تعالو ندلي بعض على محلات الكلف والخياطه والاشغال الفنيه

[حبيكو]

ام عزيزان

شنو جهاز الشوارفسكي و و و و شنو الشفاف الحراري >>>هو صمغ المسدس
اما بنسبة لي انا اشتري من راعين الكلف في الفحاحيل ووو والبلوكات
اما بنسبة للموضوع حلو ويستحق الرفع

 

[LoloBlueStyle]

ما قلتولنا وين دايسو اللي قالت عنه الاخت

 

[دلوعة روحي]

بسوق السالمية

سيتي سنتر

السوق الاحمر داخل الجمعية تحصلونه

 

[Kuwaitya-86]

السلام عليكم .. شلونكم بنات
بغيت أسألكم دامكم خبيرات وياليت اللي عندها فكرة تفيدنا
اللي تعرف مكان ينباع فيه النول الدائري و المستطيل بالكويت تقولنا وين ينباع

بالبلوكات مافيه - ببركات مافيه - وين بعد في مكان يبيع مستلزمات الحياكه

وجزاكم الله خير

 

[دلوعة روحي]

انا رديت عليج بالموضوع الثاني

 

[LoloBlueStyle]

يعطيج العافيه دلوعه روحي ع الرد

ويقومج بالسلامه

بنروح هالدايسو ونشووف
:
:

 

[ورد و ريحان]

موضوع روووووووعه
انا اموت على هالسوالف واعرف شغل الصوف من عمر 10 سنوات بس شي بسيط لاني ما تابعت
ودي اتعلم بس ياريت في وحده تجي البيت لان عيالي صغار ما اقدر اخليهم كل يوم
ياريت اللي تعرف تفيدني حبايب

 

[دلوعة روحي]

تسلمين loloblo على هالدعوة ما قصرتي


ورد و ريحان

الله يخلي الانترنت

نطري علي شوي في مخطط في بالي

 

[ام عزيزان]

النول الدائري تلقونه في محل بمجمع بيروت هو نفسه اللي قلت لكم عننننننننه

 

[ورد و ريحان]

تسلمين loloblo على هالدعوة ما قصرتي


ورد و ريحان

الله يخلي الانترنت

نطري علي شوي في مخطط في بالي

مو انا ناطره حبيبتي
اي والله الود ودي بمخطط
الله يوفقج

 

[Om Ghalia]

بركات، المبرور، السالمية

 

[لجين70]

السلام عليكم ورحمت الله وبركات
حبيت اشاركم الموضوعكم الشيق ,,,,,, اللي تسأل عن حلقات غفل للسلاسل حق الاكسسوارات والخواتم واهيه اتزينه اتروح عند بيت الكرستال عندهم شغلات حلوه ونظيفه واسعارهم زينه وهم عندهم خيوط حياكه حلوه وراقيه وناعمه واسعارهم هم زينه وانا مجربتهم خصوصا اتسوين شغلات للشتا تكون خيوطها ناعمه و الدفي وشكلها والوانها وايد راقيه ---- جربوها ومكانه في البلوكات

 

[زوجة جوجي]

في محل بالبلوكات

مو قادره اتذكر اسمه عدل بس شي فيه جزيره يمكن عروس الجزيره ما اذكر
اللافته مالته خضرا كبيره ويمه فيه باب يدخلج داخل السوق اذا رحت هاليومين احط لكم اسمه

بكراته الصوف تينن والالوان روعه روعه

 

[om 7ydar]

يمكن بركات أغلي لأنه من ألمانيا و أنجليزي

 

[SARA_912]

بنات ابي اتعلم اسوي كروشيه شنو السناره والخيوط اللي اشتريهم للتعليم

 

[مدمنة ككاو]

هلا حبايبي

والله انا مفترة بمحلات الكلف وايد بعضها فيها اشياء حلوه وغريبه من البكرات وبعضها بس ساده وماركة مو ذاك الزود

انا كنت مخططه اني بتاجر بشي ومو عارفه يعني بطلب من النت شي مو موجود وببيعه ودشيت مواقع واااايد بالنت فيها بكرات حللللللوه وغريبه ومتنوعه وحتى انواع واشكار من الصنارات وكتب والكروشيه

وطبعا على حسب الصناعة والنوعيه تختلف الاسعار في الغالي وفي الرخيص انصدمت من اسعار بكرات في الوحده على 6 لي 10 دنانير هذي نوعيات جودتها عاليه مثل االموهير والكشمير والمخمل

على العموم ابي تصويت باني اييب من هالسوالف عشان اضمن انهم ما يطيحون بجبدي لي يبتهم واخاف اخسر فيهم لأني بييب نوعيات جيده ونوعا ما غاليه وصناعتها انجليزيه واسبانيه وامريكيه

 

[صانعة الروائع]

السلام عليكم

شلوووووووووووووووونكم الصراحه أنا طلبت خيوطي من النت من أمريكا أسعارهم رخيصه وخيوطهم تهبل بس سعر الشحن شويه غالي بس الخيوط إللي أطلبها تسوى

 

[دلوعة روحي]

مدمنة كاكاو

عن نفسي ما افكر اشتري بكرة بهالسعر

الصراحة في ماركة برافو شغلها و لا اروع

انا ارتاح عليها بالشغل واااااااااااااااااااااايد

و متوفرة ببركات و محل الكلف بجمعية الرميثية






صانعة الروائع

علمينا عن الموقع خل نشوف شنو عندهم ما عليج امر

 

[شجرة الدور]

موضوع جدا مفيد

طيب بغيت كلف الدانتيل والجبير وين القها وبسعر حلو وخامة ممتازه

عندنا في الرياض اسعارها غالي حتى لو حسبلك الفه كلها

ياليت تفيدوني باحسن محلات كلف واقمشة في الكويت لان بمشئة الله عند زياره لديرتي الثانية

 

[ام**العسولين]

السلام عليكم
بنات انا حابه افيدكم محد مثلي وكثري حايس عالكروشيه والصوف وكل كل شي يخصه
ياربي اموت بالكروشيه شسوي
اول شي بركات ترى غالي وايد اللهم ابره بس رخاص وشريت منه شوارفسكي وتحسفت
محل سعاد اللي فمجمع بيروت خيوطه صج حلوه واحلى بكره عنده بدينار وربع
والابر بنات اخذوا منه اللي بو طرفين اوفر واسرع وسعر الحبه بربع يابلاش
وفي فرع ثانى له مجابل بركات اسمه محل سعاد وهم خيووطه تهبل
بنات بنااااااااااااااات يا بنات تكفه لحد يشتري من البلوكات ولا شي يخص الاكسسوارت موليه
واللي شرت على غشامه مثلي ختوب لان اسعارهم ناررررررررررررررررررررررررررر
روحوا سرداب الشايع يبيعون بال50حبه واوفر لكم
وبالنسبه لدايسو شفت خيوطه رخاص صح بس مو وايد حلوين انا احب النوعيات اللي حدها تشوق وحلوه
وبقولكم شي خيوط ايران وايد ارخص وخصوصا مشهد وعندهم تشكيله اكيد كبيره
وجمعيتي العزيزه الرميثيه اللي كل شيها نار وبالذات الكلف بس عندهم سوالف
ام عزيزان حبيبتي مشكوره عالموضوع وانا حيل من زمان متابعتج بكل شي ومشاركه بعد بمنتداج بس توقعتج ساكنه السعوديه مو الكويت
دلوعه روحي حبيت وايد الكلام اللي بتوقيعج هذا لسان حالي
واتمنى اكون فدتكم بنات