تعبانه ملل بعد الولاده اتشوق للرمنسية ساااعدوني

[قلوووب]

سلاااام بنات عسااكم بخير يارب..

الكل عارف ثقل النفاس استغفر الله ياربي وهالفتره بعد الولادة حوسه مع الياهل وانا لظروف ما قعت بيت امي الا 12يوم بس ورديت الشقه مع البيبي
اليوم صارلي 40يوم بعد الولادة
:eh_s(11)::eh_s(11):أحس ضيييجه وشي ناقصني الحين مع التفكير وجم موقف شفته اكتشفت اني هالفترخ صج من كثر الحوسه والحكره بسبب الياهل فااااقده من قلب جو هادي ورمنسي والله جني شنوو بس اشوف منظر دعايه صورة بالجريده فيها رمنسيه ودي انفجر بجي
والريل مو من النوع اللي يلتفت حق هالسوالف معنه قلبه ابيييض بس ماايي اباله يمكن اني محتاجه جو
بس بلشه لاني قادره اخلي البييي لاعند امي ولا خالتي كلٌ يغني على ليلاه ومالهم شغل لاهيين
والشغاله اثيوبيه ماتعرف ويالله ملحقه على اعيالي ال2
ضججججت يابناتشنو ممكن اسوي تغيير اجواء
شتسوون انتو يصير شوي رفرش بعد الولادة
مليت وتعبت
اللله يجزيكم خير ساعدوني

 

[مناير ...!]

عليكم السلام
الحمدالله على سلامتج
اخذي البيبي وخدامتج حطيهم عند اختج اخته اي احد من اهلج تمونين عليه
وضبطي نفسج وكيكه ولبس وجذي واسهري معاه بفندق

 

[حشمه]

حالتج مشابهه حق حالتي انا عن نفسي نطرت البيبي يكبر

واما النفسيه هونيها وتهون جم يوم لين يعدل نومته البيبي

وتتعدل نفسيتج ولو تداومين بعد تغيرين جو لان تبتعدين

عن الصراخ واللويه

 

[شافوك بحساسي]

الله يكون بعوووونج

 

[مفعمه بالحيويه]

شدعوه بنات 46 مشاهده وبس وحده الي ردت


... ممممم الوحده بعد الولاده تحتااج اهتمام من ناحية اكلات خاصه فالنفاس و اعشاب وادويه

وتوه البيبي صغيير اصبري لين تعودينه على نظام يريحج


وان شاء الله تشوفين ردود تفيدج

 

[iLLuMinaTion]

يكون بعونج

 

[هيبة ملك]

ضبطي أمورج والبيبي عدلي نومه وتفضي لزوجج
وسوي لج جو خاص بعيد عن العيال

 

[حلاه الكون]

وااااي مريت بحالتج بس كنت نفاس عند ابوي ومريت بحالتج لما طلعت من النفاس حسيت اني كلش ماني فاضيه بالمره والياهل مدوخني
والريل علا قولتج مايعرف من الرومانسيه شي
ولما عديت ٣شهور بعدها تاقلمت مع الوضع اليديد

 

[صحكة الايام]

تعالي قروب المتزوجات كثير افكار

 

[وضح النقآ]

الله يكون بعونج


حبيبتي صيري مسنعه نومي عيالج مبجر وسويلي ليله حلوه من هالليالي الي كاتبينها البنات

ليتات وقميص فنتق وحركات والجاهل الصغير ان بجه ثواني ويسكت وهونيها ﻻتقولين ما اقدر وتخلينها ع السانج
جذي صج ماتقدرين. سهالات ان شالله

 

[دلال و غلا]

البنات ما قصرو الله يعطيهم العافيه
و الله يهون عليييج 

 

[* بنت المطر *]

ضيعي وقتج بالتسوق والتشري والخياط ليم تخلصين ال 40 والجاهل بهالليله لاتخلينه ينام بالنهار وبالليل سبحيه ورضعيه

ونوميه بغرفه بعيد عنج انتي وزوجج لان الجاهل ترا يحس ع قولتهم بنبضات قلبج لوول

 

[Zaina-al-zaina]

الفترا صعبه والله يعينج

بصراحه انا اقط بنتي على الخدامه !

