أم بدران
New member
- إنضم
- 6 يوليو 2005
- المشاركات
- 127
- مستوى التفاعل
- 1
- النقاط
- 0
السلااااااااا م عليكم بناااااات اشلونكم شخباركم
شوفو حبيباتي محد ينكر ان شغل البيت وايد احسن وانضف من بره
وخاصة الجباتي مانستغنى عنه خاصة يوم الجمعة مع جمعات الاهل لازم
نمر على مطعم هندي نييب جباتي سمبوسة وباكورة وبطاط مادري شسمه
وعقب نمر على مال النخي والباجلا وحنا طالعين مرينا على الخباز هههه صح
المهم بعلمج طريقة جباتي سهلة بس يبيلها صبر وطولة بال
وجربو منتو خسرانين
وطبعا كلنا نشتكي من العجان يعني ودنا نسوي اشكال والوان من المعجنات
بس لما نفكر بالعجن نتحبط لان المعجنات الناجحة اهم شي فيها انج تعجنين
وكل ماطولتي بالعجان طلعت لج العجينة قطنة وتهبل
وطبعا في عجانات خاصة بس سعرها غالي اما عجانات اللي سعرهم رخيص هذول خربوطه بسرعة تحترق المكينة
فا اكتشفت طريقة تفكني من العجان وتسهل علي وهي الخلاط اللي يجي متكامل
الكبير يارب اعرف اوصف حدي مو شي بالوصف
عرفتو المجموعة اللي تجي من خلاط وعجان وفرم الخضروات
تكون مثل ماعون مقور وتحطين الشفرة داخله وتسكرين عليه بغطى
هذا هو :: انا استعملة للعجان وايد وفر علي
احط الطحين والشغل كله واسكره بالغطاء واقعد اصب الماي من الفتحة اللي فوقه شوي شوي لما تشوفين صارت عجينة
الزبدة : ( خليتي فيها زيدة ودهنة ههههه)
نرجع لعجينة الجباتي :
المقادير
3 كوب طحين اذا بتحطين معاه كوب طحين اسمر زين على زين
ربع كوب زيت عافية
شوية ملح
ماي للعجن
الطريقة
بالخلاط تنخلين الطحين وتصبين عليه الزيت وشغلي الخلاط
ومن فوق صبي عليه ماي دافي شوي شوي لي تشوفين العجينة تكورت بصوب واحد
وخليه يفتر شوي لما تصير ماتلزق
نشيل العجينة من الخلاط ونعجها بايدنا شوي بس وندهن صحن مقور او طاسة نايلون لها غطا
ونتركها ربع ساعة ترتاح
نجي للصور :
اول خطوة :
ناخذ قطعة من العجينة بكبر كف اليد ونكورها ونصفها بصينية مدهونه بزيت
ونغطيها عشر دقايق ترتاح
عقب ناخذ كورة من العجينة ونفردها على طاولة بالنشابة
وهذي الصورة :
وبعدين نقعد نفرد فيها لما تصير رقيقة وندهنا بزيت بالفرشاة :
مثل الصورة :
وهني الخطوة المهمة اللي تخلي الجباتي مثل الخيوط مشربكة مع بعض نفس جباتي مطعم الهندي
تلفين العجينة مثل الاسطوانة او السويس رول اكيد عرفتوه
مثل الصورة :
تصير عندج مثل الحبل طويل قعدي برمي فيه بايدينج الثنتين شوي
وتلفين بداية الحبل مثل الحلزون متداخل مع بعض مثل الصورة :
يتبع حبيباتي
7
7
7
شوفو حبيباتي محد ينكر ان شغل البيت وايد احسن وانضف من بره
وخاصة الجباتي مانستغنى عنه خاصة يوم الجمعة مع جمعات الاهل لازم
نمر على مطعم هندي نييب جباتي سمبوسة وباكورة وبطاط مادري شسمه
وعقب نمر على مال النخي والباجلا وحنا طالعين مرينا على الخباز هههه صح
المهم بعلمج طريقة جباتي سهلة بس يبيلها صبر وطولة بال
وجربو منتو خسرانين
وطبعا كلنا نشتكي من العجان يعني ودنا نسوي اشكال والوان من المعجنات
بس لما نفكر بالعجن نتحبط لان المعجنات الناجحة اهم شي فيها انج تعجنين
وكل ماطولتي بالعجان طلعت لج العجينة قطنة وتهبل
وطبعا في عجانات خاصة بس سعرها غالي اما عجانات اللي سعرهم رخيص هذول خربوطه بسرعة تحترق المكينة
فا اكتشفت طريقة تفكني من العجان وتسهل علي وهي الخلاط اللي يجي متكامل
الكبير يارب اعرف اوصف حدي مو شي بالوصف
عرفتو المجموعة اللي تجي من خلاط وعجان وفرم الخضروات
تكون مثل ماعون مقور وتحطين الشفرة داخله وتسكرين عليه بغطى
هذا هو :: انا استعملة للعجان وايد وفر علي
احط الطحين والشغل كله واسكره بالغطاء واقعد اصب الماي من الفتحة اللي فوقه شوي شوي لما تشوفين صارت عجينة
الزبدة : ( خليتي فيها زيدة ودهنة ههههه)
نرجع لعجينة الجباتي :
المقادير
3 كوب طحين اذا بتحطين معاه كوب طحين اسمر زين على زين
ربع كوب زيت عافية
شوية ملح
ماي للعجن
الطريقة
بالخلاط تنخلين الطحين وتصبين عليه الزيت وشغلي الخلاط
ومن فوق صبي عليه ماي دافي شوي شوي لي تشوفين العجينة تكورت بصوب واحد
وخليه يفتر شوي لما تصير ماتلزق
نشيل العجينة من الخلاط ونعجها بايدنا شوي بس وندهن صحن مقور او طاسة نايلون لها غطا
ونتركها ربع ساعة ترتاح
نجي للصور :
اول خطوة :
ناخذ قطعة من العجينة بكبر كف اليد ونكورها ونصفها بصينية مدهونه بزيت
ونغطيها عشر دقايق ترتاح
عقب ناخذ كورة من العجينة ونفردها على طاولة بالنشابة
وهذي الصورة :
وبعدين نقعد نفرد فيها لما تصير رقيقة وندهنا بزيت بالفرشاة :
مثل الصورة :
وهني الخطوة المهمة اللي تخلي الجباتي مثل الخيوط مشربكة مع بعض نفس جباتي مطعم الهندي
تلفين العجينة مثل الاسطوانة او السويس رول اكيد عرفتوه
مثل الصورة :
تصير عندج مثل الحبل طويل قعدي برمي فيه بايدينج الثنتين شوي
وتلفين بداية الحبل مثل الحلزون متداخل مع بعض مثل الصورة :
يتبع حبيباتي
7
7
7
