تعالو نسولف عن صلصات السلطة الجاهزة

[رفرف]

شلونكم بنات ؟؟؟

توني كنت بسوي سلطة وشفت غرشة الدريسن وطق ابالي هالموصوع ..

شنو انواع الصلصات الجاهزة اللي تستعملونها ؟ ومع اي سلطة تحطونها ؟؟

انا نادر ما اسوي صلصة كاملة بروحي ..
كله استعمل الصلصات الجاهزة وازيد عليها عاد شغلات ..


اكثر نوع استخدمه الثاوزند ايلاند تقريبا احطها مع كلشي اي سلطة وحتى مع صمون التشيكن فيليه بعد احطها اهيه ومايونيز وخس ..
ومرات اخليها ديبينغ حق الناجيتس .. أو الربيان بالبقسماط .. أو الزهرة مع البقسماط ..
يعني هالصلصة عندي بتاعت كله ما استغنى عنها ..


عقبها صلصة الكول سلو بس مرات ما القاها بالجمعية صعب القاها ..
احطها مع سلطات المقالي الزهرة والبيديان والخبز المحمص هسوالف تطلع حلوة ..
وهم مع سلطة الخيار والذرة والخبز يعني السلطات اللي مافيها طماط ...


واحب صلصة البلسمك (مو الخل بروحه .. الصلصة اللي يكون معاها خل بلسمك واشياء ثانية) ..
استخدمها حق سلطة الجرجير اسهل طريقة احط شوي منها مع شوي دبس رمان وماي بس ..
تقريبا احلى صلصة جربتها مع الجرجير لأني كل مرة اقول بسوي صلصة بروحي وما اضبط مقاييسها ما تطلع حلوة بس لما استعملت الصلصة الجاهزة طلعت اوكيه ..


وكان في صلصة مكتوب عليها يوقرت بس ماقمت القاها ..
هاذي اغمس فيها البطاط الشبس والناتشوز بس الحين ما القاها ..


وهم صلصة التشيلي اغمس فيها الناتشوز حلوة ..

اي ونسيت صلصة السيزر بس مادري اي نوع احلى شي كلما اجرب نوع ما يطلع حلو ولا مالت كنور البودرة استغفر الله كلش مو شي ..

يالله قولولي عن صلصاتكم ..

 

[nono78]

انا نفس صلصاتج رفرف

بعد في صلصه الربيان ترتر

عجيبه حق التغمس


وانا استخدم بعد الصلصه الأيطاليه حق السلطه اذا مابي فيها مايونيييز وايد حلوه


وصلصه سويت شيلي

حق النودلز وحق السبرينغ رووووووول يميييييييييييييييييي

بس اشوي اشوي قاعد اوخر عن هالشغلات

وثانكس عالموضوع

 

[ombaza]

انا اغلب الصلصات لازم ازيدها ليمون او روب او مايونيز بس للامانه نفس صلصة هاينز ماكوو اللي احبه ما ازيدها بشي كلللللش
في صلصلة مالت الجوانح جنه ماركة كرافت وااايد حلوة بس قلي جوانح دياي وصبي فوقها ودخليها الفرن شويه بس تصير نفس ابل بييز
وانا اسويب صلصات دبنج بس الحين خففت لانهتا تمتن نقلي خبز لبناني مثلثات واخليه واسوي دبنجاتي المكونه من
لبنة ايماراتي ربع كيلو ( حامضه)
فص ثوم
فلفل علوب بدون البذور
شدة نعناع
ملح حسب الرغبة
زنجبيل قطعه صغيره
قوطي روب خلطي كل هذا بالخلاط الموس وغمسي جربيها خياااليه الكل يحبها من حمولتي واهلي
وفي ثانية اكتبها بعدين

 

[زيـنـه]

خوش موضوع

احب الرانش .. نسيتوها
بالاضافه للي ذكرتوهم

 

[شندوخه]

