تعالو عطوني حل

[برنسس ميمي]

مرحباااا خواتي
شلوونكم انشاء الله بخير؟
انا عندي شي هي مو مشكله بس انا مضايقه منها
ابي يكون لي شخصيه منفرده يعني كل مااشوف
اي بنيه احس لها شخصيه معينه ومعروفه اما انا
مافيني هالصفه حمدلله انا طيبه بس ماعندي شي
محدد مرا عاديه مره مرحه مره مدري انا بنفسي ماعرف شنو اكيد الواحد مره يفرح ومره حزين بس انا اقصد على الشخصية
حلو الواحد يكون له شي مميز فيه أسلوب معين له ماادري شلون
انشاء الله تكونون فهمتوا علي وياريت اللي عندها اقتراح
او كتب او اي شي تفيدني

 

[صابرة رغم الجروح]

هلا حبيبتي
انتي خليج بعفويتج لان الشخصيه مارح تصنعيها وانتي ماشاء الله عندج مكس من كل شئ ع قولتهم لكل مقام مقال واكيد فيج اشياء مميزه يلاحظوها اللي حواليج مو شرط انتي شايفتها

 

[*الهنوف*]

ترا كل واحد له شخصيه بس مايدري عن نفسه احينا
سئلي اي احد يعز عليج وقولي له شلون تشوف شخصيتي راح يشرح لج ويقولج انتي ...انتي....
بس واضح انج حيل هاديه وعايشه بسلام وطيبه
وهذي اهيا شخصيتج
لكن اذا تبين تغيرين هذا لازم اقري كتب عن الثقه بالنفس والشخصيه القويه وطبقي اللي فيها من معلومات ..مره مع مره تتغير شخصيتج للاقوى اذا تبين

ترا مرات تتغير شخصيات بسبب ظروف
نكتسب صفاة ونتخلى عن صفاة
مثال كثر المصاعب والمشاكل تقوي وممكن عند ناس تدمرهم وتخليهم ضعاف

لو فرضنا صارلج موقف يخص الثقه والخيانه من صديقه او زوج
راح تتغير قناعاتج وتتغير شخصيتج

الشخصيه تتغير مع الوقت بس يبقى المظهر العام لها
ممكن تبقين هاديه ومسالمه لكن بداخلج قوة
قوة صبرج قوة هدوءج

 

[*الهنوف*]

ترا كل واحد له شخصيه بس مايدري عن نفسه احينا
سئلي اي احد يعز عليج وقولي له شلون تشوف شخصيتي راح يشرح لج ويقولج انتي ...انتي....
بس واضح انج حيل هاديه وعايشه بسلام وطيبه
وهذي اهيا شخصيتج
لكن اذا تبين تغيرين هذا لازم اقري كتب عن الثقه بالنفس والشخصيه القويه وطبقي اللي فيها من معلومات ..مره مع مره تتغير شخصيتج للاقوى اذا تبين

ترا مرات تتغير شخصيات بسبب ظروف
نكتسب صفاة ونتخلى عن صفاة
مثال كثر المصاعب والمشاكل تقوي وممكن عند ناس تدمرهم وتخليهم ضعاف

لو فرضنا صارلج موقف يخص الثقه والخيانه من صديقه او زوج
راح تتغير قناعاتج وتتغير شخصيتج

الشخصيه تتغير مع الوقت بس يبقى المظهر العام لها
ممكن تبقين هاديه ومسالمه لكن بداخلج قوة
قوة صبرج قوة هدوءج

 

[غــايــه]

يمكن إنتي هاديه
بس انا بقولج ترى الناس كلهم يعجبهم مثل شخصيتج
انا أعرف وحده وااايد اجتماعيه , ومادري ليش الناس كلهم ما يحبون طبعها
والناس لي بغوا يخطبون ترى ما يخطبون إلا الهاديه;p

 

[تحت ظلك]

كل شخص ممكن مايعرف الي يميزه بشخصيته عند الناس
لأن هذا غالبا الناس تنظر له بهذي الطريقة
مثل ماأنتي تشوفين لكل بنت شي بشخصيتها يميزها
حتى أنتي الناس تنظر لك نفس النظرة
بس مو شرط يقولون لك عن شخصيتك.

 

[سحرالعيوون]

حبيبتي وضحي اكثر يمكن اقدر اساعدج تكونين لج شخصية معينه لان ماشاءالله عندج مكس تقدرين تخلين لج شي معين يعني مراح تصنعين لج شخصيه جديدة فبتقدرين بس حسيت شي لا تفهميني غلط اقول يمكن انج مطيرة وانتي مو حابة هالشي
انزين قولي لنا هل يعطونج اهتمام او يطنشونج ؟ هل متضايقة من مواقف مثلا صارت لج ؟
يعني وضحي لنا اكثر انا اعرف ناس مكس مع المدينين صار كلامهم دين ومع الفري صاروا مثلهم وهم معلقين في الهوا
وماشية حياتهم واشوف يحبونهم ولهم شخصية ما يعانون بس انتي شلون تعانين من شنو