تعالو نتكاتف عشان لـ حد يستغلنـآ خو مآ صآرت منحه + حملة "قاطعوهم" تبدأ من اليوم

[اختي نحيسه]

تعالو نتكاتف عشان لـ حد يستغلنـآ خو مآ صآرت منحه + حملة "قاطعوهم" تبدأ من اليوم

السلآمٌ عليكم ورحمة الله وبركآته


بنـآت شي يحر القلب .. مو لهدرجه الحسد والحقد .. مابي اتكلم عن فئه معينه من الوافدين


المشكله من يومين رحت السوق وشوفوا شسمعت

الكويتي لـ الوافد هذا بجم .. الوآفد بـ 250 الكويتي قبل يومين شفته بـ 170
الوآفد .. ما حتقيكم الألف ..!

هذآ الحوار كان بـ محل تلفونات وقتها كنت أغير لصفة البلاك بيري .. حقة الشاشه


موقف ثآني



هوأ أنتوا يـ الكويتيين بتنحسدو.؟ << قصدهم ما ننحسد حتى لو حسدونا


موقف ثآلث

وحده من البنات راحت تكاسر على ألعاب اليهال .. جان يقول أنتوا بتكااسروا .؟ والألف اللي حتقي لكم .؟



خلو هذآ كله
رحت الجمعيه ..كي ديدي رآفعه اسعارها .. وستي سنتر .. المعلم .. الشاهبندر .. الاسواق الشعبيه ..
مياه ابرآآآج ..

بنــآت وقفوا الشرآآآآ هالأيآآآم كل شي نــآآآآر هالألف بتنزل مره وحده .. مو كل يوم

تطير بساعتين مثلاً.؟

واسعارهم لين متى يعني .؟

لحــد يشتري بلييييز بناات تكاتفو نآس حسووده


و على فكره الرقم اللي قلتوا عنه اتمنى انه يفيدنا ولو اني ما ادري اذا بيقدرون على رفعة هالأسعار او لا


اتمنى اتمنى اتمنى أحنا الكويتين نردع التجآر وما نشتري وخلي أكلهم و بضاعتهم تطيح بجبودهم ​

 

[ملــحْ !]

رد : تعالو نتكاتف عشان لـ حد يستغلنـآ خو مآ صآرت منحه ..!


ااي والله كل شي زااايد ..
اعانتي طارت بيووووووم

 

[وردة-الكويت]

رد: تعالو نتكاتف عشان لـ حد يستغلنـآ خو مآ صآرت منحه ..!

اعوذ بلله من جشعهم عايشين احسن عيشه ف ديرتنا وهم حاطين عينهم على فلوسنا قطيعه تقطعهم

 

[اختي نحيسه]

رد: تعالو نتكاتف عشان لـ حد يستغلنـآ خو مآ صآرت منحه ..!

ملح ..

شفتي شلون ولله انصدمت من رفعة الاسعاار
ما امدااا

 

[pink_dream]

رد : رد: تعالو نتكاتف عشان لـ حد يستغلنـآ خو مآ صآرت منحه ..!

اعوذ بلله من جشعهم عايشين احسن عيشه ف ديرتنا وهم حاطين عينهم على فلوسنا قطيعه تقطعهم

عمى بعينهم

 

[المهفة]

رد: تعالو نتكاتف عشان لـ حد يستغلنـآ خو مآ صآرت منحه ..!

قاطعووووهم اللّة يقطعنا منهم

 

[أهداب]

رد : تعالو نتكاتف عشان لـ حد يستغلنـآ خو مآ صآرت منحه ..!

كي دي دي
رافعه اسعارها بنسبه 30 فلس
ومياه ابراج بنفس النسبه
انا توني كنت بكتب موضوع المقاطعه لكن انتي سبقتيني
حملة اتركوها لتخيس
:j013::j013::j013:​

 

[amoOoNA Al_mazyoNa]

رد: تعالو نتكاتف عشان لـ حد يستغلنـآ خو مآ صآرت منحه ..!

