تعالي شاركينا قصة توقيعج

[alhabibah]

السلام عليكم

إشلونكم خواتي

من جم يوم وآنا اتصفح المنتدى، قاعده أقرى ردود البنات ، ويلفت نظري توقيعهم..

البعض يكون دعاء من قلب مهموم :yaaaaaarb:

والبعض، وفاة انسان غالي :eh_s(2)::eh_s(2)::eh_s(2):

والبعض تعبير عن حالة حب عسى الله يجمع بينهم بالحلال :eh_s(22):

والبعض توقيع لمدة الزواج أو لأعمار العيال عسى الله يخليهم :ioljnmlk:

والبعض لحالة حمل، زي حلاتي :sfg:

إاللي تحب تشارك بقصة توقعيها، تتفضل..

إن شا الله الموضع يعجبكم ومايكون مكرر..

 

[روونــا]

توقيعي الـمتواضع

تعبير عن فرحه ما رح تخلص [ لآني تخرجت من الثآنوي ] ~

 

[alhabibah]

منها للأعلى يا روونا

الله يوفقج بالياي إن شا الله

 

[alhabibah]

تعالوا أقولكم قصة توقيعي
آنا ما كنت أفكر أحمل الحين لأن ولدي الصغير عمر سنه وشهر. صار معاي ارتفاع بضغط الدم، وقالولي " وقفي حبوب منع الحمل" قلت أوكي أقطهم وأركب لولب. بعد شهر تقريبا، راجعت المستوصف لأن حبوب الضغط خلصت. قلت للدكتورة أبي حبوب ضغط، وبالمرة الدورة متأخره، أبي اطمن. قالت " ماشي بس ان طلعتي حامل لازم تغيرين الحبوب" . رحت حللت، وقلت على ما تطلع النتيجه أروح أصرف حبوبي. رجعت المختبر، جان تقول لي الموظفه " مبرووووك" آنا "هاا" , جان تقول" حامل" ، عاد مر يمي التكنيشن ما المختبر جان أقوله " آر يو شوور" رد " يس مدام ، مبرووك"..بدلت حبوب الضغط ، ورجعت البيت

ما انكر إني تفاجئت بهالحمل، بس آنا متأكدة إنه خيره من رب العالمين، عسى الله يخلي إاللي عندي وإللي ياي بالطريج..
وسلامتكم ​

 

[Killer^Girl]

وايد حلوة فكرة الموضوع .. وانا احيانا اتفاعل مع التواقيع مثلا اذا وحده كاتبه ادعوا لي او ساعدوني وجذي

 

[ليلو جبريت]

انا اعتبر توقيعي اعلان متنقل لمواضيعي او كلام ابي اقوله او مساعده

 

[راعية الطويلة]

تسلمين ع الموضوع الحلو

بعض التواقيع تعجبني و أحس فيها خير
و فيها لمسة من الجمال
و بعضها >>الله المستعان
ما أحب أشوفها و أطوفها
التوقيع يعبر عن صاحبة\
و عن اسلوب تفكيره و مشاعره
أنا غيرت توقيعي كذا مرة
بس كلها عبارة عن أحاديث أو أقوال مأثورة
أو أدعية
و توقيعي هذا فيه رابط لأهم موضوع كتبته
إذا ضغطتي ع القلب الأحمر
>>حملة المتفائلات<<


أشكرج حبيبتي

 

[alhabibah]

مشكورين بنات على تفاعلكم الحلو...

والباجي...وينكم؟

 

[سمسمة كويتية]

الفيلم الي حاطته بالتوقيع يذكرني بذكريات حلوه و الشعر لنزار قباني يعبر عني و عن احساسي بما اني ملامه على اختياري و يسلمو حبيبتي على الموضوع

 

[alhabibah]

يا سمسمة..عسى الله يوفقج ويرزقج ماتتمنينه، إذا في صالح لج...

 

[Ψ 3soola Ψ]

Wl ashya2 eli a7bha =D

W esm bebeh mwjod ​

 

[هوااااويه]

بصراحه انا حطيت توقيعي عشان كل ما احط رد او اشارك بموضوع اقرأ الدعاء واحس اني قريبه من الله وتوقيعي فيه امنيه اتمنى ان ربي يحققها لي من كل قلبي وهي ان حب الله يكون فوق كل حب وبصراحه انا الي كاتبته بتوقيعي ادعي فيه ربي بعد كل فرض وفعلا احب ان حب ربي يكون فوق كل حب وهذا هدفي عشان اعيش بسعادة وراحة ومشكوره على هالموضوع الحلو ويعطيج العافيه

 

[المرتاحة]

