تعالو اقرو قصتي ..~

[آلــريم]

السسسسسلام عليكم ورحمة الله وبركآته .,


صبآآحكم عسسسسل يآعسسسولاات .,


سسرآآحة ان احب ادش هالقسسسم كثير صح اقرا واطلع بسسس وربي احس فيكم

واحسسس بكل الم وحده لاني آعاني مثلكم بس الحمدلله على كل حآآآل

دايم ادشش واقرا سالفة كل وحده فيكم واحس فيها وادعيلها من قلبي .,


وافررح معكم واحزن معكم مع اني مو مشششاركه بس سبحان الله

لاننا على قلب واحد ونطلب شي واحد وهو الحمــآل والرزق من ربي


بنــآت بقوولكم سآلفتي .,


انا لي ثمان سنين متزوجه وربي ماعطاني والحمدلله على كل حال .,

بنات وانا ماكملت سسنه اراجع بمستشفيات ماخليت مستشفى االا وطبيته

اتعالج فتره وامل وبعدين ارجع لمستشفى ثاني واتعالج واخليه المهم اخر ششي سسويته والعلاج الاخير

الصبغه عقبهاااااا قلت والله ماعد اطب مستشفى خلااص

وطبعا ماخليت دايه الا رحتلها غير المستشفى .,

طبعا يعطوني اسباب منوعه مرات يقلون قرحه وكويتها ..!

ومرات يقلون هرمونات حليب وتعالجت عنهآ ..!

وعطوني ابر تفجيريه وابره منوعه واستخدمتها يعني ذقت انواع العذاااب

سويت الصبغه وتمنيت اني اموت على اني اسويها شفت الموت بعيوني بنات انا سمعت الي يسسون لها صبغه يبنجونها اهم مابنجوني ..!


المهم خلاااص تعبت واخر دوره جتني 23 /1

اول مممره اتكدر وازعل واصيح صحيح اني ازعل احيانا بس مو لدرجه هاذي ..؟


بجد ضضقت وتعبت نفسيتي وقررت اني اسوي عملية انابيب وقلت لزوجي ووافق

ورحت لهم وسوو لنا تحاليل انا وزوجي وجيتهم الخميس الي فات وسويت اشاعة سونار

وبعدين دخلنا على الدكتور وانا كنت خايفه انه يقول بتحاليل شي او اشعتي

بس الصدممممه يبنات اني تحاليلي طلعت سلييييييييييييمه ..!

اشعتي طلعت ولااحسسسسسسن وبويضاتي كباااااااار مممره ..!

ويقولي الدكتور انتي سليمه مافي اي شي يمنعك ..!

المهم زوجي سوا بعد زواجنا بسنه عملية دوالي وكانت الحيوانات المنويه ضعيفه وتعالج عنها وسووا تحاليل وكل شي والحمد لله تمام يعني زوجي بعد تعب مثلي واخذ ابر وحبوب وكل شي


بسس الصدمه ان الحيوانات المنويه لرجل العاديه 20 مليون

وزوجي طلع عنده 4 مليون فقط ؟؟

انا هنيه انصدمت وزوجي مبسسوط يعني على اساس انها زايده مستانس

المهم انا ماوضحت له شي وسويت نفسي مبسوطه وكل شي

بس انصدمت اكثر لما قالي الدكتور انتم ماينفع لكم غير انابيب ..؟

اثرت فيني كثير ..!

قالي الدكتور روحي الشهر هذا لين تنزل الدوره وتعالي

بنات انا من عقب ماغسلت من الدوره وانا بديت اتهجد بسسورة البقره واسسستغفر كثير

الحمد لله يعني ان ششششاء الله ربي يرزقني من غير انابيب ولاغيره

انا ماحسست زوجي بشي بلعكس قلت الحمدلله حنا كويسين وهو مستانس .؟

المهم بنات حبيت اكتب سالفتي


ويارب يارب ترزقني ويرزقكم رزق طيبآآ

دمتم بحفظ الرحمن

 

[hazel eyes]

الله لايضيع تعبج ويرزقج ويرزقنا بالذريه الصالحه المعافاه اللهم اميييين

 

[بنتـ المملكه]

يارب يرزقك بالولد الصالح

قولي امين

 

[آلــريم]

جزآآكم الله الف خير حبيباتي


يعطيكم العافيه

 

[ابدا يالغالي مانساك]

بعد رووووحي ان شالله ماتطولين بهالقسم وتتركينااااا وتوكلي علي الله تعالي وخليج مؤقنه ان ربج كريم وبيرزقج ان شالله ولاتعبي نفسيتج ولا شي هذا امر الله انا كنت نفسح لانزلت علي الدوره ابجي وتضايق والحين الحمدلله صرت مومنه بالله ولانزلت اسجد لله سجدت شكر وان شالله ربي يرزقني هالشهر ياااااكريم

 

[آلــريم]

اميـــن يارب

مشششكوره ياقلبي

يارب ارزق كل محرومه يارب


اذا شفت حالت غيري تهون علي حالتي

عممي له فوق عشرين سنه وربي مارزقه حممدلله انا مؤمنه


المهم بنات بسئلكم زوجي لما حلل قالو له عنده تششوهات بلحيوانات المنويه وشهي ذي احد يعرف شي


وهل تمنع الحمل .؟؟

 

[أم علي الرفاعي]

حبيبتي
دام زوجج عنده تشوهات
سألي الدكتور
هل زوجي كل حيواناته مشوهة
والا في المشوه وفي السليم ؟؟!!

