اهم شي المرقوق والقبوط شريته من ام احمد الشعار شي لذيييييذ
تعطيج مثلج ماعليج الا مرقت اللحم وتقطينه
هم خبز المفروك اذا ماتعرفين تسوينه طلبيه من اي مره
الادويه جربت ام خالد الهاجري لان الكل قال خفيفه ع المعده
واتهبل جربتها 3 مرات وماتحسفت حلوة ادويتها خفيييفه
للامانه انا وحيده امي وامي مره كبيره وكل شي والله تعلمته من هني من قراتي للمنتدى الي الله يجزاهم خير ماقصرو
بالنسبه شنو محتاجه من تدخلين شهرج طلبي ادويتج من ام خالد عندها باكج للنفاس وتعطيج معاه دفتر تعليمي
وفيه طبخات مفيده تعلمت شوربت الماش اللذيذه الي تغنيج عن الحلبه
وتعطيج حلبه قصيميه مادري نجديه نسيت سالي ام خالد
وايد طعمها حلووو
اهم شي تدفي بالنفاس سراويل طوال طووول النفاس ودلاغ ماتقطينهم ابد
البارد كلش ماتشربينه البيبسي انسيه ينفخ بطنج ورحمج
اقطعيه تر كلها 40 يوم اتمر بسرعه والله
ام خالد بتعطيج دوا التمر تعفسينه مع التمر لذيييييذ
كل عصر اكلهيها مع قهوتج
انصحج تشترين قشر قهوه اينن ويشد الرحم وينظفها
كل يوم عصر شربيها
باكج ام خالد فيه كل شي صدقيني
انا اضافاتي الي من عندي قشر القهوه
وتحاميل بيتادين اشتريها اخر النفاس
اشتري مشد النصر الحراري ايهبل اقوى مشد والله مايتعدى سعره 5
يبيعونه التاجرات بالانستغرام بسعر مبالغ تلاقينه بالنصر
اهم الاكلات والله اللحين تييلج خدامه تنفسج اذا ماعندج احد
وانا اقول جيبي سلانيه ودربيها والله مايحتاج تييبين وحده من بره
علميها ع مرقه اللحم عشان تشترين قبوط مثلح واهي بس تسوي المرق وتحط القبوط فيه
و كذلك المرقوق سهل وايد
علميها ع المجبوس وخل تضيف عليه لمن يفور الماي قبل تكت العيش تحط حلبه و حبه سوده
يعني عيش نفاس عيش ادويه لذيييذ
الشوربات سوي مره دياي مره ماش مع دياي
مره خضار
المشروبات الدافيه زينه للنفاس
