تعبااااااااااااااانه

[دانة2]

انا نفاس وحالتي حالة يجيني شيء يخليني ابجي بجي واتهاوش مع ريلي بدون سبب
واتهاوش معه اخواني وهلي بدون اي سبب مدري ليش ,,حاسه اني ضايعه وحاسه اني تعبانه ريلي كل يوم يجيني يشوف البيبي ويشوفني بس من كم يوم قلت له لاتجي مالي خلق استقبلك ولا لي خلق لشيء والله تعباااااااااانه مدري شفيني

مو اسه زوجي مثل باقي الرياجيل من ناحيه الاهتمام والطلعات والخ
لاني سمعت انه البنت بفترة النفاس زوجها يطلعها تغير جو وانا ولا ححتى يفكر يطلعني

 

[جرووح غالية]

يسعدني أكون أول الرادين عليج يمج من متا التفاس تطلع تمشا النفاس ترتاح وتهتم في البيبي ونفسها من حيث الاكل والادويه والامور هاذي ونصيحه أكثري من ذكر الله وخصوصا قبل النوم سبحي وهللي وكبري و أستغفري لين يغطج النوم والله يشرح صدرج ترا أثنتين محسودتين هما \النفساء
و العروس جصني نفسج

 

[أنهار الورد]

حبيبتي النفاس اكيد بتقعد ترتاح لغاية ماتخلص وزوجج زين منه يمر عليج كل يوم ومايطلب انه يطلعج لانه عارف ان الولادة تتعب المراه يعني زوجج حاس فيج هالشئ يفرحج مو يزعلج
وفيه حريم يجيهم اكتئاب مابعد الولاده بس مايطول فتره وبتعدي بس حاولي تتحكمي باعصابج
ومبروووك ع البيبي يتربي او تتربي بعزكم

 

[يارب احفظ عيالي]

عادي اختي لازم يصير جذي عقب الولاده لازم تصبرين وتتحملين اما عن الطلعه في النفاس هذي اول مره اسمعها الله يكون في عونج

 

[!الجادل الصعب!]

يطلعج وين تروحين ..! نفآس وخيآط وبيبي ونآس رآيحه رآده عليكم ..!
بعد زين منه كل يوم يطل عليج في ريآجيل مايطل بوجه مرته الا بعد الاربعين ..
خلي الدلع والتسبب ..

لاني سمعت انه البنت بفترة النفاس زوجها يطلعها تغير جو وانا ولا ححتى يفكر يطلعني

عشآن سمعتي ان الازواج يطلعون بالنفآس تعبتي نفسيآ .. يآكثر دلعكم يآبنآت وهوآلكم ..
منتو جهآل كل شي تسمعون فيه لآزم يصير لكم ..
اقول تفرغي لنفسج والبيبي آبرك من حركآت الدلع هذي .. عشآن تطلعين من الاربعين وانتي عروس ..!

 

[نشيج الروح]

شغلي روحج بكتاب ... بالبيبي ...... بالمسجات شوي تعوضين ريلج .......والله يعينج

يسعدني أكون أول الرادين عليج يمج من متا التفاس تطلع تمشا النفاس ترتاح وتهتم في البيبي ونفسها من حيث الاكل والادويه والامور هاذي ونصيحه أكثري من ذكر الله وخصوصا قبل النوم سبحي وهللي وكبري و أستغفري لين يغطج النوم والله يشرح صدرج ترا أثنتين محسودتين هما \النفساء
و العروس جصني نفسج

عن النبي صلى الله عليه وسلم قال : لا حسد إلا في اثنتين : رجل آتاه الله مالا فهو ينفقه آناء الليل وأناء النهار ، ورجل علمه الله القرآن فهو يقوم به آناء الليل وآناء النهار .

 

[بدووورة]

عادي حبيبتي انا نفس حالتج وانا بالنفاس من اول ماطلعت من المستشفي لي بعد اسبوعين كل يوم ابجي ومااكل ولا لي خلق اتكلم وتيني ضيقه اعوذ بالله مادري من وين وحتي الياهل مااحس مستانسه فيه

بس كل يوم بليل حاطه بالملاحظات بالتلفون ادعيه وقران ع طول اقراهم

وحتي سوره البقره قريتها واحاول الهي نفسي والحين انا بنص النفاس الحمدالله عودت نفسي ع الياهل و ع جو النفاس

بس ترا النفاس دايم تقعد ترتاحين وماتطلع الا اخر اسبوع تقريبا وزين ريلج يقعد معاج في بنات مايشوف ازواجهم


