تعبتـ... لكن املي بالله كبير ..اللي حابه تجرب وياي تدش..!

[عبق السحاب]

السلام عليكم..

قوه بنات شلونكم .. ان شاء الله بخير

هدفنا واحد... انا نسمع اول صرخة طفل في هالبيتـ

اقول لكم.. دكاتره رحت

حريم ورحت

مشايخ ورحت

وبعدينـ

النهايه سلمت امري لله وقلت يابنت ابدي بدايه جديده

بديت من قبل امس في مشروع فريد من نوعه

حابه اتبع ثلاث خطوات واشوف النتيجه

1- اتبعت قانون الجذب (للدكتور الراشد) اليوم لي ثالث يوم ولمدة 14 يوم
2- احاول ارجع ثقتي بنفسي واتمتع بحياتي عادي
3- باقي على دورتي اسبوع راح اشرب من اول دوره القسط الهندي الى ماقبل التبويض
4- بعد نهاية الدوره راح اشرب البرقدوش الى نهية التبويض

اللي حابه تبدأ وياي ياهلا فيها ..

خلينا نجرب مو خسرانين شيـ

اللهم ارزقني الذريه الصالحه وكل محرومه يارب العالمين

اللهم انك قادر على كل شيء ولا يعجزك شي فرج همي وهم المسلمات المحرومات

اللهم امينـ
..

 

[الدااانه]

الله يرزقج ان شاءالله
بس شنو قانون الجذب؟؟

 

[عبق السحاب]

هلابج الدانه ...

مشكوره ياحياتي على الحضور في صفحتي..

بالنسبه لقانون الجذب راح تلقينه بهالصفحه

http://q8yat.net/showthread.php?p=7956023

ومشكوره مره ثانيه

 

[أم الهواشم]

الله يرزقج حبيبتي انشاءالله بالقريب العاجل اهم الشي النفسيه لانها تلعب دور كبير وقريت عن وحده بالمنتدى عن الشاي الأخضر الطبيعي تقول خامس يوم الدورة تتبخرين فيه حتى يحترق الشاي لمدة ثلاثة ايام وبنفس التوقيت وبعده بثلاثة ايام يصير الجماع لانها تقول تطلع بلاوي والله اعلم وانشاءالله تبشرينا

 

[المهذبه]

الله يرزقج وموفقه

 

[مدام سارا]

الله يـــــــــــــــــــرزقج ياعمرى ويرزقنى وكل بنات المنتدى.....

 

[M!$$.3NoNa]

الله يرزكم كلكم يااااااااااااااااااااااااااااااارب ,, وريح بال كل محرومه

 

[دمثة]

الله يرزقنا يارب

 

[عبق السحاب]

ام الهواشم

يعطيج العافيه ياقلبي

بالنسبه للجاي جربته بس مو الاخضر جربت الجاي العادي

المهذبه

مدام سارا

رووزه

دمثه

مشكورين حبايبي على الحضور والمشاركه

الله لايحرمكم ولا يحرمنا من عطاءه

 

[WaChoCha]

مشكورة على هالموضوع الطيب ...بس اشلون راح تستخدمين قانون الجذب في تاخر الانجاب ...عطينا تجربتج عسى الله يرزقج بالذرية الطيبة الصالحة

 

[om-7amod]

الله يرزقج ان شاءالله

 

[سندريللا بطه]

هلا اختي يارب يرزقج بالذريه الصالحه المعافاه ان شاء الله
اختي بالنسبه للقسط الهندي ما يصير تاخذينه بالدوره المفروض تاخذينه بعد ما تخلص الدوره انا جربته للحمل وحملت بفضل الله والقسط الهندي وكنت استخدمه بس بعد ما انظف من الدوره استخدمته اربع شهور وحملت وان شاء الله يارب جميع الاخوات انا سقطت والحين راده على القسط الهندي وان شاء الله يارب يرزقج ويرزقني وجميع الاخوات بالذريه الصالحه المعافاه

 

[cute_batoota]

الله يرزقج ويرزقنا بالذرية الصالحة اللهم آميييين

 

