- إنضم
- 26 يونيو 2009
- المشاركات
- 1,994
- مستوى التفاعل
- 0
- النقاط
- 0
- الإقامة
- عالم أحلامي
- الموقع الالكتروني
- www.youtube.com
سلام عليكم
*
بدش بالموضوع دوغري*
بعلي طلع في فشل كلوي وعرسنا ع الاساس2/9*
احس تحطمت ما ابي عرس ولا ابي شي*
كنا مفكرين حفلة بسيطه من الاساس ونسافر *وعقبها اسوي استقبال الحين ماينفع نسافر كل 3 ايام عنده غسيل ع ما يسوي زراعه*
العرس كان ع اساس 2/9بس اليوم يقولي بغير ابي 2/2اخذج من بيتكم حتى اهوا ما يبي يسوي شي يقولي مو ناقص باجر يقولون هم في فشل كلوي وهم واقف ولابس البشت وجنه البخت مافيه شي*
متضايق يقولي اسف ادري بخاطرج نسافر ونرد وتسوين استقبال خربت عليج*
مع ان محسسته ان الوضع عادي وقاع اقول المؤمن مبتلى وفتره وتعدي وما ابي استقبال ولا سفر عادي بس قوم بالسلامه هذا اهم شي *كل شي يتعوض*
تحطمت ماحجزت الصالون ولا المسكه ولا المصوره وحق اي تاريخ احجزهم ما ادري والنفنوف معلق مالي خلق اودي تعديل يبي تضيبج *
الوالده تقولي عادي روحي الصالون وطلعي الاستديو انتي وياه وصوري وبعدين تعالي البيت صوري مع ابوج وعمامج وجذي ويمرج بعدين روحو الفندق
يقولي نسافر ليلتين دبي بس انا ما ابي اخاف يصير شي عليه لاسمح الله
اففففف احس ما ابي شي خلاص*
ما احس فيني حماس العروس مع ان احسن ماكو عرس لأن من ملجنا صارت علينا العيون مكان في شي فجاه طلع في فشل كلوي*
الحمدالله ع كل حال
كتبت لكم ابي افضفض ابيكم تقوليلي شسوي *واحتمال يروح علاج بالخارج بسوي زراعه يمكن اوراقه تصير هاليومين واذا صارت كل شي بيتأجل لين يرد و مو راضي اروح معاه يقولي ما توقفين كورس ثاني عشان كليتي
ويمكن تصير سفرته بعدين عقب العرس**
تعبت من التفكير احس مو عارفه شسوي باجيلي جم شغله ماخلصتها غير سوالف الصالون وجذي*
الذهب وتناتيف ثانيه واختي العوده توه والده ف فترة انفاس والوالده ما تقدر تخليها
سوري أذيتكم بقرقتي بس مالي غيركم*
الي تقرا الموضوع ترفعه بدعوه ان الله يشافيه و يقومه بالسلامه ويبعد الشر والعين عني وعنه وعن كل اثنين ع ويه زواج*
*