وعليج بالاستغفار والله يهون عليج

 

[ليدي اكتوبر]

نفاس تطلع تتمشى!!!!!!!!!!!!!!!!!!!!!!!!!!
عيل العروس شنو تسوي لوووووووووول ضحكتيني خيتوووووووو
شفيج بالعكس النفاس مايصير يدش فيها هوى <<<اسمعي كلام اديده ههههههههه
فتره وتعدي وتصير ذكريات ولاحقه ع الطلعاااااااااااااااااات

 

[شواخي]

عادي النفسيه تتعب بس لا تتآثثرين وااايد ،،

لاتقعدين جذيه كل يوم غسلي جسمج و لبسي وتعطري ومشطي شعرج حطي قوس و بلشر خفيف

انا جذيه كنت اعدل بنفسيتي

ترى الشكل ياثر بالنفسيه

و قعدي ويا خواتج وشغلي التلفزيون و اقري كتب واقري بالنت

خلي البنات يزورونج ابد لا تقعدين بروحج


وياعويني ريلج زين اييج كل يوم والله كثر خيره يمر ،،

قولي له خل نطلع وجذيه

الطلعات مو باول يوم باخر اسبوع تصير ،،يادوب تمشين ومالج خلق شي

سولفي وياه وصارحيه انج تعبانه

فضفضي

لا تزعلين والله بيبيج كيوت والله يحفظه لج استانسي فيه

ولا تسمعين القيل والقال يآثرون بالنفسيه وايد


والله يوفقج ويهدي بالج

 

[shak!shoka]

مبرووووك ماياج ويتربى بعزكم

والنفاس ما تطلع من بيتها والي قالتلج تبالغ !

اهتمي بعمرج و انا كنت مثلج اعصب وابجي مع بجية البيبي و اتحسس من اي حركه او كلمه وشكثر زعلت على خواتي وحتى امي ما اسلمت مني هههههه

وريلج حرام لا تطردينه انا كان اييني كل يوم وماااالي خلق بس كنت اتحمل واضحك معاه والله احس انه ضيقتي ترووح اذا كان عندي

هدي بالج وتحكمي بنفسج

 

[هذا مزاجي]

مع اني للحين ماجربت النفاس بس اللي اعرفه

ان في شي اسمه اكتئاب النفاس شي طبيعي

تمر فيج حاله نفسيه صعبه شوي اقري قران

واذكارج اهم شي لاتنسينها والعبي مع البيبي الله يخليه لج

وبصراحه اول مره اسمع ان في نفاس تطلع تتمشى :080402ask_prv:

اقعدي بس اعتني بنفسج عشان تطلعين احلى من العرايس

يمديج على الطلعات والوناسه :ggdw:

موفقه يارب

 

[كويتية بروما]

عادي كلنا مرينا بهالحاله فتره وترووووح

 

[وايت اند بلاك]

فترة وتعدي يسمونها اكتبئاب مابعد االولادة هاذي000

 

[الحياه انثى]

مرحبا عزيزتي0 انا اول مره اشارك بالمنتدى00حبيبتي تعوذي من الشيطان وحصني نفسك بالاذكار0وواهتمي بنفسك واكلك وراحتك0بعدين فيه حريم رياجيلهم يسافرون برا اذا كانو نفاس0احمدي ربك واتركي كلام الحريم الفاضي0

 

[ناتشوو]

اطلبي منه انت انكم تمشون
مو شرط يدري انت شنو تفكرين فيه
ونصيحة كثري من الاستغفار والذكر

 

[modern]

انشالله بيتربى بعزك و طولي بالك

 

[أم توتو]

الطلعه بالنفاس مو زين الا للضروره لاحقه على الطلعات

 

[جوري 2007]

هذي كآبة النفاس ديري بالج منها لا تقضي عليج انتي اقضي عليها

تعوذي من ابليس دايما وشغلي قرآن بدارج واقري الاذكار وتصدقي وان شاءالله عقب ماترتفعين روحي السوق وتشري اغراض وطلعي

وغيري جو

 

[رواضي قطر]

انا اول مره اسمع وحده بالنفااس تطلع وتتمشى
المفروووووضتعتنين بنفسك اكثررررر عشاان لمن يخلص نفااسك يشووفك غير

 

[عسل سل]

اعرف شكثر حرييم حااشتهم نفس حاالتج بعد الولااده فتره وتعدي بس الاهم لاااتخليينهاااا تستمر ويااج وكل الحريم جذي وسنة الحياه هذي