تعالو شوفو شنو سويت بام زوجي

[M!$_ $heme]

السلام عليكم


:eh_s(7):

بصراحه انا بتكلم عن موضوع دارج بشكل مو طبيعي هالايام

ام زوجي

وايد شفت مواضيع بنات يتشكون من ام الزوج او شسوي مع ام زوجي وام زوجي سوت وام زوجي قالت او حتى خواته واهله..


ترى من الاسباب الي تخلي الزوج يطفش من البيت ان الزوجه تتكلم بشكل بايخ عن اهله وامك قالتلي واختك سوتلي يعني حطي نفسج بمكان هالمسكين لو يتكلم عن اهلج بترضين

او حتى المفروض ما اقارن نفسي فيهم ليش انا ماتخليني البس كا خواتك لابسين او او او...

ترى امه اهي امج ومها قالت وسوت تضل هي جنته رضيتي او لا وحتى لو كانت متسلطه
حاولي تكونين انتي الي تريحينه وماتتشكين وايد منها لو مهما سوت بتكبرين بعينه...


تجربتي الشخصيه مع ام زوجي..

ام زوجي ماتبيني له ولا حتى خطبتني له بس اهله اهم الي يو وخطبوني وانا قتله اوعدك

قبل ما نملج انا معاك بخليها تحبني واذا فشلت اتركني لان الله ماراح يوفقنا رضاها اهم

من قربي , وفعلا مع الايام ضليت اتقرب منها ومهما الاقي صد وتجريح ما اقوله ولا ابينله واحسسه

بغلاها وان لو مارضت ماراح نتهنى والله بيجازيه بعياله, والحين تعالو شوفوها الله لا يغيرها انشالله

هدايا ومدح ودلال وهو يستانس ويطير ..

نصيحه ياخوات كبرو نفسكم وخافو الله فيهم والله بيفتحها عليج وعليه..

والمايك لكم :eh_s(15):​

 

[ام منصووور]

صح إلسااااااانك

 

[Patcholli]

الله يتمم عليكم يارب

 

[طالبة انجلش]

صح السانج
انا امه اقوله > يمااا
واهو يقولي يعجبي اسلوبج ويا اهلي امه وابوه وخواته

 

[طالبة انجلش]

حبيبهم عشان اهو يحبج وتكبرين بقلبه
وعامليهم باحترام يعاملج والله باحترام |
قالها لي احترمج لانج محترمتني ومحترمه اهلي بعد

 

[noni_q8]

ربي يوفق الجميع إن شاء الله

 

[عن النسآ أفرق ~]

_



صح في ناس ماخذين مبدأ خالتي عدوتي
الحمدلله على العقل
صح كلامج .. الله يوفقج

​

 

[معزوفة عشق&]

الله لايغيرها عليك وخير ماتسوين

 

[آجمل نسآء آلدنيآ]

،،

الله يتمم عليـج و يسخرهااا لج ،،

و فعلاً كل إنسان يعمل بأصله ،،

في چنايـن معادين الخاله من يأخذون الولد الله يهديهم ،،

وفـي بعدد العگس ممكن لو الچنه تشب أصابعها للخاله تگون گارهتها ،،

،،

 

[ام الحلوااات]

يــــســـلـــمــــو واللــــه يـتـــمــم عـــلــيــج

 

[البرنسيسة غلا]

’



ونعم آلزوجه أنتي
آلله يوفقج و يرضى عليج و يسخر لج زوجج و أهله


وفعلاً كلآمج 100% صح

أم آلزوج بـ حسبةة آلأم .. عآمليهآ مثل مآ تعآملين أمج
لو مهمآ سوّت و قآلت و ضآيقت و زعلّت بـ تظل أم زوجج .. و تأكدي أن زوجج مآ يرضى على أمه
و أن كسبتي أمه رآح تكسبينه و مآ يشوف غيرج



,​

 

[أسرار الجمال]

والله صحيح انا ام ريلي على راسي لاني احب زوجي احب امه والله يطول بعمرها ويخليها لي واحبها حسبة امي

 

[زوووز77]

