تعبآنه نفسيا

[حلا العتبان]

السلام عليكم ورحمة الله وبركاته

شخباركم بنات ؟

بنات انا تعبت من موضوع تاخر الحمل لي 8 اشهر متزوجه وللحين ربي ماكتب لي احمل
بالنسبه لي انا مؤمنه باللي الله كاتبه بس اللي كاسر خاطري زووجي كل يوم فلان زوجته حاامل وفلان جاله ولد وفلان وفلان :eh_s(2):
وزود على كذا البنات اللي تزوجو عقب عرسي كلهم حملوو الا انا للحين
التفكير ذبحني مدري شسوي

فديتكم ابي نصاايحكم وتجاربكم وانا توي من اربع ايام مخلصه الدوره متى ايام التبوويض

ووشلون اتعامل مع زووجي لا جا طاري هالموضوع

بجد تعبت كثير وصرت اكره اطلع من بيتي ولا احب احد يجيب طاري هالموضوع منه او من اهله

يارب انك ترزقني الذريه الصالحه عاجلا غير اجل ياكررريم


بنات بانتظارركم وبنتظار تجاربكم ونصاايحكم

اختكم .. حلا العتبان

 

[جمالي خلاب]

عادي حبيبتي انا مثلج تزوجت بالوقت الي تزوجتي فيه وعادي ماحملت ولافكرت الي ربي كاتبه بيصير

وكلن من قال يوه ماحملت قلت اي ماحملت ولاابي <<مو بيدي بس علشان اريح بالي


يكفي بالي مشغول اشغله زود شحقه


مالج غير الاستغفار حبيبتي

 

[حلا العتبان]

الله يرزقنا يارب

بنتظار البااقيين ووينكم ..

 

[كويتية خجولة]

الله يسهلها يارب والله مادري شقولج كنت توني بنزل مووضوع انا تعباانه نفسيا وجسديا من الدورة ومن زوجي اللي ينطر حمالي ومن اهله واهلي والدواام الله يعوضنا الحمدلله علا كل حاااااااال .

 

[عصفوووورة]

مثل حالتي انتي ماكملنا سنة والنااس عيونها علينا

ربي يصبرك ويصبرني

 

[ابدا يالغالي مانساك]

حبيبتي انا نفسج تقريباا صارلي سنه واشهر
وربج يفعل مايشاااااء
فانصحج نصيحها لاتفكري بالحمل وايد لان هذا ياثر عالنفسيه بزود ياختي وياثر علي هرمون الحمل
دكاتره كلهم جذيه يقولوووووون لاتفري بها السالفه تاثر
ولهي حالج باي شغله وزوجج لاحن قولي هذا بامر الله لاهو بيدي ولا بيدك
هو اللي كاتب لنا قسمتنا ومتي ماراد بتجي وماتددري بخيرة الله تعالي من تاخيره قولي له جذيه
ورضي بما كتب لج الله كلنا جذيه بنات هالقسم
واملنا بالله قوي وبيجي يوم وبيجبر بخواطرنا ان شالله

 

[شقرا كويتيه]

الله يرزقكم كلكم يارب

 

[حلا العتبان]

الله يكتب اللي فيه الخير يارب

انا ابي نصايحكم وتجاربكم نبي نستفيد من بعض

وين بااقي البنات ؟؟؟

 

[So MuCh PaIn]

حبيبتي انتي لا تكدرين حالج وصج توكم عرايس يدد بس حبيبتي الوحده اذا عدت ال ٥ شهور و ما حملت لازم اهي وزوجها يفحصون لانه اذا في خلل او مشكله لازم اتعالج بسرعه فديتج ولا تسمعين احد يقولج نطري وماصار لج سنه و توكم معاريس يدد دام عدا عليكم ٨ شهور لازم تراجعون

انا عقب ٧ شهور من زواجي حلتت وتحاليلي سليمه و زوجي حلل وكانت تحليله سلبي وعالج ويالله حملت بعد سنه ونص

نصيحتي لج راجعي خاص عشان يسون لج تحاليل و سونار داخلي اتجيكلج على رحمج ومبايض ودام انتي اليوم رابع يوم دوره وايده تمام لانه في تحليل يسونه من ٣-٥ يوم دوره والسونار احسن وقت بالدوره فروحي اليوم وربي يسهلج ويرزقج ويرزقج كل وحده بالذريه الصالحة

