تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[7nooon24]

كملي عتيبيه ناطريج ي الحب

 

[يقولون مغروره]

ها عتيبييييه نبي التكمله بليييييز علي تاااار

 

[الجادل الخشف]

اهي خلصت القصه والا شنو

 

[3tebeya]

السلام عليكم ....



مساء الخيييير ..

بنات السموحه عالتأخير ..
ظروف ومشاغل الحياه ..


ريلي وايد متضايق وكان مني لازم اعاونه واهد كل شي ..


حتى زوارة اهلي ما اروح ولا اطلع الا الجامعه وبس ...



السموحه

ان قدرت بنزل لكم بارت يديد وبيكون طويل ومشكورين


مشكوره ع كل كلمه طيبه .. مشكوره لكل وحده سئلت .. مشكوره لكل وحده تدعيلي من قلب .. مشكوره لكل من اتابعني .. مشكورين بنات
احبكم

 

[فروحته]

الله يوفقكم و يسعدكم
ما عليه يالغالية معذورة و ربي يعينج يا رب
ناطرين البارت خودي راحتج
احبج في الله

 

[3tebeya]

مسااااء الخيير يا جميلات




طبعا مر شهرين والحال مو حالنا .. كنا بشكل يومي في بيت يدتي الله يرحمها .. محد متخيل شلون راحت .. عمتي حزتها كانت نفاس ..

ف تنفست في بيت امها ..
فراشها غرفتها ريحتها كل شي موجود وعلى حطته

ما كنت اتخيل شلون ماراح تكون موجوده ؟ وقعدتها ع الغنفه وريوقها وعشاها ..

جروحي نزفت من يديد .. اهو هالشي كان من ضمن الاسباب اللي ما خلتني اكتب وايد اشتقت لها .. الله يشهد علي اكتب وعيوني مغورقه ..

ما كانت تتشفق على احفادها كثر ما تتشفق على بنتي ..

الله يرحمها ويغفرلها ويرزقنا لقائها الجنه
اللهم ارحم جميع موتى المسلمين ..




قرر ريلي نروح عمره .. بحكم اللي رايحين عمامي واعيالهم وعماتي واعيالهم فما رضى اروح معاهم .. فقرر يروح معاي وبنتي بتم عند خالتي

كان تنفيس عن اللي فينا ..

امي ما تقدر ع طياره اذونها تقوم تعورها .. من ضغط الطياره .. فقلنا نروح سياره عشان امي .. ركبت امي معانا لان اريح لها وتاخذ راحتها اكثر من عمامي واعيالهم ..




كانوا في ناس مو عاجبهم ليش رايح .. !!
كان رد ابوي عليهم اهو .. ولي امرها ومحرمها واهو مسئول عنها .. مافيها شي زوجته وحبيبته يواسيهها وافضل من غيره لها .. كان كلامه لهم مثل السيف عليهم .. ما توقعو ابوي يدافع عنه بهالشكل ..

ريلي وايد زين مع ابوي ما يقوله حتى عمي ما يناديه الا يبه ويالغالي !!

لدرجة ابوي مسويله توكيل عام .. لان عاده واحد من عياله

بس الناس ما يحبون يشوفون غيرهم مرتاح ومتهني ..

تمينا ٣ ايام بمكه ويوم بالمدينه ..


شكليا ارتحنا او كل واحد يبين ان عادي بس من داخله مكسور ..

تقريبا سادس يوم وصلنا الديره ..
ووايد الامور تسهلت ولله الحمد



يا العيد ومحد له نفس .. اللهم اشترينا اي شي واي كلام سنه عن الرسول

عشان الصلاه ونعيد على اهلنا ..
اهل ريلي مالهم ذنب .. حاولت احط ميك اب بس ما قدرت الا شي بسيط .. ولبسي اقل من عادي .. بس قمت بالواجب لان مالهم ذنب ..

اهما ما قصروا حاسين فيني .. خوات ريلي كان ميك ابهم مو مبالغ فيه جدا بسيط وما كان في اغاني ولا شي ..

ريلي هم ما طلع اي مكان المكان اللي اروحله معاي ونرد مع بعض وبس .. حسيت اني مضيقه خلقه ويواسيني ..

فترة ٣ شهور تقريبا كنت جدا برود معاه مو انا ..
ما كنت ابي اتغير عليه .. بس مو بيدي ..

لمن شافتني امي وعماتي زفوني .. شلون جذيه مخليته وشلون وشلون

اللي راح راح واحنا اعيال اليوم ..
الزم ما عليج ريلج ..

