تعبت من اهل زوجي وزوجي

[Nothing]

مساء الخير

اهل زوجي اخطبو اختي وارفضت

وبعدها اخطبوني ووافقت وتزوجت

واهل زوجي دايما يمدحون اختي

وجمالها قدام زوجي

وزوجي يسالني عن اختي دايما

اتضايق بس ماحس حد يهتم بمشاعري

مب عارفه شلون اتصرف ساعدوني

 

[Patcholli]

لما يسألج عن اختج قوليله ترى مايجوز اتكلم عن اختي عندك انت مو محرم عليها ومايصير امدحها باي شي جدامك حرام شرعا

وقوليله اشكره انتي اشتبي باختي ليش تسأل عنها بتخطبلها ؟؟

واهل ريلج كلمي احد عاقل فيهم وقوليله يوصلهم بكل ذوق وادب ان هالشي يظايقج ويحرجج

 

[قلب طفـــله]

لين الحين حاطها بباله ! اذا يبيها اهي ليش ماحاول يخطبها مره 2 ليش خطبج انتي مالج ذنب بصراحه الله يعينج !

 

[فوفو22]

وواجب ما تردين على سؤاله بخصوص اختك

واذا حمولتك امدحوا اختك

قولي بكل ثقة

انا وكل خواتي نستاهل المدح

فوفو

 

[ماني من الناس]

الجهل ومايسوي

مفروض اهل زوجج يكونون على علم ان الاي قاع يسوونه غلط

غلط انهم يتكلمون عن اي بنت جدام ريال ويمدحونها شكليا لان لاشعوريا الريال سيده بيقعد يتخيل الشكل

والعكس حتى لو البنت مدحولها ووصفولها شكل ريال سيده بتتخيله عقلنا مبرمج على تخيل اي شي موصوف
والناس اعداء ماجهلوا

كلمي اي وحده من حمواتج تبين لاهلها ان هالشي وهللتصرف غير محبب وبيني انج تدرين انهم مايقصدون بس هالشي مايمنع انه غلط


وزوجج اي شي يسأل عنه قوليله مادري وامشي او غيري الموضوع

لان الموضوع مو تبع نقاش

 

[amorah jna]

مايجوز هاالكلام شنويسئلج عن اختج
الله يعينج

 

[am faisal]

طنشى انتى الحين زوجتة مو اختج

 

[صفاءء]

الله يهنيكم حبيبتي اهم شي لاتردين على اسئلته وقولي نفس ماقالت الاخت Patcholli

واهل ريلج بيملون ويسكتون

 

[بطوووطة$بيضة]

انتي بالاساس اشلون ترضين تاخذين واحد خاطب اختج ؟؟؟؟!!!!!!

 

[مياسه الحساسه]

والله حبيبتي العيب مو من زوجك
العيب من اهله
ليه يمدحون اختك قدامه ...
والله اعرف حريم كثير هاذي اطباعهم يوصفون ويمدحون الحريم قدام الرجال
بعدين يجوك الحريم يتشكون ..زوجي عينه زايغه ..وزوجي بيتزوج علي
...........ز
حبيبتي الله يعينك على اهل زوجك

 

[مياسه الحساسه]

انتي بالاساس اشلون ترضين تاخذين واحد خاطب اختج ؟؟؟؟!!!!!!

عادي وش المشكله
كثير تصير
يجون اهل العريس بيت ناس ويخطبون اي وحده من بناتهم ..لان تكون سمعتهم زينه ...وكثير من الناس تدور العوايل الطيبه
الموضوع مهو قصة حب او شبكه ..
عادي عجبتهم فلانه وخطبوها ..وما وافقت ..وقالو نبي اختها
انا اشوفه عادي

 

[حلمي وامالي]

مالهم حق الله يهديهم خليج واثقه من نفسك

 

[Reelax]

البلى كله من اهل الزووج اهما اللي يحروونج
حسبي الله ونعم الوكيل
اذا مامدحو اختج بيمدحوون غيرها .>>> 'طبعا انا مااعمم
بس مو شررط اذا سال بيكون يحبها بس هيييك فضوول
رفيجتي تقول ريل اختي يقول اختج مها حلوه ولا انتي احلى
وواحد اعرفه يمدح اخت زووجته يقول طويله ولها رقبه
يعني بعضهم فضوول بس

 

[شوارفسكيه حمره]

عيب اللي يصير وحرام قوليله ما يجوز ترضى ريل اختي يسألها عني ؟ ماراح يحس الا اذا حطيتيه بنفس الموقف

 

[ام الحلوااات]

اللــــه يـــعـــيــنـــج ويـــهــــدي ريـــلـــج واهــــلـــه

 

[خوقآقيه]

صصصح انا مع بطووطه
انتي شلوون رضيتي على نفسسج تاخذين واحد خخخاطب اختج ؟؟؟
اعذريني لكن تستاهلين اللي يجيج
قلبتي نظرتهم والحين هم يشوفونج انتي مشفوحة عالزواج واختج المحترمه !!!
ماافي الا حل واحد اللي هو الطلااااق !!!!
لاتعيشين مع نسان قلبه مع وحده غيررررررج تططلقي وارتااااحي قبل لايصير بينكم عياااال*

 

[مكاييل]

عادي اذا عندك اخت متزوجة قولي حق زوجك فلان ذبحني وذبح اختي كله يسال عن جمالي واختي كرهتني من هالشي وانا مالي ذنب اذا كنت حلوة واذا كشف كذبتك قولي بوجهه هذا اللي احسه لما انك تسال عن اختي فلانه

 

[روح مووود]

الله يعينج حبيبتى عليهم وينصرك

 

[لمى...]

طنشي حبيبتي

وزوجك اذا سألك قولي طيبة الحمدلله

واذا كثر السؤال قول حرام تسأل عن اختي

 

[غرام 20]

هاوشي قوليله وانت شكو باختي ان جبت طاريها ياويلك ترضي انا اسال عن اخوك
لاتسمتين له
واهل زوجج قوليلهم انا وخواتي كلنا مابنا قصور والدليل انكم اخترتو من عايلتنا مو عشان فلانه عشان سمعتنا زينه