[عبق السحاب]

WaChoCha

اول شي اشكرج على الحضور والرد

بالنسبه لقانون الجذب وطريقتي فيه

اخترت وقت مناسب الكل نايم وقعدت وحطيت جدامي ورقه وقلم وحددت هدفي

غمضت عيوني وقعدت اتخيل الشي اللي ابيه مثلا اني حامل لازم تعيشين اللحظه وكانها صج حتى تخيلي موقف زوجج من سماع الخبر واهلج وجذي تخيلي انج في وقت الولاده المهم عيشي اللحظه بعدها افتحي عيونج واكتبي بالورقه هدفج بس بصيغت المضارع واكتبي الحندلله راح يصير هالجمله اكتبيها 21 مره بعدها صلي ركعتين وفي سجودج ادعي وبعد الصلاة استغفري بنية تحقيق هذا الشيء

استمري 14 يوم

هذي طريقتي وان شاء الله الله يرزقنا الذريه الصالحه

.
.

ام حمود ... مشكوره ياقلبي والله يسمع منج
.
.

فاهيه

جزاج الله كل خير

وان شاء الله بتبع نفس طريقتج

ومشكوره ياقلبي

 

[عبق السحاب]

cute_batoota

مشكوره ياقلبي على الرد واللهم امين

 

[ryo00f]

مشكوره حبيبتي .. بس شنو القسط الهندي ؟؟ وشلون طريقته؟؟ وبعدين انا اعالج عند ام فيصل واهي تعطيني ادويه .. يمكن خالطه وياها القسط الهندي !! وسالفة قانون الجذب . اول مره اسمع فيه بس طريقة انج تغمضين وتتخيلييين انج حامل وشلون تقولين لزوجج وفرحة الاهل .. وربي وربي شبه يوميااااا قبل لا انام اتخيل هالشي .. وكل مره مطلعه لي سالفه مره اقول اذا دريت اني حامل بدزله مسج . ومره اقول لا ابي اشوف الفرحه بعيونه . ومره اقول ماراح اقوله الا بعدها بجم يوم .. امبيه تعبت تعبت وربي تعبت

 

[cute_batoota]

حسب الي سمعته من خواتي ان القسط الهندي اعواد خشبية مثل الدارسين تلاقينها عند العطار ويستخدمونها حق ضعف التبويض والتكيسات تاخذينها اول ما تخلصين الدورة خمس مرات بايوم تلهمين القسط مع ماي وتستمرين يوميا ليما تييج الدورة توقفين وتبدين بنفس الطريقة لما تخلصين الدورة وبالنسبة لقانون الجذب هذا تلاقين شرحة بهالموقع

http://q8yat.net/showthread.php?p=7956023
والله يرزقج بالذرية الصالحة يااا رب ويرزقنا معااج اللهم آمييييييييييييييييييييييييين

 

[ryo00f]

حسب الي سمعته من خواتي ان القسط الهندي اعواد خشبية مثل الدارسين تلاقينها عند العطار ويستخدمونها حق ضعف التبويض والتكيسات تاخذينها اول ما تخلصين الدورة خمس مرات بايوم تلهمين القسط مع ماي وتستمرين يوميا ليما تييج الدورة توقفين وتبدين بنفس الطريقة لما تخلصين الدورة وبالنسبة لقانون الجذب هذا تلاقين شرحة بهالموقع

http://q8yat.net/showthread.php?p=7956023
والله يرزقج بالذرية الصالحة يااا رب ويرزقنا معااج اللهم آمييييييييييييييييييييييييين

تسلمين يا قلبي الله يجزاج خير

 

[Swan]

الله يوفقج ويرزقج بكل ما تتمنينه
شوفي هالموضوع وايد وايد حلو لا تطوفينه
http://www.q8yat.net/showthread.php?t=331715
فيه شريط يستخدم قانون الجذب عن تأخر الانجاب سمعيه

 

[عيوووزه كووول]

الله يرزقج ان شاءالله ويرزقنا وياج يارب