قلت بعايده بطريقتي الخاصه ..


نطرت لمن بطلوا المجمعات .. ورحت شريت شي يديد
شموع بريحه يديده ..
كفر يديد
عطر يديد
حق حفله خاصه بيني وبين ريلي..

عقب خليت اخوي يردني البيت عشان اتزهب ..

وازهب كل شي قبل لا يرد ..
قلت حق حماتي خلي البنوته عندج اليوم وباجر لج الحلاوه طبعا استانست لووول وضبطت الشقه
بورد وشموع

زهبت الحمام بشموع وورد بالبانيو ..

قلت بدلعه لان من زمان مو مسبحته .. للعلم يوم وترك اسويله حركات من خلطات جسم عشان تنظيف وجلد ميت ..

زهبت البكيني .. تالي فطنت ان شوية كرشه :/ ما كانت واضحه بس حسيت شكلي غلط ..

رحت لبست فوقها فانيله مالته اهو ��

المهم جان ادزله مسج ..
ترا انا رديت البيت صدعت من الازعاج وما حبيت اشغلك ..

طبعا عصب وليش وليش .. وسده واهو معصب ..
ماكو ربع ساعه ما احس الا طخ طخ طخ يطق الباب .. لان كنت حاطه المفتاح بالعرض عشان ما يبطل اهو هههيهيهي ..

واول ما بطلت الباب انصدم من الوضع
اندهش واستانس وايد ..
يقولي ما كنت متوقع جذيه بتسوين


اثاريج عشام ادلعيني يالشيطانه ..
وايد استانس..
واللي استانس عليها اكثر حركة الحمام وانتو بكرامه ..

يقولي رديتيني معرس ..

واللي هبلت فيه ان لبست فانيلته ..
لان لمن تتنقع ماي تشف على الجسم ..

جربوها وماراح تندمون ..

وايد هالتغير .. اللي فاجئته فيه..
سئلته عاجبك اللي انا مسويته ..
وايد اعجبه ..


قالي

كنت داري ماراح تخلين هالشي يطول بتأثيره علينا ..
الحي ابقى من الميت .. قلت مابي انبهج ان في تقصير لان كنت عارف انج بتردين اللي اعرفها ..
رديتي واحلى من اول

واحلى ليله بالنسبه له من تروجنا ..
لان ريلي .. يحب الاكشن قبل المرحله الاخيره
يحب التشويق ..
يحب ادلعه

كل وحده وتعرف مففاتيح زوجها ..

مو شرط ريلي نفع معاه ينفع مع ريلج ..

نمنا تقريبا حروة ٥ الفير .. تسبحت وصليت ونمت ..

دعيت ربي الله لا يغير علي ولا يحرمني منه ..

واهو متعود ما ينام الا شابك ريوله علي ..
ساعات اني مقيده .. بس هالشي كفيل بسعادتي
لان ما يقدر ينام بعيد عني .. ما يعرف ينام الا جذيه .. حتى لو غفوه .. لازم اثنينا نغفي ..


الا بحاله وحده اذا البنت نايمه عندنا وهالشي غالباً .. يحضنها بدالي وينام ..

تقريبا مرت الايام لي شهر ٩ اللي طاف واحنا روتين عادي .. مثل كل يوم دوام بيت زواره وووالى اخره


لي ما يا هذاك اليوم الشئوم ..
كان رايح الشاليه بروحه وانا ما احب يروح بروحه ريلي يدوس ووايد اخاف..


واهو راجع .. سووا حادث وتعور وايد .
كنت احاتي .. صارت ٣ للحين ما وصل قالي طلع من ١٠ مت من الخوف ..


كنت احاول اشغل نفسي .. وحاولت انام بس قلبي نغزني .. حسيت فيه شي

كل ما ادق ما يرد ..
بدلت ونزلت ..

اشوف عمي قاعد بصاله .. وانا ريولي غصب تسحبني له بسئله عنه لساني انشل ..

غصب تكلمت ..
عمي ويهه قام يقط الوان وتعومس ..
ولا اسمع صراخ حماتي اخت ريلي .. بفهم شتقول احس الدنيا دارت فيني .. ما فهمت الا حالته حرجه يبه

والله يا بنات اكتب ودموعي بعيني .. الله لا يذكرها من ايام ولا تمر عليكم ..

