شلونكم بنات انا بقولكم قصت حملي والفضل لصاحب الفضل لعلها تصير عبرة للناس
بنات انا من شهر 2 وانا احاول احمل وما خليت طبيب ولا ردادة ما رحتلها وكلهم يقولولي فيج تكيسات لازم علاج بالاول وعطوني حبوب تنظم الدورة ويصير جماع والله مايكتب حمل .
قالي دكتور التكيسات قلت بعطيج ابر منشطة قلت مابي ابر عطني حبوب حزتها كتبلي حبوب فقلت له دكتور انت ليش ماسويتلي تحاليل فعصب وشق الورقة وقال هاج التحاليل سويها وكانت وايد وقال سوي اشعة صبغية قلت كل هالتحاليل قال اي من اليوم راح تشوفين اشياء غير عن قبل مدام انتي تبين . ماعجبني اسلوبة والاكثر ماعجبني ان كان بيعطيني ابر فقلت لريلي ما راح اروحلة خلاص وحزتها ريلي قالي ليش تليقفتي اكليها الحين .
فطلعت وخذيت من الصيدلية حبوب كلوميد بدون علم ريلي ، وسافرت للعمرة ودعيت ربي يكتبلي الذرية الصالحة وقررت اني افوض امري لخالقني فاهو القادر على كل شي . بعد ما رديت من العمرة بيوم17 من الدورة حسيت بعولر ببطني رحت لدكتور اشرف الهادي وطبعا غني عن التعريف كنت بشوف صار تبويض او لا وشلون التكيس . فلما شاف السونار قالي ان البويضات صغار وماصار تبويض ومستحيل حمل لو انج يتي قبل جان عطيتج ابر قلت دكتور يعني مستحيل حمل قال اي واهو يضحك وقالي تعالي لماتنزل دورتج اعطيج علاج والحمل ااجلة لبعد العلاد .
ورحت للبيت وفوضت امري لربي وانا واثقة ان ما راح يردني وقلت له يارب خلني احمل هالشهر وماخليت دعوة مادعيتها . وانا بخاطري من زمان احمل هالشهر . وبعدها تأخرت الدورة واحس بتعب من تأخرها ونزلت علي نقطة بنية قلت من الدورة ، رحت حللت تحليل بيت طلع سالب
وهم سويت بعدها ب5ايام وطلع سالب قلت خلاص مو حامل .
رحت اكلت دويات تنزلها واناناس وغيرة وغيرة ماخليت شي ومافاد يشد بطني علي كل ما اشربهم واستحمل عشان تنزل وهم ما نزلت.
بالاخير قررت اكل حبوب تنزلها واكلتهم يومين واليوم بليل ذبحني عوار بطني قلت بروح للمستشفى قالي ريلي نطري هالعوار لانها اكيد بتنزل قلت خلاص وبعد ما زاد العوار وداني .
دخلت عالدكتور وشافت السونار قالت البطانة سميكة ماسويتي تحليل قلت سويت ومو حامل قالت سوي دم انا اشك ان حمل فقلت دكتورة مااعتقد فقالت سوي احسن تحليل المنزلي مو مضمون . ورحت سويت وريلي يقولي انتي مو حامل خل نروح البيت ننام احسن قلت خل نسوي اشورانا . وسويت وقالت بعد ساعة يخلص قال باجر ناخذة قلت عفية خل ننطر وقال يابنت الناس انتي مو حامل لا تعبينا قلت كيفك فقال خل نروح اتعشى ونرد قلت اوكي .
رحت بعد نص ساعة اخذت التحليل قلت شنو وانا متأكدة بتقول سالب فقالت روحي للدكتورة تقول .
خذيت التحليل من ريلي واقرأ النسب وطلعت 289.67 قلت معقولة قال ريلي شفيج قلت حامل . واهو يقولي اقول يعني فاهمة انتي مو حامل لاتقصين على نفسج . وشككني
رحت للدكتور الا تقولي انتي حامل لج اربع اسابيع قلت دكتورة اكيد هالتحليل قالت اي 200%وطلعت وانا مو مصدقة .
صج الله قادر على كل شي ولا تصدقون كلام الدكاترة لان ربكم اذا اراد شي بيصير .
سبحان الله والشكر لله ادعولة وراح تلقونة يجيب دعوتكم فهو القادر على كل شي
ادعولي بنات الله يثبت حملي ويرزقني فية سليم معافى ، عسى ربي يرزقكم بالذرية الصالحة عاجل غير اجل فهو مجيب الدعاء الرزاق القادر على كل شي .