قصة توقيعي شي صدمني و بنفس الوقت فتح عيني على أشياء انا كنت غافله عنها

انا صار لي احتكاك مع اجانب أسلموا وهمن احتكيت في بعض الاجانب اللي معجبين بالدين الاسلامي بس مازالوا على ديانتهم

كانوا مستائين من المسلمين نفسهم لعدم التزامهم بالدين و لانهم ماخذين الدين بالوراثه من غير ما يفهمونه و مدخلين فيه وايد من عاداتهم و تقاليدهم

يقولون كنا نعتقد ان الدين الاسلامي يمثلونه المسلمين .. واغلب المسلمين اللي احتكوا فيهم كذابين و غشاشين و نصابين وعنيفين وجهله يعني وايد اخلاقهم سيئه

لكن لما قروا عن الدين الاسلامي من الكتب و القرأن لقوا ان الاسلام عكس اللي كانوا يتصورونه.. و اعجبوا بشخصية الرسول عليه الصلاة و السلام لما قروا عن سيرته

في موقف صار لي وايد استغربت منه.. في استراليا لما كنا في المواصلات قعدت جدامنا استراليه و سمعتنا واحنا انادي ولد اختي "عمر"
قالت : الولد هذا اسمه عمر؟

قلنا لها اي

قالت: انا ولدي سميته "عمر" لاني قريت عن هذي الشخصية الاسلامية ووايد عجبتني حكمته و شجاعته و بطولاته وسميت ولدي عليه و اتمنى ولدي ياخذ من صفات "عمر بن الخطاب"

عاد انا و اختي انبهرنا و استغربنا مع انها مسيحية بس سبحان الله شخصية عمر بن الخطاب وايد اثرت فيها.

علشان جذي انا دايم احب اوضح لهم النقطه هذي" ان الاسلام الحقيقي مستوحى من القرآن مو من عادات و تقاليد المسلمين واللي يبي يعرف الدين الاسلامي الحق لا ياخذه من المسلمين ويروح يبحث عنه من القران و الكتب"


و الموقع اللي بالتوقيع اهو موقع مصحف شريف تقدرين تقرينه و يترجم باللغه الانجليزيه و فيه تفسير و همن تقدرين تختارين القارىء علشان تسمعين القران مسموع

دشوا وشوفوه و انشروا الموقع هذا و مابي الا الأجر

 

[๓ίşś зśŏłả..!]

حلو الموضوع
قصه توقيعي مو قصه
ادعي انه الله يحفظ بناتي وريلي

 

[دخون ازرق]

والله عجبني هالشعر عن قبيلتي وحطيته توقيع وسلامتك -------حلوه الفكرة اعجبتني

 

[صآعده تحت}..]

توقيعي من دكتوري النحيس

حاطلي اف وجتني كابه والماده مهمه اهيء اهيء

ادعولي اعوضها ب a

 

[أم توتو]

والله انا ماعندي قصه معينه كنت حاطه صورة بنت بعدين قلت خليني احط شي منه فايده وغيري يقراه فقلت احط ادعيه احسن من الصور

 

[ام ميميتو]

انا قصة توقعي طبعا انا مو حاطه كلام بس الصوره انا قبل ما احمل بولدي (عمر) تقريبا بشهر كنت واااااااااااااايد اطالع هاذي الصوره و طولي ما انا حامل اطالعها وانا بالفراش حاطتها و مقابلتها لما ولدت ههههههههههه طلع ولدي نفس خدود البنيه الي بصوره و نفس خشمها حتى ام زوجي قالتلي من كثر ما تشوفين هالصوره ولدج طلع يشبها و تسلمين على الموضوع الحلو

 

[النجاح هدفي]

عاااد انا توقيعي لاخذ الحيطه والحذر لان النك بيني وبين اختي اما الامنيه ما اعرف عنها شي لانها امنيه اختي مو امنيتي
لا عرفتها اقولكم ......لوووووووول

 

[yes.thise me]

وعليكم السلام ورحمه الله

الله يعطيج العافيه أختي على الموضوع

والله يسهل عليج حملج يارب

توقيعي: مادري شأقول بس أنا حاطه أن الحياه حلوه حييييل وهذا شئ تعلمته

وصورتي مالت االتوقيع تعبر عن التفاؤال وهاذي تجربه عشتها ان لازم أكون متفائله دايما

لأني أطبق حديث الرسول عليه الصلاه والسلام (تفاءلوا بالخير تجدوه ))

وبالنهايه حابه اقول الحيااه حلوه والتفاؤل أحلى

مشكوره أختي تقبــــــــــــــــــلــــــ مروري ــــــي​