تعالو ابيكم بكلمه راس يالمتفوقات

[اميرة بطلتي]

:yaaaaaarb::yaaaaaarb:
بنات انا وايد احاتي نسبتي ب12 لاتقولون لي مو وقته وتو الناس
انا بالادبي وصارت لي ضروف ب10وكملت ل11 بس الحمدالله خلصت من عندها تقريبا
بعاشر نسبتي بالستينات <<<ادري حدها تفشل بي احمدربي طلعت من عندها بعد المشاكل الي صارت لي
و11 يبت نسبه ب80
الحين افكر ب12 بنات ابي اشد حيلي ابي اسوي اي شي عشان ضحكت امي وابوي يمكن مكبره السالفه بس انا من قبل مستواي يهبل بس ضروف ومشاكل عفيه فيدوني طرق الدراسه الصحيحه ابي اتفوووق ابي امي تستانس والي بالادبي تقول شنو اكثر ماده واجهتها صعبه ب12ويبيلها دراسه يالله يالتفوقات فيدووووني :eh_s(7):


وعسى كل من ترد علي ربي يرزقها الي تتمناه :eh_s(16)::eh_s(16):

 

[اميرة بطلتي]

افااااا وينننكمممم

 

[احب المدرسة]

اول شي حضري حق الدروس
يعني آخر سنةة لج طلعي حرتج فيها
كل ما تاخذون درس ردي راجعيه ودرسي حق الدرس اللي عقبه عشان بالصف تشاركين وتضمنين درجةة الشفوي
دفاترج سطريها ورتبيها خلي الابلةة تحب تاخذ دفترج
ووقت الامتحان لما بتدرسين مو تدرسين كلمةة كلمةة , اول شي اقري وفهمي شنو مكتوب وتالي روحي حق اللي عقبه وجذي
وانتي تدرسين لخصي بخط ايدج عشان تثبت المعلومةة اكثر
وعقب ما تدرسين تخلصين ارتاحي ساعتين وردي راجعي مره ثانيه
واول ما تقومين هم ردي راجعي
وموفقةة يارب

 

[بنوته الحلوات]

أولا عندج شفوي هالدرجات حافظي عليهم داايم وحتى لو واجب صعب كتبي اي شي حاولي لانه الابله ما تحاسب اذا صح ولا غلط هذي ابسط الاشياء لا تضيعينها
ثآنيآ الحاسوب والبدنيه والقران عليهم درجات يرفعون معدلج وبجذي لج فرصه لرفع المعدل للمستوى اللي تبينه فلا تهملينه كلش كلش حاولي تاخذين فيهم درجة كامله
من آسباب التفوق
المشاركه
المراجعة
عدم الاهمال
وقعدي جدام احسن افضل لانه في بنات مشاغبات يسسسون اي حركه تلفت نظرج وبجذي ما راح تركزين انا دايم اقعد ورا بس هالمره بقعد جدام
ودراسة اول بأول هذي بترتاحين فيها واييييد ترتاحين حييل لانه ما تحاتين الدراسه بوقت الامتحانات واييد .. لانج دارسه اول بأول
هذا اذا سويتي جذي بتتفوقين 100٪ لانه ما يبيله شي واييد التفوق بس بالدراسه اول بأول وشفوي كامل ..

 

[اميرة بطلتي]

مشكوررررين الي ردو وياعسى اجييب نسبه عااليه يارب دعواتكم

 

[Miss Basma ..}]

شوفي حبيبتي
التفوق شي حلو و سهل بالمدرسة لدرجة أن في بنات ما يدرسون للامتحان إلا قبلها بيوم أو اثنين و يتفوقون
بس هالشي حيييل متعب و مو الكل يقدر عليه
فلو تعطين كل مادة حقها تقدرين تتفوقين بسهولة
بس كل مادة لها طريقة دراسة مختلفة ، و هالشي يعتمد عليج أنتِ و مستواج فيهم

