تعالي سمعي تجربتي مع تركيب الرموش الدائمه

[القوس قوسك]

مرحبـــا حبيباتـــي




















حبيت انقل لكم تجربتي الفاشله مع تركيب الرموش رحت حق واحد من افخم صالونات الكويت وركبت رموش بقيمه 15 دينار وقالتلي يظلون اسبوعين الى 3
والله العظيم يابنات ثم والله الرموش ماتسوى 15 هذا اول شي ثاني شي عوار مو طبيعــــي
هذا اول يوم وثـــاني يوم لمن قعدت من النووووووووم وهني الصدمه
كل عين غير عن الثانيه وماقدرت احط مسكرا ولا اعدلهم بتساليني لييش لان يحطون صمغ قوي المهم ماطلعت وقعدت ابجي
وتوني قبل لا اكتب الموضوع كنت تكرمون بالحمام قعدت امسحهم بمزيل المكياج وبعدين غسلت بماي ورديت مزيل المكياج نصهم طاح والباجي طلللع روحي والله يابنات ورموشي الطبيعيه 60 % طاحت



اللهـــــم بلغــــت اللهم فاشهد والله يابنات ادري انكم تحبون التجارب والكشخه بس لانكم خواتي وحبيباتي مابيكم تطيحون بالي انا طحت فيه وانصحو كل الي يعزون عليكم

 

[الزين 85]

واي حياتي قطعتي قلبي ماتشوفين شر
بس العين حساسه شلون تغامرين تركبين الرموش احس تتاذى العين لانها حساااسه

 

[Tbosha]

حبيبتي الله يهداج المفروض تقرين عن الشي قبل لا تسوينه
و معروف ان تركيب الرموش يطيح رموشج و يعور
و بعدين على حد علمي ان ما يصير تصلين فيهم
و الله اعلم

 

[حياتي الكويت]

رد : تعالي سمعي تجربتي مع تركيب الرموش الدائمه

اولن الحمدالله على سلامة عيونج وبعدين اختى ماترعفين ان الرموش الدائمة حرام لأنها تنقض الوضوء

 

[$ الـسـلـطـانـــــه $]

انا مع خواتي

تركيب الرموش يعتبر من ( الواصله ) يعني توصيل وهذا حراام

بعديين المفروظ قبل ما تركبينهم تسئلين عن تجارب البنات

وانا سامعه ان تركيب الرمووش او بيرم الرموش خاايس ويحت الرموش ويطيييحهم وتتلزق الرموش ببعض وشكلهم مووحلوو

مافيه على الطبيعي

وحتى لو رموشج قصيره حطي زيت خروع او ماسكراات التكثيف والتطوويل

 

[النشبه88]

لا حول ولا قوة الا بالله ... ما تشوفين شر حبيبتي
هذا درس ... والثوم معروف انه ينبت الشعر .. جربي شخسرانه... واذا حبيتي تحطين رموش ركبي ون باي ون .. لي بغيتي تحطين ميك اب وينشال بسهوله عشان حرام لا تطيح رموشج مره ثانيه ... وبيني وبينج الدائم يبطل الوضوء

الله يعووووووضج يا وخيتي ما عليه لا تكدرين نفسج رموشج بترجع

 

[شوشو العنزي]

ويي حبيبتي ماعليه درس لج
وعليج بزت الخروع لرموشج

 

[gargles]

Red ***** 3 Uprising

Red ***** 3 was one of the most expected titles of last year's holiday season, Red ***** 3 CD Key as fans were eager to see Cheap Red ***** 3 CD Key where one of the most beloved series in the Command & Conquer series would take the story, buy Red ***** 3 CD Key. Louis Vuitton bag M40096

 

[طويت صفحة الماضي]

لله يعينج كان عندي نيه بس بهون من بعد تجربتج

 

[Art Teacher]

صاااجه انا يوم ركبت 3 يوم قمت اشلعهم من الحكه وطاحو 60%من رموشي
بس انا كان شكلهم وااااااااااااو الصراحه وايد حلوين بسماكنت ادري يمنع الوضوء

 

[شمس 20]

رموش مؤقته وبس ماله دااعي هالداائمه

 

[عجزت أنساكـ]

الله يشفيك حبيبتي

 

[عالية الهامه]

رد : تعالي سمعي تجربتي مع تركيب الرموش الدائمه

هالشي حرام لان يعتبر من التوصيل ..

وجربي خلطه حيادر لتطويل الرموش تلقينها بالمول حييل حلوه ما شاء الله وتبين الفرق بايام ..

 

[المـــاســــة]

ماتشوفين شر حبيبتى

عاد انا اعرف وحده ركبتهم ومااشتكت الا انهم يطيحون بشكل واضح ويفشل يبين جدام العالم


حطى خرووع او كحل الاثمد الاصلى يطلع الرموووش

 

[G!RLooNa]

حبيبتي اهوا اساسا حرام حسب علمي و التوصيل يقطع الشعر شعر راس ولا الرموش

عموما انشالله ترد رموشج و انشالله خذيتي درس

 

[لهفة المشتاقه]

حياتي اهم شي ماصار بعيونج شي
ماتشوفين شر

 

[يتيمه الخافق]

أختي سوت مثلج وصار معاها مثل اللي صار معاج حالتها النفسيه صارت اكس
بس الحمد لله بعد ماشالتهم صج خفت رموشها عن قبل لكن كلها شهر وردت رموشها مثل قبل واحسن وربي
لا تخافين بس بنفس الوقت لا تجربين مره ثانيه
انا من زمان ما شاركت بالمنتدى والكل عارف هالشي لكن تجربتج اجبرتني اشارك عشان اطمنج

جربي مسكرت برجواز ترا تكثف الرموش

 

[مريميات]

رد : تعالي سمعي تجربتي مع تركيب الرموش الدائمه

ياقٌلبي يعني اهي بالعقل لي ركبنا رموش بالمناسبات يطيح جم رمش! ولي جينا نشيلهم بطلعت الروح !!

يعني شلون الدائم!!!!!!!!!!

يالله حبيبتي هذا درس والحمدلله عدت عً خير الحمدلله ع ً سلامتج ,,/

 

[Miss_Tiger79]

رد : تعالي سمعي تجربتي مع تركيب الرموش الدائمه

بعد قلبي

والله ضاق خلقي عليج

انا سويتهم مره بحياتي وعمري ما افكر ارد اسويهم

حطيتهم وبنفس الوقت عيني صارت حممممممممممممره ودموع واخر شي ماني قادره ابطل عيني عدل وكل هذا بنص ساعه وعقبها قتلها شيليهم ماني قادره اسوق السياره والحمدلله شالتهم بمزيل صمغ عندها وصج رموشي الطبيعيه طاحو بس الحمدلله مو كلهم

وصج سبحان الله
الله ما يحرم شي لا فيه مضره لنا
سبحان الله

والحمدلله على سلامتج حبوبه

 

[أنفاسي دخون]

كل طقه بتعلومه حبيبتي

والله انا كل ما شفت موضوع عن الرموش التركيب انصح البنات ما يفكرون فيه لاني اعرف وحده سوتهم ورموشها انحتوا وبالموت طلعوا ومو نفس اول بعد

الله سبحانه ما يحرم شي الا لحكمه يعلمها وحنا نجهلها