انا غرامي الهاني ماسترد
والصلصه الايطاليه حلوه مع السلطه تصير خفيفه
واذا السلطه العاديه اللى طماط وخيار وخس ماحط صلصات جاهزه اسوي الصلصه عاديه
ليمون شويه خل ابيض مرات احط بلسمك بدال الابيض تطلع حلوه واظيفلهم ملح وزيت زيتون
وبعد صلصله البلو جيز عجيبه بس لحد الحين مالقيت صلصه حلوه من الجاهزين لقيت وصفتها بكتاب بس للحين ماطبقتها

 

[bedour18]

امبيييييييييييييييييييييه . انا في الدوام و ميته من الجوع

احلى صلصة عندي السيزر و الرانش عاده اخذ ماركة كرستال

 

[مس فيراري]

الرانش هذي إتينن مع الربيان المقلي و بعد أنا احب الصلصه الفرنسيه تهبل

 

[جارة القمر]

أنا غرامي

الرانش


والبلو شيز

 

[nono78]

بعد في صلصات الستيكات والدياي حق التتبيله روعه

اكثر شي احب باربيكيو بالعسل

والهاني ماسترد

في وايد اي ون وربعها

 

[د.شريفة]

انا احب الصلصة الايطاليه
واحب صلصة السيزر في منها نوعين ايي ابيض وايي شفاف كلهم حلوين

 

[رفرف]

مشكورييييين بنات ما نتحرمش ..

انزين الرانش شنو احلى نوع ؟ ما قط جربتها ..
والهني ماسترد احبها حق تغمس الدياي يمي يمي ..
بس ماجربت الجاهزة اللي بالجمعيات في نوع معين تنصحون فيه ؟؟
والسيزر شنو احلى نوع ؟؟

انا بنتي بحظني الحين انشالله لي فضيت اطل بثلاجتي اقولكم انواع الصلصات بالتفصيل انشالله

 

[babloo]

بنات بعد 6 شهور انشالله يكون لي مطبخي الخاص
ذيج الساعه اقدر اتفنن بس صبروا علي

انا ريلي يحب صلطة الجرجير شريت خل البلسمك وقعدت اضيف عليه كل مره شي مره دبس رمان ومره صويا وليمون ابي اضبطها مثل مالت الفنادق مو عارفه

اما انا احب الهوني ماسترد والباربكيو سوس لذيذه (مالت ماكدونالدز)

 

[unreachable]

احب اكثر صلصة الرانش حيل لذيذة

واكثر شي اشتريها من كرستال

 

[يا حلوها]

مشكورة

 

[حـــــلا]

خوش موضوع

 

[يا حلوها]

:klhfl::eh_s(8):مشكورة

 

[رفرف]

مشكوريييييين على المشاركات الحلوة

 

[روائع الالم]

بصراحه خوش موضوع الواحد صار يسعبل
وبعدين في صلصات استخدمها لاشياء معينه وهم في صلصات مدري حق شنو يا ريت يا بنات يا حلوين تحطون صورهم وكل صلصه لشنو لاني اذا رحت للجمعيه اشوف الصلصات بس ما اعرف شلون استخدمهم او حق شنو غير السلطات فيدوني الله يخليكم مع الصور اذا ممكن خواتي

 

[nono78]

بصراحه خوش موضوع الواحد صار يسعبل
وبعدين في صلصات استخدمها لاشياء معينه وهم في صلصات مدري حق شنو يا ريت يا بنات يا حلوين تحطون صورهم وكل صلصه لشنو لاني اذا رحت للجمعيه اشوف الصلصات بس ما اعرف شلون استخدمهم او حق شنو غير السلطات فيدوني الله يخليكم مع الصور اذا ممكن خواتي

في صلصات

انا استخدمهم حق تتبيلة الستيكات والدياي الربيان

وايد حلو ويعطي طعم ويطريهم

طبعا تبلينه من الليل وتسوينه اذا شوي او قلي

بس انا احب الشوي

 

[روائع الالم]

مشكوره نونو بس بغيت الاسامي او الصور اذا ممكن