تعبت زهقت ماادري شنو الحل

[جرحي ذبحني]

بنات قبل اسبوعين كانت علاقتي مع زوجي من احلى مايكون وانا نفاس عند اهلي صار بينا كلام على موضوع انا بينت اني رفضه هالشي والحين صار له اسبوعين ماايدق علي وانا ادق مايرد حتى لما يجي مايدخل عندي يشوف عياله ويشوف شنو ناقصهم ويروح طبعا حتى مايسالني شنو ناقصهم يطرش اخوي يسال اذا فيه شي وانا الحين ضايق خلقي حاولت فيه ادق اطرش مسجات طاف اخر شي زهقت وصرت طاف بس شنو الحل وسالفه ماتسوى اصلا

 

[( مي )]

أذا طرش لج أخوج يسألج شنو ناقصج
قولي لاخوج يقوله ( ناقصتي أغراض خاصة ما اقدر اقولها ) على أساس زوجج اييلج وتكلمينة بسوء التفاهم
او اهو يمكن يتغلى لانج قاعده تحنين عليه ،، لا تدقين عليه يوم او يومين خل يفقدج واهو يدق عليج

 

[Um Turki]

سوقي الثقل حتى يطيح الي في راسه اذا كان هو الغلطان ولا بعد كذا راح يتمرد وراح يززعل على كل شيء
وانتي راح تعتذرين على كل شيء حتى لو انج مو غلطانه

 

[رق رق]

اذا الي اببالي يبي وانتي رافضه فندري خلصي الاربعين وسويله ليله حلوة طبعا اليهال خليهم عند امج ودزيله مسج حلو الحين ان شاء الله يرضا او دقي عليه من تلفون ثاني يعني ما يعرفه عشان اتكلمينه وانفهمينه عاااد انا دم اظروسي اذا احد زعل وما يشيل التلفون ..

 

[ام الدرر]

ثقلي عليه ومرده بيسأل

 

[الشهد كله]

أحسن علاج حق الأزواج الحقران والتطنيش

أستخدميهم الحين وهاليومين قبل لا يصيرون بفلوس ​

 

[honey lust]

على حسب شنو الموضوع و منو معاه الحق

 

[جـــواهر]

حبيبتي انتي لانج بفترة نفاس وهالفتره المره تصير حساااااااااسه حيل وودها زوجها يكون يمها
واي شي يصير يضايقج

ماعليه خليه لاتحاجينه فكري بنفاسج وفكري بتجهيزج وشنو بتسوين عشان تطلعين عروس ..

وصدقيني مرده يكلمج

 

[روحي زوجي]

رد : تعبت زهقت ماادري شنو الحل

خلاص لاتنشبين بحلقه ترا اهو يستانس اذا تعذبتي وكل شوي دقيتي عليه

طقي الثقل لين اهو يدق عليج

 

[honey lust]

على حسب شنو الموضوع و منو معاه الحق

 

[جرحي ذبحني]

بنات اخاف السالفه طول انا ابي اجهز لنفاسي ولا اقدر اروح بدون لااقوله واذا طرشت ماايرد علي

 

[الأميرة جوري]

رد : تعبت زهقت ماادري شنو الحل

والله زوجج قوي المفروض انه اهو اللي يتحنن لج ويدور رضاج بهالوقت ....شوفي اختى اذا اللي يبيه شيء يضرج او ممكن تكون فيه خيانه عطيه طاف وثقلي لان الحق معاج الشيء مو غصب ... واذا شيء تافه متى ما زاركم طلعيله وتفاهمي معاه او لو انا مكانج والله اخليه ليمن اهو اللي يتصل...

 

[fdeet_shosho]

الله يعينج مع انا ماندرى شنو الموضوع وهل انتى على حق او اهو
بس انتى مو لازم تدقين عليه اذا مارد عليج - خلاص مايبي يكلمج وانتى تدرين انج على حق لاتدقين
اهو مستخدم هالطريقة عشان يضغط عليج - لاطرش اخوج قولى كل طلباتج وطلبات عيالج هو ملزم فيها ولاترسلين عليه شي
ودام مايرد عليج منتى مجبورة تطلعين باذنه - طلعى ويا امج او اختج وخلصى شغلج وخل يستريح متى ماطاح اللى براسه بيرضى رياجيل اخر زمن - نصيحه عزى نفسج

 

[محبوبه25]

رد : تعبت زهقت ماادري شنو الحل

بنات قبل اسبوعين كانت علاقتي مع زوجي من احلى مايكون وانا نفاس عند اهلي صار بينا كلام على موضوع انا بينت اني رفضه هالشي والحين صار له اسبوعين ماايدق علي وانا ادق مايرد حتى لما يجي مايدخل عندي يشوف عياله ويشوف شنو ناقصهم ويروح طبعا حتى مايسالني شنو ناقصهم يطرش اخوي يسال اذا فيه شي وانا الحين ضايق خلقي حاولت فيه ادق اطرش مسجات طاف اخر شي زهقت وصرت طاف بس شنو الحل وسالفه ماتسوى اصلا

لازم انعرف شنو هالشي اللي قاله ورفضتيه
اشلون نحكم واحنا مانعرف الي صار

 

[نـور الكويت]

أذا طرش لج أخوج يسألج شنو ناقصج
قولي لاخوج يقوله ( ناقصتي أغراض خاصة ما اقدر اقولها ) على أساس زوجج اييلج وتكلمينة بسوء التفاهم
او اهو يمكن يتغلى لانج قاعده تحنين عليه ،، لا تدقين عليه يوم او يومين خل يفقدج واهو يدق عليج

صح كلامه عجبتيني:sfg:

 

[cherry67]

حقريه ولا اطرشين له مسج ولا بطيخ والريال كل ما حقرتيه يركض وراج ودام السالفة ما تستاهل انت ثقلي عليه ليمن هو يتصل ويسأل

 

[غنج اهلها]

مررردة بيرجع يتصل اذا شاف منج برودناحيتة

 

[غمزه وإبتسامه]

لا تدقين عليه طنشيه ولا طنشتيه بيررررجع يدق
الله يسخررره لج

 

[اكسبلانكا]

ربي يحنن قلبه عليج

 

[افراحي]

الله يعينج مع انا ماندرى شنو الموضوع وهل انتى على حق او اهو
بس انتى مو لازم تدقين عليه اذا مارد عليج - خلاص مايبي يكلمج وانتى تدرين انج على حق لاتدقين
اهو مستخدم هالطريقة عشان يضغط عليج - لاطرش اخوج قولى كل طلباتج وطلبات عيالج هو ملزم فيها ولاترسلين عليه شي
ودام مايرد عليج منتى مجبورة تطلعين باذنه - طلعى ويا امج او اختج وخلصى شغلج وخل يستريح متى ماطاح اللى براسه بيرضى رياجيل اخر زمن - نصيحه عزى نفسج

:eh_s(15):