تعبت مع ام زوجي....

[الماااسه]

السلااام عليكم حبوباات:hjy5jewf:
بدخل بالموضوع على طول انا مشكلتي مع زوجي انه اي خلااااف بيني وبينه مستحيييل يتأسف ولااازم بنهاية الموضوع اطلع انا الغلطاااانه حتى لو كنت على حق..
بس ماانكر اني احس انه ايحبني ودايما ايعبر لي عن هالشي..
بس مشكلتي الرئيسيه هي ام زوجي احس انها مااتحبني ودايما شايله نفسها علي ودايما لما اتسولف ماتوجه لي السوالف دايما احس انها تقلل من قيمتي واحيانا لما انزل لها احس انها منفسه ولما ادخل عليها مااترحب عكس مرت حماي لما تجيها تلقينها مبتسمه لها وكأنها مستانسه عليهاا بصراحه حييل حااز بخاطري هالموضوع (ملاحظه هي احيانا تكون تصير طبيعيه بس ترد مره ثانيه اتشين النفس
واذا حاولت افتح هالموضوع لزوجي احس انه ايتضايق مني ويعصب علي ويقولي انتي تراواالج ..
اتمنى انكم يابنات توجهوني وتنصحوني بالي ينفعني لاني للأسف ماعندي اللي اشكي له لان ماعندي خوات وامي مره كبيره اذا شكيت لها احس انها تتعب واتشيل بخاطره فماابي اتعبها معاي وهي راعية سكر اما بنات خالتي لشكيت لهم احس انهم ايتشمتون وبعد فتره من شكوتي احس ايحاولون ايمدحون خالاتهم عشان ايحروني بعد اتعرفون بعض البنات لهذا السبب شكيت لكم انت يابنات منتانا الغالي طبعا شكيت لكم بعد مااشكيت لرب العالمين :yaaaaaarb::yaaaaaarb:

 

[أم هـجـرس]

اول شي حبيبتي هذا الطبع موجود بكل الرياييل

مايحبون يطلعون نفسهم غلطانين واذا وصلت السالفه انج تزعلين عليه قلب السالفه وهو الي يزعل ههههههههههههههه

وبموضوع خالتج عاااادي خلي علاقتج معاها عادية ولا تنتقدينها جدام زوجج واذا كانت تحب مرت حماج عليهم بالف عافيه

انتي الي عليج حبج لزوجج وبسسسسسسسسسسسسس ورضاه

 

[فوفو22]

1-مو شرط يتأسف كافي حبه لك وهذا بحد ذاته نعمه اكبر واحلى من الاسف

2-غلط تصارحين زوجج بشعورك الوهمي تجاه امه

3- عاملي خالتك بما يرضي الله

4-تذكري ان الله يعلم خائنة الاعين ما تخفي الصدور

فلا تستعجلي بشعورك واحنا بشر ممكن نزعل ونرضى ونضحك ونبكي ومشاعرنا مختلفة حسب الظروف

وفي كل الحالات واجب عليك احترام شعورها ومشاعرها بكل وقت

والله يسعدك ويهنيك مع زوجك

 

[الماااسه]

أم هجرس وفوفو22 مشكورين على ردودكم
انا دايما احاول اني اطنش الموضوع وحتى لما احس انها ماتعطيني وجه احاول ابين انه كانه مافي شي واكلمها واسولف مع الموجود واضحك بس الواحد ماتهون عليه نفسه لما ايحس انه ثفيل على غيره وبالذات اذا كان هالشخص اتحسين انه مهم جدااا عند زوجج

 

[دنيا رديه]

الله يعيينج ونشالله البنات يفيدوونج

 

[دنيا رديه]

أم هجرس وفوفو22 مشكورين على ردودكم
انا دايما احاول اني اطنش الموضوع وحتى لما احس انها ماتعطيني وجه احاول ابين انه كانه مافي شي واكلمها واسولف مع الموجود واضحك بس الواحد ماتهون عليه نفسه لما ايحس انه ثفيل على غيره وبالذات اذا كان هالشخص اتحسين انه مهم جدااا عند زوجج

كلاااااااااااامج عددددددددل وحااااااااسه فييج وربي لانه صاااااااارلي مثلج

 

[فرح الياسر]

ماشاءالله عالأخت ...فوفو22...كفت ووفت...وماخلت لنا شي نقوله...اعطتج النصيحه اللي صح!!

