تعالو نشوف طريقة كل وحده عند استقبالها لضيوفها شتسوى

[مادرى شسمى]

السلام عليكم



شلونكم حبيباتى الكويتيات السنعات


طرت على فكره اسوى تجمع ونشوف شلون كل وحده طريقتها لمن بيزورونها ضيوف


شلون طريقتج فى الضيافه


شلون طريقتج فى التقديم


شنو اسااسيات الضيافه عندج


شنو اول شى تقدمينه لضيوفج


يعنى احنا اكيد نختلف من بيت لبيت فى ناس تجهز كل ضيافتها على الطاوله وفى ناس تخلى ضيافتها بالمطبخ وتقدم شى شى وفى ناس تبدا بالقهوه اول وفى ناس تبدأ بالعصير اول وفى ناس تحط لازم موالح وحلو وفى ناس لا تحط شغله بسيطه وبس


فاكيد كلنا نختلف عن بعض نبى نعرف ونتعرف على طريقه كل وحده وشنو اخر الفناتك بالاستقبالات وياليت وياليت تصورون لنا طريقه تقديمج وسنعج علشان نشوف ونتعلم منكم ونفيد ونستفيد


اتمنى الموضوع يعجبكم ونلقى تفاعل من الجميع

بانتظاركم حبيباتى:aha:​

 

[أنهار الكويت]

خوش موضوع يعطيج العافيه وان شاء الله نفيد ونستفيد

 

[هيبة ملك]

أحنا أولا نأخذ عبي اللي زايرينا ونعلقها هالعادة من أمي لأنها سعودية

ثم نستقبلهم بالبخور شوي نقدم ماى

وبعدين نجيب القهوة والحلا بس نحس خلصو نروح نجيب الشاي والفطاير

وبعدها دور العصير والمثلجات

وقبل يمشون نجيب العود

 

[مادرى شسمى]

خوش موضوع يعطيج العافيه وان شاء الله نفيد ونستفيد

ياهلا فيج ومشكوره على المرور والتشجيع الطيب وعسى البنات مايخيبون املنا ويشاركونا بهالموضوع ونفيد ونستفيد:yaaaaaarb:

 

[مادرى شسمى]

أحنا أولا نأخذ عبي اللي زايرينا ونعلقها هالعادة من أمي لأنها سعودية

ثم نستقبلهم بالبخور شوي نقدم ماى

وبعدين نجيب القهوة والحلا بس نحس خلصو نروح نجيب الشاي والفطاير

وبعدها دور العصير والمثلجات

وقبل يمشون نجيب العود

هلا فيج يا الغاليه وياحلو سنعكم وسنع خوالكم ماشاءالله حلوه طريقتكم تهبل عاجبتنى فكره علاق العبى ودى اسويها بس فى ناس ماترضى تقط عبايتها ويعطيج العافيه على الرد الحلو وهالطله الروعه

 

[مربى و قيمر]

تسلم الايادى الى كتبته وفكرت فيه
خوووش موضوع
ورروعه ومفيد حق الكل
لى عوده

 

[softlady]

هلا قلبي

الحمدالله مع ان عمري صغير بس دايما اهلي يعتمدون علي

وامي تشيل ايدها الله يحفظها وتسلمني كل شي

اول شي ابدا بالتجهيز

اختار الاماكن الراقيه الي اطلب منها الفطاير والحلو وما يهمني السعر لاني اشتري اسم قبل كل شي

ووايد الناس ادقق مووين يبتي

صج الطعم مهم بس اكيد الاماكن المحترمه الطعم بيكون حلو


ثاني خطوه اجيك على صاله الاستقبال ان كل شي مضبوط ومرتب ونظيف


وبعدين يوم العزيمه


يدخلون الناس والبيت مبخر

عندنا عيب نبخرالناس اول شي لان ما بعد العود قعود

كأنها طرده يعني

ونبدي بالبارد والعصير والماي

بعد شوي المعجنات والفطاير وورق العنب على طاوله البوفيه عليها شموع وسخانات ومفارش راقيه

ومثل ما قلتلج الاكل يكون على الموضه وغريب وشي معكوف وشي ميني جذي يعني


وبالاخير الناس تحلي مع القهوه


ويتبخرون


وخلاص


ان شاء الله اكون افدتج

 

[مادرى شسمى]

هلا قلبي

الحمدالله مع ان عمري صغير بس دايما اهلي يعتمدون علي

وامي تشيل ايدها الله يحفظها وتسلمني كل شي

اول شي ابدا بالتجهيز

اختار الاماكن الراقيه الي اطلب منها الفطاير والحلو وما يهمني السعر لاني اشتري اسم قبل كل شي

ووايد الناس ادقق مووين يبتي

صج الطعم مهم بس اكيد الاماكن المحترمه الطعم بيكون حلو


ثاني خطوه اجيك على صاله الاستقبال ان كل شي مضبوط ومرتب ونظيف


وبعدين يوم العزيمه


يدخلون الناس والبيت مبخر

عندنا عيب نبخرالناس اول شي لان ما بعد العود قعود

كأنها طرده يعني

ونبدي بالبارد والعصير والماي

بعد شوي المعجنات والفطاير وورق العنب على طاوله البوفيه عليها شموع وسخانات ومفارش راقيه

ومثل ما قلتلج الاكل يكون على الموضه وغريب وشي معكوف وشي ميني جذي يعني


وبالاخير الناس تحلي مع القهوه


ويتبخرون


وخلاص


ان شاء الله اكون افدتج

ماشاءالله عليج كلج سنع ولباقه الله يكملج بعقلج ويرزقج البيت الخاص فيج وتفنتقين على كيفج وشكرا لمرورج وتعطيرج لصفحتى

 

