تعبانه

[مدينة الاحزان]

تعبت من حياتي مع انسان عديم الضمير والاخلاق الئ متى بستمر بهذا الوضع موعارفه من وين ابدأ من كثر المشاكل اللي بينا صار الها ثمان سنوات الى الآن لكن هالمره غير هالمره اللي صار مو سهل مو قادره اتحمل لاني مصدومه من جد هالمره اللي صار شي مستحيل وحده تقدر تنساه او حتى،تغفره هالمره اكتشفت خيانه والله العظيم مو قادره اتكلم والدموع بعيني كنت شاكه من فتره كان واضع لجواله قفل يوم واجهته وطلبت منه يفتحه رفض بوقتها مستحيل احمل تصرفه عن حسن نيه لكن بعدها بنص ساعه عطاني جواله وقالي خذي شوفي لكن وش الفايده دام اهتزت الثقه قلت له خلاص مايحتاج وش الفايده الحين ليه ماعطيتني وقتها لو مو خايف فيه شي ليه رفضت تفتحه مع العلم كان قبل اذا حط قفل وطلبت يفتحه قدامي مع بعض ماكان يرفض لكن هالمره غير احساس الزوجه عمره مايخيب بعدها خلاص انهدمت الثقه بيني وبينه لكن استمريت وماسويت مشكله وطلبت منه اذا يبي واضحين مع بعض لا يقفل جواله ووعدني وانا بعدها ماكلمته ثانيه بها الخصوص لكن ضل القفل بجواله وماكلمته ولا حاولت افتحه مع العلم اني قدرت اعرف الرقم لكن مافكرت افتحه الين جا اليوم اللي كان بيروح الدوام وكان مفتوح جواله وكان جنبي وهو كان يلبس واخذت الجوال وفعلا شفت اللي كنت شاكه فيه وكلامه مع وحده والمصيبه اللي مو قادره اتحملها والله العظيم احس مخنوقه انهم كانو يطلعو مع بعض من خلال المحادثه والله تعبت ومو عارفه اتصرف وانا اللي كنت بها الفتره اجهز لذكرئ زواجنا وصورت جزء من المحادثه لان دايم لما المح له او اقوله يقول انتي تشكي فيني واذا كلامك صح جيبي دليل مع العلم اني اشوف ارقام بجواله واعرف لبنات لكن ماعمري استخدمت الدليل ضده الا هالمره عشان لايتهمني بالكذب والحين اكتب ودمعتي بعيني لاني مابي اواجه ولا قادره اتحمله حتى الذكرئ اللي ثاني مره اسويها ماعاد اي خلق اني اسوي له شي بعد اللي شفته ارجوكم بنات قولي وش اسوي معه انا مفكره بالانفصال لاني تعبت وهذا مستحيل يتعدل ودام وصلت الامور الى هالدرجه صرت خلاص ماعاد اوثق فيه ولا أأمن علئ حياتي معه ابي نصايحكم انا اشوف المواجه ومصارحته مامنها فايده واذا سكت ماقدر اتحمل على الرقم من اللي شفته ودموعي بعيني الى اني مابينت له لكن مو قادره اطالع فيه وهو حاس ويقول وش فيك من جد تعبت ومو عارفه شلون اتصرف ارجوكم ساعدوني لان الجرح جديد

 

[نـعـومـه]

مادري شقولج
في ناس تأيد الانفصال بهالحاله في ناس لا

دام خيانه وطلعات واجهيه قوليله شفت جذي وجذي ووريه الدليل وروحي بيت اهلج زعلي عشان يعرف ان الله حق والخيانه موشي سهل

وبيت اهلج استخيري بسالفه الانفصال او ردتج

 

[هيبة ملك]

صار اللي صار والا المفروض ماتنبشين وراه. التغافل عن بعض الامور احسنودامج عرفتي. اهذي. لك وقت من التفكير ولاتاهذين قرار تندمين عليه
الطلاق مو حل بالعكس باب لمشاكل ثانيه كبيره اما من الاهلاو المجتمع او الحاجه النفسية والماديه والمعنويه
وتكون اعظم اذا عندج عيال


عشانهم تحملي. وصلحي. من نفسج اول. ثم حاولي تصلحينه عشانج وعشان عيالج والعشره
حبيبتي. كل هذا بيصير ماضي بعيد الرجال بيكبر وبيعقل وبيندم
اصبري عشان بيتج. مو من اول مره تستسلمين