أول شي شنو المواد المهمة و بنفس الوقت تقدرين تضمنينها لو تعطينها حقها ؟
مثلا الجغرافيا و التاريخ و الفلسفة نوعا ما ثقيلة ، شتسوين فيهم ؟
1- تحضرين للحصة قبلها بيوم في بيتج
2- جاء وقت الحصة شتسوين ؟ راجعي الدرس اللي طاف على ما تجي الأبلة و تحط أغراضها
3- اليوم اللي خذيتي فيه جغرافيا مثلا ،، ادرسي الدرس بنفس يومه (( حتى لو كان يوم الخميس ))
4- يوم السبت مراجعة شاملة حق اللي درستيه ، طبعا راح تخصلين بسرعة لأنج أصلا درستي 3 مرات
يوم الجمعة خليه عطلة لج لا تدرسين شي أبداً
طبعا النظام هذا حق المواد الثقيلة فقط ، شرايج لو طبقتي هالطريقة ، شنو بتسوين قبل الامتحان بيوم ؟
أنا سويت هالطريقة بمادة رياضيات بالجامعة ، تصدقين قعدت نص اليوم عالنت من الفضاوة الزايدة قبل امتحان الفاينل بيوم و خذيت قريد عالي بعد

الحين المواد الثانية
عندنا عربي ، هالمادة صراحة أنا غاسلة إيدي منها ، الشي الوحيد اللي شاطرة فيه نحو ، كنت أدرس هالمادة قبل الامتحان بيوم لأن شكثر تجي أسئلة يبيلها فهم و ما أعرف لها ، عاد أنتِ شوفي شنو يناسبج مع هالمادة

الانجلش ،، هالمادة همن كنت أدرس لها قبلها بيوم ، بس أنصحج تدرسين معاني الكلمات أول بأول لأنهم وايد و حيل راح يسهل عليج
و باقي المواد سهلين ، شوفي اللي يناسبج معاهم

إن طبقتي اللي قلته برتاحين حيل بالدراسة ،، و ترا ماله دخل اللي يعيبون على اللي تدرس أول بأول أنها تاكل الكتاب و غيره و أن ما عندها غير الدراسة ، حالها حال الباقي
اللي تدرس أول بأول هي أكثر إنسانة مرتاحة بدراستها ،
أنا بالمدرسة كنت أراكم وايد دروس بس أتعب بالدراسة للامتحان عشان أتفوق
بس يوم دشيت الجامعة غيرت من طريقتي عشان أرتاح و أضمن أعلى درجة أقدر آخذها
بأيام الامتحانات عادي أطلع من البيت ، أدخل النت على راحتي ، لدرجة ما حسيت بفرق بين الدراسة و العطلة ، هذا اللي بيصير إن نظمتي وقتج

و بالتوفيق :eh_s(15):

 

[اميرة بطلتي]

اول شي حضري حق الدروس
يعني آخر سنةة لج طلعي حرتج فيها
كل ما تاخذون درس ردي راجعيه ودرسي حق الدرس اللي عقبه عشان بالصف تشاركين وتضمنين درجةة الشفوي
دفاترج سطريها ورتبيها خلي الابلةة تحب تاخذ دفترج
ووقت الامتحان لما بتدرسين مو تدرسين كلمةة كلمةة , اول شي اقري وفهمي شنو مكتوب وتالي روحي حق اللي عقبه وجذي
وانتي تدرسين لخصي بخط ايدج عشان تثبت المعلومةة اكثر
وعقب ما تدرسين تخلصين ارتاحي ساعتين وردي راجعي مره ثانيه
واول ما تقومين هم ردي راجعي
وموفقةة يارب[/quot


حياتي اجمعيييين ومشكووره

 

[اميرة بطلتي]

شكراا للبنات الي جاوبوو ودعواتكم عفييه

 

[أإلع ـشق دلع ـهـأإ]

ماشاء الله عليج دام هدفج التفوق ورضا والدينج باذن الله بتتفوقين


شوفي حبيبتي الدراسه سهله بس يبيلها مجابل طبعا علشان تتفوقين. والحين ماشاء الله سهلوا عليكم

يعني الفاينل تدرسين فصل بس اما ع ايامنا ندرس تخيلي فصلين يعني كتابييييين تخيلي الضغط ومع هذا في بنات تفوقوا واللي جابت بالثمانينات

لاتخافين وتوترين دامج مجتهده

بنصحج

العربي والانقليزي اقوا نسبه بالادبي يعني لازم تشدين حيلج فييييييهم

اهم بالذات جيبي لج مدرسين وخليهم يعلمونج ع القواعد والنحو وشلون الدراسه

وبوقت الدراسه شنو عطتج الابله ردي ودرسيه وحلي واجبج ودرس باجر اقريه قرائه وتركيز بس

لاجا وقت الحصه بتكونين فاهمه الدرس وبسرعه تثبت المعلومه

كل شي اول باول مع مراجعه للدرس اللي بعده خلاص يتركز بمخج

وقت الامتحان درسي عدل وتوكلي ع الله وباذن الله بتجيبين اعلى النسب