بنات انا من شهر 2 وانا احاول احمل وما خليت طبيب ولا ردادة ما رحتلها وكلهم يقولولي فيج تكيسات لازم علاج بالاول وعطوني حبوب تنظم الدورة ويصير جماع والله مايكتب حمل .
قالي دكتور التكيسات قلت بعطيج ابر منشطة قلت مابي ابر عطني حبوب حزتها كتبلي حبوب فقلت له دكتور انت ليش ماسويتلي تحاليل فعصب وشق الورقة وقال هاج التحاليل سويها وكانت وايد وقال سوي اشعة صبغية قلت كل هالتحاليل قال اي من اليوم راح تشوفين اشياء غير عن قبل مدام انتي تبين . ماعجبني اسلوبة والاكثر ماعجبني ان كان بيعطيني ابر فقلت لريلي ما راح اروحلة خلاص وحزتها ريلي قالي ليش تليقفتي اكليها الحين .
فطلعت وخذيت من الصيدلية حبوب كلوميد بدون علم ريلي ، وسافرت للعمرة ودعيت ربي يكتبلي الذرية الصالحة وقررت اني افوض امري لخالقني فاهو القادر على كل شي . بعد ما رديت من العمرة بيوم17 من الدورة حسيت بعولر ببطني رحت لدكتور اشرف الهادي وطبعا غني عن التعريف كنت بشوف صار تبويض او لا وشلون التكيس . فلما شاف السونار قالي ان البويضات صغار وماصار تبويض ومستحيل حمل لو انج يتي قبل جان عطيتج ابر قلت دكتور يعني مستحيل حمل قال اي واهو يضحك وقالي تعالي لماتنزل دورتج اعطيج علاج والحمل ااجلة لبعد العلاد .
ورحت للبيت وفوضت امري لربي وانا واثقة ان ما راح يردني وقلت له يارب خلني احمل هالشهر وماخليت دعوة مادعيتها . وانا بخاطري من زمان احمل هالشهر . وبعدها تأخرت الدورة واحس بتعب من تأخرها ونزلت علي نقطة بنية قلت من الدورة ، رحت حللت تحليل بيت طلع سالب
وهم سويت بعدها ب5ايام وطلع سالب قلت خلاص مو حامل .رحت اكلت دويات تنزلها واناناس وغيرة وغيرة ماخليت شي ومافاد يشد بطني علي كل ما اشربهم واستحمل عشان تنزل وهم ما نزلت.
بالاخير قررت اكل حبوب تنزلها واكلتهم يومين واليوم بليل ذبحني عوار بطني قلت بروح للمستشفى قالي ريلي نطري هالعوار لانها اكيد بتنزل قلت خلاص وبعد ما زاد العوار وداني .
دخلت عالدكتور وشافت السونار قالت البطانة سميكة ماسويتي تحليل قلت سويت ومو حامل قالت سوي دم انا اشك ان حمل فقلت دكتورة مااعتقد فقالت سوي احسن تحليل المنزلي مو مضمون . ورحت سويت وريلي يقولي انتي مو حامل خل نروح البيت ننام احسن قلت خل نسوي اشورانا . وسويت وقالت بعد ساعة يخلص قال باجر ناخذة قلت عفية خل ننطر وقال يابنت الناس انتي مو حامل لا تعبينا قلت كيفك فقال خل نروح اتعشى ونرد قلت اوكي .
رحت بعد نص ساعة اخذت التحليل قلت شنو وانا متأكدة بتقول سالب فقالت روحي للدكتورة تقول .
خذيت التحليل من ريلي واقرأ النسب وطلعت 289.67 قلت معقولة قال ريلي شفيج قلت حامل . واهو يقولي اقول يعني فاهمة انتي مو حامل لاتقصين على نفسج . وشككني
رحت للدكتور الا تقولي انتي حامل لج اربع اسابيع قلت دكتورة اكيد هالتحليل قالت اي 200%وطلعت وانا مو مصدقة .
صج الله قادر على كل شي ولا تصدقون كلام الدكاترة لان ربكم اذا اراد شي بيصير .
سبحان الله والشكر لله ادعولة وراح تلقونة يجيب دعوتكم فهو القادر على كل شي
ادعولي بنات الله يثبت حملي ويرزقني فية سليم معافى ، عسى ربي يرزقكم بالذرية الصالحة عاجل غير اجل فهو مجيب الدعاء الرزاق القادر على كل شي .