من واقع. تجربه والله الطلاق مو زين


عليج بالدعاء والدعاء والدعاء


وربي يقويج ويصلح الحال

 

[زوجة حياتي]

الله يعينج ويسخر لج زوجج

 

[الجادل الخشف]

شي لازم تعرفينه للاسف وهو واقع نعيشه ان الحين اغلب الرجال يخونون سواء مكالمات والا طلعات وقد تتجاوز للفراش والعياذ بالله
ولو كل وحده فكرت تطلق اذا زوجها كلم بنت جان نص او اكثر البنات مطلقات فاول شي تسوينه لاتطلبين الطلاق ولازم تواجهينه ومع المواجهه تنصحينه واذكرينه بعواقب اللي يسويه وذكريه بالحساب وربج شلون راح يعاقبه وحسسيه ان اللي يسويه فعلاً مو شي عادي لازم تحسسينه بالذنب وقولي هالمره انا ماراح اطلب الطلاق بس علاقتنا ماراح تكون مثل قبل حبك بقلبي قعد يقل بالتدريج والسبب اللي اشوفه تحملت وماني قادره اتحمل بس راح اقوم بواجباتي كزوجه بس لاتتخيل اني راح اعاملك مثل قبل وراح استرعلى تصرفاتك وانت العب على كيفك بس لاتفكر تقرب مني دام غيري يعطيك حقك واللي تبيه دام محصل المتعه برا لادور متعه معاي ابد
وخليه وروحي طبعا خلج بارده حييل جنه موهامج خلاص طايح من عينج لان اذا شافج مكسوره كلامج ماراح ياثر معاه

 

[مدينة الاحزان]

مشكورين على رودكم واشكرك اختي الجادل الخشف على نصيحتك انا من كثر التفكير بدت براسي اكثر من فكره اولها اني اسوي ذكرى الزواج واواجها باللي سواه واخليه يشوف المحادثه لان دايم كان يكذبني ويقول لازم تجيبي دليل والشي الثاني اني ارسل المحادثه لقروب اهله عشان يعرفو حقيقته لان يعمل الف حساب لاهله وخصوصا ابوه كان دايم يقول لو مهما وصل بينا من مشاكل اتزوج ولا افكر اني اخربط عشان سمعة اهله خل يشوفو افعاله لكن احيان ماودي اواجها لان بيكون بعدها عادي لوكررها ثانيه لان خلاص ماعاد بيخاف انه بينكشف فعلا مو عارفه وشلون اتصرف معه احس مو طايقته وهو ملاحظ ويسال ويقول ليش ماتطلعي فيني وشفيك اقوله مافيني شي

 

[كنوشة 2009]

شوفي يا اختي اللي يسوي زوجج اكبرغلط بس الخيانة تحتاج حسن التصرف والتفكير واﻻستخارة قبل لا تتخذين اي قرار
وبالنسبة انج ترسلين حق قروب اهله هذا قرار خاطئ وديري بالج تسوينه ﻻن راح يعاند وتاخذه العز باﻻثم وانج فضحتيه
لكن انا برأي احسن تصرف هو المواجهة وانج تكونين قوية وﻻ تبجين ويحس انج ضعيفة وخيري بينج وبين البنت وقولي له
اذا تكرر مرة ثانية ما راح تسكتين والله يهديه

 

[عنجهية]

حسبي الله ونعم الوكيل
منو بقى ماخان
حكمي عقلج هذي نزوة و مو معناها قصور من طرفج
صدقيني يعدها زباله و انتي الاساس تحملي و افتحي صفحة جديدة
واجهي لاتكتمين بقلبج عشان ماتتعبين واجهيه بقوة و لاتصارخين خليج واثقه و قولي انا عارفه انك غلطت و محد معصوم عن الغلط بس ابيك تترك كل هالخياس و تتوب و نفتح صفحة جديدة و لو مالك قدر عندي جان سيده زعلت و تطلقت بس انا بحاول انسى و اسامح بس ابيك تبتدي من جديد بنظافه معاي و اذا حسيت مجرد احساس انك رجعت تخون راح اتركك بدون لا اشوف دليل لاني انجرحت مرة مابي انجرح و انقرف منك مرة ثانية
و صدقيني انا عايشة نفس وضعج بس العن و اقوى خاصة ان عشيقته تنافسني و تبيه يطلقني و هي اساسا ع ذمة زوج يعشقها حسبي الله عليها و تلقين موضوعي بالمشاكل الاجتماعيه
من شاف مصيبة غيره هانت عليه مصيبته
الله يسخرلج زوجج و يبعد عنه و عن رياجيلنا بنات الحرام

