يسعدلي مساكم كويتيات ،
يقولون الحلو لــ الحلوين .. ولعيونكم سويت هـ الحلو
سهل جداً .. وخطواته واضحه ونسبة فشلة : صفر !
لأنه راح يضبط من أول تطبيق فــ تشجعوا وسووه .. لذيذ وذرب
ينفع يتقدم في عزومه ، أنا سويته يوم اعزم رفيجاتي وكلهم خذوا طريقته مني وطبقوه
بسم الله نبدأ :
مقادير الكيكة :
1. كوب وربع طحين
2. كوب سكر
3. كوب حليب سائل
4. ربع كوب زيت
5. بيضة + فانيلا + بيكنج باودر
مقادير الحشوة :
1. ملعقة كاكاو بودرة
2. ملعقة نسكافيه
3. ملعقة سكر بني
4. ملعقه دارسين ( قرفة ناعمة )
مقادير الكريمة :
1. 4 حبات جبن كيري أو 3 ملاعق كبيرة من جبنة فيلاديلفيا )
2. علبة حليب نستله المحلى ( الحجم النونو )
طريقة التحضير :
1. تخلط مقادير الكيكة ويوضع نصف المقدار في قالب بايركس
2. ندخلها الفرن على درجه حرارة 180 درجه ، لين تنضج ( نقزها بعود أسنان اذا طلع منها نضيف
ومافيه عجين معناته ناضجه ) ..
3. نخرجها من الفرن ونزهب الحشوة اللي حطيت مقاديرها فوق مثل الصورة
4. نرشها على وجه الكيكة مثل الشكل هذا :
5. نصب عليها باقي العجين وندخلها الفرن ( نشغل الشعله اللي فوق بس ونسكر اللي تحت ، ونقصّر عليها لآخر حد )
عشان ما تحترق او ينضج اللي فوق وداخله مانضج .. نخليها لين تنضج على نار هادئه جداً .
7
7
7
6. بعد مانطلعها من الفرن نحطها بالثلاجه 10 دقايق بس عقب نطلعها ،
7. نجهز الخلطه اللي راح نصبها على وجه الكيكه وهي ( الكريمه اللي ذكرت مقاديرها فوق ) .
نخلطها أما بيدنا أو بالخلاطه الكهربائيه اليدويه لين تمتزج ، ونقدر نرش فوق الكريمه فستق مطحون
أو نفتفت عليها فليــــــــــك ، ونقصصها مربعات صغنونه ونقدمها بهذا الشكل :-
وبالهنا والشفــــــــــــــا
* ملاااحظه :
طريقة العمل سوتها رفيجتي عنّوون وصورتها فديتها وارسلتها لي عقب ما علمتها الطريقه
يعني تسلم أياديها .. وأفكاري :ggdw:
تشــااااااااااوز :tek:
