تعبانه نفسيا وجسديا ساعدوني بنات

[qazlaan]

بنات انا حامل وفي شهر السابع امس حسيت عوار ظهري وبطني زاد عن حده ويحوشني عوار تحت السره تحت في البطن المهم بعد تحاليل والحمدالله طلع كل شئ سليم وسونار وتخطيط البيبيى تمام بس قالوا عوار تحت السره يمكن يكون رأس الطفل تحت ولازم نكشف عليج تحت مت خوف ورفضت وقالولي على مسؤوليتك وقعي وقعت ورديت البيت وانا كلي دموع وخوف وقلق يعني معقول هالحزه تكون ولادتي في الشهر السابع طيب مو مشكله اولد بالسابع انا بعد انولدت بالسابع بس ماني جاهزه حك ولاده ولادتي مفروض تكون نص فبراير انا خايفه اولد بالشهر الثامن يقولون البيبي ما يعيش بالثامن وشئ الي بعد اخاف منه موووت يزيد عوار وقت الولاده او يطلع منه الدم هو البواسير عندي بواسير من ولادتي الاولى بنات شنو اسوي خايفه اولد هاليومين وانا مو مستعده لا نفسيا ولا جسديا وعندي بنت صغيره عمرها سنه و٣ شهور ما تاخذ اكل الا من ايدي

 

[انســـآنه]

حبيبتي زين سويتي ورديتي البيت ومافي الا الخير ان شالله لاتحاتين بس انتي ريحي نفسج وانسدحي ورفعي رجولج وخلج منسدحه اكثر الوقت وحااااااولي ترتاحين قد ماتقدرين
انا صار معاي نفسج بالضبط ورحت المستشفى وغصصصصصب يبون يفحصوني من تحت وانا كنت بالسابع ورفضت وكنت برووحي والراس كان ناازل من السابع ولاضرني هالشي الحمدالله
وادعي لي الله يسهل علي ولادتي ويتمم عليج ياارب :hjy5jewf:

 

[حلا البيت]

لا تخافين ولا شىء طبيعى الراس يصير تحت من السابع لان لاصار فوق ليم التاسع يصير عمليه

 

[brettey]

رد : تعبانه نفسيا وجسديا ساعدوني بنات

اصلا الراس ينزل من السابع ومنو قال لج مايعيش بالثامن ؟امبلا يعيش اختي يابت ولدها بالثامن كاهو ريال عمره 14 سنه الله يحفظه ويهديه

 

[ام زاكي]

عادي الراس ينزل باسابع شالمنطق والعوار الي يجيج طبيعي بعده الرحم يتوسع حق البيبي وولاده في الشهر الثامن اكثر فرصه لنجاة الطفل
ربي يسهل عليج

 

[حنين الارض]

رد : تعبانه نفسيا وجسديا ساعدوني بنات

حبيبتي اهم شي ترتاحين ... يمكن الوجع من الاجهاد والحركه
بعدين لا تحاتين .. الحين صار عادي الوحده تولد بالثامن ... والبيبي يعيش

والله ييسر امورك

 

[LiL MaMa]

رد : تعبانه نفسيا وجسديا ساعدوني بنات

اهمه خايفين يكون راس الياهل نازل عنق الرحم
فمن الاحسن انج تفحصين
او انج تروحين حق اكثر من دكتور
صحيح ان راس الياهل ينزل بالسابع و مرات من الخامس بس مو زين انه ينزل عنق الرحم
فالأفضل انج تروحين
و موضوع ان البيبي يموت بالثامن فهذا اعتقاد خاطئ
لأن بالثامن يكون البيبي مكتمل اكثر من اي شهر لأن مابقى شي عالولاده
و انا يبت ولدي بأول الثامن و الحمدالله الحين عمره 6 سنوات و مافيه الا العافيه

 

[qazlaan]

مشكورين حبيباتي على الرد طمنتوني بالنسبه الاخت انسانه مشكوره واااايد حبيبتي طمنتيني الله يسهل ولادتج يارب العالمين وولادتي بعد بس حبيت اسألك بأي شهر انت

 

[بشه المنخشه]

رد : تعبانه نفسيا وجسديا ساعدوني بنات

الله يتتم عليج وهدي بالج ان شاء الله ماكو الا الخير بس ريحي ولاتجهدين نفسج

 

[Dalal.al3tibi]

رد : تعبانه نفسيا وجسديا ساعدوني بنات

واذا يعني البيبي راسة تحت من السابع انا قالب من السابع والحين انا بالتاسع لاتخافين

 

[خيشة شكر@]

رد : تعبانه نفسيا وجسديا ساعدوني بنات

الله يتمم عليج بس الطبيب ابخص واذا لى السابع او الثامن فهذا كله امر الله ونعم بالله توكلي على الي ما تنام عينه

 

[دمثة]

اصلن بالسونار يبين اذا عنق الرحم مفتوح او لا

والمشيمة صاعدة او نازله يعني ما تتحتاجين فحص وديري بالج من الفحص خطا

والمهم مافي الا الخير ياربي

 

[الغضى]

أي والله صاجة أختي دمثة
بالسونار كل شي يبين لايفحصونج وتسيير ولادة صج لان مع الفحص يفتح عنق الرحم....والله اعلم
توكلي على الله والله ييسر أمرج.