 

[الماااسه]

دنيا رديا مشكوره على هالدعوه الحلوه والله يجزااج خير ياقلبي وانشالله ايعيني الله على مساير هالناس

 

[cute-q8cat]

1-مو شرط يتأسف كافي حبه لك وهذا بحد ذاته نعمه اكبر واحلى من الاسف

2-غلط تصارحين زوجج بشعورك الوهمي تجاه امه

3- عاملي خالتك بما يرضي الله

4-تذكري ان الله يعلم خائنة الاعين ما تخفي الصدور

فلا تستعجلي بشعورك واحنا بشر ممكن نزعل ونرضى ونضحك ونبكي ومشاعرنا مختلفة حسب الظروف

وفي كل الحالات واجب عليك احترام شعورها ومشاعرها بكل وقت

والله يسعدك ويهنيك مع زوجك

كلام جميل وعقلاني..
وأضيف >> انج لازم تحبين خالتج لأنها أم زوجج.. واعتبريها (حسبة) أمج..
حبيها بكل صدق وصدقيني هذا الشعور بيختفي...
ولا تغلطين وتروحين تقولين حق زوجج وتشيشينه على أمه!! باجر يروح يقولها (يمه شفيج على زوجتي)؟ ويزعلها المسكينه..
هذي أمه جنته وناره..
وإذا تبين الله يوفق زوجج ويحفظه من كل شر>> خلي أمه راضيه عنه على طووووول.. وخليها ترضى علي..
انتي شيلي هالأفكار من بالج..
و روحي حبي خالتج على راسها وقعدي معاها شويه, ولا تكثرين عشان لا تضايقينها ولا تضايقج..

 

[cute-q8cat]

وهذي مره كيره لا تحطين عقلج بعقلها...
حتى لو ضايقتج وحرتج (غمضي) وسوي نفسج ماشفتي شي..
كسبيها.. وكسبي فيها أجر حبيبتي

 

[بنت شرق]

اختى الكريمه عليج بالدعاء وصدقينى راح تشوفين اشلون خالتج تتغير ودايما لما تشوفينها اقراى هالدعاء بينج وبين نفسج ( اللهم الف بين قلوبنا , واصلح ذات بيننا ., واهدنا سبل السلام , ونجنا من الظلمات الى النور , وجنبنا الفواحش ما ظهر منها وما بطن ,وبارك لنا فى اسماعنا وابصارنا وقلوبنا وازواجنا وذرياتنا وتب علينا انك انت التواب الرحيم )

 

[الماااسه]

شروق مشكوره على ردودج ونصايحج ويعطيج العافيه بس ترى انا ماشكيت الا بعد ماطبت معاها وفيها طبع خايس حتى لما تصير طيبه جم يوم ترد لعادتها وتنفس علي
ومع هذا انا بستمر اجااريها عشان الله اولا وزوجي ثانياا

 

[cute-q8cat]

شروق مشكوره على ردودج ونصايحج ويعطيج العافيه بس ترى انا ماشكيت الا بعد ماطبت معاها وفيها طبع خايس حتى لما تصير طيبه جم يوم ترد لعادتها وتنفس علي
ومع هذا انا بستمر اجااريها عشان الله اولا وزوجي ثانياا

يامعوده في حريم كانت خالتهم حتى طق اطقهم
وتشيش ولدها على زوجته
وآخر شي تصير هذي الزوجه المطقوقه أغلى وحده عند الخاله
ميخالف هذي ام حبيبج استحمليها
والله يوفقج ويهديها ويسخرلج يااااارب

 

[*peace*]

-غلط تصارحين زوجج بشعورك الوهمي تجاه امه

هذا اهم شي كللللش موحلوه تقولين لزوجج جذي يحقد عليج بعدين

 

[أميرة الورد2005]

حبيبتي والله مدري شقووولج بس بقووولج حاجه طنش تعش تنتعش

ولا تحطين دوبج دوب هالخاله ترا الدنيا ماتسوى والله ماتسوى

واي رجااال يحب امه مايرضى يقووول عن امه شي ولا يحب يسمع فيها الشينه

بالعكس دائما خليج الطيبه واهم شي عند زوووجج يعني تطيبي عنده خليييج على نياااتج وماتطلع منج العيبه

