تعبت الملل والروتين موتني وانا عايشه

[روح العود]

بنات ابي نصيحه مجربه ومن قلب



انا مليت من حياتي
1-دوام
2-ارجع اتهاوش مع زوجي
3-ابوس بناتي
3-انام واقعد المغرب
4-انزل لحمولتي نتقوى واصعد
5-يرد زوجي نكمل هوشتنا واسوي العشا
6- نرد ننام
الى متى زهقت زوجي عصبي وانا عصبيه واثنينا شخصيتنا قويه وقاعدين نتصادم بكل شي شالحل مادري؟؟؟؟؟؟؟؟؟؟؟؟؟؟؟؟؟

 

[سحر الشرق@]

اخذي اجازة واقعدي بالبيت فترة انتي وياه
تفائلي بالحياة
حبي زوجج اكثر وشوفي ايجابياته لا تشوفين سلبياته
تنازلي شوي ترا اهو الرجال حبيبتي وشخصيته لازم اقوي من شخصيتج
مايصير المره تحط راسها براس زوجها تدمر الحياة وبيكره البيت بعدها
روحو تعشو شوفو فلم
اقعدو الصبح روحو تريقو برا تمشو الحين الجو عجيب
مو لازم كل يوم تنزلين لحمولتج
حبي الحياة ورددي بينج وبين نفسج الحياة حلوة والحمدالله وضعي احسن من ناس واجد عايشه بهم ومرض وفقر و و
جذي بتكونين راضيه عن نفسج وحياتج ومستانسه

 

[ام متلق]

رد : تعبت الملل والروتين موتني وانا عايشه

الحل السحري والعجيب والاكيد والسريع الاستغفار استغفري كثر ماتقدرين وانتي قاعده بروحج وانتي ساكته وانتي اتابعين شي بأي وضع كان لو يوصل انج تستغفرين مليون مره باليوم وبتشوفين قناعه ورضى بالحياة وبتهدين والاستغفار مفتاح الخير والسعاده جربي وشوفي

 

[aṕriliå]

رد : تعبت الملل والروتين موتني وانا عايشه

حاولي انج ماتردين عليه اذا كان معصب
:sfg:

 

[~LiBrA~]

رد : تعبت الملل والروتين موتني وانا عايشه

حبيبتي مايصير اثنينكم شادين مع بعض لازم واحد من الاطراف يتنازل ويرخي وانتي ابدي حبوبه حتى لو اهو غلطان راح تكبرين في عينه وفي المرات اليايه راح يرخي اهو من نفسه

وعيشي حياتج بوناسه وطلعي مع ريلج او مع عيالج غيري جو

 

[الصعيريه]

رد : تعبت الملل والروتين موتني وانا عايشه

اذا شفتيه معصب لاتردين عليه ..
وتجنبي الهواااش قد مآتقدرين

 

[رينادا]

الاخوات ماقصروا

ربي يوفقج

 

[اصيله بنت البدو]

رد : تعبت الملل والروتين موتني وانا عايشه

1-تجنبي المشاكل مع زوجك حاولي انك ترخي الامور مو تعقديه
2-واجهي زوجك وكلميه بس يكون بوقت مناسب اطرحي له المشكله انك متضايقه من الوضع وانك تحبيه وماتبغي تخسريه خاصه ان بينكم ابناء قارني بين الايجابي والسلبي وانظري للايجابي لاانه تشفع انك ماتخسريه
3_غيري من روتين البيت سوي مفاجاء له اطلعي معه مطعم ليله رومنسيه واالباقي مع الاولاد بحر سوق شاليه
4_اشتري هديا بدون مناسبه مو شرط وغيري من اتات البيت اخلقي يوم تنكري مع هديا وبلونات والخربيط هذي
5_غسلي بيتك بسدر شغلي الرقيه الشرعيه واالاهم الدعاء الدعاء الدعاء
6_السفر للعمره كسفره تعبديه وروحيه وفيه التقرب من الله والاخرى سفره ترفيهه لوتكون مدتها اسبواع فقط
7_ غيري من نفسك كتغير لوك شكل او نفسي يوغاء او حتى تطويري حضور دورات تختص بالزوج وكيف تتعاملي معه او حتى الابناء
واخير الله يوفقك ويسعدك ويسخره للك

 

[سوسو الحنونه]

رد : تعبت الملل والروتين موتني وانا عايشه


حبيبتي هدي نفسك اولا ولاش تعطين انطباع عن نفسك بالعصبيه حاولي تسوين كذب لذاتك قولي انا هاديه ودوم مروقه وحياتي مافي احسسن منها وراح تشوفين النتيجه
لان النفسسيه هي الغالب دايم..

وحاوولي ماتشدين مع زوجك اذا عصب اتركيه والتهي باي شيء ثاني لم يهدى وانتي تهدين ويمديك تحلين امورك بالتفاهم ..

حالتك نفس بنت خالي هي وزوجها عصبيين بس من كثر المششاكل صارت تتنازل ولا تششد ولا صارت تعصب على كل ششيء الا الكايده والحين الحمد لله :eh_s(17):

ادعي ربك انه يسسخر امورك والاستغفار

الله يسسعدك يارب..

 

[روح العود]

[ ياحياتي ام شهوده ماقصرتي وكلامج صحيح ميه بلميه

 

[روح العود]

الاخوات ماقصروا

ربي يوفقج

ويوفقج حبيبتي ماقصرتي

 

[روح العود]

ام متلق رواسي وام حيدر ماقصرتو ع الرد المفيد

 

[روح العود]

رد: رد : تعبت الملل والروتين موتني وانا عايشه

[

ادعي ربك انه يسسخر امورك والاستغفار

الله يسسعدك يارب..[/font][/size][/color][/quote]ثانكس سوسو ويسعدك ربي امين وكل الي ردوا على موضوعي

 

[روح العود]

رد: رد : تعبت الملل والروتين موتني وانا عايشه

1-تجنبي المشاكل مع زوجك حاولي انك ترخي الامور مو تعقديه
2-واجهي زوجك وكلميه بس يكون بوقت مناسب اطرحي له المشكله انك متضايقه من الوضع وانك تحبيه وماتبغي تخسريه خاصه ان بينكم ابناء قارني بين الايجابي والسلبي وانظري للايجابي لاانه تشفع انك ماتخسريه
3_غيري من روتين البيت سوي مفاجاء له اطلعي معه مطعم ليله رومنسيه واالباقي مع الاولاد بحر سوق شاليه
4_اشتري هديا بدون مناسبه مو شرط وغيري من اتات البيت اخلقي يوم تنكري مع هديا وبلونات والخربيط هذي
5_غسلي بيتك بسدر شغلي الرقيه الشرعيه واالاهم الدعاء الدعاء الدعاء
6_السفر للعمره كسفره تعبديه وروحيه وفيه التقرب من الله والاخرى سفره ترفيهه لوتكون مدتها اسبواع فقط
7_ غيري من نفسك كتغير لوك شكل او نفسي يوغاء او حتى تطويري حضور دورات تختص بالزوج وكيف تتعاملي معه او حتى الابناء
واخير الله يوفقك ويسعدك ويسخره للك

راح احاول اطبق حبو