[يقول المثل النار ماتجوي الا رجل واطيها لو عندكم مثل اللي عندي
ماقعدتوا تقولون هالسوالف انا توقعت اني راح اكسب ام زوجي وتحديت نفسي عشان اكسبها لاكن
مع الايام اكتشفت اني صايره خدامه لها ولاعيالها وماروح لاهلي الا بالوقت اللي يعجبها وماادرس عشان هي مو عاجبها دوامي مع اني شارطه عليهم بالعقد وماروح لسوق عشان مااكلف عل ولدها ومانستانس بالعطله عشان هي امه واولى فيه مني مع انها تتمنى العكس تماما لبنتها ان زوجها يمشيها ويطلعها ولما تزوجت قالت لاهل زوجها لاتخلون بنتي تطبخ ترا انا مدلعتها وهي صغيره مع انها كل شي تعرفه وامه مالها خص فيكم وهي بكل شي تتدخل واللحين تطلقت بسببها
/size]

 

[~ بنت الغوالي ~]

[يقول المثل النار ماتجوي الا رجل واطيها لو عندكم مثل اللي عندي
ماقعدتوا تقولون هالسوالف انا توقعت اني راح اكسب ام زوجي وتحديت نفسي عشان اكسبها لاكن
مع الايام اكتشفت اني صايره خدامه لها ولاعيالها وماروح لاهلي الا بالوقت اللي يعجبها وماادرس عشان هي مو عاجبها دوامي مع اني شارطه عليهم بالعقد وماروح لسوق عشان مااكلف عل ولدها ومانستانس بالعطله عشان هي امه واولى فيه مني مع انها تتمنى العكس تماما لبنتها ان زوجها يمشيها ويطلعها ولما تزوجت قالت لاهل زوجها لاتخلون بنتي تطبخ ترا انا مدلعتها وهي صغيره مع انها كل شي تعرفه وامه مالها خص فيكم وهي بكل شي تتدخل واللحين تطلقت بسببها
/size]

عفوا ما فهمت .. انتي اللي تطلقتي والا اخت زوجك ؟؟؟
الله يوفقك يارب
اكيد في حموات متسلطات لكن احنا منحكي بشكل عام انه بتقدري تخليها تحبك لكن اكيد مش لدرجة انك تصيري خدامه عندها وعند اولادها
يعني بالشكل المعقول لأنه اي شي زاد عن حده انقلب ضده

الله يوفقك ويبعتلك الخير من عنده اللهم اااااااااامين

 

[~ بنت الغوالي ~]

بالنسبه لصاحبة الموضوع حابه احكيلك مبروك عليكي زوجك فعلا ماشاء الله تبارك الله نعم الزوجه

 

[تـــرف ..))]

انا اايد كلامج حيل

واحلى الجنات الي تقول لها يمهه والله راح تغليها و تخليها غير عن باقي الجنات

 

[&هند&]

انا معاج بكل كلمه بس والله ياكثر الخالات الي الحين مجننين جناينهم ويتدخلون بحياة عيالهم وهذا اذا ماخلو عيالهم يطلقون حريمهم 3 من رفيجاتي تطلقو بسبب خالاتهم وهذا راجع لقت الوازع الديني وانهم مايخافون ربهم

 

[%دانة%]

ماشالله عليج الله يهنيج يارب
الله يوفقكم ويسعدكم

 

[بحرينية بحرانية]

فديتج
نصيحة في وقتها
ام زوجي كانت رافضتني و احسها للحين مب قادرة تتقبلني
مع ان هي طيبة معاي و مع اهلي
بس احس بحاجز بيني و بينها مب قادرة اتقرب منها
نصيحتج...

 

[توتة UAE]

بنات أم ريلي كانت زينة بس كانت تسوي
أشيا من دافع الغيرة لأنها تمووووووووت ف
ولدها البجر أنا كنت انقهر وأتألم بس أبدا أبدا
ما قلت حق ريلي عن اللي سوته بس هو
لاحظ انه دوم أمه ترمسه عني تبا تطلع فيني
عيوب عقب هو من نفسه قالها اذا سويتوا
مشكلة ثانية نحن بنطلع من البيت عاد من يومها
الامور تمام وهي تحبني ههههههههههههههههه
الحمد لله جد هي وااايد زينة وياي وأحبها وتحبني

اللي أبا أقوله " عامليها بأخلاقج ولا تردين الإساءة بالإساءة "