واحتسبي عند الله وربج اللي بيساااعدج مو زوووجج وترا قلووب العباااد بين اصابع الله

 

[noorq8]

عاااادي حبيبتي مو شرط أمي مثلا تموت على مرت اخوي الكبير تدرين ليش لأنها لما تزوجها اخوي أمي كانت بعز شبابها وتصاحبت مع مرت اخوي والحين مرت اخوي الصغير العلاقه فاااتره مع امي تدرين ليش لأن الجنه بعمر احفادها صعب التفاهم والتواصل فيعتمد على فرق العمر بينكم ويمكن هي مو من النوع اللي بسرعه ياخذ على الناس وبعدين بساسرج بشغله الأولين يقولون طرّي لسانك كل الناس خلاّنك يعني هلّي وسلمي وماتنسبن الهديه (أنا غنيه وأحب الهديه وموشرط شي غالي لالالا ثوب صلاة شيله رشوش لغرفة النوم ومن هالأشياء البسيطه وترى ساعات البعد والرسميات مع الحموله غنيمه ,ربي يوفقج.

 

[منورة الكويتية]

اول شيئ بالنسبه لريلج مو الا يعتذر بالكلام مرات الريال يستحي او حتى مايعرف يعتذر بالحجي
عنده الاعتذار بالافعال ومدامه زين وطيب معاج لا تغثينه بهالسالفه وحاولي تعودينه شوي شوي ع الاعتذار وانتي وشطارتج

بالنسبه حق خالتج صج شيئ يحز بالنفس بس انتي حاولي تتقربين منها
تهادينها
تسولفين عليها
تاخذين برايها تشاورينها حتى بتوافه الامور يعني عشان تحس ان لها قيمة عندج
وصدقيني راح يبين مع الايام
وراح تتحسف على الايام الي ماقدرتج فيها بقدرج

 

[ba6bo6a1]

الله يعينج و البنات ما قصروا

 

[Dancing^Queen]

بالنسبه لزوجج
كل الرياييل مايرضون يعتذرون وعندهم الاعتذار يعني تقليل من قيمتهم
مو شرط يقول كلمه انا اسف
المهم يكون حاس ان اهو غلطان وهالشي مايحتاج كلمه علشان يعبر عنها
ومو شرط انه يطلعج غلطانه ان مصدق هالشي
واللي يربح اهو اللي يمشي المركب مو اللي يقول الكلمه
المهم المشكله تنتهي



هذي شغله

ثاني شغله
خالتج ام ريلج

شكثر لج من تزوجتي؟
يمكن لي الحين ماخذت عليج ومتحذره منج! ماتعرفج المره اكيد ماتتطمن تفتح قلبها وبيتها لج من اول يوم تدشين فيه!
ماتلومينها لازم تعرفج قبل
ولاتقارنين نفسج بغيرج ولاتحطين نفسج بمجال مقارنه مع حريم حموانج لاتتكارهون واكبر غلط المره تقول حق ريلها امك او مرت اخوك او اختك تخسره لي فتحت هالسيره بالج تقوليله اهلك باااااااااااااااااااااااااااالج
تراهم اهله قبل لان انتي تصيرين مرته واهم ابدي
والام ام لو شنو تسوي ام
يعني بترضين اخوج يتناجر مع امج او يزعل عليها او يشين النفس علشان مرته؟ حتا لو كانت امج غلطانه ومرته صح؟ شنو بتقولين؟
منتي قايله ماعرف يوفي بامه وشين نفسه عليها بس يته المره؟ والا بتقولين عقب هالتربيه وهالسهر صف مع مرته وماحشم شيبات امه؟
شرايج؟
اللي ماترضينه علي امج لاترضينه عليها

ترا اهي مفتاح زوجج
كسبيها تكسبينه
خليج بشوشه مبتسمه بويها لاتحجين عن فلانه وفلنتانه جدامها لان اللي يتحجي بالناس وينقل اخبارهم ينقل اخبار البيت اللي اهو فيه واهله
دايما مدحي بدون مبالغه
لاتنقلين مشاكلج مع ريلج لها
هاديها
سوي طبق وطرشي لها نقصه
عامليها مثل ماتحبين مرت اخوج تعامل امج
واكيد بتكسبينها ان شاءالله