حبيبتي ماكو حل الحال من بعضه ياما صدقهم لين الله بينهم له وشافهم بعينه وسمعهم بأذنه وتحسف
مالج الا الصبر شوفي انا بقولج الاخطاء اللي سويتها عشان اتفادينها وما تتكرر مأساتي
اول شي اذا حسيتي ان مشيشينه دلعيه كثر ما تقدرين سويله الاكل الحلو والشغلات اللي يحبها
ثاني شي اذا قالج اي شي بعصبيه ردي بهدوء وطلعي من المكان اللي قاعد فيه
ثالثا لا تقوليله اكيد اهلك قايليلك شي عني ولا امك مشيشتك هذي طفارة الريال
رابعا لا ادخلين احد بينكم ابدا لا اهلج ولا اهله
خامسا عمرج لا تفكرين تروحين بيت اهلج زعلانه لانهم بفرون راسه عدل
سادسا اذا بروح حق اهلها ريلج على ريله حتى لو كنتوا في بيت واحد نزلي معاه لا تعطينهم مجال يستفردون فيه
واذا كنتي معاهم بنفس البيت لا تطلعين وايد بروحج وتخلينه بروحه معاهم لان راح تردين تلقينهم لاعبين براسه
انا مره طالعه بيت اهلي وفتح التلفوت وسمعني امه وهي تحن براسه وقالي تعالي يامعوده قبل لا تترس راسي وفعلا ما يمديني على ما طلعت ويبتله معاي عشى وصلت البيت لقيته فل صرخ علي وانا قلتله ما مداها فرت راسك وطقني طق وطردني الساعه 12 بالليل برا البيت وكان شتا ومطر وبرد والله بالبيجامه بعد يعني مابيج تمرين باللي مريت فيه والله يعينج يبيلج صبر وطولت بال وساحليه كثر ما تقدرين بتقولين لا انا وراي اهل هالنوعيه ما ينفع معاها الكلام بينكر ان اهله يشيشونه وبقول يحبونج ويسألون عنج يعني الحل مو عند اهلج اذا تبينه صبري وطوفي كثر ما تقدرين وبيدج تغيرينه ان شاء الله واي شي حابه تعرفينه انا بالخدمه