 

[Dalalyv]

الله يعينج و ديربالح لا طرشين لقروب اهله ولا تعلمين اهله بشي هذا اكبر غلط لان ماراح يحطونه غلطان بالعكس بتشمتينهم فيج وبيقولون مو تارسه عينه وشاف غيرج وتعرفين سوالف الحريم .. الخ ما يدرون انه الرياجيل ما يملي عينهم شي وثانيا ترا هذه نزوه و تزول ومرده لج انتي بس انتي طولي بالج و لاتعبين نفسج وطااااااف و انا اقول واجهيه وعطيه كلام ينقده علي نفسه وذكريه انه هالشي يغضب ربه وطلعي كل اللي بقلبج والله يهديه يارب

 

[مدينة الاحزان]

مشكورين على ردودكم واشكرك اختي عنجهيه وربي يسخر لك زوجك ويبعد عنه بنت الحرام بصراحه هو حاس ان فيني شي ودايم يسال شنو فيش واكيد فيش شي مستحيل تكوني طبيعيه ماتطالعي فيني وتردي ببرود انتي سامعه شي او شايفه شي قلت لا لكن احس انو حاس ان شايفه المحادثه بدليل بدا يلمح اني ابي اخليك تغاري وقال لي انا عنده حسابين بتويتر واحد منهم بنت عشان تسوي نفسها تكلمه ويحرك الغيره وقالي شوفي الحساب لكن تويتر يقدر عادي يسوي اكثر من حساب حسيت يبي يوصلي اني اللي شفتيه هم حساباته بعد بس مستحيل اصدق لان البرنامج الثاني لازم يكون التسجيل برقم جوال هل معقول مسجل بثلاث ارقام فون بس هو بدا يمهد ان لو شايفه المحادثه بيقولي ان هو اللي مسويها عشان الغيره لكن انا وضحت قلت بالله هل يعقل احد يستخدم ها الاسلوب هذا مو غيره هذا بيتحول شك الغيره مو بها الاسلوب مادري ليه احسه يكذب ومو مقتنعه بكلامه يمكن يسوي كذا عشان يبررلنفسه

 

[lolwah]

مبين انه خايف من المواجهه و يبرر لنفسه عباله انتي غبيه و بتصدقينه ،خلج قووويه و شوفيه بنظره حقيره يمكن يستحي شوي

 

[((غلاي))]

لا حول و لاقوة الا بالله

الله يكتب الي فيه الخير يارب
و يسهل اموووركم و يصلح مابينكم

بس المواجهه شي اساسي بهالحال

 

[Tom ♥ Jerry]

منو بقى ماخان

.

^ كلمه اليمه:eh_s(2):

المهم حبيبتي ترا انتي مو داشه حرب عشان تيمعين ادله و تقعدين بحيرتج و خايفه تواجهين
و فكره توديج و فكره اتييبج !!


انا برايي تقعدين وياه و تقولين له كل شي كل شي صار من البدايه
قوليله آنج من آول تدرين انه يخون
و شفتي المحادثه
و عرفتي انه يطلع وياها .. و و و آلخ
كل الي بقلبج قولييييييييييييه لا تخلين شيييي نصيحه

بس آهم شي خلج قوية و آنتي تتكلمين
و لا يشوف منج دمعه وحده خلج قووووووية ..
آدري صعب تعبرين عن الي بقلبج بدون دموع بس حآولي
لانه بعض الرياييل اذا المره تكلمت معاهم و اهيه تبجي يعطونها وعود كذابه
بس عشان مآ يتحملون دموعها بس بعد فتره يردون حق عوايدهم
خلج قوية و آنتي تكلمينه خليه ينحرج و يتبلعم ما يعرف شنو يقول:*


و بعدين شوفي انتي وياه شنو تقررون ..
يا آنه يختار الوفا ، يعيش وياج بدون اهانه ( لانه الخيانه تعتبر اهانه للزوجة )
أو الانفصال آبرك:eh_s(7):

 

[مدينة الاحزان]