انا لا شعوري رحت يبت عباتي ومفتاح سيارتي الي ما سقتها من متى .. نزل علي هدوء مو على احدد .. دقيت على امي قلت لها تعالي المستشفى سو حادث .. اتكلم بكل هدوء ..
والله يا بنات بدون مبالغه بطني مغصني الحين ..

ركبت معاي حماتي وعمي وصيت الخدامه على بنتي وطلعت ..

حطيت في بالي حادث بسيط كسر ولا رضوض

لمن وصلت .. كان بالعمليات .. يخيطون جروحه اللي بويهه ..

كسر بالايد اليمنى
رضه بالرقبه
جروح بالويهه
الام بالظهر ..
وكسر ريله اليسرى.
و٨ غرز براس

شلون تحمل ،؟!
من شفته ما مسكت اعصابي بجي واحمد الله على اللي فيه اهو
عطوه مخدر عشان الام ظهره وعشان ينام ..

المستشفى انقلب بربعه واهله ..
امي واخواني وابوي يوو ما توقعو جذيه على الهدوء اللي كلمتهم فيه ..
عبالهم حادث بسيط .. وسهل

بدش عليه ما قدرت لان ربعه عنده .،
قلت لابوي فضلي المكان بندش

قالهم ياجماعه زوجته وامه وخواته بيدشون

طلعو عاد اهما ..
الويهه كان ملفوف مع راس
الرقبه مجبصه

ما تحملت اشوفه جذيه ما كان واعي بلي حوله من المخدر ..

تقريبا قعدنا نص ساعه وغصب ردوني البيت .. اويح وارد.. رديت البيت تقريبا ع ست ..

رحت زهبتله ملابس ..
وتسبحت وبدلت وسويت قهوه وشاي للي يزورون..

على ١٠ رحت كان واعي وعنده جم واحد من ربعه ..

اول مادخلت ما كنت ادري عنده احد ما توقعت يعني ..

شفتهم جان ارد وقالي واحد منهم حياج ام جود ..
وطلعو اهما بالاستراحه ..
كان غصبني يسكتني .. ويمسح دموعي .. ويقولي مافيني شي كاني جني البخت ..

كان يصبرني على الالم اللي يحس فيه ما يبيني ابجي زياده ..

كان الاكل مركون مو جايسه ريوق المستشفى ..
عاد دش واحد من ربعه ..
بيسلم ان بيمشي وقالي ترا حاولنا فيه يتريق ونوكله ما رضى

محد يقدرله الا انتي ..
قال اهو ،. اخسي ما اكل من ايدها ناطرها اتيي وتوكلني .. رفيجه مات من ضحك.. ما كنت مهتمه للموضوع ان يضحك..

طاف وخليته يتريق غصبن عليه ..


التكمله بالبارت الياي

 

[فروحته]

حبيبتي عتيبية اولا الحمدلله على سلامتج
والله ولهنا عليج و حيل فقدناج خاصة انا
انا سافرت و كنت اشبك من هناك اشوف ادا نزلتي البارت اولا
الله يرحم يدج و يغفر لها و يجازيها خير على تربيتج الحسنة
والله معاج حق حتى لو نحزن الي حولنا مالهم ذنب
خاصة الريل لازم نهتم فيه و زين انج حسيتي و رديتي له
ربي يسعدكم و يوفقكم يا رب

لا حول ولا قوة الا بالله والله حيل اثرت فيني
قدر الله و ما شاء الله فعل و المهم ان تحسن
و قام بالسلامة و الله يعينج صراحة تخيلتها قلبي عورني
الله يخليكم لبعض و يحفظكم طول العمر

 

[Gatwa DaloO3a]

في بعض الاشيا شدتني بهالموضوع ... فيه شي ايجابي و مليان حُب .. لدرجة اني لما اخلص اشتاق اضم زوجي هههه

الله يخليكم لبعض

 

[مني يغارون]

ياعمري ذكريات حزينه من قلب
يلا ان شاءالله آخر الأحزان
الله يرحم جدتك ويغمد روحها الجنه يارب
ويديم المحبه بينك وبين زوجك ويخليكم لبعض يارب

 

[ha11]

اييااا عليييييج بكككيييييييييييتتتتت ������������������


طهووور ان شااء الله تاابعي عتيبييه
الله يخلليككم وببعععد كلل عييين عنننكمم ������

 

[ام يارا القمره]