بناات ويوريكا بعد حسبي الله عليهم..
ايييي والله اتركوها لتخيييس حسبي الله عليهم..
الحين صججج مايستحون كي دي دي و أبراج شركات قديمه معروووفه جذي يسووون ما أقوول الا مالت عليهم..
خوو الالف بتطير بيومين والأسعار على طووول لا بارك الله فيهم ولا بجشعهم..
بنااااااااات بلييييييز نبي فعل ماانبي بس كلاااام لمن تشوفين الألف تكشتوووووون وتروحون تشتروون خخخخ
خلهم خل يتأدبوووووووووووون

 

[اختي نحيسه]

رد: تعالو نتكاتف عشان لـ حد يستغلنـآ خو مآ صآرت منحه ..!

إيـــه ولله نبي فعل ما نبي بس حجي .. خو الفلووس بحسااابج ماهي طاايره بتصرفينها ان شاءلله بتصرفينها

بتموتين لو نطرتي شهرين إلى ثلاث شهوور .. لين ما يطخوون حسبي الله عليهم..؟

اكيد لآآآآ .. هي بالاول والاخير لج ..

بناات تكااتفو خل كل شي عندهم زايد سعره يطيح بجبدهم عفييـه وكل وحده تبلغ الثانيه الشي هذا


من مصلحتنا بالنهايه احنا بنستفيد ومردهم ينزلون اسعاارهم

جشع اعوذ بالله

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

شركة KDD أول المستغلين للمنحة الأميرية..رفعت أسعارها بنسب تتراوح مابين 20و35./

---------[نوع المنتج]---------
كي دي دي 1 لتر ( 4 حبات )

---------[صورة المنتج]---------


---------[السعر السابق]---------
1.160

---------[السعر الحالــي]---------
1.280

---------[الفرق]---------
+ 0.120

دائما شركه كي دي دي صاحبة السبق في ارتفاع الأسعار
حليب الاطفال فراوله والموز والككاو ارتفع من 480 الي 510


اللي سمعته عن شركة كي دي دي
ترفع اسعارها بس باالكويت والدول المجاوره سعرها مايرتفع !!!!!

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

مياه ابراج الكويت

من 600 فلس للكرتون الصغير

إلى 800 فلس اليوم في مركز سلطان

الفرق 200 فلس

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

بنااات هذي بعض ردود من مواطنين كويتيين يشكون من الغلاااااء::




لاحظت ارتفاع سعر الاي فون ال 16 قيقا من 230 الي 290 في المحلات وقال لي البائع ان الوكيل زاد سعره بالسستم

قبل اشوي شاري الاي فون 16 غيغا 265 دينار وراعي المحل معرفه يقول التعميم البيعه 270 وحتمال يزيد سعرها . بالغانم 270 ويوريكا زادت اسعارها .

حبيبي الايفون ماله وكيل بالكويت نهائيا

الغانم ويوريكا والكتروزان بعض موظفينهم بايعين حجي

اذا تبي موقع بريطاني مضمون يومين ويوصل عندك 245 واقل بعد راسلني

قاطعوهم

أمس مريت شارع الجملة بالشويخ ( الحديدة للحلويات )

والبائع اتعامل معاه من فترة

يقول بعد المكرمة الاميرية كثير من اسعار السلع تم رفعها

مثلا : حليب كي دي دي السعر القديم 2700 والجديد 3000

وعصير اعتقد اسمه جود السعر 1900 والجديد 2250

والكثير من السلع التي تم رفع سعرها

ال 1000 دينار مرة واحدة وارتفاع الاسعار سوف يستمر على طول

ولاتوجد متابعة من وزارة التجارة

الله المستعان

السوريين زايدين الاسعار في سوق سيتي سنتر سوق المعلم وباقي الاسواق وهم متفقين مع بعض على سعر واحد فساهموا في نشر هذا الخبر والابلاغ على رقم شكاوي 135 تكفووووووووووووووون لاحد يشتري منهم خلو بضاعتهم تطيح بجبودهم اللهم اني بلغ الرسالة فشهد على ذلك وكل احترام وتقدير