مشكورين خواتي على ردودكم ونصايحكم انا بها الفتره بحاول اني ماصارحه بشي لكن لو شفته تمادى بيكون لي موقف ثاني هو اي الان ماعرف اني عرفت وشفت المحادثه يمكن يكون حاس لكن مو متاكد اللي خلاه يحس موقفي تجاها معامله رسميه وجلس طول الوقت يقول اني مافكر باحد ثاني ودايم يقول ابي تغاري انا بصراحه اول مره اعرف احد وخصوصا الرجال يبي الغيره واذا في الغيره ماتجي كذا بعدها بيتحول شك لاني يمكن انا من النوع اللي فعلا عادي اتقبل الامر لو علق على وحده او شاف شي بالتلفزيون دام قدامي وبحدود الادب عادي لكن احسه وده ابين عكس هالشي بصراحه فعلا الرجال اطباع كل واحد يختلف عن الثاني بتفكيره في البعض اللي يتضايق لما زوجته تغار وتبين غيرتها وتكون سبب بالبعد بينهم وفي العكس اللي يطلبها ويتمناها واذا حصلها يمكن يتضايق منها

 

[Royof]

ياحبيبتي والله العظيم مرت علي حريم شكثر يشتكون من خيانات الرجال اهو بالمنتدى اهو غيره مو بس انتي ياحياتي

ابي منج تقوين نفسج وتعيشين مو عشان زوجج لاااااا عشان نفسج .. وتبين رضى منوو مو زوجج لااااا رضى ربج .. وكل ماضاقت فيج قولي بنفسج انا مو عايشه

عشانه عشان اعبد ربي روحي صلي ركعتين والله بتشوفين الراحه وشفتي هالموضوع بيصير تافه بعينج


الله يمسح على قلبج وعلى كل زوجه صابره ويفرح قلبكم بالعيال الصالحين

 

[rose2012]

استغرب من اللي يقولون لاتصارحينه سكتي نطري شتنطر تنطر تبتلش فيها مؤبد قام يطلعون ويابعض شبقا انتي مبين عليج هاديه ومسالمه لمفروض ماتسكتيين له في ازواج ماينفع معاهم الطيب بيتعلق فيها اكثر واجهيه وباسرع وقت قبله فكري شنو بتقولين على حسب شخصيه ريلج اقترح عليج سوي روحج توج تعرفين و قعدي هستري عليه وصراخ وبجي تالمهم هزيه خل يستوعب ان اللي سواه شي كبي وقوليله كلام يكسر القلب مثل 8 سنين وانا زوجتك وبالاخير تكلم بنت شوارع؟ ولمي قشج روحي بيتكم ليمن يترجاج و اسف وحطي عليه الف شرط تلفونه ماينقفل و يوعدج مايكرر ويقولج بلضبط شنو سوا ومنو هذي عشان تتلينه بصوبج ويصير ماعنده اسرار عنج دايما شغليه وفلسيه على طول وياه حتن لو وتس اب وعرفي ليش خان؟ مل ؟ ماقام ينجذب لج او اهيا تصرف عليه ومستانس في حريم برا يشترون هدايا غاليه للريال يستانس ويسوي علاقه شوفي السبب مثﻻا صدرج ترهل من الرضاعه عدليه تجميل مافيها شي لبسي كشخي تفنني بالمكياج ضعفي طلعي خليه يشوفج ملكه شوفي اللي يناسبج طبقيه وفي وايد رياييل مجرد نزوه ويرد لمرته بس هذي تطلع معاه ااخ يقهررر لو زوجه عصبيه جان راح فيهاا

 

[فتاة الكوخ]

الله يصلحه ويهديه وشباب المسلمين
ادعيله بالهدايه والحي على الله بالدعاء وراح تلاقين نتيجه باذن الله

 

[مدينة الاحزان]

مشكورين خواتي على ردودكم انا بصراحه لازم اتاكد اذا فعلا هي وحده يكلمها او هو مسوي الحساب مثل مايدعي عشان الغيره مع اني مستحيل اصدق رجال يحب زوجته تغار ويدور مشاكل دايم يقول لازم تغاري قلت له الغيره بعدها تولد الشك اذا كانت بها الطريقه يعني بالله تبي وحده تعرف ان زوجها يكلم وحده وتبيها تسكت هذي مو غيره هذي هدم بيت الغيره عمرها ماتكون بها الاسلوب او الطريقه انا الى الان مو مصدقته