واذا كان جوابه الثاني
لاتحاولين تحملين طبيعي
خلي الحمل عن طريق الأنابيب
لأنه بهالطريقة الدكتور راح يختار احسن
حيوان لأحسن بويضة عندج وبجذي
راح تتجنبين ولادة طفل معاق !!
لأن بالحمل الطبيعي يكون التلقيح بطريقة عشوائية

ان شالله يكون عنده حيوانات سليمة
وانا اقول لايأس مع الحياة
ولا حياة مع اليأس

بذلي الأسباب وشوفي ربج شلون يعطيج

الله كريم وأكرم الأكرمين
ولا يبخل على عبده
هذا اختبار من رب العالمين
يمحصنا بالهموم تالي يرزقنا
كوني على يقين

 

[ثنايا الورد]

الله يرزقج ويرزقنا حبيبتي
وترى مع الحيونات المشوه مايحصل حمل
وان حصل يطيح بسرعه لانه يكون ضعيف
عشان جذي التلقيح احسن حل عشان يكون في
فرصه الطبيب يختار افضل واسلم واقوى
الحيامن ويلقحوها بالبويضه
دعواتي لج بالتوفيق واليسر

 

[قمر كويتي]

الله يرزقج يارب بالحمل السليم بهذه السنه ويفرح قلبج يارب ويفرح قلب كل وحده وحدها تحمل يالله سبحانه قادر على كل شي

 

[الزيـــــ^^ـــــن]

حبيبتي لاتفكرين بشي انتي اللحين عرفتي سبب منع الحمل خلاص توكلي ع الله
وسوي الانابيب ترا والله العمر يمشي وانتي صارلج ٨ سنين موشويه // لاتزعلين من كلامي
لان لو انا بمكانج راح اسوي الانابيب // ابذلي الاسباب وان شاءالله ربِ مايخيب رجاااج
وعسى ربي يرزقج الذريه الصالحه المعافاه

 

[آلــريم]

مشششكورين يبنات

من جد حمممدلله على كل حال

انا راضيه بقضاء الله وقدره

ومافي على الله مستحيل


اللله يرزقنا جميعآآ

 

[عــود كمــبودي]

الله يرزقنا جميعاً

 

[KOKO_284I]

سوي انابيب حبوبه ليش زعلانه

وتبين نصيحتي

سوي حجامه انتي وريلج وابشروا بالنتايج

واذا تبين رقم احد يسوي راسليني عالخاص

 

[آلــريم]

حبيبتي جزاك الله خير

زوجي سوا حجامه


وعلى فكره انا من السسعوديه يعني مو من اهل الكويت


يعطيك العافيه

 

[boliana_q8]

الله يرزقج الذرية يارب
حبيبتي ان شاء الله تحملين بدون علاج
بس هم الواحد ما يحط ريل على ريل ويقول ابي عيال
روحي سوي طفل انبوب
واتوكلي على الله
العمر يمشي ويروح
لا تنطرين اكثر


الله يرزقج ويرزقنا الذرية الصالحة

 

[جنون الهوى]

الله يرزق بالذريه يارب

 

[aseel &soso]

حبيبتي الله يرزقك وخلي ايمانك قوي بالله والله يرزقك ويرزق جميع متمنيات الحمل آمين يا ارحم الراحمين ادعو لي بالذريه الصالحه

 

[Dodo80]

حياتي نصيحة مني لج اتوكلي علي الله وسوي عملية الانابيب ادري كل شي بيد رب العالمين بس لازم يسعى العبد ليش ناطره كل هالمدة في بنات ينطرون سنة وحده اذا ما حملوا علي طول يسوون انابيب مع انه تحاليلهم سليمه وصغار بالعمر لاتترددين خلي ايمانج برب العالمين قوي وابدي بهالخطوه ونبي نسمع اخبار حلوه انشالله

 

[سااره]

عســـآ الله يسهل اموركمــ ..ويرزقج عاجلآا غير آآجل يا رب العالمين ..
وعلا نياتكم ترزقزن ..
توكلي علآ الله ...والله لا يخيب رجآكمـ يا رب..

ويرزقج بالتوأم السليم المعافآ يااا ربْ,,,

 

[خطف قلبي]

الله يرزقج بالتوم السليم ياااااااااا رب
توكلي على الله و سوي أنابيب
الله يرزقنا جميعاً