كافيه بالافنيوز

بالتوسعه الجديده كافيه ايطالي نسيت اسمه

اللي لونها اسود بالاحمر

والله ثم والله دايم اشرب قهوه الاسبرسو سنغل 700فلس اليوم صدمني 900
وجاني مدير المطعم ومعاه الفاتوره قالي البن فالعالم ارتغع وفي ايطاليا خصوصا
وترا زيادنا بسيطه ..

تكفون والله اقهروني اشكره اسغلال الناس في هالزياده

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

تبون بعد بنااات؟؟؟

 

[يـاسمينا]

رد : تعالو نتكاتف عشان لـ حد يستغلنـآ خو مآ صآرت منحه ..!

حسبي الله عليهم شسالفتهم مع رفع الاسعار
ترا كلها 1000 يامال الفقر اللي يصكهم قولوا امين

 

[اختي نحيسه]

رد: تعالو نتكاتف عشان لـ حد يستغلنـآ خو مآ صآرت منحه ..!

أأمـــــيــن يصكهم الفقر ويعرفون انهم ظلمونا برفعهم الاسعاار حسبي الله عليهم

وسعوا على العالم عشان الله يوسع عليكم

حآسدين الفقير على لقمته اعوذٌ بالله مشفح جنـآ ماعندهم ولا بيزه واهم اغنى خلق الله :s

 

[اختي نحيسه]

رد: تعالو نتكاتف عشان لـ حد يستغلنـآ خو مآ صآرت منحه ..!

كيـك وعسسسل حبيبتي زيدي ونوري على البنااات و فهميهم ان فـ هالزياده ظلم لنا

ما يسوى علينا ..

بنـآت ديروا بالكم لا تعطونهم على هوآآآهم حسبي الله عليهم

ياقلبي ولله يا كيك وعسسل يسلم لي اجتهاادج بهالموضوع لانه بالاخير اهو فايده لنا كلنا

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

اختي نحيسه :
ابشري حبيبتي
نكمل ردود المواطنيين


حاليا بقالات المنقف وانا راد البيت حادر للديره مريت علي البقالات طلبت نسكافيه ( 950غرام) قال 1500قلتله مو قبل اسبوع ما خذها منك 1250 واصلا سعرها عند الجمعيه 1120 ليش شايف ( علي شعري دهن) رد علي يقول(( آنا ما يشوف دهن انت لابس كاابوس ))

انا صاحب محل اجهزه الكترونيه والشركات كانت تبي تسوي عروض بهلا فبراير وتسوي خصومات لكن بعد الزياده وقفت الخصومات

قناعتي: كل التجار يبون الربح ، لكن بدال ماترفع السعر ، سوا خصومات وخل الكل يشتري منك
لو نزلت الفلوس والناس كلهم رافعين السعر حط اعلان بالخصومات الناس راح تقارن الاسعار وترجع تشتري منك
بالنهايه بدال ماتبيع 30 تلفزيون راح تبيع 100 فتكون ربحت اكثر وهم كسبت زباين جدد

ياشباب تامنون بالله حتى مستشفيات الولادة زادت اسعارها !!

لي ولد عم جاه ولد قبل كم يوم .. يقول كنت ماخذ الاسعار قبل فترة
لما حددوا انه لازم عملية قيصرية تقريبا 500 الى 540 د.ك

ارتفع السعر فجأة بعد خبر المنحة الى 740 !!!


طبعاً بدون مقدمات بعد خبر المنحة مباشرة حتى لايتم رصده من وزارة
التجارة النايمة والي حذرت وبدأت تعمل بعدها بفترة .. طبعا هالفترة
سمحت للكل يرفع !!