 

[So MuCh PaIn]

وييه سوري قلبي توني اثبت انج خالصه الدوره من ٤ ايام

دام جذي روحي سوي تحاليلج بالحكومه ... باجر روحي لانه الحوامل الاحد والثلاثا والخميس و الاثنين والاربعا حق الكل ... هذا طبعا بالمستوصف تبع منطقتكم واذا قالت لج ما كملتي سنه قوليها بتطمن على عمري وبعدين لا طلعت تحاليلج شوفي الدكتوره شتقولج ورحي راجعي بالخاص واخذي تحاليلج لانهم راح يطلبون تحاليا وانتي مسويه وخالصه فبس تسوين سونار داخلي وريلج يفحص

الحكومه مايسون سونار بالمستوصف راح يحولونج حق الصباح اتوقع بس لازم بعد سنه من زواجج والله مادري بالضبط بس انتي استفسري لا رحتي

السموحه اذا في بدليات لاني شابكة من ايفوني

 

[حلا العتبان]

^

يالبى قلبتس رد من قلب
بإذن الله بتوكل على الله وبروح المستشفى

الله يرزقنا يارب

الف شكررر ..

 

[jaaanooo]

لا حبوبتي افا عليج على شنوتتعبن نفسيتج وانتي بأول الطريق .. شوفي روحي حق الطبيب وخليه يفحصج يمكن موعد الجماع ما يوافق موعد الاباضة عندج .. او الطريقة تكون مو صحيحة .. وساعات التاخير يجي من النفسية .. توكلي على الله وهدي بالج وروحي راجعي وتفائلي وربي يكتبلج كل الخير ...

رووحي يا حلا العتبااان ربي يكتبلج تووم صبيان مره وحده

 

[%متفائله%]

الله يرزقج يااااارب

بس استمتعي توكم ماااكملتوو السنه وهالشي شايله همه عاااادي وان شالله ربي يكتبلج بالقريب العاجل

وبلشوو انتي وريلج تراجعون احسن علي شان لووو صار في خلل الله لايقوله تبدون العلاج من اللحين

وان شالله عسى الله يفرحج بالضنا ياااااااااااارب وكل بنات القسم

 

[الزيـــــ^^ـــــن]

لا تتعبين ولا شي تووكلي ع الله ولااااتفكريييييين وااايد بالحمل ترا بتتعبين
التفكير مرات هو اللي يأخره،،،

حبيبتي هذا جدول ايام التبويض يطلعلج على حسب طول دورتج وانشاءالله يارب يرزقج بالحمل السليم المعافى

 

[lovemyself]

اختى انتى حدج مستعيلة عيل شقول انا 11 سنه حمدلله بكل حال
الصبر حلو ترى هذا مو تاخر انجاب عادى
واذا حاسه ما تقدرين تصبرين روحى راجعى انتى وريلج
الله يرزقكم
اهم شى النفسية ترى الرزاق الله مو هالناس الله يساعدنا علي حنتهم

 

[نكهةالبرتقال]

هذا اختبار لج و لزوجج

و لا تراجعين عند الدكاترة ، لين تكملين سنة


و خلهم الله يبارك لهم بذرياتهم ، الله اهو اللي قسم ارزاق العبيد

اهم ما جابوا الحمل و لا خلقوه بطونهم

هو اللي اعطى و منع




انا صارلي فترة طويلة و الحمدلله - عسى ربي يرزقني و يرزقج و يرزق كل خواتي المسلمات

 

[نكهةالبرتقال]

و بعدين اذا اذوج الناس

قةلي كلمة عجيبة : قوليلهم ، هذي قسمة ربج ( ركزي عالضمير ) قولي ربج

عشان تفتهم المغرورة إن ربج اهو ربها- و إن مالها حق تجرح او تعترض او تتشمت

 

[منال66]

اختي حبيبتي روحي عند الدكتوره ماجده اليتامى وايد شاطره بالجابريه تشوف شنو فيج

 

[kitty eyes]

عادي حبيبتي

تو الناس عليج

انا قعدت سنة ونص يالله حملت بولدي الاول

والحين حامل بعد 8 سنين ونص

الله يرزقج ان شاء الله

 

[دمثة]

الله يرزقج يارب