تعبت ما انام لحقوني

[قمر 777]

ولدي عمره 40 يوم ازعجني ماينام وانا مااشوف النوم بسبته تعبت وربي،لحقوني بدوا ينوم البيبي ومايضر قبل لا اموت انامن قل النوم بليز حتى عمليتيتعورني بسبب التفكير ابي شي ينوم ولدي

 

[الروح كالريحان]

نفس حالتج والله
بس بنتي مرات تصير شزينه وتخليني انام مرات اتعذب وياها
بس مافكرت اعطيها دوا ينومها
بس ابي لها شي زين للغازات لان اتوقع هي السبب
لاتقولون يانسون وكمون ماينفع ابي دوا طبي ينفع وياها

 

[M!SS.LOBY]

ممكن تعاني من غازات بالبطن

 

[Aloe Vera]

قبل لا تعطينه دوا ينوم شوفي سبب ان ماينام
اكيد اهو يحتاج ينام
الطفل بعمره المفروض ينام ٦ ساعات متواصله بالليل
وديه الطبيب و خلي الدكتور يعرف شنو روتينه اليومي لان اكيد في شي غلط

 

[نبض السعاده]

ووديه لطبيب

 

[همي رضى خالقي]

عطيه مصاصه تهديه تنومه والياهل مع الوقت تتعدا نومته

 

[Bio_reem]

قبل لا تعطينه دوا ينوم شوفي سبب ان ماينام
اكيد اهو يحتاج ينام
الطفل بعمره المفروض ينام 6 ساعات متواصله بالليل
وديه الطبيب و خلي الدكتور يعرف شنو روتينه اليومي لان اكيد في شي غلط

صج المولود ينام 6 ساعات متواصلة؟؟؟
يمكن اذا برضع صناعي؟؟؟
انا ولدي كان يقعد كل ساعتين تقريبا يبي يرضع

 

[Bio_reem]

ولدي عمره 40 يوم ازعجني ماينام وانا مااشوف النوم بسبته تعبت وربي،لحقوني بدوا ينوم البيبي ومايضر قبل لا اموت انامن قل النوم بليز حتى عمليتيتعورني بسبب التفكير ابي شي ينوم ولدي

انا ولدت قيصرية و امي موظفة وصج كنت احس بموت اذا ما نمت ولدي ان اذا طول قعد كل ساعتين، فاول شي شوفي طبيب اطفال عشان بس تتاكدين انه مافيه شي ان شاء الله، وثاني شي لازم احد يمسكه لج يعني مثلا انا ولدي يقعد كل ساعتين ارضعه وانام واخليه عند امي او ريلي بعد هالساعتين اذا قعد ترضعه امي ويرد ينام او تتحمله شوي لي الساعتين الثانيين اكون انا وقتها نمت عالاقل 4 ساعات متواصلة .... الله يعينج انا عانيت قريب السنة مع نوم ولدي ولي يومج ما يحب ينام بس لما يكبر اسهل.

ولا تعطين ولدج منوم سمعت ببرنامج دكتورز انه ياثر على الطفل

 

[دلال.]

نفس الحاله الله يعين
Gaz bamby وايد زين حق الغازات

 

[قمر 777]

افكر انتحر واخلي ولدي بروحه تعبت زهقت نفاسي كله ما نمت
ماهي حاله
ابي دوا ينوم

 

[حشمه]

كله باجره باذن ربي ان شاء الله

انتي ترضعينه طبيعي ولا صناعي

اذا طبيعي البيبي مايطول بالنومه

يبي يرضع والصناعي يسبب غازات تاذيه

خلي نومتج مع نومته هالساعتين

وللغازات روحي لطبيب اطفال يعطيج شي للغازات

 

[سعادة قلبي وياه]

بنات حاسبو الصغير اذا يصيح وماتدرين شفيه لازم تراجعين الطبيب عشان اهو اخبر منج

مو تعطينه دوا ماتدرين عنه او مشروب اعشاب دارسين ومادري شنوووو حاسبووو يمكن ماتناسبة هذي الاشياء

 

[مــتــنــحــة]

شدعوه اختي ؟

انتي شكلج بجريه

عادي حبيبتي فيه جهال جذي عسرين شويه

تحملي كل هذا عشان تبين تنامين ؟

تعطين ولدج دوا منوم ماتدرين شنو اضراره ؟ والا تنتحرين !