[مادرى شسمى]

يالله بنات وين المشاركات تصدقون انا توقعت برجع الاقى الموضوع واصل الصفحه العشرين وبلاقاه بعد مثبت بس صج انصدمت

نبى طريقتكم فى تصفيف الفطاير والحلو نبى نشوف احلى مواعين التقديم واخر صيحه فى الضيافه وغيرها وغيرها اعتقد فاهمينى

 

[hneen2]

حلو موضوعج والله

 

[ايمانو حلوة]

موضوع حلووو وناسة

 

[يالبا قلبي]

رد : تعالو نشوف طريقة كل وحده عند استقبالها لضيوفها شتسوى

اول شي عصير
بعدين المقالي والجاي
واخر شي القهوة والحلوو

وسلامتج

 

[روق العـريـدي]

رد : تعالو نشوف طريقة كل وحده عند استقبالها لضيوفها شتسوى

شي طبيعي بيكون البيت مبخر وريحته حلوووه

اول مايجون الضيوف نقدملهم ماي وعصير

وبعدها القهوه والحلووو ,,اذا هم جايبين قهوتهم نتقهوى منها لان غلط نخليها ونقهوي قهوتنا

وعقبها يجي الجاي والفطاير والورق عنب (حامض حلو ,, دبس الرمان )

وبعها نبخرهم وكلن يسري لبيته


وعاد حنا نحط سفره علارض ونتقهوى ثاني مره ونحلف مانقوم لين نخلص كل الصحون:denya:​

 

[tota_18]

رد : تعالو نشوف طريقة كل وحده عند استقبالها لضيوفها شتسوى

خوش فكره وحلو الموضوع نفيد ونستفيد

الطريقه عندنا "توني صغيره طبعا عند اهلي لوول"
اول شي نقدم الماي بعد مايقعدون يعني مو على طول الماي
وبعدها عصير
قهوه وحلو"الحلو اغلبه جاهز نادر مايكون شغل بيت الا العيد يكون شي من شغلي وشي من برى واهم شي اسم المحل وسمعته ما احب اخذ من اي مطعم ولازم يكون مجرب اكثر وقت اجرب فيه يوم الزواره عند خالاتي ميانه عادي"
بعدها الجاي والفطاير
وبعد الجاي العادي يعني بعد استكانتين تقريبا احط جاي اخضر كذا نوع جاي
واذا طولت القعده نضيفهم مره ثانيه قهوه
في شغله انا افضلها خصوصا اذا كانوا ضيوفج شويه"احس في سيطره اكثر"
صحون الحلو عادي افتر فيها كذا مره
بس الموالح والفطاير لأ لازم احطها بصحن مع تزينها
واصلا ارتاح بدال ما افتر كذا مره اريح
ووو مرات اقدم قهوه آخر شي مو عربيه افنتق فيها في الرغوه مع الحليب او تركيه اي نوع قهوه ثانيه

هذا كله اذا كانت قعده حريم اما بنات لا تعرفون اغلبنا مايشرب جاي ولاقهوه

واتمنى فدتكم
وسلامتج

 

[عسووووولة]

رد : تعالو نشوف طريقة كل وحده عند استقبالها لضيوفها شتسوى

اب اب اب

 

[كبسة جلكسي]

اول الشي المكاان مبخر ومجهز
والبيالات والفناجيل مرتبه وجاهزه علا الترولي
والماااي وكلاسااته
واذا جاو اخذ عبيهم واعلقها بالدولاب حقهم
واخذ الدله واقعد اصبلهم وابدا بالضيفه طبعا
وعقب خالتي
وعقب اكوون حاطه صحوون علاجنب اشكل للضيفه من صحن الحلو واحطه عندها بطاولتها
وعقب الشااي والمالح
ومره ثاانيه القهووه
احيانا عصير او بااارد
وعقب البخوور وبس

 

[بناتي سكر نباتي]

خووووووووووش موضوع
انا ما افرق عن روق العريدي
اشتهيت اعزم الحين
هههههههه

 

[مادرى شسمى]

ياحلاتكم وياحلاة طريقتكم وضيافتكم وماقصرتو على اثراء الموضوع وياهلا باللكل

 

[*راقيه بذوقي*]

احنا نقهوي الضيوف ونفدم الحلو
بعدها الشاي والمالح
وبعدها نحط حب عشان تحلي السوالف
وبالاخير نبخرهم ونحطلهم دهن عود
وياريت نغير نبي فناتق جديده الحلوه اللي عندها لاتبخل علينا

 

[sunshine22]

رد : تعالو نشوف طريقة كل وحده عند استقبالها لضيوفها شتسوى

انا اهلي اخذت منهم عاده ماقمت اشوفها الا عند الناس الكرماء

وهي تبخير الضيوف لي طلعو
لا حمولتي ولا اللي اعرفهم بشكل عام يسوون هالحركه!! مادري انقرضا معقوله


عموما البيت مبخر مسبقا ببخور العبدالمحسن وبخاخ اكوا البتول طبعا من الرصاصي لانه غرااااااااااااااااااامي

بشكل عام اطلع اطقم الضيافه عندي وماخذتها من المبروك
واكون حاطه عصاير كوكتيل ومعلمه الخدامه عليهم عشان لي قلتلها تجيبهم


اول شي حلا وقهوه
وبعدها فطاير وشاي
رفايجي الحضر يقولونلي دايم احنا بالاول فطاير

بس الفطاير تكتم الجبد فعشان جذي نخليها بالاااااااااخر
وما تشتهين شي ورا الفطاير ,,,,,,,,


اخر شي العصير والكيك في حال عزيمه عشا عندي وبخور
اومرات نسوي قهوه تركيه او فرنسيه ومااااي

نفنتق شوي