أحاول اجيب اسم المستشفى مع الاسعار وكافة التفاصيل بأقرب فرصة
وياليت نشوف باقي المستشفيات والعيادات الي راح يلجأون لها الناس
خصوصاً عيادات الاسنان وعيادات التخسيس وما إلى ذلك .

السلام عليكم ورحمه الله وبركاته

قبل اسبوع تقريبا وديت اهلي حق سوق العربيد وفصلو ب ١٧ دينار ،،
اليوم مريتهم ولقيت الي ١٧ صار فجأه ب ٣٠ دينار
ولما سألتهم عن ارتفاع الاسعار قالو مالنا شغل صاحب المحل اهو الي حط الاسعاار

الظاهر المنحه بتطلع علينا باون

والكيفيه بمحاربة الاسعار هي المقاطعه والبديل موجود منطقة الخغجي السعوديه الله يديم الرخص للزرقات القريبه وعندك الجمعة والسبت للتسوق بالدمام والله اسواق ومجمعات عالميه واذا لك خاطر البحرين من قريب

حليب الصافي .. 1 لتر ×4
قبل الزيادة : 0.990
الحين : 1.100

التجاره بس فالحين يصدرون بيانات نبى عمل نبى ضبطيات للمخالفين بالاسعار

اذا خالفوا جم واحد راح يخافون الباجى ! ولا السالفه فيها مجاملات للتجار على حساب

الناس البسيطه ومحسودين على المنحه , الله لا يوفقهم هالاستغلالين ,

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

شماغ البسام الابيض زادوا سعره دينار
الحب المصري ماركة بنان زاد سعره 25%
تذاكر السفر ولعت

عصير أطفال السعوديه برتقال ٨ حبات

ارتفع من ٨٧٠ الى ١٢٠٠

انا اللي متأكده منه سيتي سنتر السوق الاحمر

هالسوريين كلهم متفقين على نفس السعر واسعار بجايم اليهال اللي كانت على 2.500 مسوينها ب3.500

والترننجات مالوت البر كانوا على 5 الحين على 8 و10 هديتهم وطلعت وقتلهم خوش اتفاقيه

ولا يقولي السوري على ضحك ( ما احنا كمان ما بيطلعلنا من الحب جانب انتوا الامير عطاكن واحنا بناخذ منكم منحتنا ) جان اقوله

عناد عليك ماني شاريه وخليته وطلعت

انا امس رايحه اليوسفي بشتري فريزر و جوله المهم عطانا اسعارهم قاله ريلي خلاص نيي باجر نشتريهم و احنا طالعين جان يقوله بس حاول قبل ال1000 لان بعدين يمكن الاسعار انا من حرتي اتليقفت و رديت عليه قتله نقولك باجر تقول ال1000 قال اها شكلكم مش تبع ال1000 قتله اي احنا مو تبعه عناد قطيعه

امس حجزت غدا من مطعم ملاس بو خماس اذا تعرفونة وانا يعنى زبونة واخذ منة غدا كل مايونى ضيوف من برا 0لقيتة زايد على كل وجبة نص دينار سالتة ليش قال هاذى اسعارنا من زمان 0اشكرة يجذب 0قلتلة انا ماخذة منك قبل اسبوعين 0ماعرف يرد0

عقب يوم من قرار بابا صباح الله يخلية كنت رايح بن العميد جان اسمع البايع يقول حق المراة اللبنانية جدامي

بصوت واطي ان بيرفعون اسعارهم من يوم الاحد يعني اليوم اسمعه اتقولو بصوت عالي وموعاجبة شو راح يصير 5 لما

صار دوري طبعا اتليقفت وسئلتة بترفعون اسعاركم قالي اية يعني جميع انواع القهوة كان سعرهم 4,600 حق الكليو

