تعالو نلم افكارنه لاستقبال الولاده من ضيافه و تغليفات حياكم الله

[بنات حواء2]

هاي حوامل ادري انه هذا الموضوع شاغل الجميع و انا الصراحه ودي اطلع بشي اسبشل و حلو و ابي منكم افكار غريبه عن الاستقبال حق البيبي و ابي توزيعات يديه و غريبه و الله محتاره في هذا كله و انا عندي افكار بس ناطره مشاركاتكم و التفاعل و اقولكم افكار تقديم و ضيافه حلوه و راقيه و انشاله يعجبكم الموضوع و تتفاعلون معاه و يعطيكم ألف عافيه

 

[احلى كويتيه]

اممممممممم عندي فكره حلوه
بما اني بالشتا ولادتي ان شاء الله بس محتاره
ابي مني درابيل وبقصم وبسكوت واحطهم بتغليفه حلوه واقدمهم مع حليب حار بدل العصير مثلا شرايج
امانه موتنقلون فكرتي وتنسبونها لنفسكم ياهل التجاره

 

[Brounzi_girlly]

خوش فكرة حبوبة والله يهون عليج
مع التحية....................................

 

[توتة الدلوعه]

السلام للجميع شلونكم انا وحده لا عندي افكار ولا شي وحدي متوقهة ماني عارفه شسوي وخاصة اني بجر

 

[الشرنقة]

أنا فرحة ولادتي بتكون غير .. لأنها بعد أربع سنين من الصبر.

راح أولد ب م رويال حياة بالليلي .. وماني مسوية استقبال بالمستشفى .

راح أسوي استقبال ببيت أهلي عقب الأربعين عشان أكشخ و أستقبل وأجمع هدايا وراح يكون البوفيه من موفمبك وكذلك التقديم ..
الكاكاو من أمبرس أو أوبرا...

وبس هذا اللي ببالي..
ما عندي فناتك .. وشوزع يعني مادري..

شرايكم ؟

 

[جوريه]

انا عندي افكار وايد بس لما احدد اللون اقولكم بالتفصيل انشالله

 

[إستبرق]

اول شي مشكوره حبوبه على هالموضوع والله انج تفيدينا وانا استقبالي ما اسويه بالمستفى انشاءالله ورى طلعتي من الاربعين لان ابي اتكشخ واكون بعافيه واسوي كل الي ببالي وحتى انا مفكره البوفيه من الموفنبك لان بوفيهاتهم روووووووووعه والحلو ابيه من الدكان بصراحه اموت على الحلو مالهم والموالح من لاباريس لان عندهم شغلات فناتك وانواع حلوه

 

[إستبرق]

وحلوه فكره الدرابيل والحليب حتى انا ولادتي انشاءالله بالشتى شكلي بطبقها معاج

 

[بنات حواء2]

احلى كويتيه فكرتج وايد حلوهروعه
و شكورين كلكم على المرور و حياكم الله
اما انا صج اني محتاره بس عندي افكار وايد و ضايعه بينهم
انا مفكره احط نافورة ككاو في استقبالي و احط يمها البسكوت و اخدود البنات و فراوله و قطع كيك اشرايكم ؟

و يتني فكره حلوه وايد اني اطبع دعاء او آية قرآنيه و احطهم في براويز و اوزعه على الزوار و انتوا شرايكم في هذي ؟

 

[الشرنقة]

بنت حواء .. اذا بتحطين نافورة الكاكاو .. الناس ماراح ( تتزحزح) من البوفيه. .. فكرة حلوة ولذيذة.
أفهم من كلامج انج بتسووينه بالبيت عقب الأربعين صح ؟
حلوة فكرة توزيع الأدعية ببراويز .. وأقترح إنج تكتبين على البرواز (تهادوا تحابوا ) .. انا ودي أوزع بعد بس مادري شنو؟؟
في وحدة سمعت عنها تحب تسوي وتبيع فناتك.. بسألها.

