تعبت احاتي

[اوبراا]

قوه بنات
من زمان مادشيت المنتدى
اكو مشكله وايد مااثر على حياتي ريلي ماشاءالله منصبه وطبيعة عمله تخليه وايد يسافر لاااماكن فيها بنات وايد جميلات
انا حظي بجمال 0 للاسف وشعري وايد فراغات وخفيف حده مرات اشوف رياييل شعرهم احلا مني بوايد وطول الوقت :eh_s(2):الف شعري كبه واحط توبيك وربطات اخف الفراغات لاقادره اصبغه وهم جسمي سبحان الله طيبعه من الله جسم تقسيمه كانه ريل
لما اروح مع ريلي لمكان اموت قهر مرات بنات يتحرشون فيه:eh_s(2): جدام ومرات هو يحب يسولف مع البيعات لما نسافر حددي اموت قهر ويمدح البنات الصغار ----- في بلد لما سافرنا وانا اموت قهر ولما تيي فنانات بتلفزيون مايعلق بس احس قلبه يفز شنو اسوي وايد قمت احاتي وحتى خواته كانوا عاديات قلبوا تجميل وووو انا شغلات اللي فيها حلال وحرام اوقف احاتي يتزوج علي
ومن سمعته بصدفه يكلم خويه يمدح بموظفه عنده وانا عقلي بطير ومو قادره انسى هكلام وهم يقول اللي عندنا بلوه وو
وهم الميك اب يمنعني احطه خارج البيت تخيلوا عاد شنو يصير شكلي جدام الشقر والمزاين وجدام حتى بنات ديرتي وانا طالعه جذي ويشوف ويهي ويشوفهم بميك اب احس شوي نفسيتي احسن

 

[أسرار الجمال]

أوبرا نصيحة روحي حللي فيتامين د وحللي هرموناتج لان زيادة الهرمون الذكري ممكن تسبب تغير بشكل الجسم ويصير يشبه جسم الريال ويصير عندج تساقط شعر روحي حللي ما تخسرين شي لان كمان فينامين د يلعب بالنفسية وتصير نفسيتج زفت وتوصلين لمرحلة ما تقدرين تقومين من الفراش والله ادعيلج يا رب يفرج همج

 

[Hadeel al90]

اول شي روحي لعيادات وبيضي نفسج وايد وعالجي شعرج وغزي ابر بلازما وايد يمدحونها وبعدين تفخي شفايفج شوي بطريقه حلوه ومومبينه وغزي ابر تنحيف الخشم وعالجي بشرتج خليها مثل بشرة الياهل الريال يموت عالبشره الناعمه وسوي ليزر لكل جسمج واسنانج عدليهم وبيضيهم واهتمي بريحتج ولا تلبسين شي مايناسب جسمج حتى لو على الموضه وتصيرين قمر لا تحاتين واهم شي اسلوبج خليه كله دلع حتى لو تتصنعين تدلعي وخلج جريئه واذا ماتعرفين انجليزي تعلمي عشان لمن تسافرين وياه مو تقعدين ساكته واهو يقرق ويا البياعه لا سولفي وياهم وحاوريهم ودوري شنو الحلو فيج برزيه وايد مثلاً عيونج كبار وخشمج كبير حاولي تبرزين عيونج وشفايفج عشان يختفي خشمج وتفخي ويهج بفيلز فيتامينات طبيعيه عشان يصير ويهج عريض فيختفي خشمج ربس اصلاً سالفت الجمال مايبيلها شي بمجرد تسوين الي يناسبج راح تطلعين قمر

 

[اوبراا]

مشكورين وايد بنسبه لتحليل حللت ماشاءالله ماعندي زياده بهرمون وحللت هم وايد اشياء
بنسبه لتبيض بشرتي كانت فاتحه وسمرت وعيزت ارد للوني اللي قبل
بنسبه للابر انا احاتي بشرتي وايد عالجتها كلش ماتتحسن مسامات وهم باهته

 

[cute_mama83]

حبيبتي انتي اللحين اختصرتي نص الدرب شلووون

انا اقووالج يا طوويلة العمر انتي حددي الشغلات اللي مو عجبتج او اللي حابه تغيرينها بشكلج وهذا تمااام لان في ناس مو منتبه علي عمرها
اللي عليج اللحين انج تجزيئنهم وتشتغلين علي شي شي عشان ماتحسين بصعوبه وتهونين عن الموضوع مثلا مثل ماتفضلوو خواتي سوي تحاليل دم عرفي شنو اللي محتاجته وبلشي بشعرج بعدها جسمج