صار ب 5 و الهيل كان كيلو 10 راح يصير 14 دينار حسبي الله عليهم ينو

من الامتحان وبنات كنت لابسه عزكم الله جوتي ماخذته من 3 شهور تقريبا من ريفر ايلند وسعره ب25 ورب الكعبه

المهم ولا اشوف لوحه محطوطه عالباب سيل جان ادش قلت بشوف الجوتي بجم صارررررر اذا نازل سعره واايد باخذ لون ثاني

والله يا بنات اني دشيت شفت الجوتي موجوده بس اللي موجود لون بني وحاطين عليه سعر 35 انا هني @@

جان اقوله بجم هذا ولا يقولي ( مدام عاملين عليه سيل كان سعره 45 هلاء ب35 ) قتله لا والله !!!!!

جان اقوله في منه اسود لان اللي ماخذته اسود جان يقولي ايي فيه قتله روح ييبه راح يابه

جان افصخ جوتيي وحطيتهم يم بعض قتله الحين هذول مو نفس الشي جان يقولي ( ايي مدام نفس الشي ) ازا عندك زيو ليش

ما بدك اسود ! جان اقوله انا مابي اشتريه انا ببين جذبكم ولفكم ودورانكم هذا من 3 شهور انا ما خذته ب25 ديناااااااار

الحين مسويه ب35 وسيل بعد عاد اهو تبلعم طبعا ولحظه مدام ويمكن التج غلط لحظه اتأكد قتله اتأكد براحتكم


عموما هذي آخر مره ادش فيهااااااا محلكم وراح ابلغ كل رفيجاتي واللي اعرفهم عن هالسالفه

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

- بن العميد

- اليوسفي
- سيتي سنتر
-مطعم ملاس ام خماس
- محل ريفر آيلند
- يوريكا

ليش ما يسكرون محلاتهم , بالذات سيتي سنتر استغلال مو طبيعي !


احب ان انبه ان هناك تسويق مبرمج في الاعلام المقروء والمرئي

حول موجة الغلاء وارتفاع الاسعار

وان هذا الشيء طبيعي ومتوقع

لكي يتقبل الشعب الكويتي بكل سذاجه هذا الغلاء الفاحش

لذا ارجوا من الجميع الإلتزام بالمقاطعة وضربهم بقوة بحيث يستفيقوا من غفلتهم واعتقادهم بأن الشعب الكويتي غبي ولا يتعلم من تجاربه السابقة

لنعطي هؤلاء الوافدين والذين يتحكمون بالاسواق ومعايش الناس درساً لن ينسوه لسنوات طويلة قادمة وستجعلهم في اي اجتماع للإتفاق على خنق الشعب الكويتي ان يفكروا طويلا جداً قبل ان يقرروا زيادة فلس واحد فقط.


انتبهوا لهذه الحملة التي تسوق الغلاء القادم وتريد ان ترسخ في عقولنا الباطنة ان هذا امر طبيعي

بحيث تجعلنا ونحن نتسوق ونلاحظ اي غلاء نقول لأنفسنا ولمن حولنا بكل غباء وسذاجه

(نعم هذا ماقال الإعلام والإقتصاديون عنه انه قادم .. إنه الغلاء الذي اجتاح العالم)

استفيغوا من غفلتكم

وتحيه للإعضاء الكرام جميعاً


قبل ان اختم هذا الرد

هناك نوع آخر من الغلاء يتمثل في تقليص كمية المنتج وليس زيادة سعره

مثال حي وواقعي

الخبز الإيراني .. أصبح بحجم اللبناني .. وبإتفاق كافة الخبازين الإرانيين

يوريكا ترفع سعر الاي فون الى 290 دينار
والغانم تسحب بعض الاجهزه من الارفف


وين الحكومه ..

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

بنااات تعبت بعدبن اكمل
حسبي الله عليهم على هالغلاء شنو هذا ؟؟؟
قااااااااااااطعوهم