تعالي ساعديني

[قدســـاوية]

مرررررحبا بنات


بنات ابي مساعدتكم بإختيار الفاونديشن والكومباكت والماسكرا


شوفوا انا لون بشرتي مثل لمياء طارق اوكي

استخدمت انواااااع الفاونديشن لنكوم وماكس فاكتر القديم

وHR وشسيدوا القديم وماك بس احس ماكو شي دش راسي

انا بشرتي مركبه بس الاجزاء الدهنيه اكثر

واحس لما احط الفاونديشن عقب وقت احس ان بشرتي شربته

وما شا الله تبارك الرحمن اكو بنات اشوفهم بس استحي اسألهم

الفاونديشن صاااافي وتحسينه مخلي بشرتها طبقه وحده جنه كيكه

ما شا الله ابي اعرف شنو هذا؟؟؟ ترى والله لوّعت جبد ريلي

كل يوم والثاني اقوله ابي واحد ثاني هذا خايس وقام يعصب علي

مرات احس وده يكفخني بأقرب شي جدامه

والكومباكت يا بنات وااااايد جربت بعد بس احلى شي عجبني

شسيدوا الشذري كان واااااو احسه يصفي البشره بشكل مو طبيعي

والماسكرا انا رموشي مأسات

احس من كثر ماهم صغار وخفاف جنه فيهم فراغات

ابي ماسكرا تعطيهم كثااااافه اهم شي وطول

يلا تكفون ساعدوني ترى اول مره اطلب شي بهالقسم :tek:

لحد يفشلني ههههه:dddds:

 

[Mrs_Orchidia]

حبيبتي جربي اساسات كريولاين .. فورايفير hd ترى حلوين

و هم بودرة ماكس فاكتور الذهبية وايد زينة


اما الماسكارات .. ديور شوو عجييييييبة حدها اوفر فأكيد بتطلع لج رمووش .. هم ماكس فاكتور الكحلية 2000

 

[قدســـاوية]

Mrs_Orchidia

تسلمين بيبتي ماقصرتي

بس بتعبج معاي اسفه

بغيت اسأل عن اسعارهم بليز

 

[كويتيه احب الكشخه]

دام بشرتج مختلطه جربي استي لودر وايد حلو

 

[زوغه..َ]

رد : تعالي ساعديني

نفس بشرتي..

انا استخدم للاستخدام اليومي..
photo ready من revlon
بس لازم قبله برايمر ومرطب..
المرطب استخدم جونسون حييييييييييل يرطب وارتحت عليه..
حق عيوني استخدم مرطب كلنك..
البرايمر استخدم photo finsh من smash box
وحق المناسبات استخدم
vitacolor من kryolan ولوس باودر من charmel
لا تخترعين من لونه بس يبان طبيعي..
وبس

وانشالله اكون قدرت افيدج..


واستخدم كونسلر من make up for ever
واخر شي ارش ويهي بـ +fix من mac

 

[قدســـاوية]

واااي مشكورين فديتكم

ماتقصروووون


اموووووووووووووووااااااااااه

 

[ms.nano]

رد : تعالي ساعديني

انا نفس بشرتج وصج صج كل شي جربته وماك نفع معاي وايد اهوا وشسيدو بس بصراحه لا تتطنزون علي اللي صج حسيته راكب على بشرتي اكثر شي وعجيب والكل قام يسألني من وين فاونديشنج ((طبعا ما قلتلهم)) لوول
بس والله كنت بمعرض صالة الزبن اللي بالروضه وكانت في مصريه تبيع مكياج ماك التقليد مادري اذا سمعتوا عنه بس خذيت منها فاونديشن صج صج روعه عندي رقمها اذا تبينه بس بدوره لج شوي اذا حابه
اما البودره انا احب ماكس فاكتور الكحليه الدائريه لانها تناسب بشرتي حيل وثقيله شوي ورخيصه وعمليه يمكن 1.600 دك وماسكارا انا عن نفسي ما سكارتي من لندن مادري في تاجره بالمنتدى تبيعها اذا تبين اسمها اقولها لج وطلبيها منها اهيا ماركه بس مقطوعه من الكويت لان ما عندها وكيل معتمد
وسلامتج وتعيشين

 

[قدســـاوية]

مس نانو تصدقين عاد

والله لو اقولج بتضحكين

تصدقين اني شارية ماك التقليد وحلو يعني

بس مو بالمستوى المطلوب وماخذته من رفيجة بنت خالتي

وشلونها الماسكرا تكثّف وتطوّل؟؟؟

ومنو اللي تبيعها وبجم؟؟

وماتقصرين بعد عمري

 

[Killer^Girl]

اهتمي بنوع المرطب والبيس قبل نوع الكريم
والبودره مهمه وايد بعد
جربي كريم وبودره شسيدو الي فيهم lifting
واستعملي مرطب سيرم
وجربي بيس سماش بوكس

 

[fun88]

توني بقولج استي لودر ,, يهبل كريمهم اليومي مو دبر وير ب 13 اتوقع .. والكومباكت مالتهم هم تهبل .. والمسكرا طبعا لا يعلى على لانكم .. تهبل ..ولانكم 9 اتوقع ..

واذا تبين اليوميه .. ريميل السوده او الحمره او الفوشيه كلهم حلوين .. المسكرا ب 4