تعالوو اقولكم تجربتي مع غسالة الملابس واكيد فل اوتومتك ....

[بيت التوت]

[COLOR="[SIZE="5"]السلام عليكم ورحمةالله وبركاته



يابنات والله من كثر مانقهرة قلت خن اكتب تجربتي ع شان محد ايطيح بنفس الغلطه

من خمس اسنين وانا اعاني اشتريت غساله للملابس فل اوتومتك

ماركة ويربول من الغانم الله وكيلكم ماتغسل عدل وماتنظف البقع وبذات ملابس

الاطفال ومايصير استعمل اي نوع تايد لازم ايريل زهقة خمس اسنين وانا

علي هالاريل وكلما غيرته اختربت ورديت عليه

قلت لهم الغساله ماتنظف قالو اغسلي الملابس مرتين يعني اتخلص دوره

عطيها وحده ثاني بس مافاد حرام مرات اشتري لعيالي ملابس غاليه والوانها فاتحه

وان توصخة خلاص انسي انها تنظف لما اروح بيت اهلي اغسل ملابس اعيالي

عندهم تنظف اشزينها اتصير لان غسالتهم عاديه

ولا النشافه بعد ميزتها بس انها اتنشف لج ابسرعه وتنفع حق اللي بشقه

وماعندهم مكان ينشرون فيه وعيوبها اذا عطية الملابس مدة تنشيف ازياده

اقصرة الملابس تصورو ولاريحة التايد ماتبين ولاالنيلور وصارت ريحت كبت

اعيالي اتلوع الجبد هدية التنشيف وصرة اغسل بس والنشافه مقطوطه بس جذي

لافايده ولاعايده والحين انا مدبسه فيها وزوجي موراضي يشتريلي

غساله عادي ايقولي قلت لج لاتشترينه ومارديتي علي تستاهلين

اهئ اهئ يعني عقاب [/SIZE]DarkRed"][/COLOR]

نصيحه نصيحه نصيحه

خلوكم علي الغساله العاديه والله

مافي احسن ولا انظف منها والله ايسلم الخدم

وهذي تجربتي احتسب الاجر فيها



وكل الشــــ شوق وحنين ــــــكر

 

[لطوفه]

اي والله صح كلامج انا كانت عندي وحده مافادتني ,,والله اللي فادتني الغساله العاديه........ومثل ماقال المثل (((عتيج الصوف ولا يديد البريسم))) طبعا المثل ماله علاقه بالموضوع بس مشو ياللي تقرون الموضوع

 

[قمه النعومه و الأنوثه]

مشكوره اختي على نقل تجربتج عشان نستفيد وان شاء الله اتغيرين غسالتج​

 

[امون حبيبة زوجها]

انا غسالتي فل اوتوماتك وتهبل ومن الغانم

حرام تتقارن بالغساله العاديه اشجاب الصصصين للطين

الغساله الاوتوماتك اريح وانظف وانا احط كمفورت وتلزق الريحه الحمدالله وتهبل وتنظف

هذي تجربتي

بباي:eh_s(8):

 

[ساندى]

انا عندى العادية ودى اتشترى الفل اوبشن تنصحونى فيها
اللى جربو الفل اوبشن بعد العادية فرق معاج ولا لا تكفون قبل لااشترى قولولى اشترى ولا العادية ابرك

 

[farawla_q80ia]

انا غسالتي اسمها سبيد كوين فل اوتوماتيك شاريتها من الرحاب محل مقابل الصيدلية بس صراحة خوش غسالة

 

[عروبه]

شكرا اختى
بس مو كل غسالة تعطى نفس النتيجة
انا توى شاريه غسالة بوش من العبد الوهاب تنظيفها روعة الكفرات الخام والفوط وملابسى حتى دشاديش ريلى تطلعهم روعة
بس يمكن انتى ما عرفتى تستخدمين برامجها ؟
اى غساله بالدنيا لها عدة برامج للغسيل الخفيف والشديد الاتساخ
ولها عدة خيارات اذا اللى تغسلينه اقطان لازم تحطين على برامج القطن
وفى الغسيل على درجة حرارة عاليه هذا يطلع ابو الوسخ
وانتى غسالتج ويرلبول ترا من الغسالات اللى ماخذة المراكز الاولى عالميا
ومجربه سوى سيرج باى محرك بحث تلاقين الكل يمدح فيها
وشكرا [/B]

 

[xxx]

عاد انا قاعده افكر آخذ الاوتوماتك

موضوعج حيرني أكثر ..

