تعالو نذكر بعض..شنو الاشياء اللي نحتاجها حق السفر

[D!aM0nD]

الموضوع وااضح من العنوان كل وحده تدش وتقولنا شنو الاشياء اللي ممكن ننساها لما نسافر
او
اشياء مهمه نسيتوها وانتو مسافرين وتوهقتو
او
اشياء ماتستغنون عنها

يالله نذكـــــــــــــر بعـــض :ggdw:...​

 

[nice smile]

انا عن نفسي اجيك على الشباصات وخصوصا السير

والكلينكس الديتول


الجل المعقم


لوزام الخياطه اللي حجمهم اصغير ( اللي فيهم ابره وخيط )


كريماتي والشاور جيل والشامبو - الديودرانت


الفوط


الاستشوار

ادويتج الخاصه ( بنادول - بو فاس - حبوب الحساسيه .. الخ )


انيي للملابس :

الملابس الداخليه اللي تستخدمينهم مره وحده مهمين للسفر

بيجامات

بدلات او اعبي على حسب المكان



وهذا اللي اذكره وان شاءالله البنات مايقصرون

 

[Hambka Q8]

ادوات النظافه لول
(شامبو , شور جيل , مفراكه , موس حلاقه لول , ملقط , مقص صغير , معجون و فرشة اسنان , كوتكس وكيرفري =X)


شحن الموبايل و الكاميرا و الايبود
+
موزع (ساعات ما احتاجه)



بطاريات
+
بلاستر
+
انتي بكتيريا



كريم ويه و كريم ايد و
كحل بس

 

[أمانيQ8]

سشوار لان سشوار الفندق بارد ومافيه مشط يعني بالله نبتلش بكشيشنا حق التنشيف مهم وبلسم الشعؤ والشامبو أوتي صغير اللي قد كف الإيد وغيارات داخليه تشتؤينهم من الهنود او السوريين وارخاص وايد استعملي وقطي اللابتوب ديودرانت بودي لوشن طبعا الأدويه خافض حراره حق البهال وبندول ودوا للدوخه ينفع للي يدوخون بالطياره او اذا بيروحون رحله بحريه مقراضة اظافر بالنسبه لي اخذ الأوكسجين او المشقر لان تدرون بالسفر ماتفكرين بالصالون وايد الا وقت الرجعه اذا بتقصين شعرج او جذي فالاكسجين ينفع حق الشوارب والوي بدل الحف فوق هذا انا ما اسافر الا معاي تحاميل وغسول للإلتهابات وحتى عفوا التهاب البول اخذ له اعلاج لان مادري اشقصتي كل مره اتعب وصج نسيت اقولكم (في دلاغات ب100فلس اخذي بعد استخدمي وقطي ووووو اذا تذكرت بقولكم بعد

 

[ايفيان]

مع كل اللي قالوه البنات جزاهم الله خير

دايمن احط مخمة صغيره وسماطات نايلون وشراشف (تنقط بعدين)...

 

[جنتي^و^ناري]

انا اخذ بيتنا اسفطه وقلقصه يالجنطه

انا احط لسته اهم شي السشوار - الأوتي- ديودرت - شامبوي - صابونه اصغيره - مشط - فوطه صغيره حق المخده اللي بنام عليها ماحب احط ويهي على مخاد الفنادق ملقط و خيط - كريم - تكركون جوتي للمشي و جوتي عادي كعب وذا معاي اليهال اللسته اطول - احطلهم كورن فليكس صغير و طاسه صغيرونه مع قفشه و معمول تمر صغير اخاف ايوعون و بسكوت و نعااااااااااااااال للحمام مهم جدا عندي و سجادتي وكتيبات ادعيه للطياره وفرشة الأسنان مع معجون وكلنكس صغير و كوتكس صغير اخاف ينزل علي واتوهق احطه بجنطتي

يعني انا بروحي مو هاند باق ولا جنطه عاديه يبيلي جنطه مالت الصعايده المبكره أو اللي جنها خيشه مكتوب عليها رحله سعيده ويبيلي حمالي معاي اشيل جنطتي بس صج اللي كتبته مهم عندي