تعالي قوليلنا شنو تحطين بجنطة المستشفى ... ؟؟ :)

[om-hayooona]

بسم الله الرحمن الرحيم
السلام عليكم على كل حواملنا الغاليات
ديرو بالكم وشوي شوي على روحكم
اليوم حبيت اكتب موضوع للي قربت ولادتهم
وطبعا ممكن ان الكل يشارك فيه
اللي سبق لهم الحمل واللي توهم يحملون
عشان الكل يستفيد من خبرات وتجارب الاخرين

قولولنا شنو تحطون بجنطتج مالت المستشفى .. وجنطة البيبي .. ومن متى تجهزينها ؟؟

وفيدوني انا بعد انا الحين بالسابع ..
وسمعت ان الاضمن اجهز جنطتي من الحين .. بس مادري شنو احط فيها ؟؟

يالله ناطرين مشاركاتكم وردودكم

 

[mrs.perfect]

يلا بنات فيدونا

 

[سبيجه الروضان]

انا بجر وبشهري الثامن وقبل اسبوع جهزنا انا وامي الجنطه وامي الله يطول بعمرها يابتلي جنطه رول تقول لاسمح الله وقت الطوارئ تكون سهله بالدز وحطتلي فيها فوطه عوده وفوطه صغيره ولغنزات طويله وملابس داخليه طقمين ولفات للراس ويا طاقيتين لونهم ابيض وقميص الاستقبال وطبعا سوالف الشامبو والصابون والفرشه الاسنان والمعجون والكوتكس وطبعا الدلاغات والله هذا اللي شفت امي حطتهم لي اما انا لولا امي الله يحفظها مااعرف شي وهذي اول مره ولاده والله يسهل علينا كلنا طبعا هذي جنطتي انا بدون البيبي

اما جنطة البيبي كابات للراس 2 وفوط صغار 3 والبدله الكشخه اللي بيطلع فيها للناس كامله ويا اللفه والدلاغات والدسوس والكاب وتبانات3 وميميه حطيتله 2 احتياط وجم لفه ومهادات وهذا مااعرف اسمه اللي يحطون الياهل فيه لمن نطلع الاسفنج بس المشكله مااعرف اساميهم لووول انشالله اصير ام متمرسه بعدين وسوالف الجونسون من شاورجل وشامبو وكريمات وقطن للاذون وكلينكس طبي للتنظيف ويعني والله احاتي يوم الولاده الله كريم

 

[انسام الكويت]

انا بجر وماعرف شنو الاغراض اللي لازم تنحط بالجنطه يلا فيدونا بنات

والاخت سبيجة يعطيج العااافيه خليتني استفيد منج

up

up

 

[Ice Princess]

اي والله خوووش موضوع

اتمنى من البنات يفيدونا

 

[om-hayooona]

مشكووووووووووووووره وايد سبيجه وماتقصرين عالافاده

ويسلمووووووووووووو ع مروركم بنات

 

[ديما الكويت]

جنطة الأم وفت وكفت الأخت سبيجة لكن بالنسبة للأمهات البجريات جهزوا جنطة البيبي وهي كالتالي :
اشتري السليب باغ (الأسفنج اللي يشيلون فيه البيبي) ضروري لمن تطلعون من المستشفى وجنطة صغيرة ويفضل نفس السليب باغ عشان الأدوية قطرة العين وجم دوا بيعطيكم اياها الطبيب لمن تطلعين غير الورقة مالت التعليمات وجم ممية وغيرها فتحتاجونها برايي ،وقبعات البيبي/بجايم ولفات (مهادات) ودسوس/وجم بدلة راقية شوي لمن يزورونج الناس او حمولتج هذا للي تبي تطلع البيبي جدام الناس وانا مافضل انكم تطلعونهم بتاتا عن العين . ويفضل انكم تجيسونهم بأكياس نايلون كل بدلة بروحها أرتب لكم عشان التبديل والتغيير .

 

[ديما الكويت]

جنطة الأم وفت وكفت الأخت سبيجة لكن بالنسبة للأمهات البجريات جهزوا جنطة البيبي وهي كالتالي :
اشتري السليب باغ (الأسفنج اللي يشيلون فيه البيبي) ضروري لمن تطلعون من المستشفى وجنطة صغيرة ويفضل نفس السليب باغ عشان الأدوية قطرة العين وجم دوا بيعطيكم اياها الطبيب لمن تطلعين غير الورقة مالت التعليمات وجم ممية وغيرها فتحتاجونها برايي ،وقبعات البيبي/بجايم ولفات (مهادات) ودسوس/وجم بدلة راقية شوي لمن يزورونج الناس او حمولتج هذا للي تبي تطلع البيبي جدام الناس وانا مافضل انكم تطلعونهم بتاتا عن العين . ويفضل انكم تجيسونهم بأكياس نايلون كل بدلة بروحها أرتب لكم عشان التبديل والتغيير .