تعبت من الوحام ونفسيتي اتدمرت

[حلآوهـ حمرهـ]

السلآم عليكم



شو الاخبار يا بنات



بدخل بالموضوع على طول


عرفت اني حامل من اسبوعين تقريبا وكنت مستاانسه وعقب يومين تغير حاالي

نفسيتي تعبانه وكارهه كل شي وبطني تعبني كله نفسي مسدوده ومالي خلق

واللي زاد علي اني بيوم وليله مرضت زجام وكحه قوييه بهدلتني وماعرف كيف اعالجها ماانام فالليل
وخواصري تعورني منها واخذ دوا اسمه سبسترون شي جي ومافادني وامي طبختلي اوراق الجوافه وهدتني شوي بس سوتلي امسااك


ومن زود الكحه احس اني برجع .. والله يا بنات فيني اكتئاب حااد حاااد كرهت اهل زوجي كره العمى وبيتهم وحجرتي مع اني احبهم بس الحين ماطيقهم مابي اكلمهم ولا اسمع اصواتهم ولا حتى اجوفهم

مالي خلق شي موول بس قاعده وحاطه ايدي ع خدي

استغفر الله ساعاات اقول ليش استعيلت وحملت وساعات اقول لو يكون كيس الحمل فاضي وايد احسن من التعب اللي انا فيه
ادري بتقولون حرام وتحملي وهذا حالنا بس انا مافيني حيل بنات احس اني بموت مافيني قوه ع اللوعه والترجيع


الله يخليكم حلو مشكلتي ابي حد يخفف عني واصله حدي من التعب :eh_s(11):

 

[وصايف4]

اول شي مبروك والله يتمم عليج
ثانيا حبيبتي هذا الوحام كل اللي تمرين فيه طبيعي
بس خلي دكتورتج تكتب لج حبوب تخففه شوي وكلها فتره
ان شاء الله وتعدي

 

[**miss 3sola**]

الله يعيييينج
والي يقولج وحامهاا لي تاااسع تعبت 8شهور وانا وحاااام
بعد شتسووووين تصبري كله اجر لج ولمى تحطين ابالج انه كل حريم جذي ووحام وفي العن الي تنام بالمستشفى والي والي واشياء تعور القلب يهوون عليج تعبج
مانقول الا حمدلله على كل حال شي مكتوب وبروووح واذا نفسيتج على شقتج واهل زوجج اقعدي عند اهلج لين ترتفع نساااتج وردي​

 

[ابدا يالغالي مانساك]

اولا مبروووك الحماااال وبعدين الوحام حده ٣ شهور وليش تدعي يكون كيس فاضي ماجربتي الالام ولا المعناه وان شالله ماتجربينها بحمل كيس فاضي هذا شعور طبيعي حبيبتي وبيرووح ان شالله كله نفسيه من الحمال

 

[لمسات شمووخ]

مبروك والله يتمم عليج
وميخالف حبيبتي تصبري كلها فتره وتعدي
قولي الحمدالله في ناس حالتهم سيئه من طبيب لي طبيب

كله اجر وكل علشان نشوف الضني

 

[••غـلآًهْـم••]

الله يعينج ويعديها علي خير استغفري ربج وسووي اللي يريحج لاتضغطين علي نفسج بشي

اذا ماتبين تكلمين احد خلاص المفروض يحترمون نفسيتج ولاتكلمينهم لين تطيبين ان شاءالله

 

[بنت الاحلام]

فديتج ياقلبي وناسه احبج كنت اتابعهج بالميك اب


ماعليج انا كنت نفسج كلها جم يوم تتغير نفسيتج

 

[أكذب عليك]

الله يتمم عليج يارب
تعوذي من ابليس ولاتذكرين وحامج عيشي وضعج لاتحسسين نفسج فيج شي
وصدقيني فترره وتعدي ان شالله

 

[حلآوهـ حمرهـ]

مشكوريين انكم رديتوا علي فديتكم والله

والله انا اتحمل اي عواار فالدنيا الا اللوعه وعوار البطن اقعد ابجي من التعب

ومعدتي تقلب وياليت ارجع بعد عشان ارتاح 

 

[صديقت قوقل]

في حبوب تخفف هاللوعه

 

[الوردة المكنونة]

حبيبتي انا وحامي صعب وايد

حبيبتي روحي كم شهر بيت اهلج انا جذي اسوي اول اشهر

وفي ابره تخفف الوحام انا خذيتها بحمالي اللي فات بمستشفى دار الشفا صار معاي جفاف من قوة الوحام وقالتلي الدكتوره الله يهداج ليش ما يتي من الاول خذيتي ابره تخفف عنج الوحام والحمدالله خذيتها وارتحت واااايد

 

[أم معاذ الكندري]

مبروك. أختي والله يتمم عليج
أختي احتسبي الأجر
والله أنا مثل حالتج اول ما حملت كرهت بيتي وحمولتي ومسكين حتي ريلي وفوق هذا كرهت كل الريايل
ولي الحين الله يعزج ترجيع ولوعه وصداع والي زاد ان حاشني الحين هبوط بالضغط
وتعب وسخونه والحمد لله ع كل حال
والله يهون عليج يارب

 

[ام الحلوااات]

اللــــه يـــثــــبـــت حـــمـــلــــج ويــتــــمــم عــلـــيــــج

 

[روح الأحزان]

حبيبتي الف مبرووك الله يتمم عليج ان شاء الله
والوحام امر عادي انه بالثامن وليل ين متأذية منه اروحي حق دكتورتج خل تعطيج ابره تخفف عنج وان شاء الله ترتاحين

 

[سالم الروح]

اولا مبروك حبيبتي

انا ماعرف كللش توني مآتزوجت بس حبيت اسلم عليج واقولج اشتقتتتتلج

 

[غرام القمة]

الله يعينج يماااااااااا انا جربت وربي ما كتب اكمله بس شفت الويل الحمدالله انا كان الصداع يذبح

 

[Q 8 Y A t]

توج ما شفتي شي
شوفي الله يسلمج اكلي بندول تخفف لج المرض
اما الترجيع واللوعة في دوا او حبوب تصرفه لج الدكتورة اكليهم وماتشوفين شر

ولاتددعين مثل هالدعاوي ترا راح تتحسفين

 

[إم بــــرٍآك]

مبرووووووووووك حبيبتي والله فرحت لج وانا اقول وينهآ مختفيه
الله يتمم لج على خير وشربي ماي وآيد لتر او لترين باليوم والله يخفف عنج هالوحآم وييع ذكرتيني بروحي والتعب الي كنت أحس فيه بس كله اجر والخيآر يخفف اللوعه والتعب وكلش كلش لآتأكلين بندول حتى لو الدكتوره قآلت لج عآدي
والله يصصصبرج

 

[وردة الدوحه]

كلنا مرينا بهالشي هذي سنة الحياه حبيبتي ما تقدرين تغيرين شي

تصبري كلها ايام وبتخف الاعراض

وان شاء الله اجر وعافيه

 

[tbola]

الله يتمم غليج ياربي