نيي للشكل بصوره عامه حاولي تيرين بستايلاتج وركزي ع الشي الحلوو فيج خليه عيينه ما تلاحظ الاشياء اللي انتي مو حابتها
وعليييييييييييج بالدلع هالشي يعمي قلب الريال

وبعدين اذا ريلج مايرضي تحطين مكياج هم مايصير تطلعين معاه ويهج اصفر حطي كومبات طبيعي كونسيلر خفيف اخفي الهلات قوسي رموشج وقلوس خفيف يعني مكياااج طبيعي ومايتلاحظ لكن ينور الويه

 

[cute_mama83]

اي بالنسبه للبشره
سالي عن دكاترة تقشير وابر نضاره
عندج عيسي بشور شااااااااااطر بس مواعيده تطول

 

[اوبراا]

والله كلش مايرضى مرات حطيت ماسكار وبس كومباكت خفيف وقلوس خفيف حده قال مسحي المسكار والقلوس عارف شنو اسوي بهحاله
وهم بنسبه للتحاليل ماشاءالله حللت
وشعري حده منتف اروح ارقى الصالونات واعالج بس كلش مو راضي يترقع فراغات وتساقط ومنتف
وبنسبه للاستشوار شنو اسوي عشان اخفف من اضراره لاني يومي استخدمه كلش شكل شعري بدونه مايترقع وبنسبه لتوبيك عارفينه مال الفراغات صج يسد المسام ويحت الشعر اكثر
وبنسبه لتبيض بشرتي كانت فاتحه بس سمرت كلش مو راضيه ترد للون الطبيعي
اذا في مشروبات ولاشغلات ترد اللون
ودي اركب عدسات بس عيني تحمر وتدمع وايد مو متحمله شنو اسوي
وعلى فكره صار لي بس سنه ونصف زواج ولاعندي اطفال وشكلي جذي

 

[Hadeel al90]

لا تقوليله في ريال لمن مرته تستاذن منه مايرضى يعني يفرض شخصيته عليها او خايف يخترب ويها اكثر انتي عالجي شغلات خفيفه ماراح يبين انج مسويه شي بس راح تبينين انج حليانه الي تبي الجمال تتعب عليه اذا ماتعبتي على نفسج ريلج بيضيع منج وتاخذه وحده جريئه ومحورفه بعمرها لمن شبعانه وانتي تحطين ايدج على خدج وتقولين ياليت عدلت بشكلي قبل مايروح مني اول شي ابتدي بشرعج وويهج وبياضج الريال يموت على الشعر والبشره فااذا عدلتيها راح تقدرين تعدلين الشغلات الثانيه شوفيلج دكتور زين روحيله وخليه يعطيج نتيجه اكيده ومضمونه عشان ماتيأسين بعدين

 

[noo7a]

لو مو عاجبته جان من الاساس ما اختارج


و لو شايف ان جمالج عادي و مايلفت جان ما منعج من الميك اب بره البيت


اكيد يشوفج بعينه حلوه عشان جذي مايبي يلفت انتباه الناس عليج لان يغار

 

[اوبراا]

مشكورين

 

[اوبراا]

ناطره ردود اكثر

 

[البابانه توته]

حبيبتي احب اذكرج بشي واايد مهم

الجميلات الي على قولتج كانوو جدامه قبل لااا يتزوجج

بسسس

اهو اختارج انتي من بين كل بنات الدنيااا
هذاا لازم يعطيج ثقه بنفسج

ثاني شي

دييربااالج وديييربالج وديييربالج ـــ ثلاااث مراااات
انج تذمين نفسج جدامه
هذا اكبر غلط يغلطون فيه واايد متزوجات
مهمااااا كان فيج لاااااا تقولين جدامه
تدرين ليش
مراات الوحده تلاحظ اشيا فيهاا
الريل اصلاااا مو منتبه لهاااا
ليش تفتحين اعيونه علي عيوبج

ثالث شي

حااولي كثر ماتقدرين تهتمين بنفسج
موووو حقه بس حق نفسج
مثلااا على الاقل روحي كل اسبوع روحي الصالون
سوي ماسكات حق الشعر
سوي حمام مغربي
وهالسوالف

بالنسبه لجسمج اشتركي بنادي
وقولي حق المدربه انج تبين رياضه معينه تقسم الجسم

اذا بشرتج تعبانه مثلااا مايمنع تروحين دكتور جلديه
اذا شعرج خفيف اكلي فيتامينات ورحي دكتور جلديه
ووووو
يعني مختصر اعتني بنفسج


واهم شي من كل هذاااا خلي ثقتج بنفسج قويه

 

[نـعـومـه]