ولاتقولين موحاسين فيج

انا عندي ثلاثه اسم الله عليهم

الكبيره كانت عسسسسسسره تعبت معاها صج، وموتعبانه ولافيها شي

بس جذي نوعيتها تقوم فاحطه ماتعطيني مجال اسوي الرضعه او ابدل الحفاظه تصرقعني

ومرات تكون راضعه ونظيفه ومبدلينها وشبعانه نوم بس عساره شيلوني وقعدوني بعد لاتخلوني منسدحه

الحين فديتها قايمه فينا وسنعه وفطينه

يعني جاهل عن جاهل يفرق

بس والله عليج ذنب ان عطيتيه ادويه مايحتاجها حرام

 

[Bio_reem]

قمر ذكري الله
انا كنت بالنفاس طالبه ماخذه 19 وحده ومختبر، ووالده قيصرية، ًوامي موظفة وزوجي مو بالديرة وكنت فعلا اعاني جدا من قلة النوم بس انتي اتوقع فوق قلة النوم تعانين من اكتئاب مابعد الولادة بعض النساء يعانون منه، فبداية ليش ماتخلين احد يساعدج؟ وين امج خواتج خالتج ام ريلج ريلج؟؟ ضروري احد يمسكه عنج شوي لين تريحين شوي

 

[shak!shoka]

وديه الطبيب يمكن في خلع !


اذا يبجي وايد و حيل اكيد في شي مو طبيعي

 

[نور33]

تذكرت بنتي كانت ماتناااااااام ابد ابد تخيلو وش صاااار
صار اصابعها ملتف عليه شعره بغت تقطع اصبعها
ولله بغيت اموووت من القهر
مادري كيف التف الشعره عليه وتعرفون اصابع الاطفال زي المويه
ولله كنت ولاغفوه اغفيها بالليل
وكلن يقول وش فيها
وكلنا مانتبهنا
صاااار اصبعها شوي وينقطع
حتى الغريب مافيه دم بس ازرق ومنفخ وشوي كان تروح فيها



فتشي بكل الاعضاء
خلك دقيقه

 

[American.Life]

حبيبتي والله حاسة فيج دام ماينام اكيد في شي موطبيعي يمكن اذنة ملتهبة او لسانة في فطريات او الغازات تارسة بطنة كل شيء لازم تتاكدين منه ودية الدكتور حرام تخلينة جذي

 

[امـ خــزامـى]

بنت اختي كانت ماتنااام ابد وطووول اليوووم تصيح
وغازات ببطنها
وعطتها اختي علاجات ومشروب وكل شي ومانفع


ومن مستشفى لعياده مااخلت دكتور اطفال ماراحت له

الا واحد قال بنتك امعاائها مافيها بكتيريا نافعه كل اللي فيه ضاره

وصرف لها دوا البكتيريا النافعه وقال ماتلقينه بسهوله وممكن ينطلب من برااا

بس الحمدالله راحت لصيدليه كبيره وقالوا لها طالبينه وبيجي بعد اسبوعين

واستخدمته وماشاءالله البنت صارت تناااام

 

[*ملامح يوسفيه*]

حبيبتي هذي الحاله كلنا انمر عليها انا كنت ماذوق طعم النوم وقلبت نومي يعني نومي مقطع يادوب انام ساعتين على بعض بس الليل نومي مقطع لين الضحئ
تقعد وحده من خواتي عند البيبي او امي طبعاً اهم يكونون شبعانين نوم عاد اهنيه نام لين العصر واشبع نوم هذي طريقتي ومرتاحه فيها بس انتي چيكي علي ولدج لايكون متوذي من شي حرام ومو قادر ينام.

 

[موجة ~ بحر]

الله يعينج