 

[رقي]

اممممممممم عندي فكره حلوه
بما اني بالشتا ولادتي ان شاء الله بس محتاره
ابي مني درابيل وبقصم وبسكوت واحطهم بتغليفه حلوه واقدمهم مع حليب حار بدل العصير مثلا شرايج
امانه موتنقلون فكرتي وتنسبونها لنفسكم ياهل التجاره

خخخخخخخخ
فكرتج حدها قديمه
من سنتين وحده مسويتها
فيه بدايسو مثل كوب صغير معاه استكانه
حاطه لنا حليب بالزعفران
ويمه قرص العقيلي الصغار
مال هيل وزعفران

 

[احلى كويتيه]

رقي حطمتيني انا ما ابي كيك ابي درابيل وبقصم وبسكوت بس ابيهم ميني احط بقراش صغار نسكافيه وهيل ولبتون يصير حلو والا قديم

 

[omelnoor]

شوفو هالرابط حبايبي . . .

http://www.q8yat.net/showthread.php?t=100082

 

[رقي]

احلي شوفي بياع الورد
عنده سلال صغيرة
حطي فيها هالشغلات

 

[بنات حواء2]

هلا و الله حبيبتي الشرنقه و الله انا محتاره في هلمسأله لأنه و الصراحه اهلنه مشكله منهم ييون المسشتفى و منهم البيت في الاربيعين و ييبون هداياهم معاهم بس انا ودي اسوي حفلت استقبال عقب الاربعين اكون اشويه صحصحت و اقدر اتكشخ و اتلبس مثل ما تعرفون و قدر اتقنتق فما ادري انا محتاره و الله اعلظيم بس انا ببلق الجميع اني بسوي حفلت استقبال انشاله عقب الاربعين

و بخصوص التوزيعات انا احب الشغلات الغريبه و الفناتق و عجبتني هلفكره و عفيه حبيبتي لا تنسيني اذا خذيتي فكر حلوه و عندي فكره ثانيه وايد راقيه انج تييبين علب تكون حلوه و مربعه و عليها ورد او مميه صغيره او مصاصه إلي فيخاطرج فيه و تحطين فيهم غراش صغار تعبينهم ماي لقاح و زعفران و سكر نبات طبعن بطريقه حلوه و ذربه و تغلفينه و توزعينه شرايكم بهلفكره ؟؟

 

[بنات حواء2]

مشكوره حبيبتي رقي على الافاده و انا فيوجهة نظري الفكره حلوه و ما ادري اذا كانت قديمه او لأ بس سمحولي لأني ما اروح استقبالات ذك الزود

 

[بنات حواء2]

مشكوره حبيبتي اوملنور على الافاده ما قصرتي

 

[بنات حواء2]

هلا حبايبي يبتلكم صور تغليف ينفع حق الككاو وايد حلو عجبني و قلت اراويكمياه خاصتن و اني احب هلألوان

 

[angelic^smile]

انا استقبالي سويته بسيط بالمستشفى لمدة يومين وكنت يايبه بوفيه بسيط يعني معجنات وورق عنب وتبوله طبعا مع العصير الفريش والجاي والقهوة وحق اليهال يبت نافورة الكاكاو وبالنسبه حق التوزيعات كنت مسويه علبه شفافه وحاطه فيها حبتين كاكاو وحصن المسلم مغلف بمخمل اوف وايت مثل لون الكفر ومكتوب عليه اسم البيبي ودعاء ( اللهم حسن خلقه كما حسنت خلقه ) وكانت فكره وايد حلوه واعجبت الكل والنسبه حق توزيعات اليهال انا سويتها بنفسي وكانت حلوه ومميزه _ انشاء الله احط لكم صور التوزيعات عن قريب _

 

[بنات حواء2]

الصراحه فكرتج وايد حلوه ويا ريت تحطين لنه الصور