شوفي اول شي الغيره طبيعيه للمرا

كلنا نغار بس تذكري ان مهما يكون جمالج حلوه او موحلوه بس لعين زوجج جميله ومثل ماقالو لاتبينيله انج تشوفين روحج موحلوه ديربالج

بينيله انج حلوه واثقه من روحج اول خطوه

خطوه ثانيه روحب اهمتمي بنفسج روحي عيادات واهتمي بشرتج شعرج بالبيت كشخي تمكيجي

والشي الاهم الاهم الدعااااااء دوم ادعي ربي يسخرلج ووجج ويشوفج بعينه ملكه جمال

 

[طموحــة]

من رايي انج تحورفين بنفسج اكثر وتهتمين وتخلينه يشوف اهتمامج

وياما جكر وسود وشعورهم نتفه بس تشوفين الاهتمامات مبينه عليها

والريال اذا استانس مع الوحده مايهمة جمال ولا حلا

الريال يجذبه الكلام الحلو والعشرة الطيبه والاهتمام بالمظهر

الله يوفقج ويسخر لج ريلج واجمعين يارب لان كلنا نعاني هههههه

 

[اوبراا]

مشكورين حبيتي انا اهتم واحط بس حاليا نفسيتي محبطه لاني ماشوف نتائج شي بسيط وموقت ويروح والشغلات اللي حرام الله يجملني بحلال مثل التاتو والتجميل والوصل وهشغلات مابيها

 

[خابت هقواتي]

اول شي ..

انتي عندج عدم ثقه بالنفس وهذي مشكله ..

لان الثقه تنعكس على النفسيه وبالتالي يبين عليج الانطباع الي انتي شايفته بنفسج

وبعد ازرعي بنفسج انه ملكج .. انه لج وانتي زوجته الحين

ليش التفكير السلبي وايد ناحية نفسج والله سبحان الله الجميلات اهم الي مو مرتاحين ورياييلهم كلش مو طاليين بويوهم

انتي لو مو حلوه بعينه جان كان واضح عليه

وبعدين من صجج ؟ منو الريال الي عينه مو زايغه هلى بنات الموضه والتلفزيون

اصلا ع بالهم هذيل بيتهم جذي مايدري انهم حوسه ويلوعون الجبد

روحي فتحي مواقع الموضه وشوفي لبسهم ولبسي مره حلو مره كريزي ترا الرياييل يموتون بالكريزي ينجذب لهذا الشي

بخصوص شعرج والله حبوووووب الحديد والفوليك وايد زينيين وشوفي الحوامل وايد شعورهم حلوه لانهم ياخذون هالحبوب من بداية الحمل

عادي حبوب ماتضر بالعكس وايد تفيد اخذيهم وادعي لي والله شفت بعيني هالتغير ياكثر حوامل شعورهم ماكو شعر .. وبعد هالحبوب صار شعرهم ينن

اخذيهم عادي من غير مشورة طبيب لانهم فيتامينات ماتضر ابد

وعلى ردة فعل ريلج لا تحطين بالج هالافكار خليج واثقه من نفسج وايد

طالعي المنظره قولي اينن شحلاتني خليه يحس ويتفاعل صج مع هالشي

اذا شافج شاكه راح صج ينتبه للي ناقصج وتفتحين عيونه

انتبهي ..

كل شي من وراه لا تبينيين له انج ترا اليوم كشخت شوفني .. او ترا لبست لك وصرت حلوه

لا لاااا غلط

عادي ابدي بالتغيير بالتدريج شوي شوي غيري خليه هو يحس من نفسسه

وابني بداخلج ثقه لدرجه تخليج حره تسوووين كل شي وبكل جرأه

والله يوفقج حبيبتي

 

[تبيني آرضى عليك]

آآآآآآآآآب

 

[اوبراا]

مشكورين وايد بنسبه للفيتامينات ماشاءالله اخذت شكثر انواع من غير وصفات اغلبها وسببت لي سمنه وزيادة شعر الجسم ومشاكل ولا استفدت منها يمكن تحسن خفيف ورد شعري اسوء من اول

 

[ماكواسم2]

حبيبتي ريلج يحبج والدليل يغار عليج فلا اتحاتين من ناحيته اما انه يطالع فبصراحه انا اذا رحت هالاسوقه اخز اكثر من الرياييل من اللي اشوفه

 

[اوبراا]

وايد احاتي وافكر انا ضحيت عشان ريلي وتونا يديد متزوجين سنه وجم شهر فخايفه يتزوج علي خصوصا اشوفه قام يعجبه بنات---- ويعلق عليهم من دون مايحس