يوم قلتي انا عتيبيه
قلت في نفسي والنعم والنعم والنعم
معروفات العتيبيات بالقوه وياخذون حقهم بالقوه ماحد يقدر عليهم حتى ازواجهم مايقدرون عليهم
عندهم جمال شي شي جمال من ربك وخدودهم ورديه بدون بوتكس ولايحزنون
ربات بيوت درجه اولى
سنعات
فلا تستغربون الي كتبتها عتيبيه لان لو اقول عنهم ماشاء الله عليهم
صديقاتي عتيبيات وانا شمريه بس اتمنى اكون احد من اخواتي يتزوجون عتبان

 

[كــرستال]

الله يعطيج العافية عالنصايح و العبر من الموضوع
و نفس شعور الي فوقي لما اقرا الموضوع احس بطاقة ايجابية و اشتاق حق زوجي
الله يتمم على الجميع السعادة و الحب و الف الحمد لله على سلامة زوجج موقف صعب الحمد لله عدى على خير

 

[أحلام امرأة]

متـــابعة وبصمت



أول مشاركة لي ..

وتسجيلي أصلا بعد ماقريت موضوعج ..:3lm1:

بس ماقدرت أكمل الصمت إلا أعلق

الله يهنيج ويسعدج

مستمتعة بقراءة الاحداث

واصلي ​

 

[3tebeya]

ام يارا القمره ..
يعجز لساني عن الرد عليج .. مشكوره يا بعدهم.. اخجلتيني والله .. ونعم فيج يا بنت الاصول .. ما عليج زود بعد عمري ..



كرستال .. هذا اللي ابيه ايجابيه تشتاقين لريلج تغيرين اسلوبج لان مالج غيره من بعد الله



احلام امرأه ..
شرفتيني يا بعد قلبي ..


ومني يغارون .. فروحته .. ha

وكل البنات تسلمون بعد قلبي كلكم ..


بحاول اكتب بس ما اوعدكم فديتكم
يالله كل وحده تقوم تسوي مساج لريلها وتريحه عقب التعب .. بدكير منكير .. دلعوهم

 

[Miley-Cyrus]

حبيبتي الله يكون بعونج بجيييت

 

[الشيخه3]

حلو كثير ان احنا ننصح بعض ونطرح تجاربنا لكن مش لبالتفاصيل درجة اني اكتب اللي يجري بيني وبين زوجي بالفراش . نصيحة حافظوا عاى اسرار بيوتكم وربي معكم

 

[حلم *]

بالنسبه للي فوقي تراها ما ذكرت اي تفاصيل من اللي في بالك
تعوذي من ابليس وانا اختك خخخخخخخخخ
**********
ياااااا حبيبتي
عسى ما تشوفين شر لا في حبيبك ولا في غواليك ياااااارب
والله يحفظكم ويديم السعااادة
والله انا نفس أحلام امرأه ما سجلت بالمنتدى الا عشانك والله♡♡♡♡♡
ننتظرك يا قمرررر

 

[حلم *]

بالنسبه للي فوقي تراها ما ذكرت اي تفاصيل من اللي في بالك
تعوذي من ابليس وانا اختك خخخخخخخخخ
**********
ياااااا حبيبتي
عسى ما تشوفين شر لا في حبيبك ولا في غواليك ياااااارب
والله يحفظكم ويديم السعااادة
والله انا نفس أحلام امرأه ما سجلت بالمنتدى الا عشانك والله♡♡♡♡♡
ننتظرك يا قمرررر

 

[ام يارا القمره]

دقيت عليه وعيونه شرار .. تحادل معاه بالكلام وقاله قانون دولتنا ودولتكم ما عطاك الحق انك تتعرض الناس .. وحرياتهم تدخلو الامن اللي هناك وخروهم عنا .. بكل صراحه يعني حسيت بقيمة ديرتي .. حسيت احنا بنعيم .. صج الناس ينقدون بس ما يسون جذيه .. بنات السعوديه الله يعينكم ..
انتم وش سويتم بالعكس اشوف الشرقيه وجده والرياض البنات بس يحطون عبايه على الكتف ويكشفون شعورهم
ماادري سالفتك لها كم سنه
تغيرت عن اول الا من رحم ربي اذا وحده ملتزمه والهيئه بس تنصح والبنات ترادد عليهم بصوت عالي
وزوجي الحين في وزاره العمل بالرياض تعالي شوفي اختلاط وكشف الوجهه والعطور الي تصك الراس
يعني زمن الالتزام الامن رحم ربي قل يارب يستر على بناتنا

 

[مورغن]

أب
أب
Up
وايد استفت منج
ربي يسعدك ويوفقج