي مصبرني إنها حبوبه .. وأحب خالتي حيل ... بس مره تموت و تحيا على سالفة العين و العين ..

من نصبح لين نمسي العين و العين ..

وهي ما فيها شيء يغري عشان تنضرب عين ...

لا جمال ولا عيال ولا شهاده و لا رجال قاضبته يمها ولا مال ولا شيء الله وكيلكم

يعطونج عين على شنو ..؟؟


أف

تعبت

رجعت و إحتريت .. مره ثانيه ههههههههههههههه

خلاص .. النوري خليج كووووووووووووووووووول


كووووووووووول
كول

خلاص هديت ..

شكرا بنات ...

على شعوركم معاي ..

حيل حسيت بألفه معاكم ..

 

[*كويتيه يونيك*]

حبيبتي في اختراع خاصه بالماسنجر اسمه اقنوووووور=طااااف بالكويتي واذا تقدرين بلوك وديليت خير وبركه
ذكرتيني بنفسي مع عيال حماي بس الفرق بالقصه مرت حماي اهيه الشريره=شرشبيله وخالتي يابعد عمري اعلم الناس بطيبة قلبي اشري واحط واسوي لهم ولا القى من مرت حماي الا النفس الشينه حطي حدووووووووووود واشتري راحة بالج...
خليج حليوه مع خالتج وطوفي...
والله يرزقج وتبشرينا عن قريب

 

[انا كويتية]

أنا كويتييه خوش ... رد ..

مره ثانيه بدق .. عليها جدامها ..
وبسألها عن عيالها أو حمالها ...

أو أي شيء تجذب فيه خالتي ..

ولوني سويتها جم مره بس ما كو ما ينفع مع خالتي ..


واللي مصبرني إنها حبوبه .. وأحب خالتي حيل ... بس مره تموت و تحيا على سالفة العين و العين ..

من نصبح لين نمسي العين و العين ..

وهي ما فيها شيء يغري عشان تنضرب عين ...

لا جمال ولا عيال ولا شهاده و لا رجال قاضبته يمها ولا مال ولا شيء الله وكيلكم

يعطونج عين على شنو ..؟؟


أف

تعبت

رجعت و إحتريت .. مره ثانيه ههههههههههههههه

خلاص .. النوري خليج كووووووووووووووووووول


كووووووووووول
كول

خلاص هديت ..

شكرا بنات ...

على شعوركم معاي ..

حيل حسيت بألفه معاكم ..

شوفي حبيبتي اذا تبين تنجحين في حياتج مع كل الناس تقبلي اطباعهم وتعاملي معاهم على هذا الأساس لا تتوقعين الناس على طبعج.... وخالتج تؤمن بالعين دايما قولي جدامها ماشالله ولا إله الا الله ولا تمدحين شي جدامها ابدا حتى مجاملة ولاتعورين راس ريلج بهالأمور ....انتهى . والله يهديها ويهدي مابينكم

 

[الغاليه نونو]

يابعد قلبي والله اني ادعيلج وادعي لكل البنات اللي ما أذن لهم رب العالمين بالحمال انكم تحملون وتشوفون ذرياتكم باقرب وقت يارب


يقول المثل لاصفا لك القمر ماااعليك من النجوم

البنات قالولج كل خاطري فيه وبقوله لج


عسا ربي يرزقج من عنده وذيج الساعه بتشوفين خالتج تغيرت 180 درجه للاحسن انشاءالله