ماقدرت يتني ضيجه اللهم ياكافي !

رتبي نوم عيالج الكبار واستغلي الموقف وقت نومتهم

او خلي احد يطلعهم ...

حاولي ان الخدامه ترتاح شوي ! طلبي غدا من المطعم !
وعطيها اووف من الغسيل ! واي شي ثاني وسلميها اهيا البيبي اليديد
وانتي جابلي الكبار ! ع الاقل الكبار يفجون عنج شوي !

اتمنى انج فهمتي علي !

والله يكون بعونج !

 

[صدى الجروح]

انا مع راي البنات لكبار نوميهم وعقب تفرغي للبيبي سبحية ونوميه وطلبي عشا وعصير وجيبي زينة من ابو ميه خخخخ وزيني غرفتج وحطي هالشموع وتعطري وتزكرتي وحطيً ميك اب ناعم وقميص حلو طويل ومخصر وشعرج سويه بتغيرين ١٨٠ درجة وعقب ماينتهي اليوم قوليلي باجر عازمتك مطعم وخلص هاليوم بفرح وسرور اما اذا اهو حليو ومن النوع اللي يتقبل بنفس اليوم تقوليله يبو بفلان بطلع تمشي ع البحر وتعشو بمطعم. انا عني لازم ابلغ قبلها بليله عشان جذي ليله له وليله لي خخخخخخ ولازم قبل الطلعة عرسسس اسوي يالللا اطلع هههههه سوري قرقت وايد.

 

[أم عزيـز]

عادي انتي لانج توج ما تعدلت نومتج وتعبانه من السهر ومجابل البيبي تحسين بضيجه
وايد بنات مثلج وانا اولهم

علشان اكسر الروتين اروح السوق اروح الصالون المهم احس اني قاعده اسوي تغير في ملابسي
وفي ستايلي وشعري لاني برد عروس حق زوجي
لازم تفكرين بهالشغلات اللي ناطرتج لا تفكرين ان البيبي راح يخرب عليج
بالعكس البيبي ينام ويقعد باليوم اكثر من 10 مرات يعني اي وقت ينام فيه البيبي تقدرين انتي تسوين جو حق زوجج
لا تنطرين من الرياييل يسوون شي
اغلبهم ما يعرفون بالرومانسيه وان المره بعد الاربعين محتاجه تغير جو ونفسيه
انتي بادري وسويلج جدول خاص فيج باللي تبينه وان شاء الله تروح الضيجه وتتحسن اوضاعج

 

[انثى عاشقة]

شوفي اي احد تمونين عليه واتركي البيبي عنده
وقضو ليلة رومنسية انتي وزوجك
وبس شوية شوية تتعودين ع الروتين ​

 

[واحة الايمان]

بالنسبة لعيالج الكبار حاولي تعودينهم علي النوم بدري يعني يقومون الصبح الساعة ٦ وينامون بدري على ال ۷ الليل ..بيكون عندج وقت حلو انج تقعدين مع زوجج والبيبي الصغير عطيه الخدامة تمسكة ..وانتي قعدي مع زوجج أو اطلعوا مكان تتمشون فيه اتقولين باللي في خاطرج ..انا دايما اسوي جي ...اخلي وقت النهار لعيالي وبيتي ...ووقت الليل لي ولزوجي ...وبالتعودين انشاءالله بس اهم شي نظمي نوم الكبار واليهال بعد ۳ شهور بيتعدل نومه ..والله يوفقج ويسعدج

 

[Sisyphus]

حبيبتي خلي عيالج عندج
و نطري شهرين
ادري بتقولين تعبانة وماقدر انطر ابي هدوء بس انتي نفس حالتي
انا ما ارتحت لحد ما صار ولدي عمره ثلاث شهور
ماعتدي احد اودي ولدي له

 

[الـفـجـر الـبـعـيـد]

الله يعينج يبيلج وقت على ما تتعودين وتاخذين على الوضع

 

[&&&&&&&&]

لاحقه على الخير

الله يعينك

ودي وتقديري​