بس وايد ناس قالو ماتنظف عدل من جذي ترددت

قلت خلني على غسالتي وعندي نشافة تنشف 100%

 

[أم شهاب]

تصدقين عاد أنا عندي مثل ماركة غسالتج ووااااااايد إستعمالها حلو لي درجة حماتي إشترت من يوريكا غسالة هم اوتوماتيك بس طلعت ولابيزه ونصحتها إنها تروح الغانم وتييب مثل غسالتي وفعلا شرتها والله إنها تقول إنها عجيبة وإستخدامها حلو، بس الظاهر إنتي ماعرفتي لها والمفروض من البداية تحطين ستيكرزات وتشرحين عليهم وتلصقين كل ستيكرز على الصوره علشان يسهل عليج بدال ما كل شوي اتفتحين الكاتالوج .

 

[نوارة 28]

انزين خواتي انا بشتري الغساله الي تغسل وتنظف الملابس من الصابون وتنشف شتنصحوني فيه

مع تحياتي

 

[bnt q8 in usa]

انزين الحين الي عندهم فل اوتماتيك وغسالتهم اوكي خل تحط الماركه عشان الكل يستفيد

 

[مرايم]

مالكم الا القديم

 

[Q8tya_GirL]

انا عندي نفس غسالتج واير بول بالعكس وايد زينه
واطلع الملابس وايد انظاف ماشفت منها اي مشكله

 

[رفرف]

وانا نفس نوع غسالتج وزينة اتنظف واسهل من الغسالة العادية ...

 

[b6o6a]

انا عندي مثل غسالتج

جربي ما تحطين هدوم وايد

بس مو شرط اريل !

 

[عروبه]

بوش 6 كيلو
نظفت فيها ستاير صالتى الكبيرة تقريبا 11 قطعه بيوم واحد
حتى العازل اللى يجى ويا الستاير غسلته
والكمفورت ريحته تكفخ ببيتى

كرفتها كرررررررررررررررررف
والصابون استخدمت اومو وايريل وبيرسيل
احسن واحد اومو
وما اشتكيت منها ابد
عمليه وسريعة وتنظف عدل وفوق هذا كله ما كو اهتزاز او صوت عالى
اما الغسالة العادية ف
الله المستعان
والله ساعات اقول شلون كنت صابرة عليها

 

[ام ناصروحنين]

ال جي من يوريكا

7كيلوماشاءالله تهبل وفيهاخاصيه للهدوم الحساسه

مثلاقمصان النوم اوالعبي اوالشيل اوالحرايروشرينابدل الوحده 2

ماشاءالله لاقوة الابالله

 

[عنايد]

ترا مرات الشركات يبيعون اجهزه خربانه نفس طابعتي اللي خذيتها من الغانم مو مترقعه كللش تخيلوو من خذيتها وانا اصلح فيها من قبل لا استخدمها اصلا ما اشتغلت ويوم رديتها لهم قالو مالنا شغل روحي الوكيل

 

[روزالكويت]

يمكن صج خربانه ولا فيها عله وغشوج فيها..
انا شريت من الغانم اوتي البخار الكل يمدحه وماشيه معاه الا انا من شريتها تتفل الماي وتبقع الملابس وحرقتنى كذا مره يوم وديتها قالولي موشغلنا نصلحها مافيها شي خذوها اسبوع غصب عنهم ورجعوها لي تيتي تيتي مثل مارحتي ييتي <<<<فضفضت باطين جبدي الغانم

 

[نوارة 28]

يعني منو الاحسن واير بول والا ال جي


مع تحياتي